عذبني حبك الحلقة 32

الفصل الثاني والثلاثون

تستيقظ نور علي صوت رنه هاتفها، فنتظر له وهي مغمضة العينين، فردت بصوت ناعسا، تقول،،

-الووو مين معايا

عادل بنبره حديه يقول،،،

نور انتي لسه نايمه، والسوشال ميديا مقلوبه من امبارح عليكوا

نور تحاول ان تفتح اعينها، وتركز، فتعتدل في جلستها وتنتبه لما يقول، وترد،،

- انت بتقول ايه ياعادل، مقلوبه علي مين بالظبط مش فاهمه؟

عادل بتوضيح يقول،،،

افتحي الفون ولا الاب وانتي تفهمي، كلهم بيتكلموا على حلقه إمبارح اللي قلبت كل الصفحات والسوشال ميديا

نور حدقت بعينين جاحظتين ثم قالت بدهشه،،،،

استني كده طب ياعادل هفتح اهو اشوف، خليك معايا

وتمسك نور حاسبها وتقوم بفتحه، وتتفاجأ من عدد الرسايل المبعوثه لها، والجميع يطالبونها بالصفح عنه والرجوع اليه، فوضعت يداها علي راسها من ذهول المفاجأة، ثم ردت علي المتحدث قائله،،،

- الحقني ياعادل، حياتي بقت علي المشاع كده، والكل بيقولي سامحي، وارجعي، ايهاب بيحبك، واللي تقولي انتي متستهليش حبه، ولا تقول مش هتسامحيه اخده انا، شوفت يا عادل انا هطق

عادل يضحك بسخريه ثم يقول،،،،

انتي لحقتي قريتي كل ده في الثواني دي

نور بضيق،،،،

انا فتحت بس الرسايل، وبصيت كده بسرعه، وما خفي كان اعظم، دبرني ياوزير اعمل ايه؟

عادل بتفكير، لحظات ثم يقول،،،،

بصي انا راي، تقومي كده تغسلي وشك ياجميل وتاخدي شور كده، وتصلي وتدعي ربنا ينور بصيرتك، وبعيد عيدي تفكير في كل حاجه، واسألي نفسك سؤال واحد

نور مستفهمه؛ اللي هو ايه؟

عادل يضيق عينيه ثم يزفر نفساََ عميقاََ ثم يقول،،،

ايهاب يستاهل منك تديله فرصه تانيه ولا تقفلي الصفحه وتقلبيها من حياتك؟ هل حبه وعشقه يغفروا خطأه يانور

نور تصمت ولا تجد رد..........

عادل بتنهيده حزينه يقول،،،،

مادام سكتي يبقي ده في مصلحه إيهاب، فكري وبلاش تخسري حبه، عشان متندميش يانور، العمر مش فاضل فيه كتير، واللي بيروح مش بيرجع، هسيبك عشان اشوف اللي ورايا، سلام

نور شارده ترد قائله،،، سلام ياعادل

وتغلق هاتفها وتظل اخر كلمات عادل ترن في أُذنيها،،، العمر مش فاضل فيه كتير، واللي بيروح مش بيرجع،، وظلت تتردد اكثر من مرة،،، ثم قالت

فعلا عادل معاه حق اللي راح مش بيرجع، ليه اضيعه من بين اديا، وانا بتمني بس نظره من عيونه، بس ازاي انسي شكه فيا، واللي حصلي في بعاده، يارب صبرني، انا هقوم اخد شور، واصلي وادعي وبنا يفرجها عليا

#عذبني حبگ بقلم إيمووو كمال

تجلس اميرة بجانب زوجها سليم، مسكت هاتفها للاتصال بابنتها لتطمئن عليها، انتظرت ثواني حتى اتاها الرد،،

-الو ازيك يا ماما، عامله ايه حببتي؟ وحشااني اوي

اميرة بنبرة بها لهفه،،،

انتي اكتر ياروح قلب ماما، وحشاني اوي، مش ناويه تيجي فرش جنة، هتفرش النهاردة حاجتها انا قولت اقولك عشان متزعليش

نسمه بفرحه، تقول،،،

بجد هي جابت العفش خلاص، ماشاء الله

اميرة بنبرة فرحه تقول،،،

اه حببتي فرشوا، ومصطفي هيبعت العربيات النهاردة علي العصر كده، وفي ناس هتنزل الحاجه، احنا بس هنرصها، هتيجي ولا مش هتقدري

نور بتفكير لحظات، ثم تقول،،،

انا ياماما الدكتورة حظرتي اخر مره من الحركه كتير، ده حتي الشغل هادي صمم يقدملي استقالتي، بس هقول لهادي لما يرجع من الشغل، واخليه يوديني عشان متزعلش

اميرة بقلق تقول،،،،

حببتي لو هتتعبي انا هقول لعمتك ولجنة واكيد مش هتزعل، وهتقدر تعب الحمل في اوله صعب ، ربنا يطمني عليكي

نسمه بحب تقول لها،،،

مفيش داعي، جنة برضو مسبتنيش يا ماما ايام جوازي، وانا مش هتعب في حاجه انا هرص بس غرفة النوم، باذن الله مش هيحصل حاجه

اميرة بدعاء،،،

يارب يابنتي يحفظك ويحميكي ياحببتي، وتقومي بالف سلامه

نسمه؛ امين يارب، ياريت تسلميلي علي بابا عقبال ما اشوفه

اميرة ببتسامه ترد،،،

يوصل حببتي، اشوفك علي خير، سلام ياقلب ماما

نسمه؛ سلام ياحببتي

وتغلق معها وتضع هاتفها علي الطاوله التي امامها،ثم تستند راسها وتفكر في رد فعل هادي من زيارة شقه معتز وجنة، هل يعترض ام سيوافق،،، وتظل تفكر حتي اتاها اتصال منه فردت مسرعه،،،

