قصة كرسي الجن الجزء الرابع

#كرسى_الجن
#الجزء_الرابع

اعوذ بكلمات الله التامات من شر ما خلق

كَلَّا إِنَّ كِتَابَ الْفُجَّارِ لَفِي سِجِّينٍ (7) وَمَا أَدْرَاكَ مَا سِجِّينٌ (8) كِتَابٌ مَّرْقُومٌ (9)

نهى كانت لسة مصحيتش من النوم بس بدات تفوق
حست كان حد بيلعب لها بشعرها
بتحط اديها على راسها لقت صوابع من غير كف ايد فى راسها بتتحرك .....
قامت مخضوضة وحاولة ترفع راسها من ع المخدة
حسة كانها فى حالة شلل
وان راسها محطوطة على حجر حد وبيلعب لها بشعرها
حاولت تشوف ملامح الشخص دة
مش شافت غير شعر اسود كتير نازل على وشها  من راس الشئ دة
فضلت تتنفس بشكل قوى وضربات قلبها زادت اوووووى
ومش عارفة تقوم ...
حاولة تجمع اية اية قرانية فى سرها
بصعوبة افتكرة الفاتحة
اول ما بدات تقراها بدأت تحس انها بتتحرر
وتقدر تقوم
ولما قدرت تقوم
بعدت عن السرير
وبصت مكانها
ملقتش حاجة
استغربت وقالت لنفسها معقول انا كنت بحلم ....!

فى الدرس ....
كريم :- هندة الاسماء والدرجات والى جايب اقل من 47 من50 ياريت ماشوفهوش هنا تانى
سمر ..49
مريم 48ونص
شيماء 50 ممتاااااازة
وسام 40ونص
خلى ابوكى يكلمنى انتى ماكنوتيش كدة هنيجى بالاخر ونخيب
سلمى 36 مشوفش وشك تانى مفهوم
...
...
 ....
...
كلة خد ورقتة ماعدا هدير فاضل هدير تعرف درجاتها ..
مل الى خد ورقة طلع برة ومشى
فاضل هدير ...
كريم :- قربى يا هدير لو سمحتى
بدا ضربات قلب هدير تزيد
وعنيها احمرت
كريم :- دى ورقتك
17ونص .....
بدات هدير تتنفس بصوت عالى وكانها بتنهج
وبتحاول تمسك دموعها ...
هدير :- انا .... والله ...انا والله امبارح كنت بالمشتشفى
كريم قاطعها
كريم:- امممممم داسك قطر صح
لا لو داسك قطر تبقى برائة المرادى
دى مش درجات واحدة عاوزة تبقى دكتوووووورة
بالمنظر دة اخرك معهد
دة لو نجحتى اصلاااااااااا....
انتى فاشلة ومش بتاعة مذاكرة
وانا مش عاوزك هنا تانى
بدات هدير ترتعش ودوعها تنزل من غير ماتحس
واغمى عليها .......

