عذبني حبك الحلقة 35

الفصل الخامس والثلاثون 

ياخذ معتز حماما دافئاََ لعله يهدي من نفسه، ويحاول احتواء الموقف، ثم يرتدي ملابسه ويدلف اليها منتظرها، ولكنها لا تخرج، ينتظرها ويمر الوقت اكثر من ساعه، فيطرق بابها، فيسمع شهيق بكاءها، فيقترب اكثر فيسمع بكاءها بشده، فيطرق الباب بغضب مرددا،،،،

-جنة حببتي في ايه عندك؟ انتي بتعيطي ليه... ياجنة افتحي ارجوكي.. لو مفتحتيش هكسر الباب.. انتِ ساكته ليه فهميني، متخليش عقلي يشت مني يابنت الناس.

جنة تنهض بفتح الباب وتنظر له في خجل منحنيه الراس، باكيه مثل الاطفال، فقلبه ينقبض لرؤيتها هكذا، فيقترب منها، ممسكاََ بذراعها، ثم يرفع وجهها بأصبعيه السبابه، وينظر في مقلتيها التي اصبحت لونهما احمر مش شدة البكاء، ثم يردد قائلا،،،،

- ممكن اعرف بقي ليه العياط ده كله وايه سببه، اوعي تكوني خايفه مني، ثم يقترب اكثر، ويكمل،،، انا عمري ما اذيكي ابدا ياقلبي، مش مهم اي حاجه، انا يكفيني بس اخدك في حضني وانام، هحس ساعتها بسعاده الدنيا كلها، قولي بقي بعيطي ليه؟

جنة تجفف دموعها، وتنظر له بحب، ثم تقول،،،،

- اصلي مش عارفه افك سوسته الفستان، وخايفه يتقطع مني، واتكسفت انده عليك

معتز نظر لها متعجبا ، ثم ضحك باعلي طبقات صوته،مرددا،،،

-حرام عليكي ياشيخه، وقعتي قلبي في بالذمه كده، حد يعيط في ليليه مفترجه زي دي، طب حد يتكسف من جوزه، ده انا جوزه حبيبه حتي انا تخصص سوست حتي شوفي

جنة تنظر له وتبتسم في خجل وتقول،،، معتز

معتز يقترب منها ويلامسها، ويهمس لها بالقرب من عنقها، ويقول،،،

عيون معتز، واللي خلفوا معتز، انا بس هشوف السوسته اللي مجننه حبيبي ومجنناني انا كمان.... ثم يقترب محاولا ان يقوم بفتحهها لكن ببطئ شديد، ومع كل فتحه، يقوم بتوزيع القبلات بعنقها ووجنتيها، حتي تم فتحها بالكامل ووقع الفستان بالكامل، واذا به يري فاتنته غايه من الفتنه والجمال، فنظر لها بشوق ورغبه شغوفه، فازداد بتغميرها ببقبلاته وهو يردد مع كل قبلة كلمات الغزل بها، ثم ردد،،

- يخربيت حلاوتك انتي طلعتي حلوة اووي، لا حلوه ايه انتي طلعتي صاروخ ارض جوي يانهاري عليك يامعتز، الجمال ده كله بين اديا، يابركة دعاكي يا امي

جنة نظرت بكسوف محاوله ان تداري جسدها فاخذت الفستان وركضت مسرعه الي التوليت، لتحاول تنظيم أنفاسها المهلكه، التي اهلكها ليها حبيبها، ثم رددت قائله،،،

يخربيت سنينك ياميزو بوظت اعصابي منك لله، اطلع انا ازاي دلوقتي ياربي، انا محروجه منه اووي، يارب عدي الليله دي علي خير، فنتبهت لسماعه يقول،،،

- يالا ياجنة بقي، هفضل مستني كتير كده، انا خللت بره، بتعملي ايه تاني؟ اجي اساعدك ياحبي

صرخت فيه قائله،،،

لا انا طالعه اهو، انت مسروع علي ايه كده

معتز قابضا حاجبه بتعجب يقول،،،

مسروع علي ايه، في عروسه في ليله دخلتها تقول كده! مسروع ياحببتي عشان دي ليله مفترجه ياقلبي، ومفروض نصلي سوا عشان نبدا حياتنا برضا ربنا، ممكن تخلصي بقي