-حبيبي لسه والله بفكر فيك

هادي بنبرة حب،،

القلوب عند بعضها يانسمتي، بتفكري فيا في ايه بقي؟

نسمه بنبرة قلق،،،

ابدا اصل.. اصل

هادي بقلق، يقول،،،

اتكلمي علي طول يانسمه فيكي حاجه ياحببتي أجيلك، اسيب الدنيا كلها واجيلك

نسمه بنبرة حنان وحب ترد؛؛

ابدا ياحبيبي انا زي الفل، واخد العلاج ودواء الضغط، بس ماما لسه قافله معايا وبتقولي ان جنة هتفرش حاجاتها النهاردة، وكنت

هادي مقاطعها بتفهم مردد،،،،

وكنتي عايزة تروحي تساعديها مش كده، وخايفه ارفض صح

نسمه بهمس، تردد،،،

اه بصراحة خايفه ترفض، عشان متعبش

هادي بنبرة خوف وقلق يقول،،،

بصراحه انا مش هكدب واقول مش خايف عليكي، خصوصا انك لسه في اول الشهور ومحتاجه راحه، بس برضو مش هقدر امنعك عن الواجب، بصي ياقلبي، انا هخلص شغل وهتصل عليكي تجهزي، واجي اخد شور و اغير هدومي، وننزل نتغدي بره، وتروح نساعدهم شويه، ونسهر معاهم، وبعدين نروح مبسوطة ياحبي

نسمه بفرحه وسعاده ترد،،،

والله انت احلي زوج في الدنيا، حبيبي يادودو، ربنا يسعدك زي ما بتسعدي كده، بس احنا عندنا اكل مفيش داعي ناكل بره

هادي بحنيه، يردد،،

مفيش مشكله ياحبيبتي خليه لبكره، وناكل بره اللي تتطلبيه، اللي نفسك بس تروحله عيوني ليكي ياقلبي

نسمه بعد تفكير ثواني تقول،،،

ربنا يخليك ليا يارب، انا عايزة اكل ياسيدي بيتزا ايه رايك؟

هادي بنبرة حنونة يردد،،،

اوامرك يابرنسيسة، احلي بيتزا هات تكون قدامك يافندم، اسبيك بقي اخلص شغل واجيلك ياقمر، باي ياحبي

نسمه؛ باي ياعمري

وتغلق معه، ثم تحتضن هاتفها، وترفع يدها وتناجي ربها ثم تقول،،،

ربنا يباركلي فيك ياهادي يارب، وميحرمنيش منك ابدا، احمدك واشكر فضلك يارب، انك رزقتني باحلي زوج في الدنيا، حنين ومتفاهم، وبيفهمني من قبل حتي ما اتكلم، ثم تكمل قائله، الزوج الحنين فعلا نعمه من عند ربنا، يارب قدرني اسعده زي ما بيسعدني،

ثم تنهض، لتجهز ما سوف يرتديه زوجها، وهي ايضا، ثم بعد ذلك تتوجه لمشاهده التلفاز، واذا بها تري اعلان برومو عن حلقه خاصه في برنامج اسمه "ضيف علي كرسي الاعتراف" وضيف حلقه اليوم ايهاب عمر، فنظرت وقالت متحدثه،،

- اووبا شكلها هتولع، امبارح نور وايهاب، والنهاردة ايهاب لوحده، ياتري هيقول ايه علي كرسي الاعتراف ده كمان، لما يجي هادي لازم اقوله عشان نحاول نرجع ونتفرج عليه، ربنا يهديكي يانور، ويحنن قلبك بقي علي الراجل اللي اتمرمط ده في البرامج يطلب رضاكي

#عذبني حبگ بقلم إيمووو كمال

يجلس فارس علي فراشه طالبا ان ياخذ قسطا من الراحه، فالنوم جافيه من اجل صديقه الذي يكن له بمشاعر اكثر من الاخوه، فالذي يربطهم علاقه قوية لا يفهمها البعض، فامسك هاتفه وقام بالاتصال به،، فرد عليه مرددا،،،

- فارس طمني البرنامج امتي؟

فارس يزفر تنهيده ويقول بحده،،،

معقول يا ايهاب البرومو نزل من بدري، انت لسه مشفتهوش

ايهاب بتعجباََ يقول،،،

لا خالص انا مش فاتح التلفزيون، معقول بالسرعه دي

فارس بفخر، يقول،،،

عيب عليك، هو انا بلعب، انا اخترت النهاردة بالذات عشان تاثر عليها زي ما قولتلك، وتكون لسه تحت تاثير الحلقه وردود الافعال، متلحقش تفكر، تكون انت كده يا هيرو محاصرها من كل جانب، وياسلام بقي لو نعمل اتصال بيها علي الهوا مباشرا، عشان ترد، اوووبا دي الحلقه ساعتها هتولع وتكسر الدنيا

ايهاب اغمض عينيه بنفاذ صبر، ثم تنهد مرددا،،،

انا ميهمنيش تكسر ولا تولع الدنيا، انا اللي يهمني انها تحس بيا وتصدقني

فارس بنبرة امل وتفائل، يرد قائلا،،

هتحس بيك صدقني، وهي اللي هتتصل كمان، وهتشوف ابو الفوارس خططه مش بتخرش الميه

ايهاب ببتسامه،،،

ياخوفي لخططك دي تغرقني يا ابو الفوارس

فارس بضحكه عاليه، يقول،،،

عيب عليك ياهوبا، تقول كده برضو، ده انا فاروس برضو

ايهاب يضحك بسخريه، مردد،،

ماشي ياسيدي، اديني ماشي وراك لما اشوف اخرتها ايه.؟ربنا يسترها

فارس بجديه يقول،،،

لا تقلق، وحياتك ماحد هيزفك ولا يرقصلك في فرحك زي، ده انا هسوي الهوايل، ياهوبا، وهعملك شغل عالي، بس انت اتجدعان كده وشرفنا، وارفع راسنا ياكبير

