رواية دموع الورد🌸 الحلقة السادسه🌸

الحلقة ٦

اما والده حسن حدث نفسه : ياترى نازل ليه مصر... بعد السنين دي كلها يامراد ... واللي حصل زمان مش خايف انه يتعرف

جاءت زوجته من خلفه: ايه ياحسن انت بتكلم نفسك

حسن : لا ياحبيبتى كنت بكلم اسر علشان اطمن منه على أحوال الشغل

حنان : طب قفلت ليه معه بسرعة كنت عايزة أكلمه

حسن بشرود: كان تعبان وعايز ينام

حنان بخضه: تعبان ماله 

حسن ومازال مسيطر عليه حالة الشرود: مرهق من الشغل انت عارفه مراد الحناوى بيحب شغله أد ايه

حنان: الحقيقة طول عمره حياته شغله وشوشو بس 

حسن: اه

حنان: مالك ياحسن حساك مش طبيعى هو انت مخبي عليه حاجة 

حسن وهو يقبل يده زوجته: لا ياحبيبتى 

-------------------------------------------------------------

الفيلا عند مراد فى لندن

أما مراد فتح عيونه لقى نفسه نايم وسط صور وزكريات عدى عليها سينين كتير حضن الصور ونزلت من عينيه دمعه غصب عنه على احلى زكريات واحلى حياة كان ممكن يعيشها لولا غلطة حصلت غصب عنه ضم إحدى صور له كأنه يريد أن يدخلها جوه قلبه وبعد كده قام لم الصور تانى وحطها مكانهم وشال الصندوق فى مكانه تانى ودخل خد شاور وغير هدومه وخرج من اوضته راح على اوضه شوشو خبط على الباب مرة والتانيه ولما مفيش رد فتح الاوضه مالقاش حد نزل على تحت شاف سميحة سألها: فين شوشو ياسميحه

قبل أن ترد اتفاجا بشوشو: انا هنا يادادى

مراد : كنت فين بدرى كده

شوشو: ابدا كنت بلعب رياضه

مراد : طب يلا نفطر علشان خلاص تقريبا فاضل كام يوم وننزل مصر 

شوشو وقد تغيرت ملامحها لضيق فلاحظ والداها : وبعدين ياشوشو انا وعدتك لو مرتحتيش هنرجع تانى بس لازم اظبط الشغل هناك تمام

اومات شوشو براسهابعلامةالموافقه

بدءو فى الفطار وبعد ماخلصه ذهب مراد لشركته لمراجعة بعض الأمور الخاصة بالعمل 

أما شوشو فعملت اتصال لصديقتها كريستينا لتبلغها بقرار سفرهم

شوشو: صباح الخير 

كريستينا: صباح النور فينك

شوشو: موجودة بس حصل حاجات كتير وكملت بحزن وبعدين عايزة اشوفك قبل السفر

كريستينا: سفر مين

شوشو: انا ودادى

كريستينا: فين

شوشو: مصر ويلا تعالى بسرعة وانا احكيلك

قفلت شوشو مع كريستينا وقامت تحاول تحضر حاجاتها زى مع باباها طلب 

وصل مراد الشركة وطلب من مادلين أن أول مااسر يوصل تدخله على طول وكمان فى اجتماع طارئ مع مديرين الشركة لكي يبلغوهم بسفره وان اسر هيكون مكانه 

وجاء اسر وعملوا الاجتماع وبلغهم بقراره بخصوص اسر وسفره وطلب منهم يومين ويكون فى تقرير شامل عن أعمالهم وطريقة شغلهم مع أسر

أما اسر فكان باله مشغول بقطته الشرسه فكيف لها أن تشغل باله وتسيطر على تفكيره فهل يحبها فعلا لكن كيف ومتى وهو لم يراها الا من يوم واحد لكنه يعرفها جيدا من كلام والداها عليها فهو عاشقها قبل أن يراها لكن هل هذا عشق حقيقى أما هذا العشق سيختفي بمجرد بعدها هذا ماسوف تكشفه الأيام القادمة