جنة قلبها تزداد نبضات قلبها، تقول؛؛ حاضر انا جيت اهو

اتسعت حدقتاه متأملها بذهول متسائلا،،،،

إيه اللي انت لابساه ده ياجنتي؟

جنة تنظر لنفسها وترد في برود مردده،،،

ايه ياميزو، لابسه بيجامه ياحبيبي فيها ايه

معتز يرفع يده للسماء، ثم يقول؛؛

اللهم اني لا اسالك رد القضاء، ولكني اسالك اللطف فيه، ثم ينظر لها ويقول،،،

ايه اللي انتي لابسه ده ياجنتي؟ انا حاسس اني عاقد مع بنت اختي الصغيره!! عمرك شوفتي عروسه في ليله دخلتها تلبس بيجامه وايه كمان مرسوم عليها ده بطوط، ياشيخه اتقي الله فيا!! ، محدش قالك ان الليلة دي بيتلبس فيها حاجات غير كده، حاجات فشتشي!! ، وطقم قمصان النوم اللي مغرقه الدولاب دي جيبها ليه ياجنة؟ ، عشان تحنسيني بيها يا حببتي، ولا عشان اتفرج عليها في الدولاب ياقلبي

جنة عبست بين حاجبها وردت بنبره غاضبه، رافعه اصبعها السبابه في وجه مردده ،،،

اولا لو سمحت متغلطتش في اسم بيجامتي، لان ده، "وتشاور علي الرسمه" ،، مش بطوط، ده تويتي حبيبي، ثانيا، بقي القمصان دي انا مش ممكن البسها ابدا

معتز اغمض عينيه بنفاذ صبر، ثم رد قائلا،،،

ليه بقي ان شاء الله!!

توردت وجنتاها خجلا ثم نظرت له هاتفه بهمس مردده،،،

اصل شكلها عيب اوي ياميزو، ومسخره، وانا بتكسف

معتز ياخذها بين احضانه ويشتد عليها اكثر واكثر، ويقول بنبره حانيه؛؛؛

في حد يتكسف من حبيبه برضو، مش انا حبيبك ميزو، طب حبيني زي تويتي بتاعتك ده

جنة تضحك عليه وتقول،،،

طب ما انا بحبك ياميزو اكتر منه

معتز يضحك،،

مش باين لو بتحبيني اكتر مكنتيش تلبسيه في ليه دخلتنا ياجنة، يالا ياقلبي البسي الاستدال عشان نصلي

وقامت بارتداءه، وقام بها للصلاه، ثم قال دعواه، ونهض بها حاملها بين أذرعيه، فصرخت فيه مردده،،

- نزلني يامعتز، والنبي ياميزو انا خايفه

معتز وضعها علي الفراش وقال،،،

خايفه من ايه هو انا هاكلك

جنة محاوله ان تغير الموضوع فترد بابتسامة،،،

اه طبعا هتاكلني، انت شكلك جعان وهتتسلي عليا، وانا كمان هموت من الجوع، انا هقوم احضر الاكل

معتز بنظرة ضيق يمسك ذراعها ويقول،،،

انا مش جعان ياجنة، ولا انتي كمان، بلاش تهربي زي العيال الصغيره كده، انتي ليه خايفه ياقلبي؟ ، تعالي بس انتي في حضني وانسي اي حاجه خالص

جنة تنظر له وفي عيونها خوف ورهبه لا تعرف سببها، فنظرت له واقتربت منه هامسه،،،

متزعلش مني ياحبيبي، انا مش عارفه مالي النهاردة متوترة ليه كده

معتز بنظرة حب يقول؛؛

معلش حببتي ولا يهمك، كله من النحس تويتي اللي لابسه ده، عارفه انتي لو قلعته ربنا هيفرجها وتبقي ليله فل الفل، ياشيخه اقلعي ولا يهمك منه، تبقي تلبسيه طول السنه ياماما بس بلاش النهاردة وحياة امك الغاليه

ويقترب منها محاولا معها بكل الطرق، للتقرب منها وتشتيتها، وجعلها تفكر في اي شئ اخر، ليذيل الخوف والتوتر بداخلها، بلمساته الساحرة، التي تسحر اي امرأه عاشقه لزوجها، ويهمس في اذنيها بأجمل عبرات الحب والعشق يقول،،،

-بحبك ياجنتي، بحبك اووي مش قادر اصدق انك خلاص بين اديه، والشوق اللي في قلبي هعرف اظهره ليكي، بدون خوف ولا تردد، بحبك يا احلي جنة عايشها علي الارض،

