عذبني حبك الحلقة 19 و 20

الفصل التاسع عشر

يجلس هادي في مكتبه، ويفرغ حديثه مع مريضته، واذا بمعتز يطرق باب غرفته ويدخل عليه وعلي وجه إبتسامه مبهجه ويقول،،

- هادي اخويا وصاحبي وحبيبي

هادي ينظر له ويبتسم له مردد،،،

- اخلص يا عم الامور، وهات من الاخر، عايز إيه، بلاش تدخل دور النحنحه والحنيه ده، انا فهمك يامعتز، انجز وهات من الاخر

معتز يضحك ثم يردد،،،

- فهمني انت يا دكتره

هادي ينظر له ويضحك ثم يقول،،،

- يابني انا حافظك مش فاهمك وبس

معتز بجديه، يقول،،،

- بصراحة ومن الاخر كده، عايزك تطلب من نسمه تعزمها علي اي حاجه في كافيه

هادي بتعجب،،

اشمعني!

معتز بتوتر وارتباك يقول،،،،

- اصلي كلمت جنة، وهي هتيجي علي ما نخلص شغل عشان اشوفها، فقولت مش هعرف اشوفها غير معاكوا وكده بقي انت فاهم

هادي بنظره خبيثه يقول،،،

- الفكره حلوة، بس ليه عايز تشوفها

معتز بتوتر يقول،،،

- مش عارف حسيت اني عايز اقربلها، عايز افضفض علي اللي جوايا ليها، حاسس انها هي اللي هتعوضني ياهادي، زي ما تكون الجنة اللي نفسي اعشها وكنت محروم منها

هادي بنظره سعاده يقول،،،،

- ربنا يسعدك يامعتز، انا هخلص اللي معايا، عشان أقدمه لدكتور منير وهعرض علي نسمه، وادعي انها توافق

معتز يرفع يده الي السماء ويقول،،، يارب يهديكي وتوافقي يانسمه يارب

يضحك هادي عليه ويدعي في سره ان تكون جنه فعلا عوض ربنا له،،، ثم يهاتفه مرددا،،،،

-طيب ممكن بقي تروح تشوف شغلك، عشان اخلص اللي ورايا والحق اروح ابلغ نسمه قبل ما تيجي جنة

معتز بفرحه يقول،،،

- حاضر يادكترة انا همشي بس مش هوصيك، عشان خاطر اخوك الغلبان ده، عايز اتلم زيك واسبلك شقتك بقي لوحدك

هادي بنظرة حب يقول،،،

- ربنا يكرمك ياحبيبي، يالا وريني عرض كتافك

يعطيه معتز ظهره ويحدثه بضحك،،، معاك مازورة عشان تقيس يادكترة

هادي ينهض من علي مقعده، ممسك بيده فتاحه الاظرف وبهدده بها، فيجري معتز وهو يرن ضحكته لاول مرة بعد ما حدث له منذ انفصاله مع زوجتة، فيضحك عليه هادي مرددا،،

- وآلله مجنون وهتجنني معاك، انا لازم احجزلك سرير هنا، وانا اللي هعالجك يامعتز

معتز بابتسامة علي ثغره،،،

- وده شرف ليا يادكتره، سلام

ويتركة وينصرف لعمله... وتمر الساعات المتبقيه من العمل، وكل منهم يعمل، الي ان انتهي هادي من تفريغ الجلسات ودلف الي غرفة مدير المشفي ومعه الملف الخاص بالمريضة نور، فقابلته نسمه بعبوس وضيق، فتعجب لها فسالها،،

- حببتي ونور عيني زعلان ومقموص مني ليه؟

نسمه بزعل تقول : يعني مش عارف!

هادي ينظر لها متسائل،،،

- هو انا لو عارف هسالك ليه،، مالك قولي علي طول انا متفقين اننا متخبيش حاجة علي بعض

نسمه ترد بنبرة مخنوقه،،،

- متصلتش بيا ليه امبارح، والنهاردة لسه فاكر تيجي تشوفني، مجتش ليه علي طول اول ما جيت

هادي يبتسم على حبيبته، ويعاكسها وهو يضع يده علي ذقنها ويهاتفها مرددا،،،

- اولا انا كلمتك امبارح وانتي اللي ناسيه بامراة لما اتكلمنا عن معتز وجنة،،، ثانيا بقي انا كنت ناوي اجي اصبح عليكي بس انشغلت بجلسه نور، فقولت ارن عليكي واصبح بس انتي مردتيش، امسكي فونك وشوفي كده انا رنيت كام مرة

تمسك نسمه جوالها تكتشف انه علي وضع صامت، وانه بالفعل حاول الاتصال عليها أكثر من عشر مرات، فنظرت له بخجل، ثم انحنت راسها لاسفل،،

هادي يرفع راسها وينظر في عيونها العسلي، ويسرح في سحرهم، ناسيين المكان والزمان،، ثم يهمس لها مرددا،،

- اوعي توطي راسك تاني لاي سبب، حتي لو مكسوفه حببتي وجهيني وبصي في عيوني، وبرري موقفك، وانا التمس ليكي العذر، انا عارف زعلك مني عشان وحشتك،، وانتي كمان صدقيني بقيت مش قادر علي بعدك، وهانت والله انا قربت اخلص ونور في استجابه سريعه وباذن الله قربنا يانسمتي

نسمه تنظر له بحب ثم تقول،،،،

- انت ازاي كده!

هادي؛ هو ايه ده اللي ازاي؟

نسمه سارحه في عيونه، ثم تقول،،،

- ازاي بتفهمني كده، من غير ما اتكلم واوضح!!

هادي بحب يقول،،،،

- عشان بحبك يانسمتي ولازم افهمك من نظرة عينيكي

نسمه ببتسامه وحب تقول،،،

- وانا كمان بعشقك، يا اجمل واحن راجل شوفته في حياتي

هادي متسائل،،،

- بقولك فين دكتور منير عشان عايزة

نسمه؛ بيمر علي الحالات، وزمانه جي، مش هيتاخر، استناه

وفي هذه اللحظه يدخل عليهم دكتور منير، ويشاهد المشهد الرومانسي، فيبتسم لهم ويحاول ان يرسم علي وجه الجديه فهتف قائلا،،،

- والله عال عال اوي، دي مبقتش مصحه للعلاج النفسي، لا بقت كازينو للعشاق، المشاهد دي مش هنا يا دكتور هادي، اتلموا واتجوزوا، واعملوا اللي انتوا عايزينه في بيتكوا مش هنا

هادي ونسمه اتحرجوا منه فردد قائلا؛

- اسف يادكتور، انا كنت جاي لحضرتك، عشان اقدملك ملف نور واخر التطورات فيه، بس عرفت انك مش موجود، فقولت استناك

منير وعلي وجه ابتسامة؛ جايلي برضو، ولا جي للسكرتيره الحسناء يادكتور، اتفضل ادخل معايا واشرحلي اخر التطورات

يدخل معه ويغلق باب المكتب ويغمز بعينيه اليسري لنسمه، التي تضحك علي جنون حبيبها.

