قصة كرسي الجن الجزء السابع

#كرسى_الجن
#الجزء_السابع
اعوذ بكلمات الله التامات

وبداوا يحكوا لبعض المواقف الغريبة
الى كل واحد اتعرض ليها ....
الجدة طلبت ......
من الكل يشغلوا سورة البقرة بالعمارة كلها لحد الصبح
وحكتلهم انها راحت لشيخ
وعارف ان فى حد عامل حاجة لحد بالعمارة
ال2 من العيلة

حد مش كويس مؤذى عامل حاجة لحد
واحنا عرفنا المعمولة
بس الى عامل لسة
عموما الموضوع هيتحسم بكرة
بس لحد الصبح كلة يشغل سورة البقرة
ربنا يستر علينا ....
كلة طلع شقته وهما خايفين
وكل واحد فى دماغة اسالة كتيرة
يا ترى مين عامل لمين عمل
وياترى الهدف اى
هويام طبعا كانت عارفة انة معمول لمامتها ...بس ماتعرفش مين عملة !
 معظمهم شغل صورة البقرة
وبعضهم مصدقش الى حصل اصلا
وطنش ونام ...
هويام فضلت سهرانة طول الليل ف البلكونة
وكل شوية تبص ع بلكونة معتز .. ع تشوفة واقف  ولا لا
بس هو مرحش عند مامتة سعاد اصلااااا
ولا دخل الشقة
بس هو كان واقف بالدور الى فوقيها ...فوق السطح باصص عليها...
تليفونها رن
دخلت جابتة وطلعت البلكونة
كان رقم غريب
هويام:- الو.. مين
    ......رد مش عارفة انا مين ولا اى
هويام:- لا مش عارفة
.........:- مش عارفة صوتى يعنى
هويام:- لا .. ولو مقولتش انت مين هقفل بوشك واحطك بالبلاك ليست
.......:- اهدى طيب يا بنتى ..انا عبدلله فى اى متعصبة لية
هويام:- عبدلله!   يخربيتك حد يتصل بحد دلوقتى
عبدلله:- دة احلى وقت والكل نااايم
نتكلم براحتنا
هويام:- يارايق .. جايب الروقان دة منين
انت مشوفتش الى حصل بالعمارة والى بيحصل
عبدلله:- لا مايشغلنيش الكلام دة ... دول كبروا وبيخرفوا
هويام:- لا طبعا الكلام دة حقيقى
عبدلله:- بصى الى انا واثق منة انهم حوالينا بقى وفى عمار بيت والكلام دة
وكبيرهم يحركوا طبق بالمطبخ .. ينزلوا نقطتين ماية من الحنفية .. لكلام دة
دة تمامهم .. وانا مابخفش ومش بيهمنى ..
هويام:- بس انا خايفة .. قلبى مقبوض .. مش مطمنة
حاسة اننا داخلين ع ايام سودة
احكيلك ع حاجة
من اسبوع وشوية كدة لا اسبوع بالظبط
يوم الجمعة الى فات
صحيت الصبح كنت متفرجة بالليل ع فيلم انابيل
اخر جزء .. فى جزء وحدة م الابطال بتقول لو فى حد هنا يدينى اشارة
كان فى كرسى جمبها اتحرك ..
فانا بقلدها وبقول لو فى حد هنا يدينى اشارة
لقيت كرسى ادهم الهزاز بيتحرك ..
عبدلله :- يا سلام
هويام:- والله العظيم 
عبدلله :- كملى
هويام:- رحت خفت وشط الكرسى برجلى
فضل يخبط فى الحيطان ويسيب بقعة دم مكانة ع الحيطة  .
عبدللة :- يابنتى اكيد حلم الى بتحكية دة مبيحصلش .غير بالتحلام والتمثليات
هويام:- والله العظيم بجد
عبدلله :- حصلى حاجة كدة ....بقولك اى
فكك من الجو دة
انتى برج اى ؟
هويام:- دة وقتة !
عبدلله :- اه وقتة ردى
هويام:- سرطان
عبدلله:- امممممم رومانسية بقى و...
هويام:- هتحللنى ولا اى يابنى  روح نام ... خلى اليوم دة يعدى
عبدلله:- انا جدى
هويام:- مبروك
بقولك ماتعرفش معتز برج اى
عبدلله:- اشمعنة
هويام:- عادى يعنى
عبدلله :- هو اول شهر 11 ....
عقرب
يخربيتة ...عقرب عقرااااااب
هويام:- عقرب ...ياساتر
بقولك اى ..كبس عليا النوم بكرة نكمل بقى
عبدلله:- سجلى الرقم يا قطة وابقى اتصلى
هويام:- حاضر تصبح ع خير بقى
عبدلله :- وانتى من اهلة ..سلام

....
 حست هويام ان فى حركة فوق السطح ..  خافت ودخلت تجرى ...هى متعرفش ان دة معتز .. فكرتة ..جن ..عفريت ... اى حد من هذا القبيل ...
.......
هدير مجالهاش نوم طول الليل ..  بكرة معاد درس الفزياء
ومعدش ينفع تروح وملفتش حد تانى ..  خايفة وشايلة الهم....
الصبح طلع ....واخيراااا
......

