عذبني حبك الحلقة 18

الفصل الثامن عشر

نور واقفه بشموخ وكبرياء مصطنع، ثم تردد هاتفه،،،، 

- الف مبروووك للعروسين، وبالمناسبه دي احب اقدم لايهاب وعروسه مفاجأه كنت محضراها... اتمني انها تنال اعجابه،،،

وتبدأ نور في غناء اغنيه تهديها له خصيصاً، تبين له مدي عذابها وعشقها له، محاوله ان تتماسك لاخر لحظه، فوقفت بكل شموخ مردده،،،

سبتك وانا مطمن قلبي عليك انك مرتاح

نستني خلاص ونسيت ايامي الي انا عشتها وياك

كانت اصعب حاجة عليا بايديا اناسيك

وان تكون في حياتك وحدة
تاخد بالها عليك

سبتك وانا مطمن قلبي عليك انك مرتاح
نستني خلاص ونسيت ايامي الي انا عشتها وياك

كانت اصعب حاجة عليا بايديا اناسيك

وان تكون في حياتك وحده تاخد بالها عليك

* وهنا تنظر له بحسره و تتذكر كل اللحظات الجميله التي مرت عليهم، كأنه شريط سينمائي يمر امام عينيها،،،

دلوقتي ...انا حمشي وهي معاك
وانا لوحدي

واي كلام حقلهولك..
حقولو مابيني وبين نفسي

نفس الوقت الي انا فيه ببعد
ليه ماترجعنيش

دانا محتاجة اسمع منك
كلمه ماتسبينيش

لما الحب بيجي في مره
في التانيه مابيجيش
حب يموت من لحظة
وحبك بعد ماموت حعيش

*. وهنا الدموع تساقطت من مقلتيها،،، بدون ان تشعر

دلوقتي ...انا حمشي وهي معاك
وانا لوحدي
واي كلام حقلهولك..
حقولو مابيني وبين نفسي

* يتابعها ايهاب وقلبه يعتصر من الالم، ويحدث نفسه مرددا،،،

- مستحيل تكون بتمثل، مش ممكن تكون بارعه كده في التمثيل، كل كلمه، وكل حرف منها بيقول انها بتعشقني، طب ازاي قدرت تعمل كده، ازاي انا هتجنن، اصدقها ولا اكدبها،،، اااه ياوجع قلبي

* يقترب منه صديقه فارس ويهمس له بصوت خفيض،،،

- بذمتك يا اخي، دي شكل واحده تعرف تخون، ولا تمثل الحب، ياشيخ حرام عليك، دي بتغني وبتنطق كل حرف يدل علي صدق عشقها ليك، فكر تاني انت ظالمها، وهتندم ندم عمرك، ومتجيش تشتكي يا ايهاب

-وبعد انتهاءها من اداء وصلتها تركت المايك، واسرعت بخطوات سريعه تهرب من نظراته التي تلاحقها، فكانت لا تريد ان تواجه مره اخرى، فشعر عادل بما تقاسيه، فنهض من مكانه واسرع مناديها،،

- نور... نور.. يانور استني من فضلك لو سمحت

نور ببكاء شديد تقول،،،

- لو سمحت ياعادل سبني لوحدي دلوقتي، انا مش قادرة اتكلم

عادل يقترب منها ويمسك يداها في ترجي، ثم يمد يده ليمسح دموعها في حنو،، ويهتف،،،

- دموعك دي غاليه عليا اوووي، ارجوكي مش عايزة اشوفها تاني

نور ببكاء اكثر تقول،،،

- مش بمزاجي ياعادل والله

عادل بنظره ترجي يقول،،،

- ممكن اوصلك يانور، مستحيل اسيبك تمشي وانتي بالشكل ده، ارجوكي

نور باعتراض تقول،،،

- مفيش داعي ياعادل

عادل؛ مش هسيبك يانور

نور تمسك براسها، ولا تستطيع ان تقف علي قدميها، فقد تحملت علي اعصابها مالا يتحمله بشر، فنظرت له لاخر مرة، فوجدت عروسه تقترب منه وتهمس في اذناه ببعض الكلمات، ثم طبعت قبلتها علي شفتاه، وهنا لم تستطع ان تتحمل أكثر من ذلك فوقعت علي الارض فاقده للوعى، فصرخ عادل صرخه مدويه ينادي،،،

- نور.. نور اسعااااف،، حد يتصل بالاسعااااف

تابع كل المشهد بعيونه حين راه يجري خلفها، وتابع حديثه معها، وزادت الغيرة في قلبه، واراد ان يفتك به، ويمحيه من علي الارض، ففاق حين سمعه ينادي علي الاسعاف، فحاول ان يلحقها، ولكن اوقفته اليها قائله،،