ايهاب يضحك عليه ثم قال،،،

والله انت فايق يافارس، قول بس هي تلين دماغها الاول، وبعدين زفنا زي ما انت عايز

فارس بحب،،،،

هيحصل ان شاء الله، والله انا واثق في ربنا، وهفرح بيك قريب باذن الله، ربك كبير اوي، ويغير حال لحال في ثانيه، المهم انت ركز كده في حلقه النهارده، وخلي كل اعترفاتك صريحه ومباشره

ايهاب بنبرة حزينة يقول،،،

حاضر ياصاحبي، هعمل اللي بتقولي عليه كله، هستناك نروح سوا، هو الساعه كام

فارس ينظر بهاتفه ليعترف علي الوقت، البرنامج هيبدأ الساعه ٩م وانت مفروض تكون علي ٨ هناك عشان تجهز

ايهاب؛ هكون في انتظارك علي ٦ متتاخرش عليا

فارس يقبض حاجبه بعبوس و يقول،،،

ليه ياعم ٦ بدري اوي هجي علي ٧ تكون جاهز، تمام

ابهاب بضيق؛ ماشي ياسيدي، هستناك سلامووز

وينتهي من المحادثه، ثم يركض الي غرفتة ليجهز ما سوف يرتديه، فينظر الي البدل، ثم الي البرفيوم، فيمسكه ويتذكر لمسها اليه، ويستنشق عبيره، وهو سارحا في ذكرياته معها ثم يحدث نفسه مرددا،،،

-هنا كانت واقفه، هنا لمستها علي زجاجه العطر، لما قالت انها تحبه، وهنا لما اختارت البدله دي، ايوة كانت بتحب تشوفني بالبدله الكحلي دي، كانت بتقولي بتبقي حلوه عليك اوي ياهوبا... ااااه يانوري، وحشتيني اوووي... وحشني وجودك في حياتي اللي كان منور كل دنيتي... الدنيا من غيرك وحشه اوووي،،،، ارجعيلي ياضي عيني.... ثم جلس حزينا، يشعر بمرارة فراقها

#عذبني حبگ بقلم إيمووو كمال

تجلس جنة بجوار والدتها، ثم نظرت الي اخاها مصطفي متحدثه اليه قائله،،،

-خلاص كده يامصطفى الحاجه كلها طلعت، مفيش كراتين ناقصه

مصطفي بتنهيده عاليه،،،

اااه ياستي كله طلع وانا نفسي طلع معاهم

جنة تقترب منه وتقبله ثم تقول،،

متحرمش منك يا درش، نردهالك كده في فرح سيووفه باذن الله

مصطفى اتسعت حدقتاه مرددا،،،

هو انا لسه هستني لفرح سيف، لا انتي كده بتخمي يابنت ابويا

جنة تضحك عليه ثم ترد،،،

طب قول ايه اللي يرضيك وانا اعمله ياخويا

مصطفى بحب يربت علي كتفيها ويقول،،

- اللي يرضيني اني اشوفك سعيده متهنيه في بيتك ياحببتي، وانا عيني ليكي والكتف ده زاد"ويشاور علي كتفه الايمن" ويكمل،، والكتف ده ميه" ويشاور علي الكتف الايسر"

جنة تحتضنه بحب وتقول،،،

ربنا يخليك ليا يا خويا وميحرمنيش منك يارب

معتز يدخل ويشاهدهم، يصرخ بصوتاََ عاليا ويقول،،،

-خيانه، بتخونيني ياجنة واحنا لسه حتي متلمناش، ومع مين اخوكي ياااه العار،، يااااه مصيبتاه،،،لا يسلم الشرف الرفيع من الاذي... حتي يراق علي جوانبه الدمُ.... ثم يمثل التأثر، ويجلس علي الاريكه التي امامه وهو واضعا يده علي راسه،، فيصيح به مصطفي قائلا،،،

- قوم ياعم يوسف وهبي، بطل تمثيل، انت كان مفروض تدخل معهد تمثيل، مش طب خالص

معتز ينهض وهو مازال متاثر يرد عليه مردد،،

ليه كده يا ابو النسب تطلعني من المود، كنت عايش الدور اوي، وانتي عارفه ياجنة الاقكي بتبوسي حد غيري مش هيحصلك طيب

مصطفي ضيق عينيه وضم حاجبيه بعبوس ورد قائلا،،،

هتعملها ايه يعني، هي بتبوس حد غريب، ده انا اخوها

معتز بنبره هادئه، يقول،،،

ايه ياعم ما براحه انا بهزر، انتوا متعرفوش الهزار ولا ايه؟

مصطفي يمسح بيده علي وجه لامتصاص غضبه، ثم ينظر له برتياح ويقول،،،

لأ بعرف بس خلي بالك، اوعي تزعل اختي، محدش هيقفلك غيري يا معتز، انا قولتلك قبل كده جنة دي بنتي مش اختي وبس

معتز يقربها اليه، وممسكاََ بيديها بحنان، يرد عليه بجديه مرددا،،،

- وانا قولتلك قبل كده الف مرة، جنتي دي في عينيا، انا مقدرش ازعلها ابدا، وصيها انت بس عليا