ثم ينظر في عيونها بحب مردد،،،

دخليني جنتك ياجنتي، وخليكي ادوق شهد غرامك، يا اغلي واحب عندي من عيوني، انتي متتخيليش انا مشتاق ليكِ اد ايه، متتخيليش انا استنيت اليوم ده بلاقي اد ايه بحلم باللحظة اللي تكوني بين اديا، وانتي دلوقتي كل شويه تهربي وتخلقي اي عذر عشان تبعدي عن حضني، قربي مني ياجنتي وانسي اي خوف

كانت تسمع حديثه وقلبها يرقص من السعاده، بحبيبها الذي يعشقها وتعشقه، فكلامته ذابت كل مخاوفها، وجعلتها تفكر فقط في عشقه وكيف تبادله غرامه، فقتربت منه بشده، وارتمت بين احضانه مردده ،،،

ميزو وانا كمان بحبك اوي لدرجه متتخيلهاش ابدا، كل كلام العشق ميعبرش ابدا علي اللي حاسه بيه دلوقتي

معتز وهو ينزع عنها ملابسها، بكل حنان ورقه، يقول،،،

هنشوف دلوقتي مين احساسه اعلي من التاني، وبيعشق التاني اكتر، انسي نفسك ياجنتي، افتكري بس انا بعشقك، وحبي ليكي هو اللي بيحركني، مش رغبه، لا ده حب وعشق غير طبيعي، متفكريش غير اننا بنحب بعض وبس، وخليكي متأكده اني عمري ما هأذيكي ابدا

جنة تائه في نظره حبه، ثم تقول،،،

-متاكده ياحبيبي، عارفه

معتز ينظر لها ويمسك بيده الغطاء، ويدثره عليهما وهو يهتف قائلا،،،

استعني بالله كلاكيت اول مره، اشهد ياتاريخ هذه اللحظه الحاسمه في حياتي، قويني يااارب

جنة تضحك باعلي طبقات صوتها وتقول؛؛

اعقل يامجنون، الناس هتسمعنا

معتز بحاله من جنون الاشتياق يقول؛؛

ما انا عايزهم يسمعوا ان في هنا عاشق جننه الاشتياق وزوجته فقدته عقله خلاص، خلاص ياجنتي لقد حسم الامر، ودقت ساعه الطبووول، الي الجهاااد،،، الي الجهاد،،،

ومضى معتز في جهاده، لفتره لا يعلمها احد يبث فيها حبه وعشقه لجنته، التي اصبحت اخيرا زوجته شرعا امام رب العالمين

#عذبني حبگ بقلم إيمووو كمال

يرقد ادم بجوار نانسي بالفراش المجاور لها، ناظرا لها بحب غير مصدقا انها اصبحت الان زوجته علي سنة الله ورسوله، بعد كتب كتابهم، تململت بفراشها، ثم فتحت مقلتيها بصعوبه، فنظرت اليه في حب مردده،،

- صباح الخير يا دووومي

ادم ينظر لها بعشق مردد،،

صباح الفل والياسمين على عيونك يا اجمل من رات عيني

نانسي بكسوف ترد،،،

حبيبي انت كده دايماً غاوي تكسفني، معاك بحس اني لسه بنت ١٨ المراهقه اللي بتدوب من نظرة حبيبها ، انت ازاي كده!! اللي جواك كل الحب ده ومنستهوش

ادم يقترب منها وياخذها بين ذراعيه ويقول في حنو يقول،،

عشان انا قفلت قلبي عليكي واكتفيت بيكي من زمان، مش مصدق نفسي دلوقتى وانتي بقيتي مراتي، وكان املي نتمم جوازنا، بس انتي مردتيش

نانسي ترفع رأسها وتهمس له مردده؛؛؛

كان نفسي يا ادم صدقني، بس اتمني اني اكون خفيت تماما، وقادره اقف علي رجلي، نفسي تاني يوم من فرحنا اصحي من النوم واجهزلك الفطور، واحضرلك الحمام، نفسي معاك يا ادم اعمل اللي مفروض اقوم بيه، معاك هحس لاول مرة بمعني الجواز الحقيقي، مش عايزة اكون عبئ عليك يا ادم "قالتها والدموع تلمع في مقلتيها"

ادم يطبع قبله حانيه بجوار مقلتيها ويقول،،،

ممكن مشفش دموع تاني، خلاص انتهيت مرحلة الدموع والبكاء، من النهاردة عايز فرح، واصرار، وتحدي وبس عايزك تخفي بسرعه، نفسي اعوضك واعوض نفسي حرمان السنين، نفسي يا نانسي

نانسي بابتسامه؛؛ باذن الله ياحبيبي، انا مستعده لاي الم هيقربني منك

ادم بكل حب يساعدها بحاملها بين ذراعيه، لتتوجه الي التوليت، فقد عاهد نفسه ان يكون في خدمتها، ويلبي لها كل طلباتها، دون حتي ان تطلب

