رواية دموع الورد الحلقة 14

الحلقه14

فريدة حضرت الفطار ودخلت عند مراد بيه حطتها على التربيزة وجات تمشى مراد مسك ايديها الاثنين وبص فى عينيها بصه كلها حب وشوق وقالها: انا اسف

فريدة اتفاجئت بنظرة عينيه ومسكت ايديه وكلمة انا اسف هى كمان بدلته نظرة حب وفى نفس الوقت عينيها اتملت بالدموع 

مراد هو مازال ماسك ايديها: اسف صدقينى لا واقولك أن دي اول مرة اتأسف لحد ومتسأليش ليه لانى حاسس أني جرحتك هتقبلي أسفي 

فريدة انتابها شعور غريب من اول مامسك ايديها حست برعشه فى جسمها كله وحست إن قلبها هيطلع من مكانه صوتها مش قادر يطلع اكتفيت بهز رأسها دليل على الموافقة

مراد مازال قابض على ايديها: عايز اسمع صوتك

فريدة حست أن قلبها هيخرج من مكانه وبتحاول تخرج صوتها: اه قابلته قالت كلماتها وهى تحاول سحب ايديها منه وكادت تخرج من الاوضه الا أوقفها صوت مراد : على فكرة لو ماكلتيش معايا هعتبرك لسه زعلانة وكمان مش هاكل وزم بشفيفه زى الاطفال ومش هاكل ايه رأيك 

فريدة برقت من طريقه كلامه وابتسمت

مراد: ايوة كده خلي الشمس تنور اوعى ابتسامتك تفارق وشك تانى ايه رأيك نعمل اتفاق تقبلي اننا نكون اصدقاء بس مؤقتا دلوقتى

فريدة : ده شئ يشرفنى يامراد بيه

مراد كشر: الاتفاق فيه بنود أولها انى اسمى مراد مفيش بيه او استاذ اعتقد مفيش صحاب بينهم القاب يعنى انتى فريدة وانا مراد تمام

فريدة حاولت تعترض لكن مراد كان أسرع منها : لو مرفعتيش الألقاب هعتبرك لسه زعلانة 

فريدة : اصل مش هينفع يا

مراد: هه وقولى ورايا مراد هه جربى

فريدة: مراد وحطت وشها فى الارض

مراد ضحك عليها: ارفعي وشك يافريدة اوعى تنزلى وشك تانى فى الارض وشوفتى أسمى سهل يلا نكمل باقى الاتفاق

فريدة : لا خلاص يلا افطار علشان العلاج

مراد وقد احس باحراج فريدة فحب ينهى الاحراج: يلا ونكمل بعدين

جلسوا سويا يفطرون وكل واحد جوه فرحة ولم يرو من يتابعهم ونار الغيرة تسيطر عليها نعم انها عائشة التى كانت تريد الدخول لوالدها لكن أوقفتها تلك الكلمات التى يقولها لفريدة فواقفت تسمع باقى الحديث

كانت سميحة تخرج من المطبخ عندما رأت عائشه تقف بالقرب من باب غرفة والداها كأنها تتصنت عليه: ايه ده ياشوشو بتعملي ايه

شوشو وهى بتلتفت لسميحة بخضه: فى ايه داده خضتينى 

سميحة : انتي بتعملي ايه واقفة عندك كده ليه

شوشو بغضب: بتفرج على والدى العزيز وهو بيترجى فى حتت ممرضه عشان تسامحه

سميحة وهى بتشد شوشو بعيد عن الباب: ايه الكلام الغريب ده 

شوشو : زى مابقولك دادى بيترجى الملكة فريده

سميحة: تعالى نطلع فوق نتكلم 

طلعت شوشو مع سميحة على اوضتها 

سميحة : ممكن افهم فى ايه بالظبط وايه الكلام الغريب ده وبعدين تعالى هنا انت ازاى واقفة تتجسسى على باباكى 

شوشو : انا مكنتش بتجسس ولا حاجة انا كنت نازلة اقنع دادى انى اخرج شوية سمعتوا وهو بيتأسف للممرضه دب وبيترجها كمان تقبل اسفه شوفتى ياداده

سميحة مستغربة من كلام شوشو

شوشو : شوفتى ياداده اهو انتى كمان مستغربه انا قولت البنت ده مش سهلة ومعرفش نانا ازاى بتثق فيها

سميحة : عادى ياشوشو ممكن باباكى يكون زعلها وانتي عارفه كويس مش بيحب يزعل حد وبعدين فريدة بصراحة طيبه جدا انا مش عارفة انتي مالك ومالها من يوم ماجيت دى حتى يوم

وقبل ماتكمل سميحة كانت شوشو بتقاطعها: حتى انتي كمان ياداده بتدافعى عنها البنت ده مش سهلة دى داخلة البيت وعينيها على دادى