__________________

وتاني يوم الصبح بعد ما فريدة خلصت كل اللي وراها راحت المكتب عند زينات

فريدة اول مادخلت المكتب وسلمت على زينات ابتدت تحكى ليها عن اخواته‍ا وأخذت تسترجع معها زكرياتها المؤلمة 

وكانت زينات مصدومة من تفكير اخوأتها وگاان عندها فضول تعرف باقى الحكاية

زينات: كملي

وبعد خروج توحيدة قعدت مكاني على السرير شارده بفكر هل انا فعلا انانيه وعايشه دور المثاليه ولا لأ

وفجأة دخلت علا الاوضة عليا 

علا بدموع التماسيح : لا ياحبيبتى انت مش انانيه خدي الفلوس كلها احنا مش عايزين حاجة غير سعادتك حتى لو حلم مش هيتحقق ولا هنعرف نعمل لماما ولبابا الصدقة الجاريه المهم انتي وحياتك وتقفي جمب خطيبك اللي هو مش عارف قيمتك بس بصراحة هو معزور علشان استحمل كتير وانت ضيعتي فرصة السفر من ايديك علشانا وعلشان احنا مش انانيين الفلوس دي كلها من نصيبك بس لما تعملي المشروع معاه ابقى افتكرى الجزء بتاع الصدقة الجارية وقالت كلامها وجاءت تخرج

فريدة مذهولة من كلام علا واستغربت اكتر من سمعاها كلامها مع توحيدة بالرغم انها نزلت ادامها: انت هنا من امتى؟ وكمان هى ده التربية انك تتصنتى على الباب

علا بدموع : انا عملت كده علشان خوفت عليكى وعلى منظرك وعارفة انك هتفضلى كاتمة فى نفسك زى العادة بجد حرام عليكى وكملت بدموع علشان كده انا بعد مانزلت رجعت تانى وفتحت الباب من غير ماتحسوا وسمعت كلامك وبعد كده استخبيت لحد ما خالتى توحيدة مشيت ودخلت واتكلمت معاكى علشان كفاية عليكى لحد كده تضحية علشان احنا مش صغيرين

فريدة اخدتها فى حضنها: ممكن الكلام ده مايتكررش تانى وبعدين انا مش بضحى بسعادتى دي مشكلة عادية بيني انا وهو 

علا وهو بتقوم من حضنها: لا خدى الفلوس اديهالوه وحددي ميعاد فرحكم وجاءت تخرج رجعت تانى بس ممكن تعملي الصدقة الجارية وتحددي الفرح بعد الامتحانات ومشيت وقفلت الباب ورءاها وضحكت ضحكة خبيثه ونزلت لقت علاء مستنياها انتي كل ده بتعملي ايه 

علا : كنت بلحق الدنيا قبل ماتخرب

علاء: دنيه ايه انا عايز افهم

علا يلا نمشى واحنا فى السكة احكيلك وفعلا ومشيوا وحكيت ليه كل حاجة سمعتها وكلامها مع فريدة

علاء: طب افرضى يافالحة انها سمعت كلامك وعملت كده

علا بضحكة: انت عبيط انت مش عارفة فريدة عاطفية أد ايه وكمان وعدها لماما انها تفضل معانا لبر الامان وانا عرفت العب صح على موضوع الصدقة الجارية ولما سمعت كلامهم فهمت أن خطيبها مش موافق ومش عايز تبعزق الفلوس فهمت انا قولت كده ليه

علاء: افرضى اخدته واقنعته

علا : مفتكرش الا زيه طماع مش هيقتنع ولو اقتنع هشوف حاجة تانيه يلا متفقرش وتعاله نلحق المحاضرة

أما عند فريدة فكرت فى كلام اختها واخدت القرار وقامت تتصل بخطيبها علشان تبلغه بقرارها