ويستمر هادي في شرح ما توصل اليه مع مريضته نور، ويتوسم ان حالتها في تحسن وانها على وشك الشفاء، فسر لما قاله وهاتفه محدثا اياه،،،

- كده تمام اوي، انت ماشي بخطي كويس، وعرفت تقتحمها وتخليها تثق فيك، وتحكيلك، اعتقد انك قربت توصل لسبب وصولها هنا

هادي يمسك نظارته الطبيه ويضعها علي المكتب وينظر له ويقول بنبره جديه مرددا،،،،

اه قربت برغم اني عارف السبب، لكن منتظر اسمعه منها عشان تطلع اللي جواها، ولسه لازم مرحله مواجهتها مع عادل وايهاب، هنا هيكون الاختبار الجد ليها،، واتمني تكون اده وتجتازة بنجاح

منير يقوم يهز راسه بحركه معبره عن اعجابه بحديثه ثم يقول له،،،،

انا واثق انها بإذن الله هتتخطاه وهتبقي اقوي من الاول

هادي بنبره رسميه يقول،،،

- ان شاء الله يادكتور، تامرني باي اوامر

منير ببتسامه قال ،،،،

لا شكرا ياهادي، بس ياريت تعجل بجوازك يابطل، شكلك بقي وحش اوي انا كنت بهزر معاك، انت عارف معزتك عندي كويس، ربنا يتمملك علي خير

هادي مبتسما له ثم يقول،،،

- شكرا يادكتور، ربنا يعزك يارب، استأذنك يادكتور

منير : اتفضل يادكتور

وينصرف بهدوء وينظر الي نسمته، ليكمل باقي حديثه معها الذي انقطع هاتفا اليها قائلا ،،،

#عذيني حبگ بقلم إيمووو كمال

- بصي بقي ياقلبي بسرعه كده، انا عازمك علي الغداء بعد الشغل، ايه رايك؟

نسمه بتعجب تقول،، اشمعني يعني؟

هادي يبتسم ويقول،،،

- عشان اولا وحشتيني، ثانيا استاذ معتز كلم جنة وعايز يشوفها، وطلب منها تيجي هنا علي انصراف شغلنا ونخرج كلنا

نسمه بصدمه وتعجب،،،

- جنه جايه هنا ازاي

هادي يشرح لها بهدوء قائلا،،

- هو معجب بيها وعايز يقابلها، خلينا نساعدهم يانسمه انهم يقربوا من بعض

نسمه بتعجب تقول،،،

- طب اللي انا مستغرباله عرفت تيجي باي حجه

هادي يبتسم ويقول،،،

- معتز اقنعها ياستي انكوا بعد الشغل هتلفوا علي المحلات وتشتروا حاجات ليكي، ووالدك وافق

نسمه؛ امممم

هادي؛ إيه رايك ياقلبي نروح نشرب اي حاجه ونتغدي، وبعدين نروح نشوف فستان الفرح يمكن يعجبك حاجه ونشتريها، ايه رايك؟

نسمه بفرحه قالت،،،

معنديش مانع اكيد، هتصل علي بابا استئذن منه لما تيجي جنة، وهبقي ابلغك

هادي؛ اوك ياقلبي، سلام

ويمر الوقت، حتي جاء موعد انصرافهم، وجاءت جنة فقابلتها بابتسامه علي ثغرها ثم سالتها،،،

- ممكن اعرف بقي ايه حكايتك، وحكاية تاليفك لحوار المشتروات ده

جنة ترد بارتباك مردده ،،،

- والله ما اعرف يانسمه، انا لاقيته بيتصل بيا، وبيطلب مني اني اخرج اقابله، وبصراحه انا نفسي اشوفه، وهو اللي اقترح عليا فكره اننا نخرج كلنا، بس ياريت تبلغي خالي وتتصلي تقوليله اننا هخرج عشان مش عايزة اعمل حاجه من وراه

نسمه؛ انا فعلا هكلمه دلوقتي واقوله، خصوصا ان هادي طلب مني نروح نشوف فساتين الفرح، وبدلة الفرح، استني لما اطلبه ويارب يوافق

وتمسك جوالها وتطلب والدها، وتنتظر ثواني حتى تم الرد عليها،،،

-الوو ايوة يانسمه ياحببتي

نسمه بحب تقول،،،

- ازيك يابابا، كنت بتصل عشان اقولك ان جنة وصلت اهي قدامي، وكنت عايزة استأذنك في طلب كده لو امكن

سليم : طب حمدلله علي سلامتها، خير ياحببتي، عايزة ايه؟

نسمه بتوتر تقول،،،

- بص يابابا هادي اقترح عليا اننا بما ان جنة معايا، نخرج نشوف محلات الفساتين ونختار فستان وبدله الفرح، وبعد كده يعزمنا علي الغداء، ايه راي حضرتك

سليم ينظر لزوجته التي تبدي عليها انها سمعت حوارها وشاورت له بالموافقه فرد عليها،،

- معنديش مانع ياحببتي، بس متتاخريش، ياقلبي

نسمه بفرحه تقول،،،

- شكرا يابابا، ربنا يخليك ليا ياحبيبي، بس علي فكره معتز هيكون معانا عشان يساعد هادي في اختيار البدله، انا حبيت بس اقول لحضرتك عشان مخبيش عليك حاجة، واكون صريحه زي ما عودتني

سليم بشعر بالسعادة لصراحه ابنته التي احسن تربيتها، وانها لم تخبي عليه امر خروج معتز معهم،، فرد عليها في حنو،

-مفيش مانع يانسمه، دكتور معتز راجل محترم، بس خلي بالك من بنت عمتك، دي عندنا امانه

نسمه : متقلقش يابابا دي في عينيا

وتغلق معه وتنظر الي جنة وعلي وجها سعاده مردده،،

- اتبسطي ياستي خالك وافق، وهنتغدي وبعدين نروح نشوف فستان الفرح يمكن يعجبني حاجة نشتريها

جنة بفرحه،،،

- بجد ومعتز هيروح معانا

نسمه بفرحه لها تقول،،،

- يادي معتز اللي طلعلنا في البخت، اه ياستي هيجي معانا، يالا بينا نروح لهادي

ويتوجهون الي مكتب هادي، ويجدوا معتز معه، منتظرين قدومها اليهم، فطرقت مستأذنه الدخول، ثم هتفت متحدثه،،،

- مش يالا بينا ياهادي اتاخرنا

هادي؛ والدك وافق

نسمه؛ ايون، بس طلب مني متأخرش

هادي : ان شاء الله مش هنتاخر، ونلاقي الفستان اللي ينال اعجابك

معتز يتركهم ويتوجه الي من خطفت فؤاده هاتفها مرددا،،

- تصدقيني لو قولتلك انك وحشتيني اووي من اخر مرة شوفتك فيها

جنة بكسوف ناظرة أسفل قدميها : مصدقاك، لانك انت كمان وحشتي

معتز بسعاده قال،،،

اللهم صل علي النبي اخيرا نطقتي وقولتي كلمه حلوه تبل ريقي ياشيخه

جنة تضحك علي جنونه ثم نظرت له بسعاده مردده،،،

عليه الصلاة والسلام، انت مش ممكن بجد

هادي يضربه ض به خفيفه علي كتفاه ثم قال،،،

يالا بينا ياعم النحنوح، عشان متاخرش ورانا حاجات كتير،،، ثم يوجه حديثه لنسمه قائلا،،

- نسمه تحبي نتغدي الاول، ولا نروح نشوف الفساتين الاول

نسمه تصمت لحظات ثم تقول،،،

انا بقول نشوف الفساتين عشان ننجز، خصوصا اني مش عجانه ولا ايه رايك ياجنة

جنة تنظر لها وتقول،،،

- اللي تشوفيه ياحببتي، المهم نكون مع بعض "قالتها وهي تنظر الي معتز وعلي وجها ابتسامة"

