هذا هو العشق💕الحلقه 12💕

الفصل (12)

جنى انا رجعت

بسام : : : : وهو لا يزال يسمع
مش عارف ارد بايه بس لو مت دلوقتى هاموت و انا سعيد

جنى : : : : بعد الشر عليك

بسام : : : :بجد يا جنى انتى تقصدى الكلام ده ؟؟ اقصد كلام الاغنيه ؟

جنى : : : :لا يا بسام : : : باشتغل فى ما يطلبه المستمعون

بسام : : : :انت قلتيلى بسام متاكده ؟

جنى :انت باين عليك شكاك يا بسام ، ايوه قلت بسام بس بالكتابه لسه مش واثقه انى اقدر اقولها بلسانى

بسام : : : :انتى كل حاجه مش قادره تقوليها بلسانك ليه كده ؟

جنى : : : : هاهاهاا

بسام : : : :بتضحكى ليه دلوقتى

جنى : : : : :عشان اللى يسمع كده يقول انك انت مقطع الدنيا كلام

بسام : : : :مهو انا زى ما قلتلك ما اقدرش استغل ثقة والديك فى و وجودى فى بيتكم عشان اتكلم معاكى و كمان فى الكليه صعب عشان مش حاستحمل حد يقول عليكى نص كلمه و برضه بره الكليه صعب لنفس السبب فاحنا على الشات لحد ما يعنى لو وافقتى اتقدم لك

جنى قد فشلت فى اخفاء سعادتها : بجد يا بسام بتخاف على

بسام : : : :طبعا و اللى زيك ما ينفعش يتعمل معاها غير كده ، لازم تكونى خطيبتى الاول بس الموضوع ده فى عقبات كتير و انا حاكلمك بصراحه انا خايف اوى يا جنى

جنى : : : : : من ايه بس

بسام : : : : : انا انسان عادى و ساكن فى بيت عادى و والدى الله يرحمه كان صحيح موظف كبير لكن ما سابش غير معاشه من وظيفته اللى ماما عملت معجزات عشان يكفينا و اقدر اتعلم و اكون الانسان اللى انتى شايفاه ده

جنى : : : : :كل اللى بتقوله ده يشرف اى انسان

بسام : : : :اى انسان ما يكونشى رايح يناسب هشام الحديدى ، يا جنى انتى ما ترضيش انى يتقال على انى تطلعت لناس اغنى منى ، اقسم بالله انى حبيتك قبل ما اعرف اسمك ، و كنت اتمنى تكونى يعنى عاديه زييى

جنى : : : : :ومين قالك بقه انى مش عاديه

بسام : : : :عربيتك و شكل بيتكم و كمان باباكى معروف اشرف زميلى قاللى عليه

جنى : : : :اهو اشرف ده اكتر واحد له تطلعات فى الدنيا ، تصدق انه كان عايز يخطبنى من ابيه جوز اختى الكبيره من غير حتى ما يعرف شكلى ايه لمجرد انى اسمى الحديدى زيها

بسام قد بدا يغتاظ :يخطبك ده ايه و انتى عملتى ايه

جنى : : : : :بابى ما وافقش يشوفه اساسا و كمان لما عرف الموقف اللى عمله مع والد ابيه جوز اختى و سابلهم الشغل فجاه بعد ما كان ابيه سامح اعتمد عليه و سافر امريكا و ساب المسئوليه عليه خللى بابى يعرف انه كان صح

بسام : : : : احسن انه غار من الشركه بتاعة جوز اختك و الله اروح اموته يا شيخه لو جه ناحيتك تانى

جنى : : : :ما تخافش يا بسام بابى و مامى متفاهمين جدا و يمكن يبانو للناس بره انهم طبقه تانيه لكن هما طيبين جدا و انت قابلتهم

بسام : : : : : :صحيح و الله انا ارتحت لوالدك و والدتك جدا

جنى : : : : :ده زعقلى اول مره كنت عندنا

بسام : : : : :ليه كده

جنى : : : : :عشان كنا يعنى قاعدين فى المكتب لوحدنا وهو السبب اننا نقلنا فى الريسبشن

بسام : : : : :تصدقى احترمته زياده ربنا يخليه ليكى يا جنى

جنى : : : : :بس انا بجد سعيده يا بسام انك اول ما فكرت فى ، فكرت انك تخطبنى مش انك تلعب او ترتبط او تحب زى ما بيقولو

