رواية عشق الطفوله الحلقه الاولي❤

الفصل الأول قبل أربعه وعشرين عاماً

 فى احدى المستشفيات الخاصه بمدينه القاهره كانت هناك سيده تلد طفلتها داخل غرفة العمليات وجميع افراد عائلتها معها الا واحد فقط!! مهلا... هو أهم واحد وهو زوجها كيف له أن يتركها في هذا اليوم وهي تلد طفلته قبل موعدها بأسبوع!! نعم بأسبوع وهو السبب فقد حاول بكل الطرق قتل طفلته وزوجته.. كيف لا؟؟ ووالدته لم ولن تكن راضيه عن هذا الزواج ومن الذي انقذها منه؟؟ جارتها وابنه خالتها وطفلها الذي لم يتعدي الخمس سنوات فهو اصغر أبنائها.. 

 كان الكل يستمع لصراخها مهلا!! لم يستمعوا صوت الطفله إلى الآن انهت الأم عمليه الولاده وانتقلت الي غرفتها ومرت ساعه ولم تظهر إلى الآن إلى أن استمعوا أخيرا لصراخها وخرجت وخرجت معها السعاده فاول من حملتها هي جدتها والده امها احسان.. 

احسان: اخيرا طلعتي للدنيا يابنت بنتي واول حفيده ليا 

 لتضحك اختها (نفيسه) : هاتيها بقى شويه يااحسان انتي هتاكلي البت 

وقف بجانبها طفل صغير عمره خمس سنوات يكاد ينفجر وعندما اخذتها جدته انفجر فيهم مزمجرا بغضب!!!

 محمد: ماكفايه بقى انتي وهي فعصتوا قطتي... ايه راعوا بقي انها صغننه مش عارفه تتكلم 

امه (نورا) بذهول:قطتك !!! 

محمد : اه قطتي وحبيبتي كمان زعلانه انتي بقي من ايه؟؟

 قالها بكل تملك وغيره واضحه لشاب عمره خمسه وعشرون عاما وليس خمسه اعوام

نورا : ماشي خلاص حبيبتك قطتك مش مشكله... بس انت غيران عليها مننا؟؟

قالتها بتعجب و دهشه!! 

 محمد: اه ياماما غيران منكم وثانيه كمان وهنسى اني اعرفكم اصلا وبعدين بقي انا عايز اشيلها بقى!! 

نورا: طب اقعد يلا ع الكرسي ده.. 

وأشارت الي احد المقاعد المعدنيه في المستشفى 

وانا هاخليك تشيلها

محمد : ماشي حاضر صبرنا يارب وانتي بقي ياتيتا كفايه عليكي كده!! 

نفيسه: ماشي ياكلب خليك فاكرها 

واعطت الطفله لنورا 

نورا : ماشاء الله تبارك الله قمر ياخواتي! 

محمد: ماكفاااايه بقي حراام عليكي ده انا ابنك!! قالها بكل غضب

نورا: خلاص اهي ياخويا خدها.. 

واعطته الطفله.. 

محمد : حرام عليكي والله بقى ياحبيبتي بقالي 9 شهور مستني ومستحمل قرف ابوكِ... وامك كمان مش راضيه تخلص وتولدك وأنتِ دلوقتي كمان نايمه ومش عارف اشوف عنيكِ بس كويس عشان متشوفيش حد قبلي... 

 قالها وهو بابتسامه طفوليه جميله لتنير وجهه الابيض الجميل.. 

نورا: في ايه يالا ده ناقص تاخدها تتجوزها.. 

محمد : ماهو ده اللي هيحصل ان شاء الله والا هاخطفها منكم واتجوزها واهرب بيها وساعتها بقى هنجبلكوا العار ... 

قالها بابتسامه خبيثه!! 

نورا : وعلي ايه ياخويا الطيب احسن هنجوزهالك حاضر.. 

لتضحك نفيسه قائله :ابنك ده مصيبه يانورا.. 

 نورا: خلاص بقي ياماما انتي وهو عليا وهات بقي ياخويا البت عشان امها تشوفها اهي هتفوق خلاص من البنج.. 

قالتها بنفاذ صبر

محمد : ماشي خودي اهي

واعطاها لامه ثم ذهبوا جميعا إلى غرفه والده الطفله.. 

........... 

 في إحدى غرف المستشفى كانت هناك سيده شابه تدعى (ياسمين) ذات وجه شاحب من يراها يقسم انها صاحبه أربعين عاما وليس فقط ثلاثه وعشرون عاما!! وكيف لا وهي قد تحملت زوج مريض يكره ابنته ولا يريدها!! فقد لأن والدته لا تريد الطفله ولا امها ولكن ياسمين تحملت من أجل ابنتها حتى لا تكون ابنتها بلا أب!! ولكن للقدر رأي آخر.. 

