رواية دموع الورد الحلقة 18
الحلقة 18
بعد اعتراف مراد وفريدة بحبهم لبعض
مراد: حبيبتى ايه رايك انا هفاتح عائشه فى موضوعنا
فريدة بلهفه: لا ارجوك
مراد باستغراب : ليه يافريدة
فريدة : افهمنى يامراد عائشه اخدت منى موقف وفاكرة انى جاية اخدك منها لو فتحتها فى الموضوع ده دلوقتى هتتأكد من كده ممكن تحطك فى اختيار وساعتها هيكون صعب
مراد : لا طبعا مستحيل
فريدة : صدقنى أنا عارفة سبنى انا ححاول أصحابها الاول واعدك لو فشلت ادخل انت
مراد بحب : مسك ايديها انا متاكده انك هتكسبى وباس ايديها
فريدة بخجل : سحبت ايديها مراد مش كل شوية كده وبعدين ممكن اطلب طلب منك
مراد وهو بيسحب ايديها علشان يمسكها تانى : اطلبي اى حاجة من غير ماتبعدي ايدك عني
فريدة : حاضر أنا مش عايزة حد يحس بحاجة مابينا لحد ماقدر اكسب ود عائشه
مراد : حاضر بس بينى وبينك طول ما احنا مع بعض مش هقدر امنع نفسى عن انى اعبر عن حبي ليكي تعرفى يافريدة انى عمرى ماحبيت حد قبلك
فريدة بصتلوا باستغراب
مراد : متستغربيش هتقولى طب ووالدة عائشه انا اتجوزت سلوى مامت عائشه رد جميل وواجب مش اكتر
فريدة : فى حد بيتجوز رد جميل وواجب
مراد : اه انتي عارفة انا عمتى قالت انى انا وانت فينا من بعض انا ضحيت زمان وانت كمان
فريدة : مراد انا مش فاهمة حاجة
مراد : انا هحكيلك كل حاجة
من حوالى عشرين سنة انا واخويا كن مع بعض فى الساحل الشمالى انا كان ليه اخ اكبر بأربع سنين بس كان عاقل وانا كنت شاب متهور فى كل حاجة وابتداءات حكايتى يوم ماكانا رجعين انا ومازن من الساحل
فلاش باك
مازن وهو بيحاول يصحى مراد: يامراد اصحى يابنى انت يااخ
مراد وهو مازال مستسلم للنوم : اممم
مازن: هو ايه الا امممم اصحى ورانا سفر الحج مكلمنى من بدرى وعايزنا ننزل وكمان انا عايز ارجع بسرعة
مراد وهو بيقوم وبيعقد على السرير : قول كده مش قادر على بعد الست سلوى خلاص ياعم كلها شهر وتزهق
مازن وهو بيشد المخدة وبيحدفها فى وش مراد : ازهق مستحيل حد يابنى يزهق من روحه بكرا تحب وتتمرمط كده
مراد : بعد الشر
مازن هو خارج: ادامك عشر دقايق والاقيك ادامى احسن هسيبك وهسافر لوحدي
مراد : متقدرش
مازن : ليه
مراد وهو بيحك مؤاخرة رأسه: اصل بصراحة عم بلال مراته تعبت وانا خليته سافر امبارح
مازن : ماشى وطبعا انت عارف انى مش هقدر اسوق علشان رجلى اللي وقعت عليها مستغل انت
مراد : طبعا
وبعد عشر دقائق كان مازن ومراد يستقلون العربية
مراد ساق بسرعة جنونيه
مازن : براحة شوية يامراد ايه السرعة ده
مراد : أهدى كده ومتخافش ياهندسة مش عايز توصل بسرعة خلاص
مازن كان بيرد على سلوى خطيبته: بس مش عايز اموت
سلوى على التليفون : بعد الشر عنك ياحبيبى هو مراد الا سايق
مازن : اه علشان عم بلال السواق حصل عنده ظرف
سلوى : طب خليه يسوق براحة
