رواية صراع بين الحب و الثأر الحلقة23

💘   الحلقة  ٢٣    💘

.

💘💘💘💘💘💘💘💘💘💘💘💘💘💘💘💘

.

مي / اوعدينى انك مش هتقولى لحد يا قمر

قمر / بس انا اعمل اية

مي / انا مش هقدر استحمل نظرتهم ليا انا احسنلى اموت احسن

قمر بتحضنها اوى

قمر / انا معاكى اوعى تقولى تانى كدة

.

      **********************************

.

فى الليل

 قمر قاعدة فى الجنينة بتفكر فى مي وبيوصل عمار وبيروح على الفيلا وبيقابل ولدتو

عمار /مساء الخير يا ماما

فاتن /مساء النور ياحبيبى اطلع غير هدومك لحد ما اجهزلك العشاء

عمار /فين قمر

فاتن /مش عارفة ممكن فى الاوضة

عمار بيطلع على الاوضة و قمر مش موجودة وبيدخل ياخد شور وبيغير هدومه وبيستني قمر انها تطلع و عمار بيدايق اوى وبينزل

فاتن /تعالة يا حبيبى العشاء جاهز

عمار /مشفتيش قمر يا ماما

فاتن /هى مش فى الاوضة

عمار /لا

سارة /المدام  فى الجنينة

عمار بيبص عليها من الشباك وبيشفها سرحانة وبيدايق اوى وبيطلع على الاوضة

فاتن /عمار مش هتتعشا

عمار /مش جعان شكرا يا ماما

عمار مدايق اوى

عمار /كل حاجة تعمل عليها مشكلة هففف

عمار بيحسب قمر انها لسة زعلانة من الى حصل فى الشركة
و بياخد الاب بتاعو وبيطلع ورق تبع الشغل وبيشتغل فية

.
      **********************************

.             

وبعد شوية قمر بتدخل

قمر /عمار انت جيت امتى

عمار مبيردش عليها

قمر /عمار

عمار مبيردش عليها و قمر هى كمان بتدايق اوى

قمر /عمار انا بكلمك

عمار /نعم

قمر /ياااة نعم شكرا ان حضرتك رديت عليا انت فاكرنى وحدة من موظفينك ولا اية انا مراتك

عمار وهو بيشتغل ومش بيبصلها

عمار /طب كويس انك لسة فاكرة انك مراتى

قمر بصوت عالى / ممكن تبصلى وانت بتكلمنى

عمار بصوت واطى / وطى صوتك وانتى بتكلمينى

قمر بصوت عالى  /ممكن اعرف فى اية  لكل ده

عمار بيقف وبيروح قدم قمر  وبعصبية وبصوت عالى

عمار /قولتلك وطى صوتك وانتى بتكلمينى

قمر بتخاف منو وبترجع بضهرها لوري ولسة هتمشى وهتسيبو عمار بيتعصب اوى وبيمسكها من درعها الى فى الجرح جامد و قمر بتصرخ جامد من الوجع و عمار بيسيب اديها بسرعة و قمر بتتوجع

عمار /قمر انا انا

قمر بتخرج وبتروح الاوضة التانية وبتقفل بالمفتاح عليها الباب وبتعيط و عمار متعصب وبيضرب بايدو ازايز البرفان من على التسريحة وبيخبط الازاز بايدو وايدو بتتجرح

و قمر بتسمع كسر الازاز بتجرى على الاوضة بسرعة من غير تفكير وبيكون عمار على الارض وبيبص لقمر

عمار /اسف

قمر بتجرى علية وبتترمى فى حضنو وبتعيط

قمر /انا اسفة

قمر بتشوف ايدو بتنزف و فؤاد بيكون واقف على باب الاوضة وشيفهم وبيقفل الباب وبيسبهم لوحدهم تانى

قمر / انت متعور انا لازم اتصل بالدكتور

عمار بيمسك اديها بحنية

عمار / انتى كويسة فيكى حاجة

قمر بتحضنو اوى وبتعيط وبتروح تجيب شنطة الاسعافات وبتنضفلو الجرح وهى بتعيط و عمار بيرفع شعرها عن خدها وبيمسحلها دموعها وبيبسها من خدها و قمر بتبصلو وبتعيط وبتترمى فى حضنو و عمار بيضمها اوى

.
      **********************************

.           

