عذبني حبك الحلقة 34

الفصل الرابع والثلاثون

نور تصرخ وتبكي بحرقه؛؛

لا متقولش كده، ايهاب عايش، ايوة عايش ممتش، صدقني حتي شوفوا اهو انا حاسه بأنفاسه والله،،

يقترب رجل الاسعاف منه وينظر اليها ويقول،،،، للأسف

فتصرخ به نور مردده،،،

لاء اوعي تقولها ارجوك

رجل الاسعاف بنظرة شفقه يقول؛؛

يافندم بقول للأسف النبض ضعف جدا، ولازم نلحقه عشان ننقذه، ارجوكي سبيه عشان اعرف الحق اوديه المستشفى، سبيه يافندم، كل دقيقه بتمر فيها خذر علي حياته، انتي شايفه النذيف كتير ازاي، سبيه ارجوكي

نور في حاله توهان لا يرسي لها، فتركته، والجميع اسرع به الي المشفي، فنهضت نور ولحلقت بجواره داخل سيارة الاسعاف، وهي طوال سيرهم ممسكه بيده تقبلها وتهمس بأذنيه ببكاء شديد مردده،،،

- هوبا حبيبي.. انت حاسس بالنار اللي بيا،، لو حاسس اتمسك بالحياة عشان خاطري،، عشان حبنا يشوف النور، عشان خاطر اولادنا اللي حلمنا نجيبهم ونعلمهم الحب ازاي يكون،،ايهاب ياحب عمري اتمسك بالحياه ياحبيبي،،،،، قالت كلامتها وهي محتضنة يديه ودموعها تنذف دما عليه،،،

#عذبني حبگ بقلم إيمووو

وبعد مضي الوقت وصلت سيارة الاسعاف والجميع يركضون مسرعين، وحاله هرج ومرج حلت بالمكان، وتم إدخال ايهاب الي غرفه العمليات فورا،
يقف عادل وفارس بجوارها يشتد من ازرها، وفوضعت يداها علي ثغرها لتكتم صرختها، ثم وقعت علي الارض وجلست بجوار غرفة العمليات، وانفجر نذيف دموعها كالشلال بدون توقف وهي تهمس بالدعاء للمولي رب العالمين مردده،،،

ربي اٍّنِّ قِّدٌّرتُّكّْ تُّفّْوقِّ قِّدٌّرة اٍّلَّاٍّطَّبّْاٍّء فّْاٍّنِّزَلَّ عَّلَّيه شّْفّْاٍّء مُّنِّ اٍّلَّسًّمُّاٍّء ..
اٍّلَّلَّهّْمُّ اٍّشّْفّْ مُّنِّ اٍّتُّعَّبّْهّْ مُّرضهّْ وتُّأخٌّر شّْفّْاٍّؤهّْ وكّْثّْر دٌّاٍّؤهّْ وقِّلَّ دٌّواٍّؤهّْ واٍّنِّتُّ سًّبّْحّْاٍّنِّكّْ عَّونِّهّْ وشّْفّْاٍّؤهّْ ياٍّ مُّنِّ غٌّمُّر اٍّلَّعَّبّْاٍّدٌّ بّْفّْضلَّهّْ وعَّطَّاٍّئهّْ..
ياٍّ ربّْ اٍّجٍّبّْر بّْخٌّاٍّطَّري ياٍّ ربّْ هّْنِّاٍّكّْ دٌّعَّوة تُّخٌّتُّنِّقِّ فّْي صُّدٌّري واٍّطَّلَّبّْهّْاٍّ مُّنِّكّْ بّْكّْلَّ ذلَّ واٍّنِّكّْسًّاٍّر
ياٍّ اٍّلَّلَّهّْ اٍّثّْلَّجٍّ قِّلَّبّْي بّْتُّحّْقِّيقِّهّْاٍّ

اٍّلَّلَّهّْمُّ مُّاٍّ اٍّنِّاٍّ بّْهّْ مُّنِّ اٍّبّْتُّلَّاٍّء فّْاٍّنِّي اٍّحّْتُّسًّبّْ اٍّجٍّر صُّبّْري عَّنِّدٌّكّْ واٍّنِّ كّْاٍّنِّ بّْسًّبّْبّْ ذنِّوبّْي فّْاٍّنِّي اٍّسًّتُّغٌّفّْركّْ واٍّتُّوبّْ اٍّلَّيكّْ
..
اٍّلَّلَّهّْمُّ اٍّرزَقِّنِّي نِّعَّمُّة يعَّجٍّزَ عَّنِّهّْاٍّ شّْكّْري
ولَّاٍّ تُّبّْتُّلَّينِّي بّْبّْلَّاٍّء يعَّجٍّزَ عَّنِّهّْ صُّبّْري ..
اٍّلَّلَّهّْمُّ اٍّنِّي وكّْلَّتُّكّْ اٍّمُّري فّْأنِّتُّ خٌّير وكّْيلَّ
ودٌّبّْر لَّي اٍّمُّري فّْاٍّنِّي لَّاٍّ اٍّحّْسًّنِّ اٍّلَّتُّدٌّبّْير ..

