قصه

جالي تليفون أن صحبي عمل حادثة وموجود في المستشفي ، اخدت اسم المستشفي والعنوان ورحت جري عليه لما دخلت المستشفي مكنش فيها ناس كتير تقريبا معظم الموجود اللي شغالين فيها لابسين طقم موحد عليه لوجو المستشفي ، سألت واحدة من الممرضات عن موصفات صاحبي وقالتلي ايوة هو موجود في الطابق الرابع ، دخلت الاسانسير وطلبت الدور الرابع ،

راكبت معايا ست عجوزة وشها شاحب ضهرها محني وملامحها مخيفة شوية، مهتمش اوي بوجودها انا كل همي علي سلامة صحبي وقلقان جدا عليه ، الست بدأت تتحرك بشكل مريب بترجع بضهرها وتقدم خطوة بسرعة مش عارف مالها ،

بعد ثواني قعدت علي الارض وبدأت تقطع في هدومها بقوة لدرجة انها قطعت كل هدومها في ثواني برغم انها ضعيفة وست كبيرة ،

بس مش دا المهم لأن المهم هنا هو جسمها اللي كان لونه غامق داكن مش لون جسم عادي ابدا لالا دا لونه غريب ومرعب ،

انا رجعت بضهري لورا وفضلت واقف متوتر وكل دا ولسة موصلتش للدور الرابع مش عارف ليه ، الاسانسير كان بطئ جدا، لون عنيها بدأ يكون ابيض ومفيش النني الاسود نهائي عنيها بقيت بيضا تماما في راسمة علي راقبتها الراسمة دي لكائن غريب مش عارف احدد هو ايه بس هو شبه الشيطان كائن شيطاني ، فجأة الكهربا قطعت والاسانسير وقف ومش شايف اي حاجة قدامي ، قعدت علي الارض وغمضت عيني من الرعب بس في لحظة كل شئ اتغير مع رجوع الكهربا من تاني والاسانسير اشتغل بس الغريبة ان مفيش حد فيه غيري ، باب الاسانسير فتح وانا قاعد علي الارض وبعض الممرضان شافوني وانا قعد علي الارض وشي عرقان واصفر وحالتي غريبة ، قمت واتحركت بسرعة عشان شكلي كان وحش وسط الناس اللي كانت بتضحك علي منظري ،

سألت دكتور موجود عن صديقي قالي أنه موجود في غرفة رقم 505 الغرفة دي كانت تقريبا في اخر الطرقة ،

بس انا لمحت حاجة غريبة علي رقبة الدكتور تقريبا نفس الراسمة اللي شفتها علي رقبة الست موجودة في الدكتور ،

الدكتور مشي وسابني واقف مش عارف هعمل ايه الوضع بقي مريب انا مش مستريح للمستشفي دي ،

باب الغرفة قدامي خايف افتح وادخل يمكن تحصل حاجة اصعب من اللي شفته في الاسانسير ،

في لحظة وانا بفتح باب الاوضة جالي تليفون من رقم صحبي اللي عامل حادثة ،

برد وانا متوتر لقيت صوته وهو بيقولي انت فين يعم انا مستنيك علي القهوة انت متأخر ليه ، في اللحظة دي لتليفون وقع مني وانا مش مستوعب اللي بيحصل ،

محستش بنفسي غير وانا بجري علي الاسانسير وبنزل جري برا المستشفي ،

رحت لصحبي علي القهوة وحكيتله كل اللي حصل في الاول كان بيضحك بس لما قولتله أني نسيت تليفوني هناك ولازم نجيبه صدقني بعض الشئ ، اخدته ورحت المستشفي من تاني لما دخلنا المستشفي كلمنا الناس اللي تحت اننا نسينا تليفون في الدور الرابع ،

الراجل العامل استغرب مني وقالي ان الدور الرابع دا مقفول بقاله اكتر من سنة بسبب الحريق اللي حصل فيه ، انا واقف مندهش من كلامه طب والاسانسير اللي طلعت فيه الدور الرابع طلعت فيه ازاي ،

رد عليا وقالي ان الاسانسير حصل فيه حريق ومش شغال اصلا من ساعة الحادث ..