فى الصباح

 عادل بيفطر وهو واقف وبيهزر مع فاتن و عمار و قمر نزلين من على السلم

عادل / اهم عصافير الحب وصلو

عمار / صباح الخير

الكل / صباح النور

فاتن / فى اية ملها ايدك

عمار / وانا خارج من الحمام اتزحلقت واتجرحت

فاتن / طب مطلبتش الدكتور لية

عمار / ماما دى حاجة بسيطة

قمر / مي فين

فاتن / مش عوزة تنزل وبعتلها فطار فى اوضتها

عمار / مي متغيرة بقلها كام يوم

فاتن / انا حاسة بكدة برضو وكل ما اسالها تقولى انها تعبانة من المزاكرة بس

قمر / انا هروح اشفها

.
      **********************************

.           

قمر طلعت لمي وبتسمعها بتزعق في سارة

مي / انتى غبية مبتفهميش قولتلك مش عوزة افطر

قمر /صباح الخير هاتى يا سارة وروحى انتى

قمر اخدت الاكل من سارة وراحت على مي وقاعدت جمبها

مي / انا حاسة انى بموت يا قمر كل ما اروح لدكتور يرفض ينزل الجنين اعمل اية

قمر / بس دة حرام انتى كدة هتصلحى الغلط بغلط اكبر منو اهم حاجة اننا نقدر نوصل لأمجد نقدر نوصلو ازاى يا مي حولى تفكرى معايا

مي / مش عرفة مش عرفة انا خلاص مخى وقف من كتر التفكير خلاص

قمر / طب اهدى يلا انتى لازم تاكلى حاجة انتى ضعفتى اوى اليومين دول ووشك باين علية التعب

مي / مش قادرة اكل حاجة

قمر / علشان خاطرى

قمر بتحطلها الاكل قدمها و مي بتاكل و قمر بتسمع عمار بينادى

قمر / ثوانى هشوف عمار وهاجى

.
      **********************************

.           

قمر نزلت بسرعة و عمار بيكون خرج من الفيلا

قمر /حبيبى اتاخرت عليك

عمار / انا رايح على الشركة وممكن اتاخر شوية عندى اجتماع مهم

قمر / ربنا معاك يا حبيبى

عمار بيروح على العربية

قمر / مش ناسى حاجة قبل ما تمشى

عمار بيروح على قمر وبيبسها من خدها وبيروح يركب عربيتو وبيشورلها وبيمشى

 وقمر بتطلع لمي و مي بتكون نامت تانى و قمر بتقاعد جمبها وبتحط اديها على بطن مي و بتروح تقف قدم المراية وبتبص على بطنها وسارة بتخبط على الباب وبتاخد صانية الاكل و قمر بتنزل تحت

.
      **********************************

.           

عادل /بابا لازم تيجى الحفلة دى حفلة تجنن

فؤاد /قول لولدتك لو وفقت انا موافق

فاتن /لالالا احنا كبرنا على الحاجات دى خد قمر و عمار

فؤاد /انا شباب لسة اتكلمى عنك انتى انا لسة شباب صح
 يا قمر

قمر /وماما فاتن الى يشفها ميقولش انها ام لتلات شباب

فؤاد / هههههههههه ايوة انتى كدة تقدرى تكسبى قلبها

فاتن / ماشى انا هروح الحفلة معاكو وهتشوفو

فؤاد بيبصلها وبيضحك

قمر / دى حفلة اية

عادل / انتى متعرفيش علشان عيد الحب كل اتنين فى عيد الحب بيرجعو كل حاجة حلوة مرت عليهم وهتكون حفلة تجنن

قمر سرحانة وبتفكر فى عمار

.
      **********************************

.
           