وبعد شويه كانت قعدة مع خطيبها فى مكان 

خطيبها: خير يافريدة

فريدة: انا فكرت واخدت قرار

خطيبها بفرحة: قرار اكيد اخدتى القرار الصح اللي فيه مصلحتنا وانا بقى هجهز مشروع تمام وهيكون مكسبه مئه فى مئه من خلال أرباحه ممكن نكبره ونكبر معه ياه انا سعيد بجد انك اخيرا عرفتى مصلحتك واهو أحسن من المرمطه فى السفر 

فريدة وقد ارتاحت نفسيا لأنها اخدت القرار الصح

خطيبها وهو يحاول يمسك ايديها: حبيبتى سرحتى فى ايه 

فريدة وهى بتسحب ايديها منه: لا معاك بس انا كنت عايزة اقولك وخلعت الدبلة من ايديها وسابتها على الترابيزة انا فعلا اخترت صح والحمد لله اننا لسه على البر علشان عرفتك على حقيقتك وسابته ومشيت ولأول مرة منذ خطوبتها له تحس انها عملت حاجة كويسه

رجعت البيت كانوا اخواتها رجعوا وكانت علا قلقانة واول ما دخلت فريدة 

علا جريت عليها: فريدة كنتي فين وخرجتى ليه

فريدة : كنت بصلح وضع غلط انا عملته فى نفسي

علاء: وضع ايه

فريدة: متشغلوش بالكم المهم تركزوا فى مذاكرتكم والمشروع اللي هتعملوه وكملت بضحك رغم الوجع اللي حاسة بيه اصل انا مش هرمى فلوسي فى الارض 

فرحت علا بكلام فريدة لأنها فهمت أن خططها نجحت بس مثلت الزعل : ليه يافريدة ضحيتى بسعادتك ليه

فريدة: ابدا ياحبيبتى انا عملت الصح المهم انا هدخل انام شوية وبعد مااقوم نتغداء سواء وتكلمونى على المشروع 

دخلت فريدة اوضتها تدارى الوجع اللي حست بيه هى محبتهوش بس كان نفسها ميحطهاش فى الاختيار الصعب أو كان عندها عشم انها مهمة بالنسباليه

اما علا فكانت سعيدة بنجاح خططها 

علاء : بجد انتي دماغك ده ايه

علا: يابنى انا فاهمة فريدة اوى ويلا ندخل نذاكر ونعمل دراسه المشروع

أما فريدة فبعد كلامها مع خطيبها فضلت أن تأخذ إجازة لمدة أسبوع حتى لاتضع تحت ضغط من امل صديقتها واخت خطيبها 

كان خلالها امل تحاول مكالمة فريدة لكنها لاترد عليها كانت عايزة تعرف السبب بعد ماحاولت مع اخوها لكن رفض أن يقول اي سبب من اسباب الخلاف وفى إحدى الأيام كانت دينا في مكتب الدكتور ممدوح واستأذنت فى الدخول وطلبت منه أنها تسافر مكان فريدة لتحسين ظروفها المعيشية وهو وافق بس قالها أنه لازم ياخد رأى صحاب المستشفى ووعدها أنه يذكيها عندهم وخرجت سعيدة من الوعد ده وهى خارجة قابلت امل بصدفة وكانت بتتكلم فى التليفون واول ماشافتها بعدت التليفون وسلمت عليها ومشيت احست دينا أن امل مخبيه حاجة وخصوصا بغياب فريدة المفاجئ فقررت تتسحب تروح وراءها علشان تتصنت عليها سمعتها بتتكلم مع اخوها وبتقول أنا عايزة افهم ايه إللي حصل علشان تفسخ الخطوبة معها

أخوها: --------

امل بعصبيه: يعنى ايه كل شي قسمة ونصيب انا حاسة انى فيه حاجة غير كده 

أخوها :_________

امل : ماشى بتقفل السكة فى وشي ماهى لو فريدة ترد كانت عرفت السبب 

ضحكت دينا أن مخططها نجح واخيرا قدرت تكسر قلب فريدة وفاضل حاجة واحدة بس وابقى كسرت فريدة للابد بس اعملها ازاى اه خلاص عرفت 