وقف الجميع يستمعون اليها وحاله من البكاء مسيطرة علي الجميع، ففارس يقول مردد بنفسه،،

يارب انت عالم انه مش صاحبي وبس، ده اخويا، وابويا، وكل دنيتي مليش غيرة، كبرنا مع بعض وعيشنا احليدايام شبابنا ومراهقتنا سوا، يارب نجيه عشانا كلنا، ومتحرمناش منه، وعافيه يارب، الدنيا مش هيبقي ليها طعم من غيرك ياصاحبي، وحبيبي، يااارب انت المجيب تقبل منا يارب

عادل واقفا والدموع تنهمر علي صديق الطفوله، نعم فايهاب صديقه منذ الصغر، ويمر امام مقلتيه شريط ذكرياتهم طوال السنوات السابقه، فيحتقر نفسه ويكرها، كلما تذكر ما فعله به، كيف عماه غضبه وتسبب بجرحه والالامه، يا الله،ثم ردد يقول،،

- لا ياصاحبي قوم وشد حيلك وانا اوعدك هعمل ما في وسعي عشان اكفر عن ذنبي وتسامحني،،، يااارب اعفي عنه ونجيه،، يارب انت الشافي المعافي يارب

يقف فارس فينتبه لرنين هاتفه، فيجد المتصل دكتور هادي، فيرد بنبره باكيه قائلا،،

- ايوة يادكتور احنا وصلنا وهو دخل فورا العمليات، النبض كان ضعيف اوي، ونذف كتير

هادي بنبرة بها آسي، وضيق، وقلق،يقول،،

نور طمني عليها، عامله ايه؟

فارس ينظر لها نظرة حزن والم ثم يقول،،،

حالتها صعبه اووي، تصعب على الكافر، مش قادرة تقف علي رجليها ياعينى ، عاقده علي الارض جنب غرفة العمليات منهارة، لو شوفتها يادكتور مش هتقدر تملك نفسك

هادي بنفس نبرة الاسي والحزن، يحدثه بحذر ويقول؛؛

فارس ارجوك خليك جنبها، انا مسافة السكه وهكون عندك، نور لو جالها انتكاسة مش هتقوم منها تاني، هترفض الحياة وهتموت بالبطيئ، نور لسه متعافتش تماما، مش هوصيك عليها، انا مش هتاخر سلام

فارس بنظرة قلق عليها يرد،،،

متتأخرش عليها يادكتور بسرعه ارجوك

واثناء حديثه، كان عادل يرد علي والد نور قائلا،،،

- ايوة ياعمي نور اهي منهارة قدامي، احنا في مستشفى...،،

زين بقلق متسائلا،، هو خرج ولا لسه؟

عادل بحزن،،

لا لسه في غرفه العمليات، ومفيش حد طمنا، لحد دلوقتي

زين؛ انا هجي علي طول

عادل : تمام متتأخرش، نور محتاجلك اوي، ربنا يستر عليها

#عذبني حبگ بقلم إيمووو

ومرت الساعات كأنها دهر عليها،،، وبعد طول انتظار، خرج الطبيب من غرفه العمليات، فنهضت نور بمساعده فارس، واسرعوا اليه متسائلين عن حالته فرد الطبيب قائلا بكل حزن واسف،،،

بصراحه ياجماعه الحاله صعبه جدا، وكان ودي اني اطمنكم، حالة المريض جت صعبه جدا، والقلب وقف اكتر من مرة، وحاولنا نخرج الرصاصة، لكن الرصاصة استقرت في الكبد ومخرجتش، والشظايا اللي خرجت من الرصاصه ادت الي تلف جزء كبير من الكبد، والجزء السليم منه مش هيقدر يواصل عمله بشكل طبيعي، ومحتاجين متبرع يكون فيه تطابق بين انسجة الكبد عنده وعند المريض، ياريت نلاقي متبرع في اسرع وقت، لان الحاله حرجه جدا

اسرعت نور مردده بانهيار،،،

انا خد مني الكبد كله، خد مني الكلى، حتي قلبي خده، مش عايزاه، المهم هو يخف ويقوم، ارجوك يادكتور، ارجوك ابوس ايدك، اعمل اي حاجه عشان يخف، انا مليش غيره، وارجوك يادكتور

ينظر الطبيب لها نظرة عطف واشفاق عليها، ثم يمسك يديها، ويربت عليها مرددا،،

تعالي معايا تعمل التحاليل، وربنا يقدم اللي فيه الخير

فينظر اليه فارس وعادل محديثنه قائلين،،

استني يادكتور، احنا كمان هنعمل مع نور، واللي يتوافق معاه هيتبرع، احنا ممكن نعمل اي حاجه عشان سلامه ايهاب

وينصرفوا جميعا الي المعمل، وبمجرد اخذ عينة دم من نور وتم التعرف علي فصيله دمها، التي وجدت انها غير مطابقه لفصيلة دمه، وقعت علي الارض فاقده للوعي، فسارع فارس بحملها ووضعها علي الفراش، للكشف عليها، واعطي لها حقنة حتي يتم افاقتها، واذا بها تصرخ في حاله انهيار وهياج مردده، بأسمه مهزيه بكلمات لا يفهم منها احد، وفي أثناء هذه اللحظات، دلف اليها دكتور هادي، فقترب منها في حنو، ممسكا يديها مرددا،،،

- نور حببتي،، بنتي اهدي بصيلي كويس انا دكتور هادي، نور سمعاني،، نور خليكي قويه،، اجمدي ايهاب محتاجلك تكوني قويه، كفايه اللي هو بيعانيه،، نور ردي عليا،، فقام بهزها اكثر من مرة،، ثم قال،، ايهاب،، ايهاب محتاجلك،،،