سميحة : طب ودى فيها ايه كمان 

شوشو بصدمة: انت عايزة دادى يتجوز بعد العمر ده

سميحة : عمر ايه يابنتى مراد بيه لسه شباب ده فيه فى سنه متجوزوش لسه

شوشو : انا لا يمكن اسمح أن ده يحصل

سميحة : اولا احنا بنفترض مش متأكدين وبعدين أهدى كده علشان متزعليش مراد بيه منك انا هنزل اشوف الغداء وبعد ماوصلت للباب رجعت لشوشو اخدتها فى حضنها تطبطب عليها انت بتحبى باباكى 

شوشو هزت راسها بالموافقه

سميحة : يبقى تحبى تشوفيه سعيد وبعدين مش يمكن بيعمل كده من باب الذوق أنه زعلها وميكونش فى باله حاجة تانية انا هنزل وانتى فكرى 

خرجت سميحة وهى بتدعى بالهدايه لشوشو 

أما عند مراد فبعد ماخلص فطار طلب منها أنهم يخرجوا يعقدوا فى الجنينه شويه خرجوا يعقدوا بره ويضحكو وكانت بتابعهم شوشو من بلكونة اوضتها وقررت تنزل 

نزلت راحة ناحيتهم كانوا بيضحكوا اول ما مراد شافها بمنظرها الا لايبشر بالخير عرف انها ممكن تجرح فريدة بأى كلمة فطلب من فريدة انها تجبله التليفون واول ما مشيت فريدة تحت نظرات شوشو الا كانت كفيله بحرقها 

مراد : مالك ياشوشو 

شوشو : ابدا اصل اظاهر أن حضرتك نستنى خالص 

مراد وهو بيشد ايديها حتى تجلس على الكرسى المقابل له : انا انساكى طب ازاى ده انت بنتى وحته من قلبى وعموما انا منستكيش والنهارده بالليل عمو اكرام هيجى ويجيب معاه كارنيه عضوية النادى علشان تخرجى 

شوشو بفرحة وهى بتحضن بابها : ربنا يخليكى ليه وجاءت تقوم لمحت فريدة جايه عليهم فحضنته تانى جامد وبصت لفريدة نظرة بتثبت فيها أن بابها ملكيه خاصة ليها وبس 

كانت متابعة الموقف كله زينات وخصوصا بعد ماسميحة حكيت ليها عن الكلام الا قالتو شوشو ليها هى طبعا سميحة حكيت من باب انها خايفة على فريدة من تهور شوشو لقيت فريدة الا بتحط ايديها على كتفها وبتقولها: مشوراك صعب يافريدة بس متاكده انك هتعرفى تكسبى قلبها زى ما كسبتى قلبه 

فريدة اتفاجئت بتصرفها ده : اناانا

زينات : متقوليش حاجة هى معذورة كان ليها لوحدها دلوقتى فئ واحدة هتشاركها فيه 

فريدة : تقصدى ايه 

زينات; اقصد مراد 

فريده: بس انا هشاركها ازاى انا فترة وهتعدى

زينات : تعالى بافريدة نعقد هنا وشاروت على مكان بعيد عن مرادد وشوشو

مشيت فريدة مع زينات وقعدوا ; بس يابنتى أنا عارفة انى مراد معجب بيك وانتي كمان

فريدة جاءت تعترض لكن زينات مدتهاش فرصة وكملت انتوا الاتنين ضحيتوا بسعادتكم زمان هو ابوة حاملوا موت اخو الوحيد وده خلها اخد مراته وسافر طول الفترة ده وبعد عن مصر حتى بعد مراته ماماتت وهو فضل يربى بنته لوحدة وضحة بسعادته علشانها وانت كمان بعد موت امك ضحيت بسعادتك علشان خاطر اخوتك اكيد ربنا ليه حكمة انكم انتو الاتنين تقابلوا بعض

فريدة كل ده متابعة كلام زينات ليه وفى عنينها الف سؤال وسؤال عن حياة مراد زينات لحظة ده : على فكرة كل الأسئلة الافى عينيك ده الوحيد الا يقدر يجوبك عليها هو مراد مع أن ممكن ببساطة احكليك حكايته بس لم تسمعها منه احسن كل الا قدر اقول ليكى خد هدنة قربى من مراد على انكم صحاب وسيبو مشاعركم هى إلا تحكموا 

فريدة بصت ناحية مراد وهو قاعد مع شوشو وفى عنينها سؤال ازاى شوشو بتعملنى كده

زينات لحظة وقرأت السؤال فى عنينيها : هتقدرى هتعرفى تكسبيها محدش قرب منك الا وحبك وخصوصا لم تتأكد انك مش هتاخدى مراد منها صحبي شوشو طول عمرها شايفة مراد كل حياتها أنا عارفة أن المعركة صعبه بس انا متأكدة انك هتقدرى يلا قوم روحى اديلو الموبيل واستحملى شوشو

فريدة قربت منها ونظرة ليها نظرة بمعنى الشكر والامتنان بدلتها زينات نفس النظرة

وصلت فريدة عند مراد : اتفضل حضرتك الموبيل

مراد باشتياق: كل ده يافريدة بتجيبى الموبيل 

فريدة : انا رجعت على طول بس شوفت حضرتك وانت بتتكلم مع شوشو فحبيت اسيبكم براحتكم بس 