معتز ينظر اليها نظره حب ثم ردد قائلا،،،،

انا عندي راي، احنا نروح نشرب اي حاجه في اي كافيه، وبعدين نطلع علي محلات الفساتين ولما نخلص نتغدي، ايه رايكم؟

هادي؛ اقتراح حلو جدا، يالا بينا

نسمه؛ خلاص اللي نشوفه

#عذيني حبگ بقلم إيمووو كمال

وينصرفوا متوجهين الي احدي الكافيات المشهورة، متجمعين داخل سيارة هادي، وبعد مضي حوالي ربع ساعة وصلوا للمكان المراد، ودخلوا وجلسوا كل منهم علي طاوله فاراد معتز ان يتحدث مع جنة بمفردهم، وشعر ان هادي يريد الحديث بحريه مع خطيبته،، ثم اتي النادل فسألها عما تريد اخذه فردت،،

- اي عصير فريش

معتز؛ اثنين عصير فراوله لو سمحت

وبعد دقايق وضع النادل المطلوب على الطاوله وانصرف بكل هدوء

تحدث معتز لها بكل حنو قائلا،،،

- نسمه انا عندي رغبه قويه جدا اني عايز اعرفك اكتر، واقرب منك اكتر، مش عارف ليه، بس صدقيني انتي بقيتي جزء مهم اوي في حياتي

جنة تسرح في نظره عيونه الساحره، ثم تقول،،،

- وده نفس شعوري يامعتز، فيك حاجه شدتني ليك، ايه هي مش عارفه، من اول ما شوفتك وجذبتني عيونك الحزينه، برغم انك بتبين حاجه تانيه

معتز بنفس النظره الحزينه يقول،،

- دي حقيقه، انا كنت بمر بأسوء فترة في حياتي

نسمه تنظر له باهتمام ثم تقول،،،

- لو معندكش مانع احكيلي

معتز ينبره حزينه يقول،،،

- هحكيلك، بس لما اسمع منك الاول، كل حاجة

جنة ببتسامه تقول،،،،

- هحكيلك، بص ياسيدي، انا اسمي جنة شرف الدين زيدان، خريجه كليه تربيه قسم لغه عربيه، بحب التدريس جدا، وبحب الاطفال، فضلت اشتغل في المرحله الابتدائي، برغم اني مفروض ادرس للثانوي أو الاعدادي، لكن انا فضلت اني اتعامل معاهم، تلاميذي بيحبوني جدا، وسعيده اوي بيهم، عندي اخ كبير، اسمه مصطفي متجوز جديد، ومنتظرين بيبي خلال الاسابيع الجايه وساكن معانا في نفس العمارة، واتقدملي عرسان كتير

وهنا ظهر علي وجه علامات الغضب الشديد والغيره، لا يعرف مبررها، فلاحظت ذلك، وشعرت بالفرحه تسري في وجدانها، ثم اكملت حديثها،،،

- بس انا كنت برفض، وده خلي والدتي دايما تتخانق وتزعل مني

معتز يتسائل بضيق،،،

- وليه كنتي بترفضي، هل عندك مواصفات معينه في شريك حياتك؟

جنة : بالظبط كده، محستش بأي واحد اتقدملي، بمعني ادق محدش خطف قلبي من اول نظرة، كنت عايزة شخص له كاريزما معنيه، يخطفك كده من اول نظره

* واثناء حديثهم سويا كانت هناك عيون تراقبهم وتصورهم، فقد كانت صديقة نانسي مني تجلس بجوار صديقتها غادة يتحدثون واذا بها لفتت انتباها وجود معتز بصحبة الحسناء التي برفقته فتحدث لها قائلة،،،

- غادة مش ده معتز طليق نانسي ولا انا متهيألي

غادة تنظر اليه ثم تقول،،،

- ايوة هو، معقول لحق ينسي نانسي بالسرعه دي، ده طلاقهم لسه مكملش كام يوم

مني؛ يانهاري علي الرجاله، انا لازم ابعت الصور لنانسي

غادة تنظر لها بترجي ثم تقول،،،

- مفيش داعي تقوللها، عشان متزعلش يامني

مني بنظره غل تقول،،،

- لا لازم تعرف مش كانت بتقول ده بيعشقني وهيجي لحد عندي وهيبوس رجلي عشان اسامحه، تيجي تشوف بسلامته بيحب وغرقان كمان، استني بس لما اتصل عليها،،،

وتقوم بالإتصال عليها لترد عليها نانسي مردده،،

-منمن ازيك ياقلبي عامله ايه حببتي

مني؛ انا بخير ياروحي، اخبارك انتي ايه؟

نانسي : كويسه الحمد لله، انتي فينك كده

مني : انا في الكافيه اللي بتعقد فيه دايما، وقدامي منظر لو مجتيش تشوفيه هيفوتك نص عمرك

نانسي بفضول تسال،،،

- منظر ايه ده اللي هضحي بنص عمري عشانه

مني بابتسامه علي ثغرها تقول،،،

- طليقك ياستي عاقد مع موزة وبيحب فيها

نانسى تنهض كأن حيه قامت بلدغها وردت بحديه وغضب،،،

انتي بتقولي اية معتز، انتي متأكده يامني

مني؛ اه والله هو انا هتوه عن جوزك ياحببتي، بصي هبعتلك صورتهم علي الواتساب اهي ثواني وهتجيلك، لو عايزة تشوفيهم تعالي

نانسي؛ بحده تقول،،،

- خليكي معايا، اظاهر رسالتك وصلت هفتحها وانتي معايا، وفتحتها ونظرت لهم ونار الغيرة حرقة قلبها، وشاهدت كم الحب الذي تنطق به عينه قبل شفاه، فعزمت ان تخرب عليه فرحته باي طريقه، فعادت الي محدثتها مردده،،

-مسافة الطريق وجايه يامني سلام،،، وغلقت معاها دون ان تنتظر ردها، فقامت فورا ترتدي ملابسها واخذت مفاتيح سيارتها وجوالها وخرجت متجها الي الخارج فلمحتها والدتها فسالتها،،

- رايحه فين فين كده يا نانسي؟

نانسي؛ بعدين ياماما، لما ارجع هقولك لو سمحت سبيني دلوقتي، عشان الحقه

زهيرة؛ يابنتي اقفي هنا وفهميني، تلحقي مين ده؟

نانسي بضيق تقول،،،

- هفهمك لما ارجع، سلام، وتركتها

زهيرة تأففت بغضب مردده،،،

- مش عارفه عايزة توصلي لايه يا نانسي

سمعها زوجها فقترب منها مرددا،،،

- مالك يا زهيره بتكلمي نفسك

زهيره بنظره ضيق علي وجهها، تنظر له مردده،،،،

- بنتك ياسمير لابسه وماشيه بسرعه، بسالها رايحه فين، تقولي متعطلنيش لما اجي هقولك، بنادي عليها، ولا تردت عليا، وشكلها مش مطمني خالص

سمير يستمع لها، والقلق يبدو عليه، فيرد عليها قائلا،،،

- مادام مستعجله ومردتش عليكي، يبقي شكلها مش ناوليه علي خير، الخوف لحسن تروح تتخانق مع معتز، نانسي مش عارف ايه اللي جرالها، حاسس انها مش بنتي اللي ربتها خالص يازهيره

زهيرة تنظر له بحزن مردده،،،

- فعلا ياسمير البنت اتقلب حالها، زي ما تكون بقت واحده تانيه، مفيش حاجه في دماغها غير انها تنتقم من معتز، مكفهاش كل اللي عملته فيه، لا عايزه كمان تخليه يرجع راكع لحد عندها