وبعد فترة اعادها الي فراشها، وامر لها باحضار الفطور لها، وانتظر حتي ياتي وقام باطعامها، والحديث بينهم لا ينقطع، ثم اطمئن عليها واعطاها دواءها، واستأذن للمرور علي مرضاه، ووعد بانه لا يتاخر عليها، وأثناء جلوسه علي مكتبه، قام بفتح حاسبه الالكتروني، وقرأ بحث جديدا بخصوص حالتها، مرفق به علاج جديد اخترع ولتحسن الحاله في زمن اقل، قد تم اكتشافه علي يد بروفيسور انجليزي، فقام بالفور بالتواصل معه، وبالفعل اتاه الرد وحدثه عن حالتها، وارفق له صورة من كل التقارير والاشعات، ورد عليه البروفيسور، بانه سوف يسعد ان يتم تجربه العقار عليها، وطلب منه ادم الحضور لمتابعه الحاله بنفسه، وتم موافقه الاخير، الذي سعد جدا انه وجد من يقوم عليها تجربته، وانهي معه وتوجه اليها مسرعا، وعلي وجه السعاده، فسألته مردده،،

- حبيبي خير مال وشك سعيد اوي ليه كده؟

ادم بفرحه يقترب منها، ويمسك يدها ويقول،،،

في ياستي انا بروفسور انجليزي مكتشف عقار جديد مهم جدا بيسرع في شفاء حالات كتير زي حالتك، واتواصلت معاه وهيجي النهاردة عشان يشوفك ويحدد الجرعات المناسبه ليكي

نانسي بفرحه شديده تقول،،،

بجد يا ادم يعني العلاج ده مضمون وحد جربه وخف وكده

ادم بارتباك وقلق،،،

للاسف يا انوس، هو لسه اول مرة يجربه، وانتي هتبقي اول واحده يجربه عليها، لو خايفه حبيبي مش لازم الغي معاه

نانسي بعزيمه وتحدي تقول،،،

ابدا اوعي يا ادم، حتي لو احتمال الشفاء ١٪ انا راضيه وهجازف، مش عشاني انا، ابدا عشانك انت ياحبيبي، عشان اقوم ونتم جوازنا ونعيش سوا زوج وزوجه بجد

ادم بسعاده لا توصف ينظر لها، ثم يمسك بيده وجهها ويقبلها قبله عنيفه يبث لها حبه وسعادته بحديثها له، فينتبه ويبتعد عنها حين سمع طرق الباب ليقول بهمس لها ،،

- مين الرخم ده اللي بيجي في اوقات مش هي، فدخل الطارق، فيجده عمه وزوجته، فبتسمت له وقالت مردده،،

- بابا حبيبي، ازيك، اتفضلي ياماما واقفين ليه

سمير وزهيرة؛ ازيك انتي النهارده ياحببتي

نانسي بفرحه؛ الحمدلله بخير، وتقص عليهم ما قاله ادم

الاب تتهلل علي وجه السعاده والفرح، ثم يقول،،

يارب يابنتي، يجعل الشفاء العاجل علي ايد البروفيسور ده

الام بترجي تردد،،

يارب يسمع منك ربنا، ويجعل العلاج الجديد فيه الشفا يارب

ادم ينظر لها ويقول؛؛

ان شاء الله ربنا هيفرحنا كلنا عن قريب، ممكن بقي ياحببتي، تساعدني عشان نعمل التمارين النهارده

ويحاول معها ان يكرر لها بعض التمارين التي ذكرها له دكتور العلاج الطبيعي امس

#عذبني حبگ بقلم إيمووو كمال

وبعد مرور الايام السابقه والجميع منتظرين نتيجه التحاليل التي اجراها عادل، ظهرت بعد طول انتظار بتوافقه له في كل شئ، وبعد التاكد من تحاليل ايهاب في كل شئ، قرر الطبيب ان يجري لهما العمليه مساء اليوم

ومرت الساعات كانها دهر عليهم وهما في انتظار دلوفهم، فطلبت نور من الطبيب ان تلقي نظرة عليه قبل اجراء العمليه، وبعد استطعافه كتيرا، لبي لها مطلبها واعدها للدخول اليه، فنظرت له بعيون باكيه مردده،،،

- حبيبي خليك قوي، اتغلب علي اي الم وتعب، ارجع لنورك، اللي ممكن ينطفئ للابد لو حصلك حاجه، ايهاب روح قلبي، انا مليش غيرك، خلي بالك من نفسك ارجوك