وهنا هند سماع اسمه اكتر من مرة، انتبهت له ونظرت له مردده،،،

اااااه،، ااااه د هادي شوفت اللي حصلي، كان عايز يضربني بالنار، وايهاب،، اااه ايهاب اخد الضربه وفداني بعمره، ايهاب حالته حرجه اووي، عايزين متبرع له بفص من الكبد، وللاسف فصيله دمي طلعت مختلفه،،،، وتبكي بحرقه، ايهاب هيضيع مني، وانا السبب، يارتني ما صالحته،،، يارتني ما قولته يجي وكنت اخدتها انا وارتاحت من العذاب ده، هو انا ليه مكتوبلي، عذاب الدنيا كده، ليه مش مكتوبلي افرح واتهنا مع الانسان اللي اتمنيته من الدنيا... اااه ااااه ليه الدنيا معانده معايا كده وكرهاني يادكتور،، ليه؟

هادي بهدوء شديد غير ما بداخله من حزن نظر لها وقال؛؛؛

اهدي،، اهدي خالص،كله مقدر ومكتوب يانور، الحمدلله انه بخير وهنلاقي ان شاء الله متبرع، لكن انتي اجمدي كده، لازم لما يفوق يلاقي نور الجامده، اللي تصبره وتقف جانبه مش الضعيفه المنهارة اللي قدامي دي

نور تنظر له نظرة ضعف وانكسار ثم ترد؛؛

- مش قادره يا دكتور،، اللي مريت بيه النهاردة اصعب بكتير من اللي فات، برغم كل جرحي زمان، بس اللي كان مصبرني انه جنبي وعايش معايا، بيحاول يرضيني، لكن مجرد فكره فقدانه شئ مرعب، صعب ان عقلي يستوعبها،، انا حاسه اني في كابوس، وكابوس مرعب مش عايز يخلص

هادي يربت علي كتفها، ثم يقول،،،

اصبري يانور علي ابتلاء ربنا ليكي، واطلبي منه العفو والمغفرة

ينادي عليها عادل وعلي وجه ابتسامه برغم الحزن الذي بداخله، ويقول،،،

- الحمدلله يانور، عملت التحاليل اللازمه، فصلتي متطابقه مع ايهاب، فارس للاسف مش زي فصيلته، يارب الانسجه تتوافق وينفع اتبرعله، وانفذه

نور تنظر اليه متعجبه،؛؛ انت ياعادل، معقول

عادل بنظرة حزن،،،

ليه مستغربه، يارب بس انفع، دي هتبقي اقل حاجه اقدمها لايهاب، عشان اكفر عن ذنبي في حقه، وتخليه يرضى عني ويسامحني، ونرجع زي زمان اكتر من اخوات

نور بنظرة ترجي تقول،،،

يارب ياعادل، يارب ربنا يعفو عنه

نور تنظر لهادي قائله،،،

انا عايزه اشوفه وبالله عليك يادكتور، حاول تساعدني، نفسي اطمن عليه

هادي بنظرة شفقه عليها يقول؛؛

صعب جدا يانور، هو في العنايه ومش هيحس بيكي اصلا، الايام الجايه دي محتاجه دعانا كلنا له، ادعيله يانور

نور تستند رأسها بيديها وتداري وجهها ثم تقول؛؛؛

انا مقدميش حاجه غير اني ادعيله، ربنا وحده عالم بحالي ايه، وحاسه بايه دلوقتي

هادي؛ ربنا يستجيب منك يارب

يدخل الاب والام علي ابنتهم، فتضمهم بشده مواسينها في الامها، فيقول الاب لها،،،

-ارمي حمولك علي ربنا يانور، ولو ليكي نصيب في حاجه هتاخديها حببتي، لو حصل ايه، استعيني بالله فهو خير معين

تجفف نور دموعها ثم ترد تقول؛؛؛

ونعم بالله يابابا، ربنا يشفيه ويعافيه ليا، وميحرمنيش منه

الام بحزن على ابنتها ترد؛؛؛

يارب يابنتي ياارب

#عذبني حبگ بقلم إيمووو

تم القبض علي الشخص المتهم، وتحت الضغط والتحقيق، اعترف علي المدعوه هايدي، هي من استأجرتة لضرب المدعوة نور زين الدين، لكنه اخطأ التصويب وتفداها المطرب ايهاب عمر، وهو الان في حالة حرجه تمنعه من اخذ اقواله، وتم القبض علي هايدي،واخذت اقوالها، وانكرت في بادئ الامر، ولكن بمواجهتها بالمتهم اقرت بجرمها، وتم وضعهم في قفص الاتهام لحين عرض القضيه للمحكمه

#عذبني حبگ بقلم إيمووو

كان يجلس معتز برفقه جنة لمشاهدتة الحفله، وشاهدوا ما حدث من حادثه فنهض فجأه من مجلسه وقرر الاتصال بصديقه ليعلم اخر التطورات، لكن مع الاسف لم يتم الرد، فنظر لجنة مرددا،،

- هادي مش بيرد عليا، اكيد مش سامعه، انا لازم اعرف هو فين واقف معاه، اكيد هو عند نور، ده بيعتبرها زي بنته بالظبط

ليلي بحزن والم تقول،،،

ياعيني عليكي يابنتي، ملحقتش تفرح، بس ياتري قبضوا علي المجرم اللي عمل كده

سليم يرد بضيق، وحده؛

اكيد تم القبض عليه الناس ممكن تكون مسكته، انا شفت المباحث جت بس الكاميرات كانت مركزه اكتر علي نور، وحتي لو هرب، هيعرفوا يجبوه من خلال تفريغ الكاميرات، هيشوفوه ويعرفوا يجيبوه لو كان في بطن الحوت