مازن : حاضر ووجه كلمه لمراد سامع سلوى بتقول سوق براحة
مراد : اوامر سلوى هانم
مازن : معلش يا حبيبتى هقفل معاكى علشان بابا معايا ايو يابابا
الاب: ايه الاخبار
مازن : الحمد لله راجع فى الطريق أنا ومراد
الاب :, طب براحة أنا عارف انه مجنون في السواقة
وقفل الاب معاهم
مراد ساق بسرعة جنونيه
مازن: اهدى يامراد فى ايه
مراد :, مش انت مستعجل
مازن : اه بس مش كده
فجأة ظهرت من العدم سيارة وبدئت تزنق عليهم
مازن بخضه حاسب يامراد حاسب
لكن مع سرعة العربية لم يتمكن مراد من السيطرة وانقلبت العربية تم نقلهم إلى المستشفى وجاء الاب والام مسرعين الى المستشفى وسلوى
خرج الدكتور من حجرة العمليات: الاب جرى عليه مسرعا خير
الدكتور: بصراحة كده فى حالة عندها كسور مضاعفة والحالة التانية عندها نزيف فى المخ وحالته حرجه
الاب قعد مرة واحدة : مين
الدكتور : الا كان سايق هو إلا عنده كسور والتانى هو الاحالته صعبة
سلوى عند سماعها الخبر : انهارت وأغمى عليها
الام انهارت من البكاء
استمر الوضع حوالى تلات ايام وبعدها خرج الدكتور والقاء خبر وفاة مازن
كان الانهيار هو سيد الموقف للكل وتمت مراسم الدفن والعزاء وبعد اسبوع كان مراد رجع البيت وكأنه شخص آخر حزن ملئ قلبه وعيونة
وكان الاب والام فى حالة يرثى لها وايضا سلوى الا أحلامها كلها انهارت
وبعد تقريبا شهر طلب مراد الزواج من سلوى
الاب والام فرحوا لان كانوا يعتبر سلوى بنتهم وحته من مازن ففرحوا لزواج مراد منهما وتم تحديد حفل الزفاف على أن يكون مقتصر على الاب والام واكرام وحسن وحنان زوجته بصفتها بنت خالت سلوى
لكن بعد الزفاف بحوالى ثلاثة أيام دخل الاب المنزل فى حالة ثورة : انت فين يامراد
مراد خرج وهو يتكا على عصا: فى حاجة ياحاج
الاب وهو بيضرب بقلم: قتلتوا علشان طمعان فيهأ
خرجت الام: فى ايه ياحاج وقتل مين
الاب: قتل اخوه علشان طمع فى سلوى
الام بشهقه: ايه الاانت بتقوله ده
الاب : دي الحقيقة النهاردة عرفت تقرير العربية كانت الفرامل بايظة وبلال بلغ ابنك لكن هو ساق بسرعة جنونية وموت اخوه
الام راحت ناحية ومسكته : انت صحيح عملت كده
مراد ودموعه نازلة : هز رأسه بالنفى
الاب : طبعا هينكر بلال موجود ممكن يجى ويقول
مراد راح ناحية بابه: بابا اسمعنى انا فعلا عم بلال قال الفرامل عايزة تتظبط بس ماقالش بايظة وانا كنت سايق عادى هى العربية إلا طلعت ادامى فجأة وحاولت افاديها معرفتش انا مستحيل اعمل كده مازن مكنش اخويا ده كان صحبى وابويا صدقوني
كانت سلوى تستمع لهذه الكلمات وهى غير مستوعبة كل ده مراد ممكن يعمل كده
الاب : انت مش ابنى اخرج بره البيت ده
الام: انت متاكد من كلام ده
الاب: اخرج
مراد حاول يكلم والده لكن دون فائدة خرج مراد هو سلوى قصدين بيت إكرام قعدوا فيه حوالى اسبوعين قبل السفر