مصطفي يقترب منه ويربت علي كتفه، ويقول؛؛

- ربنا يسعدكم يارب، ويهدي سركم

جنة بنظره حب وتقدير لاخليها؛؛

يارب ميحرمنيش منكوا، انتوا اغلي الناس عندي

ويمر الوقت والجميع مشغولين، في رص وترتيب الاشياء الخاصه بالعروسه، واذا بنسمه وهادي يدلفون اليهم، ويرحب بهم الجميع فتركض الي جنة مسرعه بحب محتضناها، ثم تقول لها،،

- جوجو حببتي اخيرا هفرح بيكي ياقلبي، الف مبرووك ياحببتي

جنة تحتضنها بحب ترد قائله،،،

الله يبارك فيكي ياحببتي، انتي اللي الف مبرووك يا ام عتريس، تعتبي نفسك برضو وجيتي

نسمه بحب، وفرحه تقول،،،

مفيش تعب ولا حاجه، انا النهاردة الدنيا مش سيعاني من الفرحه، ربنا يتمم بخير يارب

تتوجه نسمه الي عمتها ووالدتها لتسلم عليهم، ثم تتوجه الي غرفه النوم الرئيسية، وتحدث جنة مردده،،

- ممكن حضرتك تطلعي برة اكمل انا رص هدومك والمفروشات، وانتي تنجزي عشان ترصي النيش، تخصصك ياعروسه

جنة باعتراض؛ خليني اساعدك يانسمه، عشان متتعبيش

نسمه تنظر لهامشاوره باصبعها السبابه الي الباب قائله،،،

لا مش عايزة مساعدتك، يالا اطلعي من غير مطرود بقي خليني أنجز، انا هقفل الغرفه وهطلع اساعد ماما وطنط في رص المطبخ

جنة باستسلام ترد،،،

طيب اللي تشوفيه، كل حاجة مرتبه في الشنط، يادوب هترصي في الدولاب علي طول

نسمه، تنظر لما تشاور ثم تقول،،،

تمام حببتي، يالا بقي متعطلنيش

وتتركها جنة، لتنفذ ما امرت به، وهي انشغلت في ترتيب الغرفه، وبعد مضي حوالي ساعتان، يطرق هادي الغرفه طالبا الدخول، فتفتح له وعلي وجهها ابتسامه رقيقه مثلها، وتنظر له ثم تقول،،

-حبيبي عايز حاجه اعملهالك

هادي يقترب منها ويهمس في اذنها،،،

وحشتيني الساعتين دول، ما تيجي نروح لسه مخلصتيش

نسمه بحب تقترب منه وتحاوط يديها حول عنقه، وهي ناظره في مقلتيه، ترد بدلع؛؛؛

- انا خلاص خلصت، ولسه كنت هقفل الباب واخرج ادور عليك، عشان اقولك انت كمان وحشتني اوي، هي الساعه كام دلوقتي

هادي يسرح في نظرة عينيها يرد عليها بدون تركيز : تجلها ٧ كده

نسمه بتركيز وخضه؛ يانهاااري، حلقه ايهاب قربت، انا نسيت اقولك، النهاردة في برنامج اسمه تقريبا كده "ضيف علي كرسي الاعتراف"، هيكون ضيف فيه ويعترف علي الكرسي

هادي باهتمام يستمتع لما تقول، ثم يرد قائلا،،

طب مقولتليش ليه، قبل ما ننزل، كده ممكن متلحقش الحلقه

نسمه بهدوء؛ لا هنلحق الحلقه هتتذاع الساعه ٩ هنتفرج عليها متقلقش، احنا تفضل كده ساعه كمان ونروح، اتفقنا

هادي بنظرة رضا يقول،،،

اتفقنا حبيبي، اسيبك بقي تشوفي اللي وراكي

يتركها ليذهب الي صديقه الذي وجده واقفا علي سلم خشبي، يقوم بتعليق الستائر الخاصة بالريسبشن، فيقول له بنبرة أمره،،

- اشتغل حلو ياسطي

معتز بضحكه؛ اخر الزمن اكون اسطي، من بعد لقب دكتور هزلت

هادي بجديه؛ انت شوفت حلقه نور امبارح يامعتز

معتز بنفس الجديه، ينظر اليه ثم يقول بنبره غاضبه،،،

اه طبعا، دي مصر كلها شافتها، ولسه في تكمله النهارده مع الكازنوفا ايهاب

هادي بضيق، يقول،،،

شايفك بتتكلم بنبرة فيها سخريه يا معتز

معتز زفر بحنق مرددا،،،،

اصل الموضوع بصراحة مسخ اوي ياهادي، احنا مالنا اثنين حبيبه متخنقين، احنا مال اهلنا يشغلونا بمشاكلهم ليه، مش كفايه المشاكل اللي عندنا، ناقصين احنا قرفهم

هادي يغمض عينيه، ثم يزفر بضيق، يرد بحده وعصبيه قائلا ،،،

عارف لو كنت سمعت الكلام ده يامعتز من حد غيرك، كنت عرفت ارد عليه كويس، لكن انت مش هقدر ارد الرد المناسب عليه

معتز يستشعر غضبه، فيقترب منه محاولا مراضيته، ثم يرد قائلا،،

انا اسف ياصاحبي، بس انت عارفني مدب في الكلام ساعات، واللي ضايقني انهم بينوا للكل خلافاتهم