وبعد مرور حوالى أربعة أشهر كانت فريدة تحاول خلالها أن تهرب من امل حتى لا تسألها عن اسباب فسخها الخطوبة وخصوصا انها فى فترة معينة كانت امل تحاول معرفة السبب وفجأة لاحظت هروبها منها لحد هذا اليوم التى ظهرت فيها دينا وقربت من فريدة وبيديها علبه شكولاته: صباح الخير يافيرى وقبلتها

فريدة باستغراب: صباح الخير يادينا

دينا بشماته: مفيش مبروك

فريدة: مبروك بس على ايه 

جاءت امل من خلفهم روحى انت يادينا دلوقتى وسيبنى مع فريدة

دينا وهى تضع في ايديها علبه الشوكولاته: مش قبل ماتاخد ده منى ياامل وبعدين مايصحش تكسفى مرات اخوكى كده وهو فيه حاجات ممكن تكون سر على مرات اخوكى وتكت اوى على كل حروفها

فريدة وقفة مصدومة مش عارفة تقول ايه

امل بغيظ من دينا: خلاص خلصتى اتفضلى بقى 

دينا: سلام وعقبالك يافيرى

امل فى داهية والتفاتت لي فريدة إللي واقفة مكانها مصدومة من اللي بيحصل : اقعدى يافريدة وانا هفهمك 

قعدت مكانها امل كملت كلامها انامش عارفة لحد دلوقتى وصلت ليه ازاى كل اللي اعرفه أن من حوالى اسبوع جاه البيت وفاتح بابا وماما أنه عايز يخطب دينا ومش بس خطوبة كمان كتب كتاب ازاى وصلت ليه معرفش طبعا انا واقفت فى وشه كتير اوى بس هو اخد قراره وقال إنه بيبلغنا أن كتب الكتاب يوم الخميس علشان يلحق يخلص أوراقه ويسافر معاها كملت بدموع صدقينى انا معرفش لحد دلوقتى ازاى ده حصل 

اخيرا فريدة خرجت من صمتها : انتي بتعيطي ليه دلوقتى انا مش زعلانة انا فرحانة اخوك المرة ده اختار صح اوى 

امل : انا زعلانة علشان هو ساعد دينا انها تكسرك انا عارفة انها مش بتحبك فعلشان كده عملت بس انا نفسى اعرف ايه اللي حصل بينكم

فريدة: مفيش وبعدين مين ده إللي يكسرنى وكملت بضحكة ياما دقة على الراس طبول مش اخوك ودينا اللي هيكسرونى وبعدين انا وانت هنفضل صحاب وجاءت مدت ايديها وفتحت الشكولاتة واخدت حته وبعد ما دقتها بس تصدقى جايبه شوكولاته من النضيفة

ضحكة امل على فريدة فبرغم من صدمتها الا أنها تحاول التخفيف عنها 

أما دينا بعد ماخرجت ابتسمت بشر لأنها افتكرت انها كسرت فريدة وافتكرت ازاى ده حصل 

سرحت ازاى قدرت توصل لاخو امل 

بعد ما سمعت مكالمة امل مع اخوها مشيت بعيد وكمان خلت واحدة زميلتها تنادي على أمل بأى حجة علشان تخرج وفعلا ده حصل واول ماخرجت كانت امل سابت تليفونها في الشاحن ففتحت التليفون واخدت الرقم وابتدات تكلمه وتحاول تقرب منه وخصوصا لما عرفت نقطة ضعفه أنه طماع زيها واغرته بموضوع سفرها وانها هتقنع الناس هناك وتشوف ليه شغل 

فاقت من شرودها على صوت زميلتها : سرحانة فى ايه كده 

دينا: ولا حاجة انا جاية اسلم عليكم قبل السفر 

وهنا اتقفلت صفحة أخرى فى حياة فريدة بحلوها ومرها لتستقبل فريدة مرحلة أخرى فى حياتها هتكون الفيصل وهتغير حياتها نهائيا

هنعرف الحلقة الجايه