فى بيت الجدة

الجدة :انا هروح لشيخ انهاردة احكيلة الى بيحصل واسالة ع حل
هويام:- خدينى معاكى
الجدة :- لا خليكى هنا عشام محدش يحس بغيابنا
وماتقلقيش
شقة جداك متحصنة
الراديو دة متقفلش من 30 سنة تقريبا
وديمت شغال ع قناة القران ...
لبست الجدة
ونزلت
هويام فضلت قاعدة بالشقة
وادهم معاها
بس عى خايفة منة ....
دخلت هويام المطبخ تعمل فطار
وكانت بتعمل عصير ومشغلة الخلاص
فمسمعتش باب الشقة وهو بيتفتح وبيتقفل
كان معتز نزل من بيتة لبيت جدتة ع ياخد دش ع كل هدومة هنا
دخل الحمام وخد دش وطلع لافف نفسة بفوطة
فى لحظة طلوع هويام من المطبخ ...
صرخت هويام ورمت الصنية بوشة
وجريت اديتة ضهرها وقعدت تقول اعوذ بالله من الشيطان الرجيم ..بسم الله الرحمن الرحيم . يارب يارب ساعدنى
جرى معتز غير هدومة بسرعة
ورجع لقى هويام فارشة سجادة الصلاه على الارض وقاعدة تعيط وتقرا قران وتستعيذ بالله
معتز:- شوفتى شيطان ولا اى
اى جابك هنا دلوقتى
وهويام مش بترد وعمالة تعيط وتدعى
قرب منها معتز ... حست انة بيقرب
صرخت وراحت ساجدة ع الارض وفضل تعيط و تقول يارب يارب يارب بسم الله
قرب معتز
وقالها بتصلى ازاى من غير طرحة !
انتى بتعملى اى
هو فى اى
صح ادهم ... هويام ....انا جعااااان
قعدت هويام تعيط بصوت عالى وهى راسها ع الارض
قام معتز قومها من ع الارض راح قامت وهى مغمض عنيها وعمالة تقرا قران
معتز:- اهدى طيب فى اى
خبط الباب ...
فتح ادهم كان عبدلله ابن عمهم
لقى معتز ماسك هويام من  دراها وهى بتعيط
عبدلله :- الله يخربيتك عملتلها اى تانى
معتز:- ملكش دعوة
عبدلله :- لا ليا ومش هسكتلك المرادى ومافيش حد يشيلك من ايدى
ومسكوا الاتنين بخناق بعض
بدات هويام تستوعب الوضع وتعرف ان دة معتز وادهم مش عفاريت
بدات تصرخ
هويام:- بس ابعدوا عن بعض فى اية ماينفعش كدة
على مجيت مامت هويام م السوق ...
فاطمة مامت هويام :- فى اييية سا ولاد عيب كدة سيبوا بعض
فضلو يتخانقوا ويزعقوا لحد ما وصل عمى جوز طنط سعاد وسلك بينهم وشخط فيهم الاتنين
وقال لمعتز ادخل اوضتك
معتز بص لهويام من فوق لتحت ونزل راح شركتة ...
........ ...

وصلت الجدة عند الشيخ
الجدة :- يا شيخنا بيحصل فى بيتنا حاجات غريبة
العيال بيشوفوا حاجات وحاجات بتحصل مش مفهومة
الشيخ:- لازم تفاصيل احكيلى كل حاجة
حكت الجدة كل الى حصل والى كان بيحصل وبتتغاضى عنة ...
الشيخ دة كان مخاوى جن مسلم ... الجن دة كان بيساعدة  انة يساعد المسلمين من شر الجن الكافر ...
سكت الشيخ شوية ......
وبص للسقف
مدة طويلة ....
وبعدين رجع بص فى عين الجدة ....

الجدة قالت فى سرها بسم الله الحافظ...
بصلها الشيخ تانى وابتسم
وقالها .... دة جن مسلم مش هيضرك اقرى قران براحتك بس بنية انك تبقى بخير ....
قشعرت الجدة :- وقالتلة عرفت ازاى..؟
رجع بص تانى فى السقف .....
وكشر اووووووى
.....
ورجع بصلها تانى وقالها ....فى شقة نجسة بالعمارة
بيحصل فيها كل شئ يغضب ربنا
كل شئ....
كل شئ
الجدة :- بيتى كلة طاهر ومافيش شقق  نجسة ...

الشيخ :- فى شقة نجسة بالعمارة
بيحصل فيها كل شئ يغضب ربنا
كل شئ....
كل شئ
كل شئ
كل شئ
 كل شئ
كل شئ
الجدة :- ازااااى دى شقق عيالى
وانا عارفة كل حاجة عنهم
الشيخ :- فى حد جلب احدهم لعمارتكم ...
والى جلبة نجس البيت عشان يجيبة ويرضى يساعدة
الجدة :- مش فاهمة
الشيخ:- فى عمل وسحر وخادم من الجان السفلى  اتسلط ع العمارة
حد ساحر وحد مسحور ...
الجدة:- مين عمل اى لمين
الشيخ :- معرفش هيبان
الجدة :- طيب والعمل اعمل اىى
عشان انقذ ولادى وولاد ولادى
ارجوك ساعدنى 
سكت الشيخ .....
وفضل يتمتم بكلمات مش مفهومة ....
النار قدامة علت اكتر واكتر .......
.......

فى الدرس ...