هادي يحاول ان يهدأ من عصبيته، ويمسح بيده على وجهه، يرد قائلا،،

-هما مكنش قاصدين انهم يعرفوا الدنيا زي ما بتقول، حبهم هو اللي ظهر من غير ما يقصدوا، انت عارف وعاشرت مشكله نور معايا من اول ما دخلت وابتديت اعالجها، نور بالنسبه ليا زي بنتي، وانا كتير نصحتها انها متكبرش الموضوع لحد كده، بس هي معانده، لكن بعد الحلقه انا هتصل عليها لازم تعقل، بس لما اسمع ايهاب هيقول ايه الاول

معتز ينظر له نظرة اعتذار، ثم يقول،،،

ربنا يصلح الحال، بس انت متزعلش مني

هادي ينظر له ثم يقول،،،

عيب عليك، انت زي اخويا، عمري ما ازعل منه ابدا، انا هستاذن بقي عشان الحق اروح واتفرج براحتي علي البرنامج

معتز معترضاََ،

طب ما تتفرج هنا معانا

هادي معتذراََ،،،

معلش عشان اكون براحتي، خصوصا اني خلصت شغل وجيت على طول

معتز مصافحه بحب ثم يقول،،،،

تمام حبيبي براحتك، اشوفك بكره في المستشفى

هادي؛ ان شاء الله، اشوفك علي خير

وينادي علي زوجته، ويسلم على جميع الحضور، ثم ينصرفوا الي منزلهم في هدوء، وبعد مضي نصف ساعه وصلوا الي منزلهم، وجلسوا علي الاريكه، فلاحظت نسمه صمته، وتغير لون وجهه، فاقتربت منه متسائله،،

-ممكن اعرف حبيبي ماله ساكت ليه كده، وكمان مكشر، من ساعة ما مشينا وانت ساكت مش بتتكلم خالص، في ايه ياحبيبي

هادي ينظر لها ويقول،،

مفيش يانسمتي، شديت بس مع معتز شويه

نسمه متعجبه، ثم ترد قائله،،

معقول، انت تشد مع معتز، ازاي! وليه!

هادي بهدوء، يقول،،،

بتكلم معاه عن حلقه نور امبارح، لاقيت رده معجبنيش بصراحه، وحاولت مبينش اني زعلت، ولميت الموضوع واخدتك ومشينا

نسمه تستمع باهتمام، ثم تقول،،،

عشان كده روحنا بسرعه، بعد ما سبتك

هادي اومأ راسه بنعم، ثم ردد قائلا...

ثم امسك ريموت التلفاز، وبحث عن القناة التي سوف تعرض اللقاء، ثم تحدث لها مرددا،،

- حببتي ممكن تعمليلي كوباية نسكافيه من فضلك

نسمه بابتسامة، تردد،،،

حاضر من عيوني

وتذهب لاعداده، وبعد مضي دقائق، وضعته امامه علي الطاوله، ثم جلست بجواره، تنتظر بدأ اللقاء،، واذا به يظهر المذيع قائلا،،،،

المذيع : مساء الخير علي كل مشاهدينا، وجاء موعدنا مع ضيف جديد، واعترافات جديده علي كرسي الاعتراف، وضيفنا وضيفكم اليوم الفنان المحبوب والمشهور، إيهاب عمر، اهلا بيك يافنان. منورنا

ايهاب بابتسامة؛ اهلا بحضرتك

المذيع ينظر له ويقول بجديه،،،

جاهز معانا يافنان، تجلس علي كرسي الاعتراف

إيهاب ينظر اليه نظره قلق ويقول،،،

جاهز وربنا يستر

المذيع مبتسماََ له، يردد،،،

مالك قلقان ليه، اجمد كده، انت عارف اهم شرط من شروط الكرسي، الصراحه والاعتراف بالخطأ، امام الجميع بدون كذب، وبكل شجاعه تقول الخطأ، وتعترف بيه

ايهاب هز راسه بالموافقه ثم قال،،،

تمام، وانا جاي مخصوص عشان اعترف

المذيع ينظر للجمهور قائلا،،

أعزائي كل المشاهدين، هنطلع لاول فاصل اعلاني، ونجهز ضيفنا علي كرسي الاعتراف، لتبدأ حلقتنا مع اول اعتراف له

#عذبني حبگ بقلم إيمووو كمال

يجلس عادل متابعا للحلقه واذا به يقوم بالإتصال علي نور ليطمئن انها تشاهد الحلقه فترد عليه مردده،،

-ايوة ياعادل خير في حاجه

عادل متسائلا؛ انت مش بتشوفي اللقاء التلفزيوني بتاع ايهاب

نور بتعجب،،،

هو ايهاب بيعمل لقاء فين ده!

عادل بضيق،يقول،،،

انتي مش عايشة في الدنيا، قومي افتحي التلفزيون ده اول فاصل اعلاني، لسه مبدأش، يالا وهبقي اكلمك بعد البرنامج

نور بلهفه؛ شكرا عادل، متشكره اوي ليك، سلام بقي هو علي اي قناه

عادل؛ قناة Mbc يالا سلام

وتتوجه نور الي غرفتها وتقوم بتشغيل التلفاز علي القناة المذكورة، وتجد المذيع يتحدث قائلا،،،

المذيع؛ وعدنا أعزائي المشاهدين، نبدأ باول سؤال لضيفنا،،،

- ايهاب بعد لقاء امس والكل السوشال ميديا بتتحدث عن هذا اللقاء الذي ظهر بدون قصد حبك الشديد للفنانه نور،

