هروب من الواقع
ديسمبر 2015..
في مكان تكاد تنعدم فيه الحياة و بارد بدرجة تزيد عن برودة ديسمبر المعتادة، خالي أيضًا من البشر لا وجود فيه إلا لبيوت قليلة تشعر حين تنظر لها أنها على وشك الانهيار، توجد (ليالي) في احد هذه البيوت و لكنها اضطرت للخروج لمحادثة صديقتها و الرجوع سريعا لمكانها
ليالي:في موقفي دا معتقدش ان عندي حلول كتيرة مضطرة اهرب الي ان تثبت برائتي و انا واثقة ان هيكون في طريقة اخرج بيها من من القضية دي،مضطرة اعيش مع نادر في البيت دا ملقتش غيره وانا بهرب اعرف ادخله ولما الراجل مسكني بدخل بيته معترضش علي وجودي و كان ودود جدا و اداني مكان في بيته
هند:يابنتي مش صح الي بتعمليه انتي بريئة في كل الحالات و هنلاقي طريقة تخرجي بيها من القضية بس هروبك هيلبسك التهمة
ليالي:مقدرش اقعد في السجن دقيقة واحدة يا هند،وانا همشي دلوقتي عشان الدنيا فاضية و المكان مريب هحاول اوصلك في اقرب وقت تاني،سلميلي الي سلمي عشان وحشيتني اوي.
هند:وانتي وحشتيها، متفضليش تعذبي نفسك
و قطعت ليالي الخط ولم تسمع رد صديقتها، و في طريق العودة كانت تشعر بانعدام الأمان و الخوف الشديد من هذا المكان المهجور و الخالي من وجود اي روح غيرها تقريبا،و تسألت بداخلها كيف لشاب في مثل عمر نادر الذي وكما يبدو على يزيد عن الثلاثين، يعيش في مكان مثل هذا اهو أيضًا يختبئ من شيئ، و في لمح البصر رأت احد بجانبها فزعت و أخذت خطوات سريعة للوراء و لكنها وجدته نادر و تحيرت من وجوده إلى جنبها و هي لم تشعر به و كأنه ظهر فجأة من العدم
نادر:بلاش تخرجي هنا كتير المكان مهجور،و لو طلع عليكي حرامي او اي حاجة محدش هيحس بيكي
ليالي:حاضر، كنت عاوزة أشكرك علي انك وافقت اقعد في بيتك.
وكانوا قد وصلوا الي المنزل و اكمل نادر
نادر:الموضوع مش محتاج شكر، انا اصلا محتاج حد يقعد أتكلم معاه، و عاوز أعرف ايه حكايتك
ليالي:هقولك بس بلاش تبلغ عني بعد ما احكي لو هتبلغ قولي و انا همشي بهدوء
نادر:متقلقيش مش هقولك امشي.
ليالي:انا كنت متجوزة واحد و مخلفة منه بنت اسمها سلمي حصلت خلافات و أطلقنا مرة كنت رايحة عشان عمل حاجة تضايقني اوي ولما دخلت الشقة لقيته مقتول و هربت بس كان شافني ناس كتير نازلة من عنده هربت من غير محدد اتجاه لحد موصلت ل هنا…
نادر:طب هربتي ليه؟
ليالي:أدركت انها هتتلبس فيا و لو هربت ممكن يكتشفوا مين الي عمل كدا،وأنا مقدرش أعيش يوم واحد ولا حتي دقيقة في السجن.
نادر:إن شاء الله القضية تتحل و مش هتمشي خليكي،يمكن نبقا أصحاب لوقتها و تيجي تقعدي معايا بدل الوحدة الي أنا فيها.
ليالي:انت ليه دافن نفسك بالحيا هنا ليه ساكن هنا.