سمير ينظر لها بكل ألم ثم يقول مرددا،،،

- ربنا يهديها يا زهيره، ادعلها ربنا يعوضها خير

زهيره ترفع يديها للسماء مردده،،،

- يارب اهديها وعوضها خير يارب

#عذيني حبگ بقلم إيمووو كمال

واستقلت سيارتها واسرعت بها بسرعه جنونيه حتى تلحقه، وبعد مضي اقل من ربع ساعة وصلت اليهم، واول ما القت نظرها ركضت اليه مسرعه، ووقفت امامه والقت عليهما نظرة كلها غل وحقد وهتفت بنبرة عاليه بعض الشئ،،،

- اهلا بالدكتور اللي اول ما طلق مراته عامل غراميات في الكافيهات،، بقي هي دي يامعتز اللي سبتني عشنها "وترفع اصبعها السبابه وتشاور عليها بنظرة كلها احتقار"،، انتي بقي خرابة البيوت،، وياتري اتلميت عليها فين بقي، ماهي شكلها بيئة متفرقش عنك

معتز بغضب،،،،

- البيئه اللي مش عجباكي دي اشرف منك، وطفرها برقبه عشره من عينتك، ولولا اننا في مكان عام انا كنت عرفتك مقامك كويس ياهانم

نانسي بغضب وحده تقول،،،

- انت بزعقلي عشانها، بتزعق لمراتك

معتز ينظر لها باحتقار، ثم يقول،،،

- اسمها طلقتي، مش مراتي، احنا مفيش حاجه تربطنا ببعض، خلاص انتي صفحه وافلتها

نانسي وخطرت علي بالها فكرة جنونيه، فهتفت له مردده،،،،

- لا يامعتز متقفلتش ولا عمرها هتتقفل، عشان اللي بيربطنا ببعض اقوي مني ومنك، انا حامل يامعتز

#عذبني حبگ بقلم إيمووو كمال

تجلس نور بغرفتها تعبث بحاسبها الالكتروني، تبحث عن اي اخبار تخصه، ولكنها لا تجد، فتتعجب لذلك.. ثم تدخل علي اليوتيوب لتستمع لاحدي اغانيه، فقد اشتاقت لسماع صوته، فسرحت في كلمات الاغنيه، ثم حدثت نفسها مردده،،،

كله كلام... كله كدب وخداع... اد ايه كنت مخادع وعيشتني وهم حبك وصدقته... للدرجه دي كنت منافق ووهمتني بعشقك المزيف... يا علي الزمن والناس اللي بتعرف تتلون وتخدع،،

ثم كتبت خاطره لها تقول،،

اتعجب من هؤلاء الاشخاص اللذين يدعون انهم المجنى عليهم ...وفي الحقيقة تجدهم هم الجناة ..ويلبسون لباس الملائكة ...وبارعون في تمثيل الحب والنزاهه، والشرف، اذا صادف هؤلاء الاشخاص ..فأن افضل رد عليهم هو التجاهل وعدم الرد فهذا انسب رد عليهم

ثم اغلقت الحاسب وبكت علي حالها

والي هنا تنتهي احداثنا عند هذا الحد لنتعرف غدا ما سوف يحدث مع ابطالنا،،، عارفه اني متكلمتش عن نور وايهاب، معلش مكنش لهم دور لارتباط التسلسل الزمني ان لسه اليوم منتهاش مش هينفع احكي والجلسه العلاج لسه مخلصها وحوار معتز طول بكره ان شاء الله، هيكون في جزء كبير ليهم انتظروني مع احداث جديده متجدده من روايتي المتواضعة

"عذبني حبگ"
إيمووو كمال ✍️

الفصل العشرون

ينظر لها معتز بصدمه غير مصدق ما سمعته اذناه، وقفت لا يستطيع التحدث، بينما نظرت له جنة ودموعها تساقطت من مقلتيها وانسحبت وتركته في صدمته،، وتوجهت نحو طاوله نسمه التي تشاهد المشهد ولا تستطيع ان تعلق بشئ فهمست لها قائله،،

- نسمه انا عايزة اروح ارجوكي بسرعه من هنا

نسمه رتبت علي كتفيها بحنان؛،،،

حاضر ياقلبي، يالا ياهادي من فضلك روحنا بسرعه

هادي ينظر لها في حيرة ومحتار اي يقف بجانب صديقه ام يتركه ويقوم بتوصيل نسمه فطلب منها برجاء مردد،،،

- حاضر يانسمه ثواني بس اوقف المهزله اللي هناك واجيلك علي طول اوصلك، ارجوكي

نسمه اشارت له بالموافقه، فاسرع الي معتز وهتف له،،،

- اعتقد كفايه لحد كده يامعتز ولم الليله شكلنا بقي وحش جدا والكل بيتفرج علينا، اتفضل امشي واسبقني علي البيت عقبال ما اوصل نسمه وجنة، اتفضل

استجاب معتز له وترك نانسى والدماء تغلي في عروقها،، فهتف بعد انصرافه مردده،،،

-طول عمرك هتفضل دلدول ومعندكش شخصيه وبتمشي وراه، بس انا هعرفك نانسي هتعمل فيك ايه يامعتز انا وانت والزمن طويل، ثم تتجه نحو صديقتها، تجلس وهي تزفر بغضب وضيق، فقالت لها مني،،

- خلاص يابنتي بطلي نفخ هتحرقينا جنبك

نانسي تنظر لهم بغضب وضيق،،،

- هموت يامني، من الغيظ انا يسبني عشان الجربوعه دي، انا لازم اعرفه واعلمه الادب

مني تنظر لها محاولا تهدئتها، ثم تقول،،،

- اهدي ياحببتي كده، وقوليلي بس انتي ايه يابنت حكايه الحمل دي، فكرة بمليون جنيه

نانسى بنظره غيظ تقول،،،

- معرفش وحياتك جت كده مرة واحده، قولت اي قنبله افركش بيها القعده وخلاص

مني تصمت ثم تقول،،،

- طب واللي يخليكي تفشي غلك ويريحك، تعمليله ايه؟

نانسي بنظرة انتصار،،،

- اللي يطلبه يامنمن انا تحت امره

مني تضحك بشده وتقول،،،

- تمام انا عندي اللي يعلم عليه، ويعلمه الادب علي حق، ويوريني بقي هينفع للجواز ازاي، سيبي الموضوع ده عليا

نانسي بنظره انتصار وشر تقول،،،

- حببتي يامنمن، ربنا يريح قلبك زي ما هتبردي ناري

غادة تنظر لهم بضيق، ثم تقول،،،

- بس كده حرام عليكي، انتي عايزة منه ايه، مش انفصلتي عنه سبيه يانانسي يشوف حياته، وانتي كمان شوفي حياتك

نانسي بغل وغضب،،،

- لأ مش هسيبه في حاله معتز ده ملكي انا محدش ياخده مني، حتي لو شوفت حياتي، مش مسمحله يفكر في حد غيري

غادة تنظر لها نظره تعجب ثم تقول،،،

- وده اسمه ايه بقي ان شاء الله، باي حق تقولي كده، في اي عرف بتحكمي بيه يانانسي، فوقي انتي كده حب التملك عميكي وكده ميرديش ربنا اللي بتعمليه حرام بجد، وانا مش هشوف الغلط وهسكت عليه ابدا