اعترف،،، ايه سبب البعد ده، وليه نور رافضه الصلح

يتفاجأ ايهاب باول سؤال وينظر له بصدمه وذهول، ثم يتشجع ويقول،،،

- بصراحه بما اني علي كرسي الاعتراف، فانا هعترف، بس بدون دخول في تفاصيل خاصة

المذيع؛ تمام المهم الصراحه

ايهاب ينظر له والكاميرا موجه له، فيقول بكل حزن،،،،

انا ونور كنا مرتبطين وبنحب بعض جدا، وكنا هنعلن ارتباطنا ونتجوز، لكن نور اصرت بعد ما انتهي من الالبوم وتسجيل الدويتو اللي كان بينا، لكن في اشخاص، ربنا يسامحهم ويجازيهم،.... وصمت لحظات

المذيع ينظر اليه متساءل،،،

هاااه كمل عملوا اية الأشخاص دول؟

اعتصر الالم قلبه فنطق بوهن مرددا،،،

عملوا خطة جهنميه عشان يفرقوا بينا، وللاسف كنت غبي وصدقتهم، ايوة بعترف بأول اعتراف في الحلقه، وبقول لنوري، انا كنت غبي لما فقدت الثقه في حبك ليا،،،، كنت غبي عشان ظلمتك وعذبتك يا اغلي الناس، وصدقت شويه كدابين، وهدمت حب كبير، حب عمري ما هعرف اعوضه،، "قالها بكل حده وصدق، وحب، واضح وظاهر في عيونه"

المذيع ينظر له بشفقه وعطف مرددا،،،

تحب تقول ايه لنور، الكاميرا معاك

الكاميرا تتوجه اليه وتقترب منه، ينظر اليها موجه حديثه لها قائلا،،،

- نور حياتي، انا مش هخجل ابدا وهعترف امام العالم كله واقول، انا غلطت في حقك ياحب عمري، سامحيني، وارجعي نوري حياتي من تاني، سامحي قلب اتعذب من بعادك، قلب احترق من نار الفراق، انا هنتظرك وعمري ما هيأس ابدا، هستناكي ترجعيلي يانوري

المذيع ينظر له بنظرة حزن، ثم يوجه حديثه له مرددا؛؛

لو طلبت منك تترجم كلامك في اغنيه تهديها لها هتغني تقولها ايه؟

ايهاب يصمت وبفكر قليلا ثم يقول وهو ممسكا بالمايك،،، هغني اغنيه حستها اووي لزميل عزيز بتقول اسمها ارجع بقي نهض وامسك المايك وغرد قائلا بكل احساسه مردد،،،

ارجع بقى ياعايش فى قلبى وسايب مكان

ارجع ياعمرى اللى جاى واللى كان

ارجع تعالى حبيبي استحالة يفرق مابينى وبينك زمان

صعبه الليالى فى بعدك اوى

وصعبان عليا فراقك اوى

وعارفك داريبي... لايمكن حبيبي يكون قلبة فعلا عليا قوى

مين ده اللى بعدك هيقدر يعيش

بعدك حبيبي الحياة ماتسويش

يانارى اللى قادت كترت... وزادت فى بعدك... ما انا بعد منك ماليش

على عينى الحياة من غيرك انا ليا حبايب غيرك

ده انا مقدرش اعيش من غيرك ولا ثانية ياعمرى

سايبنى لمين ياحبيبي يا جرح السنين ياحبيبي

طول ما انت بعيد ياحبيبي مش قادر اعيش عمرى

ارجع بقه تعالى نلم اللى راح وانكسر

نداوى الجراح اللى سابت اثر

*كانت تسمع بشده وهي ناظره في مقلتيه، التي ظهرت قمه الأحاسيس، والمشاعر الصادقه بهم فوصلت اليها، بكل سهوله

انينك قسمنا وكترت الامنا ومفيش حد فينا اكيد انتصر

تعالى ياعمرى سايبنى لمين

جارحنى ذللنى قتلنى الحنين

عشان خاطرى ترجع فراقك بيوجع

وقسيت فى بعدك عليا السنين

ارجع ياسايبنى طول الليالى

لجرحى لدمعى لشوق العنين

ارجع ماليش حد بعدك ياغالى

ولو شفت حالى هيصعب عليك

ارجع حرام تكوى قلبك وقلبى بنار الفراق وبادينا اللقا

ارجع بقى ياعايش فى قلبى وسايب مكان

ارجع ياعمرى اللى جاى واللى كان

ارجع تعالى حبيبي استحالة يفرق مابينى وبينك زمان

لسه الامانى بتنده عليك رغم انى عينى بعيد عن عنيك

هواك لسه باقى ونفس اشتياقى لهمسة شفايفك ولمسة ايديك

ياريتك تجينى... ياريتك تعود ياساكن فى قلبى لابعد حدود

ارجع ياغايب يااغلى الحبايب ورجع لقلبى الحياة والوجود

ارجع بقى... ارجع بقى... ارجع بقى،،،،

قالها بحده وترجي، وصوت مخنوق بالدموع

المذيع ينظر للكاميرا ثم يقول،،،

وتطلع فاصل ونعود، انتظرونا في حلقه ساخنه مليئة بالاسئله الجريئة

مازالت نور تبكي بشده فنتبهت علي صوت هاتفها فنظرت فوجدته دكتور هادي فردت مسرعه،،

-ايوة يادكتور دايما بتتصل في وقتك، انا محتجالك اوي

هادي يرد بحنو قائلا،،،

كنت متأكد انك بتعيطي يانور، ومحتجالي، عشان كده اتصلت بيكي، اكيد سامعه الاغنيه واللقاء