نادر:انا لو ليا مكان غيره كنت مشيت بس معرفش امشي منه
ليالي: ليه؟
نادر:هقولك في وقت مناسب قومي ارتاحي و هقولك بكرا
ليالي شعرت ب احراج لعدم رده علي سؤالها و لكنها تجاهلت ذلك و قالت له:انا فعلا محتاجة ارتاح، شكرا ليك جدا
نادر:متشكرنيش
و دخلت غرفتها و لكنها شعرت ببرودة شديدة، ففكرت لو تذهب الى نادر و تطلب منه غطاء إضافي، و لكن عند خروجها من الغرفة لم تجد نادر ولا اي شئ يدل علي وجود أحد يسكن في البيت، كيف لم تلاحظ ان البيت يعتبر مهجور من الداخل كما هو من الخارج، و كل شئ مبعثر و مترب و لكنها رمت ذلك علي انه رجل يعيش بمفرده، وعندما لم تجده تجولت في المنزل، إن المكان ليس فقط عبارة مكان مهجور و لكن أيضا اواني قديمة بعض الشئ و جرائد علي الارض صفراء اللون و تراكمت عليها كمية كبيرة جدا من التراب تدل انها لم تلمس من دهر ولكنها قررت تنظيف البيت في الايام القادمة علي الاقل لاجل وجودها فيه
****
في بداية اليوم الجديد لم تجد نادر في المنزل فقررت تنظيفه و لاحظت وهي تنظف المنزل ان تاريخ الجرائد يرجع لعام 1993 حوالي 22 عام ولكنها ظنت إنه من الناس التي تحب اقتناء الجرائد القديمة و تجاهلت الموضوع و اكملت تنظيف المنزل وهي متحيرة من كمية الاتربة و كانه مهجور من اعوم و فجاة لاحظت وجود نادر و قالت له:في يوم هموت من وجودك بالشكل دا بتختفي من غير ما احس بتيجي كمان منغير ما احس
نادر: البيت حلو اوي شكله رجع زي زمان
ليالي:مش هعلق علي انك اتجاهلت كلامي بس عامة المهم إن البيت عجبك
نادر:مش هتحسي بكل حاجة كفاية انك حاسة بوجودي دلوقتي
استغربت ليالي طريقة كلامه و لكنها قررت تغيير مجري الحديث قائلة له: احكيلي عايش هنا من اد ايه و ليه مش معاك حد يهتم بيك
*****
علي اتجاه اخر هند صديقتها تتحدث الي والد ليالي و تحكي له ما يشغل بالها:انا حاولت اخليها ترجع صدقني هي مش مقتنعة انا عاوزاها تاخد اقل حكم و كمان هينظروا ل حالتها
والد ليالي:ديما إحنا الي بنعاني من اهمالها الزيادة الي كان سبب موت بنتها و اوهامها السخيفة لمجرد انها بتتهرب من افعالها أنا تعبت منها
هند:انت ملكش ذنب انا في اقرب وقت هتكلمني اكيد هحاول اقنعها ترجع
والد ليالي:ياريت ترجع ياريت
*****
انا كنت عايش هنا من زمن كبير و مكنتش لوحدي كان معايا مراتي بتهتم بيا و بكل حاجة انا كنت بحبها اوي لدرجة مش ممكنة بس عمري ماحسيت بدا من ناحيتها و جت بعد سنتين جواز طلبت الطلاق انا موافقتيش ولو رجع بيا الزمن مليون مرة مكنتش هوافق بردو في فترة حسيت إنها بتخرج كتير بعد ما بخرج و لأسباب مختلفة الشك دخل قلبي و قررت أراقبها مرة و لقيتها بتقابل واحد مش بس كدا و رجع معاها البيت طبعا انا مكنتش مصدق الي بيحصل ازاي توصل بيها انها تخوني دخلت عليهم الشقة و ماحسيتش بنفسي غير اني سايب كل حاجة و ماسك في رقبتها بخنقها لحد ما ماتت بعد ما ماتت مصدقتش الي عملته فيها و قعدت مصدوم لحد ما قررت انتحر مش هعرف اعيش مع ذنب موتها ولا من غيرها بس بقيت قاعد هنا بتأمل كل مكان كانت فيه و شيلت ذنبها ميت كمان
نظر نادر ل ليالي ولاحظ انها لم يتغير فيها شئ قال:ليه معلقتيش
ليالي:انت خلصت القصة كدا؟
نادر ابتسم لها و لم يتحدث و ظنت ليالي انه كان يحكي لها مجرد قصة و لم تعقب و اعتقدت انه يحاول ان يحافظ علي خصوصيته و لا يريد ان يحكي لها ولا يريد احرجها
ليالي:طب ممكن تبقا تيجي معايا اكلم هند عشان متقلقش و تكلمها معايا عشان تطمن
نادر:مش هينفع
ليالي:ليه
نادر:مش هتسمعني
بدأت ليالي في القلق من طريقته و لكنها طلبت منه فقط ان يذهبوا للتحدث الي صديقتها و وافق و ذهبوا للتحدث معاها