معتز ينظر له ويردد،،،

فعلا ياعمي عندك حق الكاميرات سهل جدا تجيبه

جنة تنظر اليه نظرة حزينه ثم تقول له،،،

طب جرب كده تاني تتصل بدكتور هادي يمكن يرد، ولو مردش نكلم نسمه نعرف الاخبار ايه؟

ينهض معتز ليحدثه، فيرد عليه هادي بصوت حزين مخنوق يقول،،،

- ايوة يامعتز، معلش مسمعتش اتصالاتك

معتز بقلق ردد قائلا،،،

ولا يهمك طمني، الاخبار عندك ايه؟

هادي بحزن شديد يقول،،،

الاخبار مطمنش خالص يامعتز، نور في حالة انهيار، حالتها صعبه اووي، ولحقتها قبل ما يحصلها انتكاسة، انت عارف انها معرضه لحاجة زي دي، الحمد لله عدت علي خير

معتز بحزن تساءل مردد،،

طب ايهاب اخباره اية؟

هادي بنبرة مخنوقه،،،

ربنا يتولاه برحمته، حالته حرجه جدا، محتاج حد يتبرعله بفص كبد، والكل عمل مفيش غير عادل نفس فصيلته، ومنتظرين النتيجه

معتز بنبرة برجاء قال،،،

يارب تتوافق معاه، يعفو عنه ربنا، انت طيب مش محتاجني اجيلك

هادي بنبره حزينه يقول،،،

شكرا ياحبيبي، انا هطمن عليها وهروح عشان نسمه لوحدها

معتز بنبره جديه يقول،،،

لو احتجت اي حاجه بلغني علي طول، وانا هجيلك فورا

يغلق معه ويتوجه اليهم ويقص عليهم اخر الاخبار، فيجد جنة تجلس حزينة وتبكي في صمت، فقترب منها وضمها اليه، ليشعرها بالامان، وهمس لها مرددا،،،

- حببتي ممكن تهدي شويه، انا مكنتش اعرف انك مرهفه الاحساس اوي كده

جنة ترفع راسها وتنظر اليه مردده؛؛؛

اصل نور وإيهاب صعبانين عليا اووي، نور كانت فرحانه اوي يامعتز، ملحقتش فرحتها تكمل، ولسه ايهاب كان رايح عندها ياخدها في حضنه، ويبدأوا حياتهم، اخد الرصاصه بدالها، ده فداها بروحه يامعتز، شوفت عمرك حب في الدنيا كده، وحالته انت بتقول كمان حرجه، ربنا يشفيه يارب، انت متتخيلش انا بحبهم ازاي

معتز يستمع اليها وينظر لها نظرة حب وشفقه علي حالتها، ثم يقول؛؛؛

- حبيبي اهدي بقي، احنا مش قدامنا غير اننا ندعلهم، شوفي انتي حالتك عامله ازاي، امال نور بقي حالتها ايه، ياريت كل المشاكل تتحل بالبكاء كنا مبطلناش عياط طول عمرنا، بس مش ده الحل، احنا دلوقتي محتاجين كلنا ندعي ليهم من قلوبنا ربنا يفك كربهم ويعفي عنه

جنة بنظرة حزن؛ يارب يامعتز

معتز بابتسامه مصطنعه يقول،،،

وايه حكاية بتحبيهم دي، انتي تحبي نور اه، لكن ايهاب لا، ثم يهمس لها، تحبيني انا بس، فاهمه ولا مش فاهمه

جنة تبتسم له غصب عنها ثم قالت،،

والله انا بحبهم زي كل المطربين ياحبيبي، وطبعا بحبك انت وبس، ربنا يخليك ليا وميحرمنيش منك يارب

معتز بنظرة حنان وحب،،،،

حببتي انا عارف، بس حبيت اهزر معاكي، وحبي كل الناس ياعمري، بس انا اكون اولهم

جنة بحب قالت،،،

ده انت اللي في القلب والعين ياميزو

#عذبني حبگ بقلم إيمووو

وتمر الايام والحال كما هو، الجميع منتظر ظهور نتيجه التحليل، لمعرفة مدي مطابقه الانسجه له اما لا، وايهاب يرقد في غرفة العنايه المركزيه، والنور جالسه بجواره لا تتحرك الا حين تقوم لاداء فرضها ثم تجلس مكانها، بعد رفضها العوده الي منزلها مع والدها، فارغبته علي حجز غرفه لها بجواره لترقد بداخلها بعض الوقت لتستريح بها، ومعها حقيبتها التي اعدتها لها والدتها، وبها بعض اغراضها الشخصية الهامه، وكانت تنظر له من وقت لاخر عبر زجاج الغرفه، وتبكي علي حاله، وحالها، وتنهمر دموعها فوق وجنتها كالجمرة تحترق قلبها علي حالته، ثم تجلس علي مقعدها تدعو له في صمت