إيهاب رد بتعب مضني، ثم ابتسم ابتسامه مصطنعه علي وجه، وقال،،،،

نوري فداكي عمري كله ياحببتي، انا راجعلك ياقلبي، راجعلك عشان نحقق كل احلامنا مع بعض

الطبيب يرد قائلا؛؛؛

كفايه كده يا انسه نور، عشان نجهزه

نور تنظر له بعيون باكيه تردد ؛؛

استودعك الله الذي لا تضيع ودائعه، ثم تتركه وأنصرفت في هدوء

ويتم تجهيزه، هو وعادل، ويتوجهوا لإجراء العمليه، التي قد تستغرق
من ١٢:٨ ساعة تقريبا. واذا طالت المده فهذا ليس في مصلحه المريض،،،،

تمر الساعات ونور جالسه علي ارضية المشفى بجوار غرفته ودموعها تتساقط من مقلتيها كالشلالات المتدافقه، وبيدها مصحفاََ تتلو منه آيات من الذكر الحكيم، وبجانبها يجلس فارس، ودكتور هادي الذي اصر علي تواجده بمرفقتها، ووالديها يحاولون ان يبعثوا الطمأنينه لها، من وقت لاخر.... وها هو الطبيب يخرج وعليه علامات الارهاق يقول لهم،،،

- الحمدلله العمليه تمت علي خير، وتم نقلهم الي العنايه، حاله المريض ايهاب طبعا اخطر من المتبرع عادل هيستمر يومين وبعدين هيتنقل غرفه عاديه، لكن ايهاب هيستمر شهر في العنايه خاصه غير العنايه المركزه كلها زجاج معقمه، ممنوع الزيارة نهائي منعا لاي اصابه له بعدوي او ميكروب يؤدي بحياته، وطبعا مع العلاجات، طبعا احنا منتظرين يمروا بس ٢٤ ساعه على خير بدون اي مضاعفات ادعوله هو محتاج لدعواتكم دلوقتي

نور تزفر تنهيده عاليه مصحوبه بشده الم، ثم تقول له،،،

الف حمد وشكر ليك يارب، وتركع لتسجد لرب العالمين وتشكر فضله،

فينظر لها الطبيب نظرة تقدير واحترام، وينصرف في هدوء... ويمر اليوم بفضل الله بدون اي مشاكل، فتذهب نور اليه لتراه عبر شباك زجاجي يرقد علي فراشه لا حول ولاقوة له، فتنظر له بالم وحسرة علي حاله، ثم تتركه وتتوجه لتطمئن علي عادل فتجده بحاله افضل فتطمئن عليه من الطبيب،فحدثها عنه، بأن حالته مطمئنه، وسوف ينتقل الي غرفه عاديه بعد يومان، فأرتاح قلبها، ودعت لحبيبها ان يطمنها المولي عليه،.

مرت الايام وايهاب يتماثل للشفاء تدريجيا، وحالة عادل ايضا ونقل الي
غرفة عاديه والجميع لا يتركاه، فقد شعر بدفأ الجو العائلي واذا به ينظر لطبيبته الخاصه التي ساعدت في اجراء العمليه، تقترب منه وعلي شفتيها ابتسامه ساحرة خطفت قلبه، من اول نظرة، فقد شعر معها باحساس غريب قد انساه منذ زمن، فقد شعر الآن ان حبه لنور ماهو الا اعجاب فقد بشخصيتها اما الأن فقد دق قلبه الذي تعذب سنين منذ رحيل حبيبته ولكن عند رؤيتة لها، قد تجدد الحنين لهذا الشعور... انه الحب من اول نظره، يالها من اميرة خطفت قلبه بنظرة عيونها الكحيله، وسواد شعرها الناعم المنسدل علي كتفيها مثل سواد الليل، فبدالها الابتسامه، فهتفت له بصوت ناعم، مردده،،،

- صباح الخير، علي مطربنا المريض، اخبارك ايه النهارده؟

عادل ينظر لها، ويمثل التعب فيقول،،

الحمدلله يا دكتورة اميرة، بس حاسس كده ان عندي سخونه شويه

اميرة تنظر له بنظره قلق، وتقترب منه، تلامس جبهته، وتقول؛؛؛

- لا الحمدلله مفيش حاجه، قلقتي عليك، حرام عليك

عادل ينظر لها بأعجاب، مستمتع بلمسه يديها له ثم يقول؛؛

-غريبه امال انا حاسس ان في نار، جوه قلبي ليه كده

اميرة تنظر له وتحاول كتم ضحكتها، ثم ترد قائله،،

لا ابدا انت تمام جدا، وصحتك زي الفل، وممكن اسبوع كمان وتخرج البيت تكمل علاجك

عادل عقد حاجبه بضيق وقال،،،

مين قال اني عايز اخرج من هنا، انا سعيد اوي، مش عايز امشي ولا اتحرك خالص، خليني عندكوا كمان شهرين، ثلاثه، ولا سنة كده

