ضحية الوهم

-ضحية الوهم-

"أحذر يا ابن آدم أن تكون من نسل فرعون..أحذر إنك تنسى ربك الأعلى.. إياك و اتباع الشيطان الرچيم...

الجمل دي ديما كانت بتتكرر في مسمعي و أنا نايم على فترات متباعدة في البدايات كان بيبقي صوت بس لكن مع الوقت بدأ يقلب جزء من نومي يوميا و الصوت بقي صوتين ..

********************************

أحمد مهندس معماري في وجه قبلي أه متستغربش ...

الفكرة كلها إن الشركة اللي أنا تباعها قررت تبني مشروع سياحي كبير و سلسلة فنادق في ارض قريبة من أسوان المهم الحكاية ابتدت لما شوفتها "ضحي" بنت المعلم هلباوي اللي ماسك الغفر اللي بيحرصوا الأرض ..

في يوم المعلم هلباوي جه و عزمنا على الغداء عنده و طبعا حولت افهمه إن عندنا شغل رفض و حلف بالطلاق و النتيجة إننا روحنا...

دخلت بيت المعلم هلباوي و طلب من الحريم يحطوا الاكل بدأوا يدخلوا 5 ستات أو بالتحديد 2 ستات و 3 بنات لمحتها منهم آية من الجمال سرحت معاها و لما سمعت المعلم بيقولها :

- هاتي مياه يا ضحي لضيوف 

أنتظرت ردها عليه و فرحت جدا لما سمعتها بتقول له :

-حاضر يابا ..

صوتها الملائكي سحرني و بدون تفكير قررت اني اطلبها للجواز و فعلا حصل بس أبوها اشترط شرط غريب أوي إني أستقر في أسوان عكس المعروف يعني المهم وافقت و طلبت نقلي لموقع الشغل هناك و إني همسك المشروع كله هنا و أشتريت بيت في أسوان متكون من دورين و استقريت هناك ..

أول أسبوع جواز تمام بعدها بدأت أحس بحاجات غريبة في الشقة يعني مثلا ممكن أحس بحد بيرقبني و بقي يحصل مشاكل كبيرة جدا على و لا حاجة، ده غير إن مراتي بدأت تقولي إن في حد بيلمس جسمها و هي نايمة أو في الحمام.. أستمر الحالة كده شهر و نص بعد الجواز لحد ما وصل الأمر أن مراتي بقيت رفضاني و رفضة إني أقرب منها و لما سألتها عن السبب بدأت الأول تخلق أعذار غريبة مرة تعبانه أصل مش وقته و عديت كتير لكن فاض بيا فجيبت بنتين يساعدوها في تنضيف البيت الصبح و يمشوا قبل ما أرجع بساعة بس الحال كما هو عليه لحد ما في يوم قالت لي :

-خايفة إنه يزعل و أصل هو زعله وحش أوي ..

"خدتها بهزار و قولت لها:

- لو على ابوكي مش هيزعل يا بابا..

لكن بصت لي بصة غريبة أوي و سابتني و نامت روحت اشتكي لأبوها و أتكلم معاه قالي هات شيخ يقرأ لك في البيت بصراحة اتعصبت و قولت له 

-شيخ إية يا حج أنت مش عارف أنا بقولك اية 

=يا بني عارف بس ممكن يكون حد عملكم حاجة و لا ربط و لا حاجة

-خلاص هجيب شيخ لو ده الحل 

=سيب الشيخ على خالتك أم ضحي يا بني و أنا هجيبه و اجي لكم انهاردا الساعة 9 بعد العشاء 

-خلاص تمام

الساعة جت 9 و المعلم جه و معاه الشيخ عشور و عرفت منه و هو بيمدح في أنه أحسن شيخ في المكان و بغض النظر إني أستغربت جملة أحسن شيخ دي بس ماشي.. 

طول ما أحنا قاعدين الشيخ كان عمال يبص حواليه لحد و أول ما شاف ضحي فضل متنح بصراحة الغيرة عميتني و قومت واخد الشاي منها و طلبت منها تدخل الاوضة و بصيت له و قولت له :

-في إية يا شيخنا مش كده 

=أنت فهمت إية يابني أستغفر الله، بص يا بني مراتك ما شاء الله عليها بدر و مغرية للجن بس أنت عندك مشكلة اكبر من الجن..

-و اللي هي إية يا شيخ عشور 

=استهدي بالله بس يا حج هلباوي ، البيت ده مبني على مُلك فرعون و الفرعون أو الملك أختار مراتك لجواز لأنها جمال مصري أصل و بعت الرصد بتاع المكان عشان يبعدها عنك يعني مشكلتك مشكلة رصد يا بني و قدامك حل من الاتنين إما تقدم قربان من دم أو تضحي بمراتك ..

اتعصبت و قولت له قربان من دم ايه شيخ اية أنت أمشي أطلع بره يا راجل أنت من هنا ..

=براحتك يا بني بس هتحتاجني..

المهم عدي يوم و اتنين لحد ما الصوت اللي حكيت عليه بقي صوتين الصوت الأول و التاني صوت ضحي مراتي و هي بتطلب مني أنجدها من العذاب اللي هي فيه، بعدها مراتي بدأت تتعب و بقيت جلد على عضم و طلبت فعلا الشيخ عشور و بدأ يحضر و يطلب من الرصد إنه يبعت قربان للملك بدل ضحي و حصل فعلا و طلب أربع أطفال كقربان و خوفت على مراتي لدرجة إني خطفت أطفال فعلا و اتقدموا قربان الدم بس بعدها مراتي ماتت و أنتهي بيا الأمر لسرير في مستشفى المجانين عنبر 4 التابع لترحيلات إني مجنون و أنا اللي قتلت مراتي و قتلت الأطفال...

-أنا مش مجنون يا دكتور مش مجنون أنا ضحيت بكل حاجة عشان مراتي..

خرجت من عند المريض و أنا بقارن كلامه بالمحضر اللي مكتوب فيه إنه خاطف و قاتل 4 أطفال و كان عايش مع جثثهم لوحده لحد ما الريحة جذبت الجيران و التحريات اللي أثبتت إن الحج هلباوي معندوش غير بنت واحدة و اسماها عائشه و متجوزة و عايش في القاهرة مع جوزها و إنها متجوزة مهندس معماري زميل أحمد في الشركة و إنها نفس البنت اللي أحمد حبها و أتجوزها و عاش معاها ضحية الوهم ..

*تمت*

ياسمين علي

#دودة_القراية