#عذبني حبگ بقلم إيمووو

اصبح حديث علاقه العاشقين ايهاب ونور، محط انظار الجميع في كل مكان، البرامج التلفزيونية التوك شو، والصحف والمجالات، وكل السوشال ميديا، تتكلم عن عشقهم الذي اصبح حكاية تحكي في كل وقت وفي كل مكان، فقد اصبح ايهاب ونور اسمهم مرتبطين بقصص الغرام مثل
روايات "قيس وليلي" او "عنتر وعبله"
او "روميو وجوليت"، فكتب اسمهم بينهم
"نور و ايهاب" فاصبحت المراهقات يتمنن شاب فارس مثل ايهاب، يعشقها مثل عشقه لنور، الذي فاق كل الحدود، حب من نوعاََ خاص، حب له مذاق لذيذ، برغم قسوت الايام عليه، لكنهم ينعمون بداخلهم عشقهم،، ياله من عشق بلا حدود

#عذبني حبگ بقلم إيمووو

تحسنت خلال الايام السابقه نانسي، وتم نقلها الي غرفه عاديه، وبجانبها أدم الذي لا يفارقها، فيقوم بمساعدتها في كل شيء، فجلس بجوارها يتأملها مرددا،،،

-حبيبي هنبدأ مرحله العلاج الطبيعي، انا عارف انه هيبقي صعب شويه عليكي، بس انا جنبك وهنتحمل كل حاجه مع بعض

نانسي ترد بنبرة حب، وتحدي، وقوه وايراده،،،

- وانا مستعده لاي الم هحس بيه، وهعديه باذن الله بقوه وتحمل، عشان هيوصلني بيك سليمه واقفه علي رجليا من تاني، متقلقش عليك، انا بستمد قوتي منك انت يا ادم، انت مصدر طاقتي اللي بتديني القدرة علي مواجهة اي الم

ادم يقترب منها، ويحتضنها بعيونه مردد،..

- يعني اعمل ايه انا فيكي بعد كلامك الحلو ده، ارد بأيه انا دلوقتي، انتي خلاص جننتيني يا انوس

ويطرق باب الغرفه دكتور العلاج الطبيعي يستأذن بالدخول، ففتح له، ثم توجه اليها مرددا؛؛

- صباح الخير

نانسي؛ صباح الخير يادكتور

مازن بابتسامه يقول،،،

انا دكتور مازن، هتابع مع حضرتك جلسات العلاج الطبيعي

نانسي تنظر له نظرة قلق؛ اهلا بحضرتك

مازن ينظر لها مبتسم ثم قال بهدوء،،،

انتي قلقانه ليه كده، ان شاء الله هتتحسني مع الجلسات، احنا هنبدا بتمارين بسيطه نقوي العضلات، وبعدين هتقويها بالاجهزة، المهم يكون عندك اراده وعزيمة قويه

ويبدأ بالتمارين، ومع مرور الوقت تتغلب علي خوفها والامها، وهي تنظر لادم من وقت لاخر كانها تستمد من نظرته القوي، حتي انتهت من الجلسه بعد انتهاء المده المحدده لها، وانصرف الدكتور، بعد ان اعطي تعليماته لها بتكرار التمارين السابقه كل يوم ٣مرات في اوقات محدده

اقترب منها ادم، واحتضنها بين ذراعيه، وظل صامتاََ وهي بين يديه، مستسلمه لاحساسها بالأمان، واذا فجأه تنتبه لدلوف والدها والدتها ومعه المأذون ليقوم بكتب كتابها، فتنظر اليهم في فرحه مردده،،،

- مش معقول يا ادم، ليه مقولتليش من اول ما دخلت؟

ادم بفرحه،،،

عشان كنت عايز اعملهالك مفاجأة واشوف بنفسي الفرحه اللي في عيونك دي، وكمان انا بقالي ٣ شهور بعدهم باليوم والساعه عشان أحقق حلم حياتي ده، وبصراحه كده انا خلاص مش قادر يا انوس انام في الغرفه اللي جنبك، وانتي هنا، انا هجيب سرير هنا عشان اتمتع برؤيتك وانا نايم

سمير ينظر له ثم يرد،،

احم احم، يابني راعي اني واقف، والمأذون جنبنا، عيب اختشي

ادم ينظر له ثم يقترب منه ويحضنه ويقول؛؛؛

اعذرني ياعمي، انت انت واحد عارف بحبها اد ايه، من انا لسه طالب وانت حاسس بيا، وحتي لما سبت الدنيا كلها برضو كنت مش سايبني

سمير يشتد علي احتضانه ويقول؛؛

- عارف يابني، وكنت طول عمري بدعي ربنا تكون من نصيبك، والحمدلله ربنا حقق مرادي، ورجعتلك اهي، يالا حضر البطاقه عشان نكتب الكتاب

وبعد مضي الوقت اصبحت نانسي زوجته، فاسرع اليها محتضنها بشده، ومقبلا جبهتها، وهو يردد لها هامسا،،،

اخيرا يا انوس... اخيرا حلم حياتي اتحقق وبقيتي مراتي... انا مش مصدق نفسي

نانسي بسعاده ترد،،،

اخيرا يا ادم، انا فرحانه اوووي، حاسه انك اول فرحتي وبختي

ادم يضع سبابته علي فمها مردد،،،

بلاش تقولي كده، انسي اي حاجه، وافتكري بس، انك بين اديا انا، وفي حضني اللي يا ما اشتاق واتعذب في بعادك.... حضني اللي عمرك ما هتفارقيه ابدا... ولا همسح انك تبعدي عنه.... حضني اللي كله حب وشوق ليكي ياحب طفولتي، ومراهقتي وشبابي.... وكل حاجه ليا،، بحبك يا انوس حب لو اتوزع علي الكون لكفي وفاض كتير