عمار فى العربية وبيتصل باسيل

اسيل / الو

عمار / عاملة اية النهاردة

اسيل / والله مش عرفة تعبانة اوى يا عمار

عمار / اسيل فية اية قولى الطفل كويس

اسيل / مش عرفة

واسيل بدات تعيط

.
      **********************************

.           

عمار طلب الدكتور وبيروح لاسيل البيت وماري بتفتح

ماري / عمار كويس انك جيت

عمار بيدخل بسرعة وبيروح على اسيل

اسيل / اااة بطنى بتوجعنى اوى انا خايفة ابنى

عمار / اهدى انا اتصلت بالدكتور وجاى فى الطريق تعالى على اوضتك لازم ترتاحى

عمار بياخدها على اوضته وبينيمها على السرير وبيوصل الدكتور و عمار بيخرج والدكتور بيكشف عليها وبيخرج

عمار / دكتور طمنى

الدكتور / متقلقش الى بيحصل دة عادى اطمن ان شاء الله بكرة هاجى اطمن عليها تانى

عمار / يعنى الطفل كويس

الدكتور / اة متقلقش هى مراتك بتتدلع عليك شوية

عمار سكت وبيفتكر قمر و بيوصل الدكتور وبيروح على اسيل

اسيل / عمار انا مش عرفة اقولك اية انت على طول معانا انا وابنك

عمار / انتى دلوقتى كويسة يعنى

اسيل مبسوطة

اسيل / اةاااة تعالة يا عمار حط ايدك هنا بسرعة

عمار بيحط ايدو على بطنها والولد بيخبط ايد عمار و عمار مبسوط اوى

.

      **********************************

.           

قمر فى الجنينة وبتتصل بعمار فى مكتبو ومبيردش وفى سكرتيرة بترد عليها

السكرتيرة /اهلا وسهلا اى خدمة

قمر / عوزة اكلم البش مهندس عمار

السكرتيرة / البش مهندس لسة موصلش اقولو مين

قمر قفلت التلفون وقلقت اوى علية

قمر / بس هو كان زمانو وصل من بدرى

قمر بتكلمو على الموبيل و عمار عند اسيل وبيشوف نمرت قمر

عمار / انا اتاخرت لازم امشى ولو احتجتو حاجة كلمونى

.

      **********************************

.             

عمار نزل وراح على عربيتو و قمر بتتصل بية تانى

عمار / حببتى

قمر / عمار قلقتنى عليك

عمار /اسف يا حببتى اصلى كنت فى اجتماع فى الشركة انا انا هكلمك بعدين سلام

عمار بيقاعد فى عربيتو ومدايق اوى علشان بيكدب عليها
 و قمر اديقت اوى والتلفون بيقع من اديها ودموعها بتنزل

.
      **********************************

.           

فى الصعيد

احمد قاعد مع اسامة علشان بيحددو معاد الفرح و سندس وقفة على السلم وفرحانة اوى وبتحاول تسمع بيقولو اية

احمد / الف مبروك يا ابنى

حسن / مبرووك يا عريس

اسامة / عقبالك يا حسن

حسن / انا لالا مستحيل اخلى وحدة تتحكم فيا ابدا

احمد / ان شاء الله كمان شهر الفرح

اسامة بيمشى و نادية بتزغرت وفرحانة

احمد / سندس سندس

سندس مكسوفة وبتنزل

سندس / نعم يابابا

احمد / احنا حددنا ميعاد الفرح كمان شهر

سندس / الى حضرتك تشوفو يابابا

نادية / من بكرة هنزل اجبلك كل حاجة انتى عوزاها

سندس / بس انا كنت

احمد / الى انتى عوزاة هتية يا حببتى وهتلها دهب كمان

سندس / انا كنت عوزة اشترى حاجاتى من القاهرة مش من هنا انتى شفتى الحاجات الى قمر جبتهم يجننو وكمان فى هناك شنط وجزم مفيش منهم هنا

حسن / هشششش بلاش كلام فارغ مفيش لازمة لدة كلو هاتى الى انتى عوزاة من هنا

احمد/ نادية رتبى مع سندس واكتبى كل حاجة هى محتجاها علشان ننزل القاهرة وهى تختارها بنفسها

سندس /ربنا يخليك ليا يا بابا

سندس فرحانة اوى وبتروح تحضن ابوها

.