 كانت بين حاله الوعي واللاوعي عندما دلفوا جميعا إلى غرفتها كانت ستسأل اين طفلتها؟؟ ولكن مهلا... انها هنا ملفوفه في هذا الشال الأبيض الذي جلبته لها.. أعطوا لها ابنتها بعد أن عدلوا وضعها على الفراش... 

 ياسمين وهي تأخذها من نورا: طلعتي يانور عيني اخيرا للدنيا ماشاء الله عليكي.. ربنا يحفظك يارب من كل شر ويبارك فيكي.. ويحبب ابوكِ فيكِ...

 قالتها بسعاده غامره ودموع الفرحه وكيف لا؟! وهي الام ياساده التي قال الرسول صلى الله عليه وسلم عنها ان الجنه تحت اقدامها.... 

 لا تعلم كم من الوقت مر وهي تحتضن ابنتها الا عندما اخذوها منها ليضعوها في سريرها المخصص لها في الغرفه.. 

عندما وضعوها ذهب اليها محمد وامسك يدها وقال:

احنا هنسميها ايه ياجماعه ؟؟! 

قالها بحيره طفوليه 

احسان: بسنت

محمد : لا مش حلو 

نورا : رنا

محمد: لا انتوا ليه بتجيبوا اسامي عندنا في العيله.. عايزين اسم تاني!! 

جلسوا جميعا يفكرون في اسم لهذه الطفله إلى ان فتحت اعينها وعندما رآها ابتسمت هي تلقائيا فتبينت غمازاتيها الغائرتين في وجنتيها الممتلئتين وطلت عليه أنهار الشوكولاته من أعينها وثغرها الوردي الصغير ليتناسبوا جميعا مع بشرتها البيضاء الورديه ليعطوها مظهر طفولي جميل فقال:

 خلاص انا عرفت احنا هنسميها آيه..عشان هي آيه في الجمال.. ايه رأيك ياطنط ياسمين؟؟ 

قالها بابتسامه طفوليه جميله

ياسمين : حلو ياحبيبي خلاص هنسميها آيه.. 

قالتها بابتسامه واهنه

إحسان : بس انا خايفه اوى!! 

قالتها بحيره وخوف حقيقي

قطبت نفيسه جبينها وقالت:من ايه ياام ياسمين؟؟ 

إحسان : خايفه لحسن ميثبتش آيه في السجل المدني ويتعبنا على مايكتب اسمها.. 

نورا : خايفه من ايه بس ياخالتي احنا هنتصرف اذا كان هو من عيله الشافعي فانا جوزي من عيله البغدادي وهنتصرف ونخلص من الموضوع ده بس ياسمين بس تشد حيلها من الولاده.. 

ياسمين : ربنا يخليكي ليا يارب.. طول عمرك بتعامليني على اني اختك الصغيره ...

قالتها بامتنان وشكر حقيقي

نورا: بس بقي ياختي ماانتي كمان اختي واكتر والله وربنا اللي يعلم كمان ...

قالتها بابتسامه صادقه

محمد : يووووه!! 

قالها بغضب طفولي 

نورا: في ايه؟؟

محمد : اهي آيه نامت تاني وملحقتش اشوفها.. 

نورا : خلاص يامحمد استنى لما تصحى 

قالتها وهي تجاهد لكتم ضحكتها 

محمد: اضحكي اضحكي ياماما متكتميهاش لحسن تتعبي!! 

قالها بزهق طفولي.. 

ثواني من الصمت حتى انفجر الجميع في الضحك على هذا الطفل الا هو كان في عالم ثاني.. فقط يفكر ويقول لنفسه:اخيرا جيه بنوته أصغر مني في العيله دي... ياااه انا بقي اللي هلعب معاها وهابقى كل حياتها زي ماهي بقت كل حياتي.. 

..... 

..... 

وانتهى اليوم على صوره عائليه جميله وبالطبع ينقصها حسن.. التقطتها لهم احدى الممرضات لتضم ياسمين وابنتها آيه وإحسان ونفيسه واخواتيهما حنان وزينب واحلام ونورا وزوجها عادل وابنهما الاكبر ابراهيم ذو العشر سنوات وابنتهما الوسطي مايا صاحبه الثماني سنوات وابنهما الأصغر محمد فهم الأكثر قرابه إلى قلب ياسمين وخاله آيه الوحيده ريهام... 

 لتكون صوره بمعنى الكلمه تضم الدفئ والحب والحنان لهذه الطفله الصغيره.. كي يعوضوها عن حنان الأب الذي حرمت منه من قبل أن تولد..

بقلمي ايه عبدالرحمن