اميرة تضحك عليه فقد فهمت مقصده، وكانت في قمة سعادتها، ولما لا، واخيرا تحقق امالها في الحياة ان تراه فقد، والان هو بين يديها تعالجه وتقضي معه اسعد اللحظات التي تسرقها من الزمن لتملي اعينها به، والان هو يصرح لها انه يريد ان يقيم من اجلها.... هل فعلا من اجلها، ام قلبها المحب له هو من يتوهم ذلك، فسرحت في نظرة عينيه، وفاقت عند سماع صوته مرددا،،،

- دكتورة اميرة، روحتي فين،؟

اميرة تنظر له بحب ترد؛؛

انا انا اهو انت كنت بتقول حاجه

عادل فهم نظرتها وشعر بنظرة اعجابها، ولكنه يريد ان يتأكد، ولكن كيف له ان يتأكد، فرد قائلا،،،

لا ابدا انا كنت بقول، ان المستشفي هنا الرعاية حلوة اوي"قالها وهو مسبل جفونه ف اربكتها" وطعمه اوي، وحنينه اوي، وكنت عايز اكمل فتره علاجي بالكامل فيها، عشان معنديش حد ياخد باله مني في البيت، اصلي عايش وحيد، لا اب ولا ام ولا اخت ولاحتي زوجه تحن عليا

اميرة تبتسم له، وتجاريه في الحديث، ثم تقول،،،

ياحرام، وجعت قلبي تؤتؤ، خلاص مادام كده شرفنا، حتي انت منور المستشفى كلها، ممكن بقي نبطل كلام، واسمحلي اشوف الجرح، عشان تاخد علاجك

عادل ينظر لها ويقول بهيام؛؛

طب براحه والنبي عليا، اصل انا مش حمل ايدك الناعمه دي

وعند هذه اللحظه تدخل اليه نور، وهي ناظرة لمشهد الغزل فتقول،،،

ياسيدي، ايه ياعم عادل ما تفوق كده وتشد حيلك، ايهاب بسأل عليك، ولا انت عجبتك المستشفى، ودكاترة المستشفى، انا شايفه صحتك جت عليها بصراحه

عادل ينظر لها بنظرة بغيظ، وضيق، ثم يقول؛؛؛

اه الحمدلله جو المستشفى خلاني اخف يانور، انتي ايه اللي جابك، سبتي ايهاب ليه، ما انتي طول الوقت مش بتفارقي الغرفه ولازقه بتكلمي معاه، سبيني انا، وغمز لها

انتهت اميرة من الكشف عليه، ثم اعطت له الدواء، وانصرف في خجل، بدون اي تعليق، فنظر لها عادل، وصرخ بها مردد،،

- تصدقي انتي بارده يانور، ورخمه كمان

نور تنظر له وتضحك علي عصبيته، ثم تقول؛؛

مقبوله منك يازومل، في حد بالذمه يحب في المستشفي، ياراجل اختار مكان تاني عدل كده ورومانسي

عادل ينظر لها ويقول بسرحان،،،

مش عارف يانور خطفت قلبي من اول مره شوفتها، وكل يوم اقول اهدي ياقلبي مش عايز يهدي، اظاهر قلبي وقع ومحدش هيسمي عليه

نور بجديه؛ طب كلمتها، فاتحتها بحبك

عادل بتنهيده، ويقلق يقول،،،

لا خايف تكون مش بتبادلني نفس مشاعري، ويكون اعجاب بس لمطرب. مش حب

نور بابتسامة ترد،،

لا اطمن، انا خبيرة في المواضيع دي، واحب اقولك انها هيمانه فيك، مش بتحبك بس، انا ست وحبيبه قديمه اووي، وبعرف نظره الحب بتكون ازاي، عنيها كانت بتلمع من الحب ياعادل، صدقتي انا بلاش تضيع وقت واتكلم معاها