نانسي تدمع عيونها وترد بنبره باكيه؛؛؛ كتير عليا اوي حبك ده يا ادم، انا متستهلش كل ده... مستهلش كل الحب اللي في عيونك ده... انت اكبر واعظم من انك تحبني يا ادم

ادم ينظر لها نظره لوم وعتاب، ثم يقول؛؛؛

- اوعي تقولي كده تاني، انتي اكبر وابعد من اني اوصلها، انا بحبك يا انوس وعمري عيني لا شافت ولا هتشوف غيرك، انا اترهبت من اجل عيونك الحلوين دول، النهارده اسعد يوم في حياتي، ولازم تحتفل بيه كلنا

زهيرة تنظر لابنتها بحب وتقترب منها مردده؛؛

- الف مبروك ياحبايبي، ربنا يكمل فرحتنا بشفاكي حببتي يارب

وتدخل الممرضة ومعها تورته كبيرة علي شكل قلب وفي المنتصف صورة نانسي، فتنظر له بفرحه وتدمع مقلتيها من السعاده، ثم تضعها الممرضه علي الطاوله، وبجانبهم الاطباق، ثم تقول مردده؛؛؛

-الف مبروووك، وتنصرف في هدوء

فيتقدم ادم من الطاوله ويمسك بيده السكينه ويقربها اليها لتقوم بقطعها، ثم يهتف قائلا،،،

- ممكن بقي مراتي حببتي تقطع التورته ونحتفل كلنا بأجمل مناسبه في عمري

نانسي بفرحه ترد؛؛؛ طبعا ياحبيبي

ويستمر الوقت بينهم في سعاده بالغه، ف ادم حاول بكل جهده ان يساعدها علي نسيان الماضي وايضا كل الآلامها، فكان لها نعم الزوج... والسند...والظهر... فشعرت معه بمعنى السعاده الحقيقيه، انه الحب الحقيقي الذي انعم الله عليها به

#عذبني حبگ بقلم إيمووو

يجلس معتز في المشفي بعد انتهاءه من عمله يحادث زوجتة، فترد عليه مردده،،،

-ميزو ازيك حبيبي

معتز بنبرة مخنوقه يرد،،،

الحمدلله ياجنتي، انتي اخبارك ايه؟

جنة بقلق؛ مال صوتك، حاسه انك مخنوق؟ في حاجه حصلت؟

معتز بضيق؛ مفيش بس الدنيا مش مطظبطه شويه معايا

جنة بهدوء قال،،

ليه بس ياحبيبي، عشان موضوع جوازنا اتأجل شويه، ولا في حاجه تانيه

معتز بتنهيده؛ وهو ده شويه ياجنتي

جنة بنبرة حنان،،

معلش انت عارف هادي ممكن محضرش الفرح هو نسمه، عشان زعلان علي نور، يرضيك يعني

معتز يزفر انفاسه بضيق، ثم يقول،،،

لا طبعا ميرضنيش ياحببتي، عشان كده انا ساكت، ومش بتكلم، ولولا معزة هادي عندي كنت والله اتجوزت ولا همني، ثم يصمت وينظر في هاتفه ثم يقول، معلش يا حبيبتي هقفل معاكي عشان هادي علي الويتنج، وبعدين هتصل، سلام ياحبي
جنة؛ سلام حبيبي

يغلق معها ثم يرد قائلا،،، ايوة ياهادي،
خير في حاجه حصلت

هادي بهدوء؛ خير مفيش حاجه، انت قلقان ليه كده

معتز بارتياح، يقول،،

اصلي خوفت بس يكون حصل حاجه عند نور وايهاب

هادي بحزن قال،،

لا الأوضاع زي ماهي مفيش جديد، ايهاب لسه مفقش، ونور مش بتتحرك من قدام العنايه، يادوب بتخطف ساعه او ساعتين في اليوم تنامهم وتقوم مفزوعه تنادي علي اسمه، وعايشه علي المهدئات تاني، المنوم، انا خايف عليها اوي

معتز بضيق وزعل،،،

ربنا يكون في عونها يارب، اللي مرت بيه مش شويه، لو جبل هيتهد

هادي بتنهيده، يزفر نفسا عميقا ثم يجهاد باخراج نبره صوتة هادئه، فيقول،،،

اه والله صدقت، المهم كنت بتصل بيك عشان اسألك انت مش كان مفروض هتتجوز الخميس الجاي، اخرت ليه؟ اوعي يكون ناقصك حاجه ومكسوف مني

معتز بحب ردد،،،

ربنا يخليك ليا يارب، انا مقدرتش اتمم جوازي في الظروف دي، وانت متكنش معايا ياصاحبي

هادي بتعجب؛ ومكنش معاك ليه، ايه اللى هيمنعني؟

معتز بخجل قال،،،

عشان زعلان علي نور وكده

هادي بهدوء قال،،،

يامعتز دي حاجه، ودي حاجه ليه بتخلط الامور، انا اه زعلان علي نور، بس انت كمان ملكش ذنب تعطل فرحتك عشاني، افرض موضوعها طول هتعنس انت، مش منطق، تمم جوازك وحدد حجز الاوتيل، والكوافير، وبلغني تمام ياصاحبي، متاخرش خليه في معاده، وجنة متفقه مع نسمه هتاخد الفستان يعني انزل اشتري بدله وخلاص، الموضوع سهل اهو

معتز بفرحه؛ يعني مش هتزعل وتحضر السهرة اللي هنعملها

هادي بابتسامة وفرحه يقول،،،

عشان الفرحه اللي في صوتك دي هحضر ياصاحبي بس انا اللي هحجز المكان، انت بس قولي الساعه كام يوم الخميس، عشان اروح احجز، ومحدش هيزفك غيري ياحبيبي

معتز بحب وسعاده قال،.