- انت رايح فين، ازاي تسبني وتروحلها، مش دي اللي فضلت عليك عادل، فوق يا ايهاب، الكل متابع المشهد، انت عايز الصحافه تقول انك سبت عروستك وجريت علي مديرة اعمالك

ايهاب ينظر لها بكل ضيق وغضب مردد،،،

- سيبي ايدي ياهايدي، خليني اروح اشوفها

هايدي بحده تقول،،،

- لا يا ايهاب لازم تحافظ علي شكلك

ايهاب يدفع يديها بكل عنف، ويجري نحو نور ليحاول ان ياخذها من عادل،، فيصرخ في وجه مردد،،

- ابعد عنها متلمسهاش، عايز منها ايه تاني، مش كفايه اللي عملته فيها، وصلتها انها متتحملش تقف علي رجليها، انت ايه، جنس ملتك ايه، كان في ايدك ينبوع عشق معرفتش قيمته، ودمرته، ابعد عنها حرام عليك،،،

وينهض عادل حاملا نور بين يديه ويستقل سيارته ويركض بأسرع سرعه الي المشفى للكشف عليها،، وبعد مرور بعد الوقت يصل الي المشفي فيقوم بحملها وهو يصرخ ويستنجد بطبيب للكشف عليها،،،

- مفيش دكتور يلحقني، دكتور لو سمحت

موظف الاستقبال،،

- اهلا بمطربنا عادل فهمي

عادل يصرخ بوجه بكل غضب مردد،،،

- مش وقته بلا عادل وبلا زفت، شوفلي دكتور حالا يا بنادم

موظف الاستقبال؛

- حاضر يافندم وينادي علي دكتور ويسرع للكشف عليها،،

عادل بقلق يقول،،،

- ها يادكتور طمني عليها

الطبيب يقول وعلي وجه الحزن مرددا،،،

- بصراحه انا حاولت أفوقها بالطريقه المعتاده، لكن هي مستجبتش خالص، فضطريت اديها حقنه عشان تفوق، بس من الواضح انها رافضه الحياة، ومستسلمه لفقدانها للوعي، زي ما تكون بتهرب من حياتها

عادل بقلق وخوف يقول،،،

- طب هتفضل كده كتير

الطبيب مطأطأ الراس يردد،،،

- الله اعلم متوقف عليها، لازم حاجه قويه هي اللي ترجعها تاني للحياه، ادعلها، ياريت تتصل بحد من اهلها تبلغهم

عادل؛ حاضر يا دكتور

ويقوم عادل بالاتصال بوالد نور، وينتظر الرد،،

زين؛ الووو مين معايا

عادل؛ انا عادل فهمي ياعمي

زين بتعجب ؛ خير يا عادل في حاجه

عادل؛ اصل اصل

زين بنبره قلق وخوف يقول،،،

- انطق يابني،، نور جرالها حاجه

عادل بحزن يقول،،،

- نور تعبت شويه في خطوبه ايهاب، ونقلتها في مستشفى.....

زين بفزع؛ بنتي جرالها ايه؟
انا هجي علي طول

ويغلق معه الفون وينادي علي زوجته باعلي طبقات صوته،،

- سميه ياسميه،، تعالي بسرعه

سميه بهلع وفزع تقول،،،

- في ايه يازين بتزعق ليه كده

زين؛ مفيش وقت البسي بسرعه نور تعبت وفي المستشفى

سميه تضرب يدها علي صدرها بخوف وتقول،،،

- بنتي حببتي جرالها ايه طمني، حصلها ايه؟ انطق يازين متخبيش عليا

زين بحيره وخوف يقول،،،

- معرفش والله ما اعرف حاجه، ده عادل لسه قافل معايا وقالي انها تعبت ونقلها، البسي ومضيعيش وقت

واسرعوا بارتداء ملابسهم وتوجهوا للعنوان المذكور، ثم سأل علي نور عند موظف الاستقبال، ودلفوا الي غرفتها، فلمحهم عادل وتوجه اليهم مسرعا،،،

زين بقلق يقول،،،،

- طمني يابني نور ازيها

عادل بوجه عابس حزين يقول،،، الدكتور بيقول انها فاقده للوعي، ومستلمه ورافضة انها تفوق

سميه بانهيار،،،

- يعني ايه الكلام ده، بنتي كده خلاص بتروح مني،،، لا مش ممكن انا عايزة اشوف بنتي يازين،، لازم ادخل اطمن عليها