عادل بنظرة بقلق، يقول،،،

تفتكري، بس المكان مش مناسب خالص

نور تفكر ثم تقول؛؛

تحب اجسلك النبض واكلمها

عادل بفرحه قال،،،

بجد يانور، تعرفي

نور تبتسم وتقول؛؛

عيب عليك، ده انا نور يابني، انا هروح مكتبها دلوقتي واعمل نفسي بسألها علي هوبا واشوف بقي الحوار هيمشي ازاي، لا تقلق

عادل بنظرة شكر؛ حببتي يانور، انتي اجدع اخت وصديقه

نور بنظره عرفان له تقول؛؛؛

انا اللي مهما اعمل عمري ما هقدر اوفي جميلك ياعادل، انت رديت فيا روحي، رجعتلي حبيبي لدنيتي تاني

عادل بنظرة حزن،،،

ده أقل حاجه كان ممكن اعملها لايهاب عشان يصفح عني، ويسامحني ونرجع زي زمان

نور محاوله تغيير المود، ترد قائله،،،

طب ايه شد حيلك عشان عايز يطمن عليك ويكلمك، شوف كده هتقدر تتحرك امتي، عشان تروح تشوفه

عادل بنظرة حب له يقول،،

انا لو عليا اروح معاكي، بس لسه الحركه مش دلوقتي

نور تنهض من مجلسها وتقترب منه مردده،،،

لا يهمك هروح اسألها يامعلم، سلام بقي عشان الحق حبيبي اتاخرت عليه

وتتركه وتتوجه الي مكتب الدكتورة اميرة، وبعد السؤال وصلت اليه، وطلبت الاستئذان، ودخلت تقول بابتسامه،

- ممكن يادكتورة سؤال لو سمحت.؟

اميرة تنظر لها وتبتسم لها وتقول،،،

طبعا حببتي اتفضلي يا انسه نور

نور احست بخفه روحها فردت قائله؛؛

بلاش انسه دي، احنا هنطول هنا، قولي نور بس

اميرة اومأت بالموافقه ثم قالت،،

خير يانور

نور بجديه قالت،،،

هو عادل ممكن يتحرك امتي، ويروح يشوف ايهاب في العنايه

اميرة وقد سرحت عند سماع اسمه، ثم فاقت لحديثها، ثم قالت،،،

عادل الحمدلله، صحته في تحسن بس بلاش خليها شويه كمان هو مفروض يطلع بعد اسبوع، لكن هو عايز يكمل علاج هنا

نور تضحك وتقول بغمزة من عيونها،،،

اصل جو المستشفي عجبه اوووي، وشكله وقع ولا حدش سمي عليه

اميرة تبتسم ولا تجد رد، فتشعر نور باعجابها فتتشجع من اجله وتقول،،

- بصي بقي انا مش بحب اللف والدوران، وبحب الطريق المستقيم علي طول، عادل صارحني بحبه واعجابه ليكي، ايه رايك ومن غير اي احراج ياريت تقوليلي، ولو مفيش اعجاب انا هبلغه بطريقتي

اندفعت اميرة مردده؛؛؛

ابدا، خالص

نور بفرحه تقول؛؛

يعني افهم من ردك انك بتبادليه نفس شعوره

اميرة بخجل وكسوف تنظر إلى أوراقها تعبث بهم، لتخفف من توترها، ثم تقول؛؛؛

- واكتر يانور بكتير، انا من زمان وانا متابعاه وكنت اتمني اني اشوفه مش انه بعجب بيا، انا اصلا مش قادره اصدق كلامك انه معجب بيا

نور تنظر لها وتقول؛؛

اميره بصيلي وارفعي راسك، اوعي تتكسفي من حبك ابدا، الحب اسمي شئ في الوجود، انتي اكيد تعرفي حكايتي مع ايهاب

اميرة ترد بابتسامة،،،

اكيد طبعا هو في حد في مصر كلها ميعرفش قصة حب نور وايهاب

نور بهيام ترد؛؛

ايهاب ده نبض القلب والروح، اااه ياهوبا ياواجع قلبي عليك

اميرة تبتسم وتقول؛؛

ياسيدي علي العشق، الحب ولع يا نور فينا

نور تضحك حتي تلمع عيونها ثم تقول،،،

-لا بجد والله انا اللي مريت بيه في حب ايهاب مراحل كتير اقوي يا اميره، واتحدتها كلها، شوفت عذاب والم محدش شافه، اكتر من ٦شهور في صدمه وعلاج نفسي، وبعد كل ده كله حبه ليا رجعني ونسيت كل الالم والعذاب، اتمسكي بحبك يا اميره، عادل يستاهل وانتي شكلك كده اثرتي فيه اوي ورفع الرايه، اديله فرصه يعبر عن حبه، وقربوا لبعض يمكن يكون في نصيب بينكوا