بسام : : : : : :فكرت ؟؟ّّّّّ!!! قولى اتمنيت ....... حلمت .. بس فى مشكله واحده يا جنى اكبر من كل اللى اتكلمنا فيه ما كنتش عايز ازعجك اضايقك بيها ، لكن حقك انك تعرفى

و فى هذه الاونه كان خالد و منال يتحدثان على التليفون بعد ان نام كل من فى منزل منال

خالد : خلاص خلصت شات مع صاحبتك الرخمه هى حلوه بس رخمه اوى

منال : هاها و الله دى جنى طيبه بس هى خايفه على و عامله نفسها ولية امرى
و بعدين ايه حلوه دى بقه انا بغير

خالد :تغيرى ايه بس ده انت الحب كله , بس طمنينى خلاص كله تمام ؟

منال : كله تمام من بكره بقه زى ما اتفقنا بلاش وقفه لوحدنا فى الكليه و خلينا زى ما احنا نتقابل بره بس بعيد عن المنيل و كده يعنى ممكن فى النزهه مصر الجديده كده يعنى

خالد : طيب ما فكرتيش فى الموضوع بتاع الجواز تانى

منال : انا بصراحه يعنى سالت يا خالد ناس كتير اعرفهم و قالولى ان الحكايه دى بطلت خلاص و بتعمل مشاكل كتير ، يعنى مادام انا وانت قدام ربنا متفقين على الجواز خلاص و كلام الناس ادينا حانسكته من بكره زى ما اتفقنا

خالد : انا من ايدك دى لايدك دى و لو عايزه زياده فى الامان نتقابل عندى فى البيت ما فيش مشاكل
انتى عارفه انى لوحدى هنا وعيلتى كلها بره مصر

منال بدلع : عيب عليك يا خالد انا مش كده خالص

خالد : يعنى انا اللى كده مانا كمان مؤدب و طيب بس يعنى انتى خايفه منى ؟ زى ما بنقعد فى اى مكان حانقعد فى البيت نتفرج على التلفزيون نسمع موسيقى كده يعنى
قوليلى يا حبى انتى لابسه ايه

منال وقد بدا صوتها يلين : اشمعنى يعنى
خالد و قد علا صوت انفاسه : احب اعرف يعنى حبيبى لابس ايه وهو بيكلمنى مش احنا اتفقنا انك مراتى

منال : عيب يا خالد الكلام ده

خالد : اهوه كلام يعنى يبقى لا واقع ولا كلام حاغمض عينى و اتخيلك معايا و.........

تطرق الحديث الى مناطق لم تتخيلها منال فى حياتها لدرجه انها بعد المكالمه بكت من الشعوربالذنب لكنها بررت لنفسها او برر لها الشيطان بعد قليل انها لم تفعل حراما الم يكونو على الهاتف ما العيب فى ذلك ؟
و لكن وخزاً فى ضميرها حرمها النوم طيلة تلك الليله

اكمل بسام : : : : انا عمرى ما كان لى تطلعات فى الغنى و الفلوس زمان لما كنت صغير كان نفسى يكون لي مستقبل علمى اعمل ابحاث و افيد الناس لكن بعد ما شفتك كل ده

اتغير احلامى اتغيرت لما شفتك كل اللى اتمنيته من ربنا بيت صغير يضمنى اناو انت و يكون فيه ابتسامة طفل صغير تهون علينا الايام حتى البيت ده ما كانش له شكل و لا لون

بس الشمس بتدخل من شباكه بالنهار و بالليل نور القمر...انتى يا جنى بقيتى كل احلامى

جنى : : : : : : و قد نزلت دموعها تصدقنى لو قلت لك انك بتوصف احلامى طول عمرى احلامى دى كان بطلها فارس طول عمرى ما كنتش عارفه شكله بس كنت بادور عليه من يوم ما اتولدت ويوم ما كنت مغمى على و صحيت لقيتك

بتبص لى و خايف على عرفتك ... عرفتك يا بسام و عرفت انك الفارس كنت مراهنه نفسى انى لما اشوفك حاعرفك ، و كسبت الرهان عشان كده ما تقوليش ان فيه مشكله ممكن تقف قدام احلامنا........