سلوى صدقت كلام الاب على مراد وقررت انها تتطلب الطلاق لكن مراد رفض وبعدها سافر لندن وعاش هناك ابتدأ شغل لحد ماعرف بحمل سلوى وتعبت سلوى طول الحمل وجاء ميعاد الولادة وبعد الولادة طلبت مني اسامحها واسمى البنت عائشه ومن وقته وانا قررت اعيش ليها بس طبعا سلوى كانت قالت لحنان كل حاجة سمعتها وقالت كل حاجة حصلت لسلوى من ساعة ماكنت السبب فى موت مازن لحد موت سلوى فى عز شبابهاطبعا طول الفترة ده حاولت اكلمهم لكن بدون فائدة بابا مات وهو فاكرني السبب فى موت اخويا وبعدها والدتى وعشت كلها حياتى لشغلى ولعائشه بس
باك
مراد :دى كل حياتى يافريدة انتي مصدقة انى مكنتش السبب فى موت اخويا
فريدة وهى متأثرة بكلامه: اوعى تكملها مصدقة الحزن الا شايفه فى عيونك مستحيل انك تعمل كده بس أنا عندى سؤال ليه سلوى بالذات
مراد : هتصدقينى لو قولتلك أن دي وصيه مازن ليا
فريدة : مصدقك
مراد : انا بحبك اوى
فريدة : وانا كمان
مراد : ربنا يخليكى ليه
عدى اسبوع وفريدة بتحاول انها تقرب من شوشو لكنها بتصدها وطول الفترة ده تصحى تروح النادى وتفضل قاعدة هناك
لحد مافى يوم جاءت عليها بنت : هاى انا رنا
شوشو : اهلا
رنا وهى بتشد كرسى: تسمحيلى اقعد معاكى
شوشو: اتفضلى
رنا:انا اسمى رنا الجوهرى طالبة فى تانية تجارة انجلش وانتي
شوشو: انا عائشه فى تانية تجارة انجلش
رنا بفرحة : معقول احنا على كده نبقى أصحاب ايه رايك لو اعرفك على الشلة احنا بنشوفك من اسبوع كده بتيجى تعقدى لوحدك وانت مالكيش صحاب
شوشو : لا علشان انا جديدة هنا لسه رجعة من لندن من فترة قصيرة
رنا : خلاص يلا بينا نتعرف على الشلة
قامت شوشو مع رنا وراحوا ناحية ترابيزة عليها تلات ولد وبنتين
رنا : احب اعرفكم على العضوة الجديده عائشه
وبدأت تعرفها دي ياستى رانيا ودي سالى معانا فى نفس السنة والكلية حازم وعمر وخالد حازم يبقى جارى ومخلص كلية هندسة هو وعمر وخالد صاحب عمر
خالد بنظرة اعجاب لشوشو : ممكن انا اعرف نفسى خالد العمرى بكالوريوس إدارة أعمال وعندى شركة صغيرة
حازم بمرح : ايه يابيضا انت هتخطب
خالد : بطل رخامة
قعدوا يهزوا مع بعض بس طول القاعدة خالد مشلش عينيه من على شوشو وهى الحظة دي أتكسفت اوى
شوشو وهى بتبص فى ساعتها :ايه انا لازم امشى
خالد : لسه بدرى احنا
شوشو : لازم استأذن دادى مش هينفع
خالد : هتيجى بكره
شوشو :مش عارفة عن اذنكم
رنا : سلام بينا تليفونات
مشيت شوشو تحت نظرات خالد الا فضل متابعها لحد مااختفت
عمر وهو بيخبطه فى كتفه: ايه ياعم انت لحقت توقع
خالد : ايديك تقيلة اوى
حازم : انت مش ملاحظ انك من ساعة ماقعدت شوشو وانت نازل تسبيل فى البنت
خالد : بصراحة عجبتنى
رانيا: ايوه ياعم بس بصراحة البنت تستاهل هى موزة
خالد ضحك