نانسي محذراها،،،

- اياكي تقولي حاجه ياغادة، هيبقي اخر يوم بينا، وهتخسريني للابد

تنهض غاده من علي مقعدها، وتنظر اليها وتقول،،

- اخسرك يانانسي بس يكفيني اني اكسب نفسي، ومسكتش علي المهزله اللي بتحصل دي، انا اصلا ميشرفنيش اني اعرفكوا، وخليكي فاكره ان ربنا يمهل ولا يهمل وانتقامه شديد، ومش بيرضي بالظلم، خافوا ربنا، واتقوه، هتقولي ايه لربنا لما تقفي بين ايده، وانتي ظالمه عبد من عباده، اللهم مابلغت اللهم فشهد، انا عملت اللي عليا، وانتي حره، ومش عايزة اشوفكوا ولا اعرفكوا تاني

وتركتهم في حزب شيطانهم يخططون ويتفقون علي كيفيه الوقوع بمعتز وتأديبه علي ترك الكنتيسه نانسي

#عذيني حبگ بقلم إيمووو كمال

تصل اخيرا نسمه وجنة الي منزلها، واثناء طول الطريق الصمت يسيطر علي الجميع وجنه تمسح دموعها من وقت لاخر حتي لا يلاحظها احد،، وتدخل غرفة نسمه مسرعه دون ان تتحدث مع احد، فسألتها والدتها،،،

- في ايه يانسمه مالها جنة، ومش قولتوا هتتغدوا وتلفوا علي المحلات،، ايه اللي جد؟

نسمه؛ ابدا ياماما حصل بس مشكله كده مع معتز، فقولنا نأجلها مش اكتر، حتي احنا يادوب كنا بنشرب حاجه في كافيه ومتغدناش

اميرة متسائله،،،

- مشكله ايه دي؟ وايه علاقتها بجنه؟

نسمه بتوتر تقول،،،

- مشكله ياماما، وهتعدي باذن الله متشغليش بالك انتي بس، وادخلي كده اعمللها عصير ليمون يروقها وانا هدخلها

اميرة شعرت انها لا تريد ان تفصح وتحكي لها واحترمت ذلك، ودلفت لتجهيز العصير

نسمه تدخل غرفتها، فتجد جنة ممده على فراشها وحاضنه وسادتها وتبكي في صمت، فاقتربت منها وربت علي كتفيها واخذتها في حضنها وهمست لها،،،

- اهدي ياحببتي وبطلي عياط، معتز ذنبه ايه بس، الراجل وقف ليها ودافع عنك بكل شهامه، انتي ليه عامله كده في نفسك

جنة ببكاء تقول،،،،

- عشان عرفت انها حامل والطفل ده هيربطه بيها لاخر العمر، وانا مستحيل اتماده في حبي ليه واشرد طفل برئ بينهم، لازم معتز يرجع لزوجته وانا انسحب من حياته، ويربي ابنهم بينهم

نسمه تنظر لها وترد بحده،،،،

- ايه الكلام العبيط اللي بتقوليه ده، انتي هتاخدي قرار بالنيابه عنه، هو ادري بمصلحته، وايش دراكي انه هيكون سعيد معاها لو رجع، لو كان سعيد ياحببتي مكنش طلقها، اللي اعرفه انه كان متعذب معاها ومش مرتاح

جنة بحزن تقول،،،

- انا مليش دعوه مرتاح ولا مش مرتاح، دلوقتي في طفل هيجي لازم يتربي بين اب وام مع بعض، عشان يطلع طفل سوي

نسمه تحتضنها وتقول،،،

- طيب ممكن ياقلبي، تهدي بس وتفكري كويس، وتسيبي الموضوع ده دلوقتي، وتشوفي رد فعل معتز ايه

جنة تجفف دموعها وتبتعد عن حضنها، ثم تنظر لها مردده،،،،

- انا مليش دعوه بمعتز، الصح هو اللي بقولك عليه، بصي يانسمه انا قررت اسافر اسكندرية، ولما تحددي معاد كتب الكتاب هجيلك

نسمه بزعل وغضب تقول،،،

- لا انتي كده تبقي اتجننتي رسمي، وانا مش هسيبك يانسمه تسافري بحالتك دي ابدا

جنة تنظره ترجي تقول،،،

- ارجوكي انا محتاجه ابعد شويه، عايزة اروح البحر وارمي كل همومي ليه واشتكيله من اللي واجعني، يمكن ارتاح وهرجعلك والله، يومين كده وهاجي

نسمه بزعل تقول،،،

- يعني مصممه تسبيني، انا لسه مخترتش فستان فرحي، ومش هختاره غير وانتي معايا

جنة ببتسامه مصطنعه تقول،،،

- وانا هزعل لو اخترتيه من غيري ياحببتي، ممكن تساعديني بقي احضر شنطتي

نسمه بعد تفكير لحظات، تقول،،،

- طب خدي المهم وسيبي الباقي، بدال ما تشيلي وتحطي، ايه رايك؟

جنة تصمت ثم تقول،،،

- فكره برضو، هاتي طيب شنطه صغيره احط فيها المهم

نسمه : اوعي تتأخري عليا ياجنة

جنة تقترب منها وتاخذها بالاحضان وتشتد بحضنها وتهتف لها،،،

انا مقدرش اتأخر علي اختي ابدا، سلام ياحببتي

تدلف الي المطبخ لتودع زوجه خالها وتنادي على خالها لتسلم عليه

اميرة تنظر لها بضيق ثم تقول،،،

- ايه يا جنة مرة واحده كده قررتي تسافري

جنة محاوله تداري دموعها، ثم تقول،،،،

- معلش يا طنط، اصل ماما وحشتني، هروح اشوفها وهرجع تاني عشان اختار فستان نسومه

سليم ينظر لهم بحيره ثم يقول،،،

- هتوحشينا ياجنة، متتاخريش علينا، ومع اني حاسي انكوا مخبين عليا حاجه

جنة بارتباك تقول،،،،

- مفيش حاجه ياخالو، اشوف وشك على خير

سليم؛ طيب استنى اوصلك يابنتي

جنة؛ خليك مرتاح ياخالو، انا طلبت اوبر وزمانه علي وصول

#عذيني حبگ بقلم إيمووو كمال

وتتركهم وتنصرف لتجد السيارة بالفعل في انتظارها، وتدلف وتستقل السوبرجت، وطول الطريق وهي تفكر فيما حدث، وتتعجب لهذا القدر الذي جمعها به بدون اي سابق معرفه بينهم، وها هو يفرقهم بعد ان نبتت بذور حبهم وترعرعت، نعم لقد احبته، بدون اي سابق معرفه انه الحب من النظره الاولي كما يقال عنه وكما تسمع وتقرأ في رواياتها، وهاهي جربت ووقعت أسيرة بين يديه، ولكن الي متي ستظل هكذا لا تعلم،،، فتفيق علي صوت جوالها يرن، فتنظر له فتجده رقم معتز، فقررت انها لا تجيب رده، وقامت بغلق الفون

يظل معتز محاولا للمرة المائه الاتصال بها ولكنها للاسف اغلقت المحمول، فظل يزفر انفاسه المتعبه بضيق وغضب، وكان يجوب الغرفه ذهاباََ واياباََ وهو ممسك بهاتفه ويحاول ويحاول لعلها ترد عليه ولكن بدون فائده، فدخل عليه هادي وتسال،،

- لسه برضو مردتش عليك

معتز يزفر انفاسه بضيق وغضب يقول،،،،

- لسه قفلت تليفونها عشان معرفش اوصلها، مش عارف ليه بتعاقبني كده، انا ذنبي ايه بس

هادي بنبره حزينه من اجله يقول،،،

- انا لسه قافل مع نسمه، وعرفت انها سافرت اسكندريه، وحالتها صعبه اوي

معتز بدهشه،،،

- ايه سافرت! ليه طب كانت تديني فرصه اشرحلها، وتسمع حكايتي معاها، انا ملحقتش اتكلم، حبيت اسمع حكايتها الاول، ولسه هقولها لاقتها طبت علينا زي القضا المستعجل