اميرة بنظره عشق له تقول،،،

ياريت يانور، انتي متتصوريش انا بحبه ازاي

نور تبتسم وتقول،،،

لا متصوره لاني شوفت بعيني نظرة حبك له، وقولتله بس مصدقنيش المغفل

اميرة بذهول قالت،،

بجد يانور، يعني هو بيحبني، انا مش قادره اصدق انا بحلم، معقول كل احلامي تتحقق كده، انا عايزة اقوم ابوسك يا احلي نور في الدنيا

نوو تضحك عليها وتقول؛؛

لا ياستي، خلي البوس والفرحه دي لعادل، انا هروح اطمن علي الحته الشمال بتاعتي اتاخرت عليه، سلام ياحببتي، متنسيش تعدي عليه، عادل طيب وجدع اوي والله يا اميرة، ويستاهل حبك صدقيني

اميرة ترد عليها؛؛

حاضر يانور، وربنا يسعدك يارب، ويتم شفاء استاذ ايهاب علي خير

نور بترجي؛ يارب يا اميرة، الدكتور قالي الموضوع هيطول بالنسبه لايهاب، ربنا يصبرنا بقي

اميرة بنظره عطف وشفقه تقول؛؛

معلش العمليه مش سهله يانور، الخوف كله من نقل اي عدوي للمريض في خطوره شديده جدا جدا عليه، عشان كده احنا بنحافظ عليه في العنايه المخصصة الزجاجيه اللي هو فيها

نور بتنهيده؛ الحمدلله انه رجعلي، الحمدلله، اسيبك انا بقي حببتي، سلام

وتتركها وتتوجه لحبيبها، الذي فرح حين رؤيتها، فجلست بجواره علي المعقد الذي لا تفارقه ابدا، الا حين نومه، لتذهب الي غرفتها تغفل لبضع الوقت ثم تتوجه تنتظره، فامسك سماعة الهاتف وحدثها، مرددا بزعل وضيق، يقول،،

- كده يانوري كل ده سيباني لوحدي

ترد نور بحب عليه؛؛؛ انا مقدرش اسيبك ياضي عيون نور، ثم قصت عليه ما حدث، ثم قالت،،

- شوفت بقي، هو ده اللي اخرني، حبيت اتأكد من حقيقة مشاعرها، اتاريها هيمانه زي بحبه

ايهاب معترض، وينظر لها بحب يقول؛؛

حببتي مفيش حد زينا، ولا عشق وحب وشاف اللي شوفناه، احنا حاله نادرة الوجود يانوري.... وحشتيني اوووي يانور... وحشتني لمستك، وحشني قربك... انفاسك اللي بتولع في قلبي.. كلك وحشني

نور تنظر له نظره اشتياق، وتضع يديها علي الزجاج من الخارج لعلها تستشعر يده، وتقول؛؛؛

علي عيني ياقلبي، مانعين قربي ليك،، حرمني من قربك،، بس كل حاجه تهون عشان سلامتك ياقلبي

ايهاب يزفر تنهيده يقول؛؛؛

اغبيه ميعرفوش ان دوايا، وشفايا بقربك، وبحضنك يانوري

نور بنفس نظره شوقه تقول؛؛

معلش ياهوبا نستحمل ياحبيبي كمان شويه، العمليه مش سهله، هانت ياعمري، انا استحملنا كتير اوي، عشان خاطري

ايهاب ينظر لها نظره حزينه بعدم صبر، ثم يقول؛؛؛

واجيب صبر منين يانوري، مش كفايه طولة البعاد بقي

نور بحب وابتسامه قالت،،،

عشان شوقك يزيد اكتر، وتحبني اكتر واكتر

ايهاب يبتسم ويقول؛؛

اكتر من كده يانوري، طب ازاي انا خايف على قلبي ميتحملش من كتر ما هو بيعشق ياعمري

تنظر له ثم تصمت فلا تجد ما تقوله لتعبر عما بداخلها من عشق وهيام له، فبعثت له عده قبلات في الهواء، فردد لها عشرات منها، وابتسم لها وتنهد، وقال في نفسه،،،

- يارب قرب حبيبي مني، واجعله من نصيبي، يااارب

والي هنا تنتهى احداثنا الى هذا الحد لنتعرف ما سيحدث مع ابطالنا، وما تخبئه الايام لهم، في روايتي المتواضعة

"عذبني حبگ"
إيمووو كمال ✍️