      **********************************

.
فى الليل

 قمر قاعدة مع مي فى الاوضة و عمار بيوصل الفيلا وبيدخل

فؤاد /عمار تعالة عوزك

عمار بيروح يقاعد جمب ولدو

فؤاد /اخواتك مش عجبنى خالص اليومين دول وانت مش مهتم

عمار /بس الشغل واخد كل وقتى انت حضرتك عارف الشغل

فؤاد /لا اهتمامك الاكبر لازم يكون لعيلتك

عمار / حاضر يا بابا

فؤاد /يلا اطلع ارتاح شوية

.
      **********************************

           
.
عمار طلع على الاوضة و قمر مش موجودة وبيروح ياخد شور وبيلبس و قمر بتدخل  وبتشوفو ومبتتكلمش

عمار /وحشتينى يا روحى

قمر مبتردش علية و عمار بيروح عندها وبيمسكها من خصرها

عمار /انا عارف انتى زعلانة لية

قمر / فعلا عارف

عمار / اكيد علشان اتاخرت بس كان عندى شغل كتير النهاردة

قمر /فعلا

عمار بيبص لقمر اوى

عمار /فى اية مالك

قمر / مفيش عوزة انام

قمر سبتو وراحت على الحمام غيرت هدومها وراحت على السرير ونامت و عمار واقف مكانو وبيبص عليها

عمار / يعنى خلاص حياتنا هتفضل كدة كلها خناق ومشاكل

قمر /تصبح على خير

عمار مدايق اوى

عمار /هتفضلى كدة يعنى مش هتقولى فى اية

قمر بتقاعد

قمر / انت كنت فين النهاردة

ولسة عمار هيتكلم

قمر /من غير ما تكدب عليا

عمار / يعنى هكون فين فى الشركة

قمر / لامكنتش فى الشركة انا اتصلت بالشركة وقالولى انك مرحتش ولما كلمتك علشان اطمن عليك قولتلى انك فى الشركة

عمار / انا

قمر / انت كنت معاها صح انا ست وبقدر احس

عمار بيروح يقاعد جمبها

عمار / فعلا كنت عند اسيل بس الحكاية مش زى ما انتى فكرة هى كانت

قمر / مش عوزة اسمع حاجة كفاية انت عاوز منى اية انت مس حاسس بالى انا فية انت بتقتلنى

عمار / قمر استنى هى كانت تعبانة وانا لازم

قمر / طب وانا انت مش حاسس بيا

عمار / بس هى حامل بابنى عوزانى اعمل ايه غصب عني

قمر دموعها بتنزل ولسة هتمشى وتخرج من الاوضة

عمار / قمر انا بحبك

قمر خرجت من الاوضة بتعيط وراحت على اوضة مي

.
      **********************************

.           

مي / قمر انتى كويسة

قمر انهارت فى العياط فى حضنها و عمار بيخرج وبيخبط على الاوضة التانية وبيدخل ومفهاش حد وبيخاف احسن قمر تكون مشيت ولسة هينزل بيسمع عياط قمر من اوضة مي وبيروح يقف قدم الاوضة وقلبو بيتقطع على عياطها

قمر / انا عملت اية علشان يحصل فيا دة كلو انا كل الى عوزاة هو هو وبس يا مي هو دة كتير عليا انا بحبو اوى قوليلى اعمل اية انا حاسة انى محبوسة فى زنزانة ومش هخرج منها ابدا

وردة ✍️