هادي يشرح له بهدوء مرددا،،،

- بص يامعتز جنة كبرت في نظري اوي، نسمه قالتلي علي سبب بعدها عنك، مش عايزة تظلم ابنك او بنتك اللي جايين، عيزاهم يتربوا بين اب وام عشان نفسيتهم تكون سويه، ضحت بسعادتها عشانهم، واللي تعمل كده انسانه رقيقه وجديره بالاحترام

معتز بدهشه يقول،،،

- هي فعلا قالت كده، هي فاكرة حتي لو بعدت عني، انا ممكن ارجع تاني لنانسي، دي تبقي هبله وعبيطه، بقي بعد ما اشوف الفرق، واجرب الجنة، اروح للنار برجلي، مستحيل طبعا

هادي ينظر له متسائلا،،،،

- طب هتعمل ايه في المشكله دي؟

معتز ينظر له وعلي وجه عبوس وحزن، ثم يقول مرددا،،،

- انا لحد دلوقتي مش قادر اصدق انها حامل اصلا ازاي في يوم وليله كده تقولي انها حامل، واحده كانت رافضة تخلف مني، ومش عايزة تبوظ جسمها الرشيق بالحمل والولاده، وفرحت اني طلقتها، تحمل كده مره واحده

هادي يصمت بعد تفكير، ثم يقول،،،،

- ولا انا حتي مصدق، بس لازم تتاكد يامعتز

معتز بحده وغضب يقول،،،

- ايوة انا لازم اروحلها واواجهها ادام اهلها، واعرف الحقيقية وساعتها اعرف اتصرف صح

وتمر ساعات السفر، وتصل جنة الي بيتها ، فتتوجه الي الكورنيش مكانها المفضل لتجلس امام البحر تشتكي له من قسوة الايام، فتنظر اليه بحزن والم شارده حزينه فتهمس له ببكاء، وتشعر بانه قد يسمع همسها، فيتجاوب معها فتتصاعد امواجه كانه يبعث رساله تطمئنها انه معها ويسمعها، فتقول له،،،،

اااه يابحر الهوي، شوفت الدنيا معناده معايا ازاي، بعد ما قولت خلاص لاقيت اللي قلبي هيكمل معاه حياتي، تفرقنا الايام كده... انا ملحقتش افرح معاه يابحري، ملحقتش حتي اكمل كلامي، واسمع منه حكايته،، فوقت علي الم واني لازم اضحي وانا لسه حتي مبداتش معاه .... ااااه يابحري لو تحس بيا، جيتلك ارمي همي جواه وعارفه انك هتشيله معايا... انا حبيته اوي... ازاي وامتي مش عارفه... لكن اللي اعرفه اني لازم اسيبه... اعمل ايه يابحري

واستمرت جنه في مناجته كثيرا، والبحر يتتصاعد امواجه، كانه يسمعها، الي ان جففت دموعها ونهضت لتدلف الي منزلها حزينه، مكسوره، وبعد مضي بعض الوقت وصلت الي منزلها، واستقلت المصعد
طرقت الباب، وفركضت امها لفتحه، فوجدتها امامها واخذتها باحضانها مردده ،،،

- جنة حببتي وحشتيني اوي، حمدلله على السلامه حببتي، مقولتيش ليه انك جايه، مالك وشك مخطوف وشكلك معيط كده ليه، حد زعلك قولي متخبيش عني

جنة محتضناها بشده ثم تقول،،،

- مفيش ياماما حاجه، انتي بس وحشتيني ، قولت اجي اطمن عليكي، وبعدين ارجع لنسمه

ليلي تنظر في مقلتيها وتقرأ ما تخفيه، ثم تقول،،،،

- لا ياجنة، متخبيش عليا انا مش غريبه عنك، انتي فيكي حاجة، وعايزة تداريها عني، مالك ياقلب ماما صارحيني، مش احنا اصحاب ومش بتخبي عني حاجه، ليه المرة دي عايزة بتخبي عليا، انا بفهمك من نظره عينك ياحببتي

جنة بنبره مخنوقه تقول،،،،

- يمكن عشان مش قادرة اتكلم ياماما، محتاجه بس اكون في حضنك وبس، استمد منك الامان والطمأنينة مش عايزة اكتر من كده، خديني في حضنك يا امي ونسيني كل احزاني والامي

ليلي بنظره قلق تقول في حنو مردده،،،،

- تعالي ياقلب ماما في حضني، وارمي كل همومك فيه، وهتلاقيني دايما في اي وقت هسمعك، وانصحك، هكون ليكي الاخت والصديقه وقبلهم الام الحنونه اللي بتخاف علي بنتها

وتقترب جنة منها وترمي بنفسها داخل احضانها ناسيه كل حزنها، متذكره فقط انها بين يدي احن واطيب ام، فتربت على شعرها بحنان، ومالت لتنام على قدميها، حين كانت تفعل وهي صغيرة، وغفت علي وضعيها، فطبعت قبله حانيه علي جبينها، وقالت،،

- ياتري فيكي ايه يابنت بطني، واجع قلبك كده، يارب يهديلك الحال يابنتي

#عذيني حبگ بقلم إيمووو كمال

وياتي الليل ويسود الظلام علي الجميع، فنجد من يعد النجوم، وهو يفكر في محبوبه، ومنهم من يتعذب من الالم الفراق، والبعد، وايضا نجد منهم من يشتعل قلبه بالكراهيه، والبغضاء والانتقام، وينتهي بهم الحال الي ان يغفو الي نومهم في سبات عميق ،،،،،

ويستيقظ هادي علي صوت اله التنبيه، فينهض ياخذ حمامه ويصلي فرضه، ويحاول استيقاظ معتز، فيجده مستيقظ فسأله،،

- انت صحيت امتي انا جاي اصحيك يابني!

معتز ممسكا براسه من شده الالم، ثم ينظر له قائلا،،،،

- انا منمتش اصلا، ولا دوقت النوم من إمبارح

هادي ينظر له بحزن ثم يقول،،،

- يامعتز مينفعش كده، لازم تنتبه لحالك، انت ناسي انك مفروض تكون مركز عشان الحالات اللي بتعالجها، وكمان مفروض تبدأ في عياده دكتور شريف، الراجل كلمني وسألني انت هتبدأ امتي

معتز يتذكر ويظهر علي وجه علامات الضيق لتقصيره تجاه عمله فنسأل قائلا،،،

- وانت قولتله ايه؟

هادي بهدوء يرد،،،،

- قولتله انك عندك ظروف، و مشاكل كتير، هتظبطها عشان تروق لشغلك

معتز بارتباح شيئا ما؛؛

- ورد قالك ايه؟ اكيد زعل من حقه طبعا

هادي ينظر له نظره ارتياح ثم يقول،،،

- بالعكس والله، قدر الظروف، وقال انه في انتظار حلها عشان تشوف شغلك وانت بالك مرتاح

معتز بتنهيده يقول،،،

- الحمدلله، كنت خايف يستغني عني

هادي ينهض من مجلسه، وينظر له مرددا،،،

- يالا قوم كده خد شور، عشان تفوق وجهز حاجه افطر بيها، وانا هسبقك علي المستشفى عشان متاخرش، اشوف هناك سلام