هند:مصممة مترجعيش ليه انتي مش عارفة انك بريئة
ليالي:انا بريئة بس لو رجعت من غير ما تطلع برائتي هتسجن
تحيرت هند ولم تستطيع الرد فقالت لها:عاملة ايه مع الي ساكنة معاه
ليالي:معايا خدي اتكلمي معاه
و لكن اعترض نادر و حاول اقنعها إنها لم تسمعه و وضعت السماعة علي اذنه و اجبرته علي الكلام ولكنه لم يتحدث وظل مبتسمًا لها وظلت ليالي تحدث وهو لا يجيب وفي الجهة الأخرى كانت هند تكرار "ليالي الو أنتي روحتي فين و بتكلمي مين" وضعت ليالي السماعة على أذنها و تحدثت الي هند و قالت لها هند:انتي بتتكلمي مع نفسك يابنتي فين اسمه إيه دا
تركت ليالي السماعة لقد أدركت كل شئ اختفاءه و وجوده فجأة القصة التي اخبارها بيها طريقته الغريبة الجرائد القديمة و نظرت له ثم أطلقت العنان لساقيها و لكنها راته في كل اتجاه تذهب له و لم تحتمل ما حدث و أغمي عليها
فتحت عينيها ليالي لتجد نفسها في المنزل من جديد و فزعت نظرت حولها وقعت عينيها علي نادر تملكها الخوف و حاولت الفرار منه و لكنه تحدث قالًا:انتي عارفة اني مش هأذيكي ولا حاولت أعمل دا انتي في بيتي ولو كنت عاوز اعمل دا هعمله
ليالي:أنت عبارة عن ايه
حاولت الهرب و ابعاده عن طريقها و لكن انصدمت انه خيال ليس إلا مجرد خيال تراجعت ولم تستطيع التعقيب و حاول هو الشرح
انا لما انتحرت روحي فضلت في البيت انا مش مسجون بس دا المكان الي حابب أفضل فيه انا مبظهرش لحد ولا حاولت أعمل دا مبيحصلش الغريب انك انتي الي شوفتيني حوالي 22 سنة متكلمتش مع حد حكيتك مصدقتيش أنا مكنتش مستنيكي تحكي قصتك انا عارف كل حاجة وانتي عارفة انه كفاية كدب علي نفسك حاولي تواجهي نفسك ب افعالك
ليالي في تلعثم : كدب ايه أنا مكدبتش
نادر: أنتي فاهمة قصدي
تحدثت ليالي باكية :مكنش قصدي أموته و كلهم بيقولوا اني السبب في موت بنتي اكيد مكنش قصدي ممكن أكون ام فاشلة بس مكنش قصدي تموت هي كانت تعبانة الدوا انا فعليا نسيت اديهولها مكنش قصدي اموتها ب قلة اهتمامي ب دا و ازاي أبوها يتهمني ب دا انا روحت عشان أتكلم معاه لقيته حد ضربه فعليا مكنش انا بس سيبته يموت محاولتش اساعده خفت و هربت
نادر:أنا عارف كل دا و سيبتك هنا و عارف ان محدش فاهمك كفاية تقدري تفضلي هنا ديما و ممكن تيجي معايا
نظر له ليالي في حيرة و قالت له كلمة واحدة:أفضل ازاي هنا ديما
نادر:تعالي معايا
ليالي لأول مرة تواجه نفسها أدركت ان الشخص الوحيد الذي يعرف حقيقتها لم تحاول اختلاق الاحداث و الاوهام كما تفعل دائما لم تنكر اهمالها فقط الصراحة ولم يتعامل معاها بشكل سيئ و لكن الي أين تذهب معه
*****
هند أخبرت والد ليالي بكل شئ و لكن كان لها رأي اخر في طريقة ليالي وهو إنها تتوهم بوجود نادر و اضطرت اخبار الشرطة بالمكالمة لتحديد مكانها و بحثوا في المكان و دخلوا المنزل الذي كانت توجد فيه ليالي ولكن وجدوا فقط جثتها المعلقة في حبل هي اختارت نهاية حياتها
*****
عرفت هند بموت صديقاتها ليالي، و ذهبت الي مكان الحادث و دخلت المنزل،و شعرت بشعور غريب و سيئ جعل قلبها يتألم بشدة عندما وقعت عينيها علي جثة صديقتها الموضوعة علي الارض و انهارت بجانبها علي الارض و نظرت لها بحزن شديد علي فقدانها للابد، و نظرت للمنزل و لكنها فزعت عندما رأت بجانب الجثة خيال ل صديقتها و شخص لم تراه من قبل مع صديقتها، و أغمي عليها.
*****
قررت هند معرفة كل شئ عن صاحب البيت،و علمت انه يسمي نادر و مات منتحر بعد ان قتل زوجته منذ اعوام كثيرة مضت، احتارت لماذا تفعل ليالي ذلك من أجل شخص قتل و انتحر و، لكنها قررت انها لن تخبر احد ما من شخص ناضج يصدقها.
#فادية_يعقوب
التعليقات على الموضوع