نور ببكاء شديد تقول،،،

ايوة ومش عارفه اتخذ قرار

هادي بحده وجديه يقول،،،

القرار قرارك، ايهاب متكسفش وكان جرئ واعترف انه غلط،امام الجميع وعلي الهوا، عايزه ايه تاني، خلاص يانور، انتي بتحبيه، داوي جروحكم مع بعض، حطي ايدك في ايده وانسي الماضي، حرام عليكي تعذبيه، وتعذبي نفسك، خليكي قويه وجريئه زيه واعترفي بحبه واعلني مسامحتك له، فاجئيه واتصلي بالبرنامج علي الهواء، وقوليه سامحتك وتعالي نبدأ من الاول، اتخذي قرارك قبل فوات الأوان، واتخلي عن عنادك اللي هيضيعك ويضيعه منك

نور بنظرة قوه وإصرار تقول،،،

خلاص يادكتور، هعمل اللي قولتلي عليه، لأني بصراحه خلاص مش قادرة علي البعاد اكتر من كده

هادي بفرحه انه اقنعها،،،

وانا هنتظر، اشوف ردك، سلام

تغلق نور معه وتفكر في كيفيه الوصول له مباشرأ علي الهواء، فتلمع لها فكره، وتقرر ان تقوم بالاتصال بفارس فهي علي يقين، انه معه أثناء التسجيل، وقامت بالاتصال به وبعد ثواني رد عليها فقالت له بلهفة،،،

- فارس وصلني حالا على الهوا عشان اكلم إيهاب

فارس بفرحه شديده، يقول،،،

اخيرا يانور، دي هتبقي احلي مفاجأة منك لايهاب

نور بلهفه تقول،،،

بسرعه يافارس الإعلانات قربت تخلص

فارس يتحدث مع المخرج ويطلب منه انه يقوم بالاتصال بها حين يكون علي الهوا؛ فبلغها عادل مرددا،،

نور انا هقفل، ولما يطلع علي الهوا هنكلمك، سلام

تم إبلاغ المذيع بمداخله نور، وطلب المخرج عدم الافصاح عن المتصل حتي تكون مفاجأة للضيف، وعاد الارسال مرة اخري فتحدث المذيع قائلا،،

- وعدنا مرة اخري، ومعنا مداخله تليفونيه مهمه موجهه لضيفنا ونقول الووو

نور بصوت بكاء ونبرة حرينة ترد؛؛؛

- الووو مساء الخير يافندم

ايهاب متفاجأ وتظهر علي وجهه علامات الذهول والتعجب يسمع صوتها، ولا تصدق اذناه فيرد قائلا بتوتر وارتباك شديد،،

-نوري.... انتي نوري صح،،، انا مش مصدق نفسي،، نور،،، ردي عليا انتي حقيقى مش بحلم

نور بنبرة حب ترد،،،

ايوة نورك يا ايهاب، انت مش بتحلم، انا نورك

ايهاب تلمع عيونه من الفرحه،،،

حببتي، اخيرا

نور ردت بحب،،،

ايوة اخيرا، وزي ما انت اعترفت قدام العالم كله بحبي، وانك غلطت في حقي، انا بتصل دلوقتي عشان ابلغك ردي هيكون علني زيك، انا عندي حفله بكره، هتسمع ردي في اغنيه هديها مخصوص لك، قدام الجميع

ايهاب بلهفه وفرحه، وحب يقول،،،

يعني افهم من كده، انك خلاص ياعمري سامحتيني

نور ببتسامه، ونبره عاشفه ترد،،

اسأل قلبك وهو يجاوب،ثم توجه حديثها للمذيع، شكرا جدا يافندم علي سماحي بالمداخله

المذيع؛ احنا اللي متشكرين جدا بمداخلتك يانور، وسعداء جدا ان برنامجنا اخد السبق وانه كان السبب في لم شملكم، وربنا يتمم بخير

نور بفرحه؛ اشكرا جدا

وينظر المذيع له فيجده في غاية السعاده والفرحه فيقول له،،،

السعاده واضحه اوي يا ايهاب عليك، معقول للدرجه دي بتحبها

ايهاب ينظر اليه وعيناه تلمع من العشق، فيرد متحدثاََ،،

انا تعديت الحب بمراحل، انا عشقتها، ولا اريد الا سواها

المذيع يصمت ليستمع الي المخرج محدثا له، ثم ينظر الي ضيفه قائلا،،،

المذيع؛ اظاهر حلقه النهاردة كلها مفاجأت، بلغوني ان نور نزلت خاطرة لها حالا، من خواطرها التي نالت شهرة كبيرة لدي متابعينها، هتنزل حالا وهنقرأها سوياََ، وها هي تقول،،

الا يكفيك ياعقلي...لوم قلبي الذي تألم كثيرا ونذف من شده الآم الفراق

كفي ياعقلي تحمله مالا يستطيع.. فكفي عليه تحمله حرمان فقدان الحبيب

الا تشفق عليه... الا ترحم نذيف اهاته

اي عقلا انت... الا تعرف معني الشفقه... الا تحس به... الا تشفق عليه

فكفي.. فكفي.. فأنا اكتفيت منك،، فقلبي اعلن عليك العصيان... وسأمضي وراء قلبي... فلقد عذبته معي كثيرا.. وقد اصبح يتألم ويبكي من طول البعاد

نعم سأمضي اليه... برغم كل الامي.. سأبدأ ياعقلي معه من جديد... لعلنا نداوي الامنا سوياً... فأنت اصبحت دخيلاََ علينا... فتركنا نمضي ونسعد بدون تدخل منك.. اعلم انك تلومني،،، ولكن قلبي ليس علي بسلطاناََ...اتركني لاجرب حظي معه مرة ثانيه، وانا علي ثقه انني سأنجح.. وافوز بنعيم عشقه... واخيراََ، لا تحزن ياعقلي... فسلطان قلبي هو الذي انتصر عليك،، ورفع رايه العشق. .. سأعود اليك يامحبوبي... لننعم بعشقنا ونذوق شهد الغرام الذي حرمنا منه طويلا... احبك لآخر نبضة في قلبي... نعم اعترف بحبك الذي ملئ كياني، فقد فاق العشق منتهاه، فقد اصبحت متيمه بك حبيبي لدرجه تفوق الخيال..سأظل احبك حتي اخر انفاسي

