رواية صراع بين الحب و الثأر الحلقة22

💘   الحلقة    ٢٢   💘

.
💘💘💘💘💘💘💘💘💘💘💘💘💘💘💘💘

.

مي / الحمد لله انك رجعتى انا تعبانة اوى

قمر بتاخدها على اوضتها بتنيمها فى السرير

قمر /مي انتى من امتى وانتى بتشربى

مي بتعيط و قمر بتحاول تهديها

مي / قمر انا حامل

قمر اتصدمت ومش عرفة تتكلم ومي بتعيط

قمر / اهدى طب نامى دلوقتى انتى شكلك تعبانة

مي بتنام و قمر بتسبها وبتخرج بتلقي  عمار كان بيدور عليها

.
      **********************************

.
           

عمار / قمر كنتى فين

قمر / بس مي

عمار / مي مالها فى اية مي فيها حاجة

قمر / استنى رايح فين مي نايمة كنا بنتكلم شوية وهى نامت يلا خلينا ننام يلا عندك شغل الصبح يلا

وبيروحو ينامو و قمر فضلت قلقانة طول الليل ومش مصدقة الى مي قالتو

.
      **********************************

.

فى الصباح

 عمار بيلبس و قمر نايمة و عمار بيحاول يعمل صوت وهى نايمة وبيزهق وبيروح عليها وبيبسها من خدها وبياخد شنطتو وبيروح على الشركة

.
      **********************************

.         

ماري /اهلا يا بش مهندس

عمار /اهلا ماري تعالى عوزك

وماري راحت مع عمار على المكتب و عمار بيحاول يختار الكلام

عمار /ماري انا هديكى اجازة المدة الى جاية دى

ماري /هو انا عملت حاجة

عمار /لا بس عوزك تفضلى مع اسيل علشان لو احتاجت اى حاجة

ماري ابتسمت اوى

ماري /طبعا بس متقلقش هى كويسة جدا والبيبى صحتو كويسة والدكتور قال انو اتحسن كتير

عمار /انتى تروحى من النهاردة ولو فى اى حاجة تيجى تبلغينى

ماري /حاضر بعد ازنك

وماري مشيت

.
      **********************************

.
           

الباب بيخبط وبيدخل عادل

عمار /اهلا عادل

عادل /عمل اية عرفت انك و قمر وصلتو باليل متاخر وكمان خرجت بدرى

عمار /انت عارف الشغل اتاخر كتير المدة الى فاتت دى وانت عامل اية

عادل /انا تمام طول ما انا بعيد عن الورق والمكاتب دى

عمار /ههههههة شكلك كدة عاوز حاجة

عادل /عربيتى تعبت اوى اعمل اية

عمار /روح المعرض اختار الى انت عوزو وخليهم يبعتولى الفاتورة

عادل فرح وجرى على عمار بيبوسو

عمار /خلاص خلاص يلا عندى شغل كتير

عادل /متنساش الحفلة

عمار /حفلة اية

عادل /حفلة عيد الحب بعد بكرة اية نسيت يعنى

عمار /دة انا نسيت خالص

عادل /هتيجى انت و قمر

عمار  / هشوف

عادل /اوكى باااى

عادل بيمشى عمار بيبدا يشتغل

.
      **********************************

.
           

فى الفيلا

 قمر بتصحى بتبص حوليها و عمار مش موجود وبتبص فى الساعة وبتكون الساعة ١ الضهر

قمر /يااللله

قمر راحت بتاخد شور وبتخرج  وبتروح على اوضة مي
و مي مش موجودة و بتنزل تحت

فايزة /اية الكسل دة يا قمر

قمر / اسفة يا ماما بس كنت تعبانة من السفر

فؤاد /حمدالله على سلامتكو يا بنتى نورتو البيت

قمر / الله يسلمك

فاتن / الجرح عامل اية دلوقتى

قمر / لا الحمد لله كويس كتير هى مي مش هنا

فاتن / مي راحت على جامعتها من بدرى لية فى حاجة

قمر / لا بس كنت عوزة اطمن عليها اصلى مشفتهاش

فاتن / طيب انا لازم اروح النادى دلوقتى عندى اجتماع

.
      **********************************

.
           

