طريقه عمل كيكه الرواني

 كيكه الرواني فى ثوبها الجديد 😍😍😍 الكيك ده هش جداا زى الاسبونج وطري طراوه فظيعه 😋 مع لمسه ليمون وبرتقال 👌😍 ويامساء الانتعاش 💃💃❤️❤️ يلا بينا نشوف عملناها ازاي 

الرواني

3 بيضات

نص كوب سكر

كيس بيكنج بودر

كوب لبن

نص كوب زيت

كوب سميد + معلقه ك 

كوب دقيق

بشر ليمونه صغيره ( اختياري)

نضرب بيض وسكر وفانيلا لمده 8 دقايق بالمضرب على سرعه عاليه بعد كده نبتدي ننزل الزيت هلى هيئه خيط رفيع تدريجيا واحنا بنضرب ...بعد كده نقلب دقيق وسميد وبشر الليمون وبيكنج سوا وننزل نصهم ونص كميه اللبن ونقلب سوا ونكمل باقي الدقيق واللبن ونقلبهم سوا ...والخليط بيكون خفيف 👍❤️ نصبه فى صنيه مدهونه زيت وتدخل فرن سخن على ١٨٠ على الرف الوسط شغال من تحت لمده ٣٠ دقيقه واول ماتخرج وهى سخنه نخرمها بشوكه ونسقيها شربات بارد تمامااااا ❤️ وبالهنا ...تقدري تدهني وشها مربي مشمش وجوز هند وفستق😍😋 تحفه اوي اوي😋😋

الشربات

2 ونص كوب سكر

2 ونص كوب ماء مغلي

شريحه ليمون

شريحه برتقال

نقلب سكر وميه مغليه وبعد مالسكر يدوب نرفعهم على النار مع شريحه ليمون وبرتقال بدون تقليييب🚫🚫 ولما يغلي نهدي النار خالصصص لمده ٧ دقايق واقفلي واستني يبرد تماماااا ❤️👍