المذيع التفت اليه وجده يجفف دمعه خانته من مقلتيه، فيقول له،،،،

- والله ما عارف اقولك ايه، فعلا انا شوفت حب كتير، لكن لهذا الحد من العشق للاسف اول مرة اشاهده، هذا تصريح واضح وصريح لنور بعشقها وعودتها لك، انت مفروض تفرح، مش تبكي

ايهاب بفرحه، وسعاده يقول،،،

دي دموع الفرح، واذا كانت نور متيمه بي، فأنا عاشقا لتراب قدميها، فانا اذوب عشقاََ... واتنفس عشقا يا اميرتي، فأنتي تاجاََ فوق راسي تتوجت به حين قررتي الرجوع الي وسامحتيني،، بحبك يانور.. واليوم اللي هبطل فيه احبك،،، هيكون ايهاب مش موجود علي وجه الارض،، هيكون مدفون وجواه حبك مالي قلبه، يانبض القلب والروح

المذيع ينظر له باعجاب واحترام،،،،

يا الله في كده في الدنيا حب

ايهاب بنظرة عشق،،،

اكيد في، واكبر دليل، عشقي انا ونوري

المذيع بنظرة تمني، وحب يقول،،،

ربنا يحفظكم ويبعد عنكم العين، ويفرحنا بفرحكم قريب بإذن الله

والي هنا تنتهي لقاءنا من اعترافات ضيفنا، وانتظرونا في لقاء اخر وضيف اخر من برنامكم ضيف علي كرسي الاعتراف

ينصرف ايهاب ليقابل صديقه مهنئاََ له، ومحتضنه بشده وهو يقول،،

-الف مبرووك ياصاحبي، اخيرا سامحتك، طلعتوا عيني، عشان بس تسمع كلامي لما اقولك هتتكلم وهتسامح

ايهاب بسعادة شديده يقول،،،

عندك حق يافارس، انا لحد دلوقتي مش قادر اصدق مكالمتها، ولا الخاطرة اللي نزلتها، كانت اجمل مفاجأة، انا كنت حاسس ان قلبي هيقف من الفرحه، كنت عايز اجري اسيب البرنامج واروح لحد عندها واخدها في حضني، وانسيها كل عذاب الشهور اللي فاتت، ياااه كل حاجه انسيت بمجرد ما سمعت صوتها، ياااه يافارس انا حاسس ان روحي اتردت ليا من تاني

فارس بنظرة حب وحنان،،،

ياااه يا ايهاب للدرجه دي بتحب نور

ايهاب بنظره عشق وحب نابع من القلب يردد قائلا،،،

واكتر ما عقلك يتصور، اقولك علي سر عرفته متاخر اوي، فاكر البنت الصغيرة المجنونه، اللي كانت دايما تتصل علي التليفون الارضي، وتفضل تسيب رسايل علي الانسر

فارس بتفكير، اااه البنت اللي كنت مسميها المجنونه بتاعت الجوابات، مالها اوعي تقول ان البنت دي نور!

ايهاب متذكر ما مضى ثم قال بحب مردد،،،

ايوة طلعت نور، اللي اختفت فترة، واحنا كنا مستغربين من غيابها، اتاريها كانت بتشتغل علي نفسها عشان توصلي، عرفت بقي انا ليه كنت بتقرب لنور بسرعه، كنت مشدود ليها ومش عارف السبب، صوتها كان قريب مني ومش عارف ليه حبها امتلكني، نور زي ما انا كنت حب عمرها، هي كمان حب حياتي

فارس بقترب منه ويقول،،،

انتوا حكايتكم دي تتعمل فيلم رومانسي، والله يكسر الدنيا

إيهاب بضحك، يقول،،،

لا ياعم انا كفايه عليا نوري رجعتلي، مش عايز حاجه تاني من الدنيا، انا عايز اروح نفسي انام لاول مره من شهور وانا سعيد

فارس بحب وسعاده وفرحه يقول،،،

ربنا يسعدك دايما يارب؛ يكملها بكره علي خير، هعدي عليك نروح الحفله مع بعض

ايهاب يقترب منه ويضمه بحب ويقول،،،

ماشي يا اجدع صاحب، واخ في الدنيا

وينصرفوا متوجهيين الي الفيلا، ليرتاح بعض طول عذاب ومعاناه لمده شهور

#عذبني حبگ بقلم إيمووو كمال

تجلس هايدي تشاهد الحلقه حتي نهايتها، لتزفر بضيق، وغل، وكره، متحدثه نفسها مردده،،،

- بقي بعد كل اللي عملته ده، وتفوزي عليا يانور، وانت عامل فيها كازانوفا وبتعترف بحبك ليها، ماشي انا هخليك تبكي بدل دموع الفرح النهارده، هخليك تبكيها عليها دم،،، ثم تتصل بنفس الشخص وتقول له كلمه واحده بكل غضب وحده،،،

- نفذ بكره، عندها حفله، امام عيونه

الشخص؛ علم وينفذ

والي هنا تنتهي احداثنا الى هذا الحد لنتعرف ماذا سوف يحدث لنور، وهل القدر له راي تاني ويتم فراقهم مرة أخرى؟

كل هذا واكثر سوف نتعرف عليه من خلال روايتي المتواضعة

"عذبني حبگ"
إيمووو كمال ✍️