قمر فضلت طول النهار زهقانة وبتتمشى فى الجنينة ومستغربة ان عمار مكلمهاش ومش عوزة تكلمو احسن
 يكون مشغول

فؤاد /قمر قمر يا بنتى

قمر بتبص بتشوف فؤاد بينادى عليها وبترحلو

قمر / نعم يا عمى

فؤاد / انا هروح الشركة فى ورق لازم اشوفو النهاردة بس متقوليش لحد

قمر / ممنوع ماما فاتن قالتلك ممنوع انك تروح الشركة ولاتتعب نفسك فى الشغل

فؤاد / بس هجيب ورق مهم وهرجع بسرعة

قمر / ممنووووع

فؤاد /اية انتى مش عوزة تشوفى عمار تعالى معايا

قمر / انت كدة بترشينى بس رشوة حلوة

قمر فرحت وبتركب معاة العربية

فؤاد / انتى طلعتى سهلة اي حد يضحك عليكى

قمر /هههههههة انا اى حاجة فيها عمار موافقة عليها طبعا

فؤاد و قمر بيضحكو وبيروحو على الشركة

.
      **********************************

.
         

بيوصلو على الشركة

فؤاد /انا هروح مكتبى تحبى تيجى معايا

قمر /انت تشوف شغلك وانا اشوف شغلى

فؤاد بيضحك وبيروح على الاسنسير وبيروح على مكتبو

.
      **********************************

.
           

 عمار فى مكتبو وبيجيلو اتصال

عمار / الو

اسيل / شكرا

عمار / على اية

اسيل / ماري قالتلى على الى عملتو علشنا انا وابنك

عمار / علشان اكون مطمن اكتر

اسيل / ابنك بيقولك امتى هيشوفك بقي انتو وحشتو اوى

عمار / هههة قريب ان شاء الله

قمر بتدخل على عمار الاوضة

قمر / ممكن اخد من حضرتك دقيقتان

عمار /انا انا هكلمك بعدين

قمر /اية شكلك مش مبسوط

عمار بيعمل نفسو زعلان وبيمسك الورق وبيحطو قدم وشو
 و قمر بتروح علية وبتمسك الورق

قمر /يعنى مش عاوز تشفنى خلاص انا همشى

عمار مبيردش عليها

قمر / انا همشى

عمار مبيردش عليها و قمر زعلت وبتخبط برجليها الارض ولسة هتخرج عمار بيمسكها من خصرها