الجدة مكانتش نامت طول الليل فضلت تقرا قران وتدعى ربنا يحفظلها عيالها وعيال عيالها ....
اول ما صلاة الضهر خلصت
قامت لبست وراحت للشيخ ...
سالت علية
ملقتهوش ...
قالولها مسافر وهيرجع كمان 10 ايام ....
اضايقة الجدة ... بس مكانتش تعرف حد تانى يساعدها ف الى بيحصل مع عليتها  ....
رجعت البيت مضايقة وقررت تسال ع حد تانى ..
الموضوع مش سهل
وهى مش حابة تطلع ع اهلها سمعة برضو ومش هتفضل تلفى وتسال الناس ....
الساعة بقت 3

تليفون هدير رن ...
هدير :- يالهوى ... دة مستر كريم !
الو...
كريم:- ممكن اعرف مجيتيش الحصة لية ؟
هدير :- عشان مجبتش اسكور كويس
وحضرتك قلت ال  هيجيب ....
قاطعها كريم ...
كريم :- هو انا قلتلك ماتجيش !
هدير :- لا ..بس
كريم :- انا الى مش عاوزهم يجوا ...قلتلهم مشوفش وشكم تانى
انتى مالك بقى
هدير :- مش فاهمة حاجة
كريم :- مش فاهمة اى ...كلامى واضح
هدير:- بحاول استوعب
كريم:- فاتك حصة انهاردة يا هانم ... انا بالليل ع الساعة 7 فاضى من 7 ل 9
تعالى السنتر ... هشتغل معاكى الجزء بتاع انهاردة
وجزء من القديم عشان تلمى المنهج تانى
هدير :- بجد ! ... انت بتتكلم جد
كريم :- بلغى اهلك .. ان الحصة اتاجلت ..لبليل ... مستنيكى ..
ماتتاخريش ..
سلام
وقفل كريم
وساب هدير مصدومة بالى بيتقال وال بيحصل ... معقول !
الموقف غريب ..بس هدير روحها ردت فيها
..........
هويام كانت نازلة ع السلم رايحة لجدتها تشوفها عملت اى
لقت معتز خارج من شقتة ..
كملت نزول
راح ماسكها من اديها
معتز :- مش قلتلك ابعدى عن عبدلله
دة عيل ...بلاش تسيبى دماغك له
هويام:- انت بتقول اى ؟
معتز:- ماينفعش تسهرى تتكلمى معاه بالموببايل طول الليل ...
خافى ع شكلك وسمعتك ...عيب كدة
ع الاقل ادخلى شقتك واقفلى عليكى ..بلاش فضايح ...
هويام :- اى الى انت بتقولة دة انت اتجننت
راح ماسكها من دراعها جاااامد ...
معتز:- احترمى نفسك ولما تتكلمى معايا تتكلمى بادب
وسابها  ودخل الشقة تانى وقفل الباب بوشها
فضلت واقفة متنحة لباب الشقة
وبدات عنيها تحمر وهتبدا تدمع ...
هويام مش ضعيفة وتقدر تهزقة ... بس هى مع الاسف بتحبة
والحب احيانا بيضعف صاحبة .  خصوصا لو من طرف واحد
نزلت هويام لجدتها .. ومسحت دموعها
ودخلت سالتها عملتى اى عند الشيخ
الجدة :- مسافر... لقيتة مسافر 10 ايام
هويام :- استغفر الله ... والعمل
الجدة :- معرفش
مش عاوزة اسال ولا اشوف غيرة
هانتفضح ......
هويام :- نستنى بقى وامرنا لله ...
بالليل نزلت هدير الدرس ...
وصلت السنتر ... ودخلت ملقتش حد
 هدير :- حد هنا .....!
مستر كريم ...!
حد هنا ؟
لقت الى بيخبط عليها من ضهرها
صرخت واتخضت وجريت من غير ما تبص وراها
كريم :- هههههههههههههههههه فى اى يا بنتى .. . مالك
بتجرى كدة لية
كانت هدير عنيها احمرة م الخضة وبدات تدمع
كريم :- وشك اصفر كدة علية ...
اى دة عنيكى احمرت كمان !
هتعيطى بجد !
معقول ...
تزعلى تعيطى تخافى تعيطى تحلى وحش تعيطى فى اى يا هدير
هدير :- اسفة .. غصب عنى ...
كريم:- لا مش لدرجة تتاسفى ... انا بس مستغرب ان لسة فى بنات كدة اصلا
هدير :- يعنى اى !
كريم :- ماتركزيش ...
يلا نبدا
هدير :- اى دة هو مافيش حد هيحضر ؟
كريم :- لا المجاميع كلها خدت الدرس دة ..الا انتى
هدير :- طيب
كريم :- مالك مضايقه اننا لوحدنا ...؟
بصت هدير بالارض وبالسقف
ويمين وشمال .....
وبعدين  ردت ... بصوت واطى ومكسوف
هدير:- لا خالص
كريم :- يلا نبدا ....
.............

فى شفة سارة بنت عمة هويام ....
سارة كانت نايمة على السرير
وحطة الهاند فرى فى ودنها
وبتسمع البوم اصالة الجديد ....
ومغمضة عنيها ومستجمة مع نفسها ...  وبتتخيل
تفاصيل تنفع مع كل اغنية
كانها بنتخيل فديو كليب لكل اغنية ...
ومرة وحدة حست بالسرير بيترج بيها
وبيتهز جااااااااااااامد
فتحت عنيها بس من كتر قوة اهتزاز السرير ... مقدرتش تملك نفسها وتقوم .... ومرة وحدة ظهر قدامها.
يتبع

#تاليف_هويام_شعيب