مراد : انا عارف ان شوشو أسلوبها صعب بس انا كمان عندى ثقة فيك انك هتعتبريها اختك

فريدة : اكيد 

مراد : هى اختك اه بس مش معنى كده أن أكون باباكى مفهوم طبعا وغمز بعنينه

فريدة اتكسفت ووشها احمر : طب ممكن ندخل علشان معاد جلستك قربت

مراد : ماشى

--------------------------------------------------------------------------------------

فى شركة مراد فى القاهرة 

كان يجلس اكرام فى المكتب يتابع بعض الأعمال حينما وجد سكرتاريته تخبره بوجود شخص يدعى على من النادى فاخبرها تدخله 

دخل على : صباح الخير ياافندم

اكرام: صباح النور هه جبت الكارنيه

على: ايوه افندم واتفضل وأخرجه من جيبه بس انا ليه طلب عند حضرتك 

اكرام : اتفضل 

على : حضرتك لو ممكن اشتغل هنا فى الشركة بدل شغل النادى حضرتك عارف المرمطة الا احنا فيها 

اكرام : انت بتعرف تعمل ايه 

على : انا ممكن اشتغل اى حاجة 

اكرام : خلاص سيب تليفونك بره مع السكرتاريه وانا هكلمك كام يومين 

على بفرحة: متشكر اوى ياافندم 

خرج على من المكتب وهو فرحان جدا 

اكرام كلم مراد وبلغه أنه جاب كارنيه النادى الخاص بشوشو

مراد فرح وطلب منه أن يجى يتعشى معاهم بالليل 

اكرام وافق ولاحظ فرحة فى صوت مراد اول مرة يحس بيها من زمان 

----------------------------------------------------------------------------------------

أما عند اسر 

كان متابع شغله وشركة مراد وفاتح مراد ووالداه بتصفيه شغله بره بعد المشروع الجديد وهما وافقوا وفى يوم وهو فى شركة مراد دخلت مادلين السكرتاريه تبلغه بوجود كريستينا صديقه شوشو بره تريد مقابلته 

اسر استغراب : خليها تدخل 

خرجت مادلين ودخلت كريستينا بدلع: هاى اسر 

اسر وهو يجلس على كرسيه : اسر أسمى بشمهندس اسر وبعدين الا جابك هنا

كريستينا وهى بتقرب منه : وحشتني 

اسر : وحشتك الا هو ازاى يعنى 

كريستينا: ازاى وبعدين نطت فى المكتب ادامه وبدأت انها تحاول تثيره 

مراد حاول يشد ايديها ويبعدها عنه : احنا هنا فى الشركة مش فى مكان تانى 

كريستينا بدلع : عندك حق يابيبى انا همشى دلوقتى ونتقابل بعدين

اسر بعد خروجها : إنسانة مقرفه 

أما عند كريستينا فكانت فى هذه الأثناء حاولت تكلم شوشو واتعمدت تفتح الخط وتسيبه مفتوحة وهى عند اسر علشان شوشو تسمع كلامهم ويتمحى اى اثر لأسر عند شوشو 

--------------------------------------------------------------------------------------

أما عند شوشو فعند سماع الحوار الذى دار بين اسر وكريستينا اتأكدت فعلا أنهم على علاقة ببعض وأن كلام كريستينا على وجود علاقة بينها وبين اسر صحيح 

شوشو لنفسها : اتأكدت كده انهم بينهم حاجه خلاص مفيش حد بيحبك حتى دادى بطل يحبنى وبقى يفضل عليا ست فريدة واسر كمان حب كريستينا وسابنى خلاص انا كمان هعيش حياتي وأخرج واعمل كل الا انا عايزه

--------------------------------------------------------------------------------------

فى فيلا مراد

جاء المساء والكل اجتمع على تربيزة العشاء مراد على رأس التربيزة وعلى يمينه شوشو وبجانبها اكرام وعلى يساره زينات وبجانبها فريدة الا كانت بينها وبين مراد نظرة حب والكل ملاحظ فيهم الا فرحان زى زينات واكرام والا زعلان زى شوشو 

اكرام حب يكسر الجو المشحون ده فطلع الكارنيه بتاع النادى لشوشو : اتفضلى ياستى 

شوشو بفرحة : متشكرة اوى يااونكل

اكرام: العفو ياستى احنا عندنا كام شوشو

مراد: اخبار الشغل ايه

اكرام: تمام فى صفقة لو تمت الشركة هترجع تقف تانى اه كنت هنسى فى واحد هو إلا خلص موضوع العضوية بتاعت شوشو عايز يشتغل عندنا

شوشو برجاء : وافق يادادى

مراد: حاضر ياستى خلاص خليه يشتغل اى حاجة بس اسأل عليه الاول

اكرام : تمام

اتعشوا تحت جو يسوده سعادة نوعا ما 

لحد مامراد قال انا قررت وبص ناحية فريدة وابتسم

هنعرف ف الحلقة الجايهط