معتز بنظرة شكر وامتنان له،،،

- سلام يا اجدع صاحب عرفته

#عذيني حبگ بقلم إيمووو كمال

ويستقل هادي سيارته ويدلف الي مقر عمله، وبعد مضي ٣٠ دقيقه تقريبا وصل ودلف فورا الي مريضته نور ليضمئن عليها، ومعه ادواته ليبدأ جلسه التي اشتاق لها منذ امس لمعرفه باقي حكايتها،، فردد لها قائلا،،

- بسم الله ماشاء الله، شكلك النهاردة احسن ووشك كده منور يانور

نور كانت تجلس علي اريكتها التي اعتادت الجلوس عليها باستمرار، فتبسمت علي مجاملتة لها وقالت،،

- طول عمرك مجامل يادكتور هادي

هادي ببتسامه مشرقه يرد قائلا،،،

- لا والله مش حكاية مجامل، بس انا حاسس انك احسن ولا انتي شايفه ايه؟

نور بنظره رضا وتفاءل تقول،،،

- الحمدلله احسن، ونفسي اخرج من هنا، وابدأ حياتي اللي وقفت وانا لسه في اول خطوة

هادي بنظره امل يقول،،،

- هانت يانور، احنا خلاص كنا فين، وبقينا فين، عدينا شوط كبير اوي، مش فاضل غير مرحله لازم تعديها ولوحدك

نور وعلي وجها علامات تعجب،،،

- مرحلة ايه ياكتور اللي لازم اعديها!!

هادي محاولا الهروب من الاجابه، ينظر لها ثم يقول،،،

- مش وقته، خلينا فيكي دلوقتي، ايه رايك نطلع الجنينه الجو جميل النهاردة بدل جلستنا هنا،

نور؛ اوك مفيش مانع، يالا بينا

ويتوجهون في حديقه المشفي، حيث الجو ساطع والشمش مبهجه، تضئ اشعتها الذهبيه لتنور الدنيا كلها، فيجلسون امام طاوله وفوقهم شمسيه لتحجب حرارة الشمس بعض الشئ، فتجلس على مقعدها، وهادي بالمقعد المقابل لها، ثم يضع ادواته الكاست وبعض الشرائط علي الطاوله، ويقوم بفتح الكاست ويتحدث لها،،،

- وقفنا إمبارح لحد ما سألتك حصل ايه لما فوفتي بعد الحقنه؟

نور تنظر له وعلي وجها علامات الحزن والاسي لما مرت به، ثم ابتلعت ريقها وقالت،،،

-عشت اسوء ايام حياتي، فوقت مش دريانه بالدنيا، جسد بلا حركه، كل اللي خطر في بالي وقتها اني ارتاح من غدر الايام بيا، واتخلص من حياتي، في يوم راقبت الممرضة ولاحظت انها تركت مشرط الخاص بتكسير الحقنه، فاخذته من غير ما تاخد بالها، وعزمت في لحظه ضعف مجنونه التخلص من حياتي

هادي ينظر لها بحزن متذكرا ابنته انجي التي رحلت بنفس طريقها فقال في حنو اب يتألم من لوعة الفراق،،،

- يانهاري يانور وهانت عليكي نفسك يابنتي، طب مفكرتيش في ابوكي وامك، وكل اللي بيحبوكي، هيقدورا يعيشوا ازاي من غيرك، طب هتقفي قدامك ربنا تقوليله ايه؟، ليه تحرقي قلبهم عليكي كده؟

نور بحزن تقول،،،

مفكرتش في كل ده، كل اللي فكرت فيه اني اموت عشان ارتاح من عذاب ظلمه، وجرحه ليا

هادي ينظر لها بحزن والم متذكرا ابنته، واحساس بلوعه فراقها، فتدمع عينيه ثم يقول،،،

- لو كل واحد صادفته مشكله ومعرفش يحلها، ولجئ للانتحار، محدش هيعيش علي الارض وكلنا هننقرض، لاننا كلنا بنمر بمشاكل طول حياتنا، ولازم نقف ونصمد بكل ايمان ورضا لاي ابتلاء ربنا يبتليه لينا، مش نستسلم كده بكل بساطه ونقضي علي حياتنا

نور تنظر له نظرة تدل على الخذلان من نفسها والندم،،

-عندك حق، انا كنت اضعف مما تتخيل، ولو رجع بيا الزمن اكيد مش هعمل كده ابدا

هادي ينظر لها بالم، ثم يقول،،،،

- تمام مش عيب اننا تغلط ، لكن العيب اننا تمادي في الغلط، كملي حصل ايه وازاي عرفوا ينقذوكي

نور بحزن تقول،،،

- كنت في يوم نايمه، جسد بلا حركه ولا احساس، واخدت علاجي وبعدها انصرفت الممرضه، فمسكت المشرط، وحاولت قطع شريان ايدي، وبالفعل نجحت، وتوهت في دنيا تانيه

" فلاش باك"

تدخل سميه غرفتة ابنتها، بعد خروج الممرضه، فسالتها،،

-نور عامله ايه النهاردة يابنتي؟

الممرضة ببتسامه تقول،،،،

- بخير لسه واخده العلاج، واحتمال تنام شوية، عن اذن حضرتك

سميه تنظر لها مردده ،،،

- اتفضلي يابنتي،، وتتركها لتدخل الي ابنتها، فتجدها نائمه، مغمضة العينين، ويتصبب عرقها علي جبينها بكثرة، برغم ان درجه الغرفه ليست بشديده الحرارة، فتقترب منها بلطف، وتمسح عرقها بمنديل ورقي، واذا بها تنظر لها لتتفاجأ بنور غارقه في بحر من الدماء، فتصرخ صرخه مناديه عليها، باعلي طبقات صوتها، لياتي من بالخارج على صوتها،،

-الحقني يازين،،، الحق نور موتت نفسها،، نادي علي الدكتور بسرعه

-زين واقف مصدوم كأن شلت قدميه لا يستطيع ان يحركها، فيفوق علي صراخها مره اخري،،

- يازين اتحرك، انت واقف ليه البنت بتروح مننا، اعمل حاجة،،، نور،،، نور حببتي ليه يابنتي عملتي كده، هونت عليكي، تحرقي قلب امك عليكي،،، نور ابوس رجلك فوقي

زين يبكي ويسرع وينادي بصوته علي الطيب المعالج،فدخل لها مسرعا، ومعه الممرضه، فكشف عليها وامر بتجهيز غرفه العمليات فورا، وامر بتجهيز اكياس الدم، لانها نذفت جدا، فيسمعه عادل الذي حضر فركض مسرعا عليه وساله بلهفة،،

- ماله نور نور ياعمي حصلها ايه..؟

زين ببكاء شديد،،، نور انتحرت

عادل يقف مذهول ووقع علي الارض من هول الصدمه،،،

- لا نور،،، لا يانور،، ليه عملتي كده في نفسك، مش انتي المقصوده،، والله ما انتي اللي كنت اقصد اجرحها، سامحيني يانور، هو السبب، هو اللي مفروض يكون مكانك مش انتي،، هو اللي لعنه بتصيب كل واحده بتحبه وتعشقه،، انا لازم انتقملك منه يانور،، ده مش لازم يعيش بين البشر، ايهاب لازم يموت،، "وينهض وقد عزم علي مواجهته، ودلف اليه وبداخله كل حقد وكره الماضي بداخل اعماقه، وشريط الماضي يمضي امام اعينه، متذكر ما مضي كأنه حدث بالامس، و بعد مضي قليل من الوقت وصل اليه وركض اليه مسرعا بدون استئذان ومنادي عليه باعلي طبقات صوته مرددا،،،