قمر /انت رخم

عمار /انا زعلان

قمر /  زعلان لية

عمار /اول مرة اخرج من البيت من غير ما اشوف عيونك

قمر /علشان كدة انا جتلك بنفسى علشان اصلحك

عمار بيقرب منها

قمر /عمار

عمار /اية مش قولتى هتصلحينى

قمر /لا مش هنا احسن حد يدخل

وبيدخل موظف من الشركة

عمار /انت غبى مش فى باب تخبط علية

الموظف /اسف

عمار /اخرج برة يلا

قمر بتمسك ايد عمار علشان يهدى شوية

الموظف /اسف يافندم

والموظف بيخرج برة و قمر مدايقة اوى

قمر /بس مكنش لززم انك تتعامل معاة كدة

عمار /قمر دة موظف عندى وفى نظام هنا وقوانين مفيش حد يعديها

قمر اديقت وخرجت و عمار بيخرج وراها

عمار /واية شغل العيال دة اظن ان مش من حقك انك تزعلى

قمر / زمان عمى مستنيني علشان نروح على الفيلا

قمر مشيت وسابتو و عمار مدايق اوى وبيرجع على مكتبو

.
      **********************************

.
  قمر بتروح لفؤاد فى مكتبو

فؤاد / تعالى يا بنتى انا خلاص خلصت خلينا نرجع قبل ما حماتك ترجع من النادى

فؤاد  بياخد قمر على العربية و قمر مبتتكلمش وشكلها مديقة وبيوقف العربية

فؤاد / عروستنا الجميلة زعلانة لية بقي

قمر / لا مفيش يا عمى

فؤاد / اية عمار هو الى ضيقك

قمر / لا بس حصل موقف قدمي دايقنى مكنتش متخيلة ان عمار ممكن يتعامل مع حد كدة

قمر بتحكى لفؤاد الى حصل

فؤاد / هههههههة هو دة الى زعلك

قمر / بس هو يعنى

فؤاد /بصى يا بنتى جوزك رجل اعمال كبير لو اتنازل عن اى
نظام هو حطو للشركة الشركة عمرها ما هتقف على رجليها هو انتى فكرة انو بيعامل  الموظفين زى ما بيعملك انتى ولا اية دى كانت الشركة فلست من زمان لا يا بنتى النظام نظام ومينفعش يسيب باب مكتبو لاى حد يدخل و يخرج  عمار اتصرف صح

قمر / عندك حق يا عمى

فؤاد / اية رايك بتحبى الايس كريم

قمر / اكيد

قمر و فؤاد بينزلو وبيروحو يقاعدو وبياكلو ايس كريم

فؤاد / انتى عرفة عمار وهو صغير كان بيجمع مصروفو كل يوم علشان الايس كريم

قمر / عمار كان شقى

فؤاد / كان اهدى ولادى كان هادى شوية بس طول عمرو وسيم وكان بيحب يظبط نفسو اوى قبل ما يخرج كانت البنات فى المدرسة عوزين يكلموة وهو ولا كان بيعبرهم
 كان مغرور وواثق فى نفسو

قمر / يعنى مكنش بيعمل مشاكل

فؤاد / المشكلة الوحيدة الى عملها كان فى الجامعة وكان بيغنى ومعاة فرقة موسيقية وكانت الطلاب كلهم بيحبوهم جدا وفى حفلة التخرج كان فى شباب بيعكسو بنت وهو شفهم من بعيد وراح عليهم واتخنقو وجاه البوليس واخدهم على القسم وكان وشو كلو متورم ومن يومها وهو واسيل اصحاب

فؤاد مخدش بالو وهو بيتكلم وبيبص لقمر و قمر بان عليها الحزن

فؤاد / يلا بينا

وبيروحو على الفيلا

فؤاد / قمر تعالى هوريكى حاجة

قمر راحت معاة على اوضة المكتب و فؤاد بيطلع البوم صور لعمار وهو صغير اوى و قمر مبسوطة جدا ومش مصدقة ان دة عمار

قمر / ههههة هو دة عمار بجد

فؤاد / شوفى دى كانت اول مرة يدخل الفيلا هنا كان اسعد يوم فى حياتى

قمر بتشوف صورة

قمر / هههههة ممكن اخدها

فؤاد / طبعا

.
      **********************************

.

           

قمر طلعت على اوضتها وبتروح تاخد شور وبتغير هدومها وبتسمع صوت مي بتتوجع وبتروح بسرعة وبتشوف مي خرجة من الحمام ومسكة بطنها

قمر / مي انتى كويسة

مي / انا هموت

قمر / طب تعالى

قمر اخدتها على اوضتها وبتقاعد معاها

قمر / مي انتى فعلا

مي بتعيط

مي / انا مش عرفة اعمل اية انا خلاص انتهيت بابا لو عرف و عمار و عادل وماما دى ماما هتموت لو عرفت انا خلاص انتهيت

قمر مش عرفة تعمل اية

قمر / مين الى عمل كدة
             

مي / أمجد الحقير بعد الى عملو سافر على فرنسا وسبنى

مي بتعيط

مي / قوليلى اعمل اية انا احسن حاجة انى اموت نفسى

قمر / بس اسكتى اوعى تقولى كدة تانى انتى فاهمة بس انا هعمل اية انا انا مش عرفة

مي / اوعدينى انك مش هتقولى لحد يا قمر

قمر / بس انا اعمل اية

مي / انا مش هقدر استحمل نظرتهم ليا انا احسنلى اموت احسن

قمر بتحضنها اوى

قمر / انا معاكى اوعى تقولى تانى كدة

وردة ✍️