ربنا يخليك ليا يارب، وميحرمنيش منك يا اجدع صاحب في الدنيا

هادي يبتسم بحب؛ بقول،،،

ولا منك يارب، انا هقفل وانت بلغ جنة، سلام

ويغلق معه، ويعاود الاتصال بها، ويبلغها بما دار بينه وبين هادي، ويتفق معها، ان يأتي اليها ليتم الحجز البيوتي سنتر، وثم يدلفوا لشراء بدله له، وهو يقوم بحجز تذاكر للسفر بالطائرة لشرم لقضاء اسبوع عسل فترد عليه بفرحه مردده،،،

- خلاص حبيبي اتفقنا، ونسمه من اسبوع جابتلي فستانها ومش محتاج حاجه خالص مظبوط عليا، وانا عقبال ما تيجي هتصل بالسنتر اشوف كده المكان فاضي ولا مشغول، عشان نكسب وقت، هستناك ياحبي

معتز بفرحه قال،،،

رهوان ياحبي، مش هتأخر، سلام

ويغلق معها، ويردد من فرحته يقول،،،

ياولاد بلدنا يوم الخميس هتجوز وهبقي عريس، والدعوه عامه وهتبقي لامه، ده يوم هنايا يوم الخميس،،، يا يا ولاد بلدنا

يستقل سيارته ويقودها مسرعا للوصول اليها، ثم بعد مضي اقل من ٣٠دقيقه وصل اليها، فقام بالإتصال عليها حتي تدلف اليه، ثم توجهت وعلي وجهها ابتسامه ساحره، فحدثها قائلا ،،،

- اتأخرتي عليا

جنة ترد وهي تفتح باب السياره مردده ،،،

انا نزلت علي طول، يادوب اتصلت بالسنتر، وحجزت، وكلمت ماما ابلغها، هي وخالو وجيت

َمعتز يبتسم لها ويقول؛

ولا يهمك حببتي، يالا بينا نأكد الحجز الاول السنتر وبعدين نشتري البدله، انتي لسه مصممه منشتريش فستان فرح

جنة بجديه قالت،،

وليه نشتري والفستان موجود، هما كلهم ساعتين يامعتز، خليك عملي ياقلبي

معتز بتنهيده بنفاذ صبر قال،،،،

حاضر اللي تشوفيه ياحبيبتي

ومضي الوقت وانجزوا كل شئ، ثم تم ايصالها الي المنزل وتركها وانصرف الي منزله وهو في قمه السعاده

#عذبني حبگ بقلم إيمووو

نسمه جالسه في احضان هادي، وتعبث بيديها في خصلات شعره، مردده؛؛؛

- ميرسي ياحبيبي، انك جيت علي نفسك عشان تسعد جنة ومعتز

هادي غمض عينيه بالم، ثم ردد بحزن،،،

مكنتش اقدر اشوفه وعيونه حزينه والفرحة مكسوره في قلبه يانسمتي، مقدرتش، حتي لو هاجي علي نفسي، المهم افرحه، هو ملهوش ذنب اني حزين عشان نور

نسمه ترفع راسها وتتقابل اعينهم ثم تنظر لهم بحب وتقول،،،

انت ازاي جميل كده، ازاي بتيجي علي نفسك عشان تسعد غيرك كده،،، انت حنين اوووي ياهادي... انت نعمه ربنا ليا، يارب ميحرمنيش منك ابدا، ويباركلي فيك ياعمري

هادي يطبع قبله علي شفاتاها ثم يقول،،

- انتي اللي طيبه، وحنينه اوي يانسمتي، لولا انك لفتي انتباهي، كنت فضلت في احزاني وهو معطل جوازه عشان ميزعلنيش، اللي بيحب حد بيجي علي نفسه شويه عشان خاطره، بيشتري خاطره، ومعتز بالنسبه ليا، اكتر من صاحب بعتبره اخويا الصغير

نسمه تضمه في حضنها، ثم تقول؛؛

- ربنا يخليك لكل اللي بيحبوك يارب، ويخليك لابننا، ثم تمسك يده وتضعها علي بطنها

يبتسم هادي ويقول،،،

ويخليكي لينا يارب ويقومك بالف سلامه ياحببتي

#عذبني حبگ بقلم إيمووو

تمر الايام ويأتي يوم العرس، فنجد جنة واقفه وسط السنتر بعد ما اتمت كل شئ واصبحت جاهزة في انتظار عريسها، فياتي اليها بهيئته الفاتنه، وقف شامخا ببذلته السوداء، ممسكاََ ببوكيه من الورد، فتقدم اليها بفرحه وسعاده، ودقات قلبه في تزايد، فوجدها ترقص بسعاده وتتمايل بجسدها الرشيق علي صوت احدي الاغاني، فقترب منها ورقص بسعاده رقص شرقي فضحكت عليه، واستمروا هكذا حتى انتهت الاغنيه، ثم اقترب منها ورفع بيده طرحتها البيضاء، فوقف مصدوما من روعه حسنها وجمالها الهادئ، ونظر اليها نظره حب واعجاب، واحتضنها بشده وحملها ودار بها، وسط دهشه الجميع، فقد كان مشهدا رائعا، ثم همس لها مرددا،،،