--------------------------------------------------------------------------------------
أما فى الفيلا عند مراد
عادت شوشو وهى سعيدة خبطت ودخلت عند بابها
شوشو وهى بتقرب منه بتبوسه: مساء الخير يادادى
مراد وهو بيمثل الزعل: مساء النور
شوشو : حبيبى شكله زعلان منى
مراد : طبعا تقريبا من يوم ماعملتى اشتراك النادى وانا مش بشوفك
شوشو وهى تجلس أمامه: اعمل ايه يادادى انا من يوم ما رجعت مصر وانا كنت محبوسة لحد ماحضرتك عملت اشتراك النادى اهو حاجة بتسلينى
مراد : اصلك بتوحشينى
شوشو : وانت كمان اصل بصراحة كل مادخل لحضرتك قالى الا اسمها فريدة هنا
مراد اضايق من طريقه كلام شوشو على فريدة : انتي مش ملاحظة انك بتتكلمي على فريدة بطريقة مش كويسه
شوشو : دادى لو سمحت انا جاية مبسوطة مش عايزة اتكلم
مراد: وايه الا مخليكى مبسوطة
شوشو: اصل اتعرفت على صحاب جداد
مراد بقلق: شوشو ياريت تخلى بالك من الناس
شوشو وهى بتحضنه: متقلقش وتصبح على الخير
مراد : مش هتاكلى
شوشو وهى بتخرج من الباب: اكلت بره
----------------------------------------------------------------------------------------
أما فى مكان الباشا
الشخص: مساء الخير
الباشا: مساء النور عملت ايه
الشخص: گله تمام فاضل شوية واجيب لحضرتك البشارة
الباشا: انت متأكدة من الناس إلا ببعتهم
الشخص: طبعا ياباشا الخطة ماشية زى مارسمتها بالظبط
الباشا: عارف لو حصل غلط رقبتك هى التمن
الشخص وهو بيبلع ريقه: لا اطمن
-------------------------------------------------------------------------------------
أما فى النادى
استمرت مقابلة شوشو مع الشله وتقريبا خالد مش بيفارق شوشو اخد رقم تليفونها وابتداء يقرب منها
رنا لاحظت كده حبت تتأكد: رنا ايه النظام ياست شوشو
شوشو: نظام ايه
رنا: انتى وخالد
شوشو اتكسفت: عادى صحاب
رنا: انت شايفه كده
شوشو: اه
رنا : انا حاسة أنه معجب بيكى انت ايه
شوشو : بس بصراحة أنا حاسة بكده بس برده خايفة
رنا : متقلقيش
جاء عليهم خالد وبضحك قال: بتتكلمو عليا
رنا وهى بتقوم : ولاحاجة
خالد : شوشو ايه رايك اخرج أنا وانتي لوحدينا
شوشو : ازاى يعنى
خالد : بصراحة كده انا معجب بيكى
شوشو اتفاجات من جرئة خالد وسابتو ومشيت
وراحت على العربية تركبها
على : على فين انسة عائشه
عائشه : على البيت
فضلت عائشه سرحانة طول الطريق وده خلى على يسألها: مالك حضرتك
عائشه: مفيش
على : اسمحلى يعنى حضرتك كل يوم بتخرجى مبسوطة النهاردة فى حاجة حصلت لو حد دايق حضرتك قوللى وانا اتصرف
عائشه ابتسمت: لا متقلقش
على: تحت امرك
وصلت عائشة البيت ودخلت وطلعت على اوضتها من غير كلام
فضلت يومين فى البيت من غير خروج والتزامت اوضتها
وفى يوم نزلت تحت واتصدمت
ياترى اتصدمت من ايه
هنعرف الحلقة الجايه
التعليقات على الموضوع