- يا إيهاب،، انت فين يا ايهاب، انزل وواجهني، تعالي شوف تاني ضحياك، بين الحيا والموت

ينزل ايهاب علي السلم، ويصيح به بكل غضب وهياج مردد،،

-انت ايه اللي جابك هنا، انت متعرفش ان البيوت ليها حرمه، وليك عين تيجي وتوريني وشك اصلا، بعد اللي عملته معايا، انت انسان معندكش ريحه الدم

عادل بغضب، وضيق، وغل، وكره يردد،،،،،

- ولما انا ابقي معنديش دم، انت يبقي عندك ايه يافنان يامشهور، يا اللي كل مهمتك في الحياه تكسر قلوب الناس اللي بتحبك وتعشقك، ونهايتهم يا اما العذاب والقهرة،، يا اما الموت،"قالها بكل حزن والم علي حبيبته، ونور"

ايهاب ينظر له بغضب، ثم يقول،،،

- انت بتخرف تقول ايه؟ انا مش فاهم منك حاجه، في المستشفى بتلمح بموت وانتحار، وهنا جي بتكرر نفس الكلام

عادل بصوت مرتفع وصريخ يصيح،،،،

- بتكلم علي نور ضاحيتك الجديده

ايهاب بقلق وفزع عند سماع اسمها،،،

- مالها نور انطق!

عادل بحزن وبكاء يقول،،،،

- نور دلوقتى ببن ايد ربنا، في غرفة العمليات بيحاولوا ينقذوها

ايهاب كاد ان قلبه يتوقف بسبب سرعه ازدياد نبضاته فيقترب منه ممسكاً بقميصه قابضاَ عليه كما يقبض الاسد علي فريسته فقال بحده وغضب،،،

- انت ايه اللي بتقوله، ازاي نور ايه اللي حصلها، حرام عليك انطق، انا قلبي هيقف

عادل بنظرة كلها غل، وحقد، وشماته فيه هتفه مردد،،

- اخيرا جه اليوم اللي اشوفك قلبك محروق يا ايهاب، انا كنت جي وناوي اخلص الدنيا منك، لكن بمنظرك ده، نار قلبي بردت، شربتك من نفس الكاس اللي شربت منه زمان، وخليتك تحس ازاي حرقه قلب علي حبيب فقدته، بس للإسف نور هي اللي كانت الضحية"قالها بحزن وتأثر حقيقي" والله مكنتش عايز اذيها هي اللي جت في سكتي عشان اوجع قلبك واحرقه، عشان تحس بالنار اللي بتاكل فيه من اكتر من ١٠ سنين

ايهاب في حالة ذهول؛،،

- انا نفسي اعرف انا عملتلك ايه لكل الكره ده ياعادل، احنا طول عمرنا اكتر من اخوات، ايه اللي انا عملته عشان استحق منك كل ده، انا اللي مفروض اكرهك عشان اللي عملته فيا زمان، وخطفك لخطبتي، فاكر ولا نسيت

عادل بنظره غل يقول،،،

- دي كانت حاجه كده علي الماشي، كنت فاكر اني هوجعك، بس للاسف طلعت مش بتحبها اوي، مش زي نور، نور اللي عرفتها قبل منك، اللي اتمنيت اتجوزها وانسي معايا الماضي، نور اللي رفضتني عشان برضو بتحبك انت.... نور اللي طلبت منها تشتغل معايا برضو رفضت وقالتلي بكل صراحه حلمها تشتغل معاك انت.... نور اللي انت بعتها وصدقت انها على علاقه بيا

ايهاب يشاور بيده في وجه قائلا،،،

- استني عليها كده نور مش علي علاقه بيك، امال المكالمه اللي بينكوا دي ايه،؟ ومروحها لبيتك كانت بتعمل ايه،،،؟؟ ومكالمه مدير اعمالك على علاقتها واتفاقها علي انها تمثل الحب كل ده ايه؟ انا مش فاهم حاجه، انا هتجنن خلاص،، يعني نور ممكن تكون مظلومه،،، "ويمسكه من ملابسه بكل عنف، ويحركه بقوه" انطق اتكلم ساكت ليه

عادل بكل ندم وحسره، يقول،،،،

- انا هقولك مش عشانك انت، لانك متستهلش، عشان نور اللي فعلا انا ظلمتها ووجعتها هبرءها امام ربنا وامامك... المكالمه اللي سمعتهالك هايدي كانت مرتبه بيني وبين مدير اعمالي، اما المكالمه اللي اتبعتتلك كانت من رقم بتاعي متعرفهوش، وعملت حذف ليها عشان تبان ان في علاقة بيني وبينها، بس اقسم بالله تعالي، اني عمري ما لمستها، ولا هي ادتني الفرصه اني اقرب منها، انت طول الوقت كنت واقف بينا، وعشقها ليك كانت مخلصاله، لكن انت اللي غبي، وموثقتش في حبها وصدقت كل الكلام اللي وصلك عنها

ايهاب ينهض وينقض عليه كالفريسه التي وقعت تحت مفترسها فيلكمه باللكمات، ويضربه حتي تساقط الدم من شفتيه كل هذا وهو يصرخ فيه مرددا،،

- اااه ياولاد.... ياشياطين، يا ابلسه، ليه تعملوا فينا كده، عملت فيك ايه ياعادل عشان تحطمني، وتكسر بقلبي، ونور ذنبها ايه عشان توصلها للانتحار، نور ذنبها في رقبتك، منك لله... منك لله... لكن انا اللي غبي، انا اللي ضيعت الكنز اللي كان بين اديها،، انا مهما عملت مش هقدر اخليها تسامحني، انا اغبي انسان في الكون، كل حاجه كانت بتقول انها بتعشق، مش بتمثل بس كنت اعمي وصدقتكوا،، اااه يانور،،، اااه يانوري اللي انطفي من يوم بعدك عني

عادل بنظرة شماته يقول،،،

- ولسه يا ايهاب ياما هتدوق العذاب ألوان، لما تشوفها قدامك ومش راضية تسامحك ده احسن عقاب، لما تشوفها قدام عينك ومش قادر تقرب وتاخدها بين ايديك... انا كده ارتحت واخدت حقي منك

ايهاب ينظر له بنظرة غل،،،،

- انت عاقد تلف وتدور ومقولتش ليه بتعمل كده فيا، ليه وانت كنت اكتر من اخويا، احنا اتربينا وطلعنا مع بعض انا وانت وفارس، ايه اللي خلاك تكرهني وتعاديني كده

عادل يجلس علي الاريكه التي امامه، ويزفر انفاسه من التعب والالم ويقول؛؛

- فاكر مايا يا ايهاب، ارجع كده بذاكرتك، وافتكر البنت اللي كانت جارتنا وساكنه في البيت اللي كنا فيه

إيهاب يجلس علي مقعده يسند يده علي راسه محاولا ان يتذكرها،،،، مالها مايا وايه اللي فاكرك بيها دلوقتي!

والي هنا تنتهي احداثنا عند هذا الحد، لنلتقي في حلقات قادمه لمعرفه من هي مايا وايه حكايتها؟ وايه سبب عداء عادل وتحوله الي كره ايهاب لهذه الدرجة؟ في روايتي المتواضعة،،،، الأحداث هتبدأ تولع والاسرار هتتكشف، ورحله عذاب ايهاب مع نور هتبدا

"عذبني حبگ"
ايمووو كمال ✍️