- الله اكبر عليكي، قمر ياجنتي، بسم الله ماشاء الله، ربنا يباركلي فيكي ياقلبي يارب، ويقدرني اسعدك، ثم طبع قبله علي جبينها، واخذها وتوجه الي السيارة

جنة بسعاده وفرحه ترد،،،

ويباركلي فيك ياميزو، وانت كده موزز وزي القمر، يخربيت حلاوتك

معتز يضحك عليها ويقول،،،

في واحده تقول علي جوزها مووز ويخربيت حلاوتك، انتي بتجيبي المصطلحات دي منين يا جنتي بس

جنة بضحكه تقول،،،

اعملك ايه بس، اصل محلو اوووي يامعتز النهاردة وبتبرق كده وملعلط

معتز ممسك بيديها، وناظر في عيونها الساحرة ويقول؛؛

تؤتؤ مفيش حد احلي منك ياعمري، النهاردة انتي الملكه المتوجه على عرش قلبي

مصطفى يهمس له مرددا؛؛؛

ياحبيبي خلي وصله العشق دي بعيد، يالا الله لايسيقك، العربيه مستنيه، مش هنقف كتير كده

معتز ينظر له بغيظ، ويقول؛،،،

حاضر يادرش دايما كده بتيجي في اوقات حرجه

مصطفى يضحك ويغمز له ثم يقول،،،

معلش استحملني، اخر مرة هرخم بس يالا بقى خلونا نخلص في ليلتكم دي، عشان نلحقوا تسهروا شويه وتروحوا بيتكم ومحدش هيرخم عليك ياعم الحبيب،

ثم ينظر لاخته مرددا،،

الف مبرووك ياحببتي، ربنا يسعدك يارب

جنة بنظره حب مقبله اخاها ثم تقول،،،

الله يبارك فيك ياحبيبي، عقبال ماتفرح بسيوفه يارب

الام تحتضن ابنتها وتقول بفرحه؛؛

- النهاردة اسعد يوم في حياتي اني اطمنت عليكي ياجوجو، وعشت وشوفتك اجمل عروسه في الدنيا، ربنا يهنيكي يابنتي يارب

جنة بحب تحضنها، ثم تقول؛

الله يبارك فيكي حببتي ربنا يخليكي ليا يارب

يتوجهون الي السيارة التي يقودها هادي وبجواره نسمه، التي يظهر علي وجهها السعاده والفرح لها، وتزغرد طوال الطريق لتملئ الجو فرح وسعادة، حتي تم ايصالهم الي سهرتهم التي تم حجزها هادي لهم، توجهوا بالداخل، فوجد المكان مجهز لهم، متزوق خصوصا لهم، وجلسوا علي مقاعدهم، ثم بعد مضي الوقت تقدم النادل لهم تورته مكونه من ٣ ادوار وقام العروسان بتقطعها، ثم عزفت الألحان وتقدم الي البيست ليرقصوا سويا علي اجمل الالحان، كان احساس جميل وهي بين احضانه، متناسيبن الجميع، واستمروا في الرقص وقلوبهم تقفز من السعاده حتي انتهوا، وجلسوا مرة أخرى، في حب وسعاده، فكانت اجمل مفاجأة من صديقه له،،،،

ومرت الساعات حتي انتهت السهرة، وصافحوا الجميع وقام هادي بالتوجه الي منزلهم، ثم تركهم ورحل الي بيته

تقدم معتز من عروسه وحملها بين ذراعيه، حتي وصل الي غرفة النوم، وركل الباب بقدميه، ثم وضعها بحنان علي الفراش، وقال لها،،، الف مبرووك ياجنتي

جنة بكسوف وخجل قالت،،،

الله يبارك فيك ياحبيبي

معتز ينظر لها فيجدها في حالة ارتباك وقلق، فيقترب منها بحنان ويقول،،،

انتي مكسوفه مني ولا ايه، انا ميزو حبيبك، متخافيش مني ابدا، انا عارف وحاسس بشعورك ياقلبي، متقلقيش خالص، قومي غيري الفستان في التوليت الغرفه، وانا هاخد هدومي واغير في التوليت الكبير، ومنتسيش توضي عشان نصلي مع بعض

جنة برتياح وهي بين اديه، ترد عليه قائله،،،

حاضر، ثم تأخذ ملابسها وتتوجه الي التوليت، وتغلق علي نفسها بالداخل

ياخذ معتز حماما دافئاََ لعله يهدي من نفسه، ويحاول احتواء الموقف، ثم يرتدي ملابسه ويذهب منتظرها، ولكنها لا تخرج، ينتظرها ويمر الوقت اكثر من ساعه
فيطرق بابها، فيسمع شهيق بكاءها، فيقترب اكثر فيسمع بكاءها بشده، فيطرق الباب بغضب مرددا،،،،

والي هنا تنتهى احداثنا الى هذا الحد لنتعرف ما هو سبب بكاءها، ولماذا غضب معتز بهذا الحد.؟
وماذا سوف تخبأة الايام لنور وإيهاب؟
كل هذا واكثر في روايتي المتواضعة

"عذبني حبگ "
إيمووو كمال ✍️

عارفه اني طولت بس لان الشخصيات كتير ومش عايزة اظلمها، هي هانت، قربت تخلص، وفي العدد التنازلي لها، يارب اكون موفقه في وصف مشاعرهم، وعايزة بقي توقعاتكوا جنه بتعيط ليه؟