كريم:- هدير ...هدير
سمعانى
هديييييير ...فوقى ...  يا هدير
شالها كريم من ع الارض
وقعدها على كرسية بتاع المكتب   وجب ازازة ماية وحاول يرش ع وشها ...
مش بتفوق
فضل يضربها براحة بالاقلام ع وشها
مش بتفوق
فك لها الطرحة ...عشان تعرف تتنفس
وجتب البرفان بتاعة
وحط ع ايدة وقرب ايدة من مناخيرها ....
بدات هدير تفتح عنيها ....
هدير:- انا فين ..... انا فين ....
هو اى الى حصل
انا اسفة اسفة ...
وجت تقوم بسرعه من ع الكرسى داخت مقدرتش اقف وقعدت تانى
كريم :- ممكن تهدى شوية
وتاخدى نفسك بهدوء ...
واشربى الماية دى
بصتلة هدير باستغراب ....
وجواها سؤال ازاى دة  معقول مابيهزقنيش!
شربت الماية
ومرة وحدة صرخت ... اى دة فين طرحتى
كانت الطرحة واقعة ع الارض وطى كريم جابهالها وحطهالها ع شعرها ...
كريم:- بقيتى كويسة
هدير :- بدات تعيط ... انا اسفة هذاكر والله المرة الجاية
والنبى اديمى فرصة بالله عليك
والله هذاكر
انا امبارح كنت بالمستشفى والله واسال بابا
ارجوك ادينى فرصة
وجاية تقوم تقف .. اتزحلقت الطرحة تانى ووقعت ع الارض...
وطت تجيبها
دخلت خطيبة كريم  مدرسة شغالة معاة بالسنتر
اسراء:- اى دة ان شاء الله
انتى اى الى مقلعك الطرحة كدة
هو انتوا كنتوا بتعملوا اى
كريم :- استنى يا اسراء هفهك
انتى فاهمة غلط
اسراء :- لا فاهمة صح وصح الصح كمان
عيلة صغيرة مراهقة مع الاستاذ المحترم فى السنتر لوحدهم ومقلعها الطرحة
هيكون بيحصل اى
كريم :- هدير من فضلك ادخلى الحمام اعدلى طرحتك وامشى دلوقتى ...
طلعت هدير بسرعه
وقفل كريم باب القاعة علية هو اسراء
اسراء فضلت تزعق وتقولة انت خاااين وانا عارفة امك مش بتحبنى ...
هدير ربطة الطرحة ونزلت جرى
لقت هيثم مستنيها تحت ...
هيثم :- اتاخرتى لية كل دى
هدير :- انا معرفش انك مستنى
هيثم :- جبتى كام
هدير :- 17.
هيثم:- اوبس ... اطردتى يعنى
هدير :- معرفش
هيثم:- يعنى اى ماتعرفيش
هدير :-انا تعبانة ممكن توقفلى تاكسى.....

فى شقة نهى ...
نهى :- ماما نا حلمت حلم وحش
مامت نهى :- طالما وحش ماتحكيهوش
ادخلى الحمام واحكية وتفى ع كتفك الشمال 3 مرات
نهى:- بس انا كنت حاسة انة بجد
مامت نهى :- اكيد حلم حبيبتى
نهى :- طب احكيلك
مامت نهى :- ماينفعش نحكى احلامنا الوحشة ع ج بيبقى ع جناح طير لو اتحكى بيقع
وبيحصل  ..
يلا ع نفطر وتروحى تذاكى
نهى :- ياماما انهاردة السبت اجااااازة سيبينى بقى
مامت نهى :- امبارح ما زاكرتيش لازم تزاكرى انهاردة.... احسنلك

.......عند الشيخ

سكت الشيخ .....
وفضل يتمتم بكلمات مش مفهومة ....
النار قدامة علت اكتر واكتر ..........
واتملى المكان دخان ....
ورجع اختفى الدخان ....
الشيخ المتسلط عليكم مش سهل
الجدة :- والعمل
الشيخ :- لازم قطر للى شاكة انة معمولة سحر او للى ساحر
الجدة :- معرفش مين عامل لمين ... العيلة كبيرة
سكت الشيخ ..
. ورجع يتمتم بكلمات تانية مش مفهوم  ....
جاب طبق صغير
وحط فية ماية
وفضل يقرا علية كلمات كتير
وطلب من الجدة تذكر الله فى سرها  مرات وحط اديها بالماية وتلف اديها 7 مرات
عملتت الجدة الى اطلب منها .......
مس الشيخ الطبق الى فية الماية
وقرى علية تانى كلمات مش مفهومة ....
وكب جزء منة فى ازازة صغيرة ...
الشيخ:-
هتاخدى الازازة دى
وترشيها ع عتبت شقتك
والى ممسوس ومعمولة السحر ... هيتعور خلال دقايق اول ما هيخطى على الماية دى
وساعتها تجيلى وهقولك هنعمل اى ..

يتبع
تاليف_هويام_شعيب