زين محتضنا زوجته ويقول في حنان،،،،

- اكيد هتدخلي ياسميه، بس انتي اهدي عشان تقدري تخففي عنها، نور محتاجلنا اوي

سميه بحزن تحاول ان تمسح دموعها،،، حاضر يازين بس اشوفها

وتدخل سمية ونور الي غرفتها، فتجدها نائمه، فاقده للوعي، مستسلمه لقدرها الذي اهلكها،، فحقا من العشق ما هلك، فاقتربت منها، وامسكت بيكفيها مقبلاه في حب وحنو وهمست بجانب اذنيها مردده،،

- نور حبيبه قلب ماما، فوقي ياقلبي علشان خاطري انا ممكن اموت لو جرالك حاجة، انا مليش غيرك انتي بنتي، واختي وصاحبتي، وكل حاجه في دنيتي، طب بلاش عشان خاطري انا علشان خاطر زين اللي واقف منهار عشانك، فوقي يا نور وحياتي عندك

وهنا تشعر سمية بضغطت كف نور علي يديها، فتبتسم وتقول،،

زين نور حاسة بيا، روح نادي علي الدكتور بسرعه،
فيسرع وينادي علي الطبيب، ويقوم بالكشف عليها، ويردد،،،

- الحمدلله استجابت لكلامك، وباذن الله هتستجيب وتفوق علي الصبح، استمري في حديثك معاها

ونرجع لحفلنا الذي انتهي بمجرد وقوع نور، فامر بانتهاء الحفل،، وجلس في غرفة المكتب ومعه صديقه محدثه،،

- فارس لوسمحت اتصل علي عادل، واعرف حصل ايه لنور

فارس ينظر له ويقول بنبره غاضبه،،،،

- وانت نور تهمك في ايه يا ايهاب، مش انت اللي وصلتها لكده، سبها في حالها يا ابن الناس، وارحمها

ايهاب بغضب وانهيار وصوت مرتفع،ويزيح كل ما امامه من علي مكتبه،ثم يصرخ قائلا،،،،

- انا السبب برضو، مش هي اللي خانتني وباعت حبي ليها بالرخيص، كان لازم اكسر قلبها زي ما كسرتني، وحطمتني، لازم كنت اخليها تشرب من نفس الكاس اللي شربتي منه

فارس بكل هدوء، يقول،،،،

- بذمتك انت مصدق نفسك، مصدق الكلام اللي بتقوله

ايهاب بحده يقول،،،،

- اسكت يافارس، انت مجربتش يعني ايه تحب وتعشق، وهي تطعنك في ظهرك بسكينه تلمه

فارس يقول بنبره حانيه،،،،

- وعشان انا مجربتش العشق اللي بتقول عليه ده، بس شوفته في عيون نور، وحسيته بكل تصرف وكل نظره منها، بقول لاء والف لاء يا ايهاب، مش نور اللي تعمل كده، كان ممكن تواجها بكل اللي معاك، واللي سمعته، بس انت غيرتك وشكك عمي عينك، وصدقت الكدبه، إيهاب لو عايز تقتل حب بجد اقتله بالشك، انت شكيت وموثقتش في حبها، يبقي متستهلش عشقها وحبها ليك، ومع ذلك انا هتصل برضو، مش عشانك، لكن عشان اطمن عليها

وامسك فونه وبحث عن رقم عادل وقام بالإتصال به،، فتردد ان يجاوبه ولكن قرر ان يرد عليه، فعلاقته به تجعله ان يحادثه،،،

-ايوة يافارس نعم

فارس بقلق يقول،،،

- نور ازيها دلوقتي ياعادل، ياريت تطمني عليها

عادل قص عليه ما قاله الطبيب

فارس بحزن يقول،،،

- لاحول ولا قوة الا بالله العلي العظيم، هي في اي مستشفى عشان ابعتلها ورد، وازورها

عادل؛ في مستشفي.....

فارس؛ شكرا ياعادل، مع السلامه

ايهاب طمني ازيها يافارس

فارس يقول بكل حزن واسى،،،،

- اطمن نور خلاص كارهت الحياة يا ايهاب

ايهاب بقلق؛ يعني ايه مفهمني

فارس بالم يرد،،،،

- عادل بيقول فاقده للوعي، مستسلمه لحاله الاغماء، رافضه الحياه

ايهاب يجلس وينهار من البكاء ثم يقول،،،،

- يعني ايه مش عايزة تفوق، لا مش ممكن نور لازم ترجع تاني تنور الدنيا، حتي لو مش معايا

فارس؛ اهدي يا ايهاب، انا بكرة هروح اطمن عليها بنفسي، وربنا يقومها بالسلامة يارب

ايهاب بتوسل : خدني معاك يا فارس، اطمن عليها من بعيد حتي

فارس يقترب منه ويقول بهدوء،،،

- خايف يكون غلط عليها

إيهاب؛ ارجوك

فارس؛ حاضر اطلع انت حاول ترتاح وبكره نروح وربنا يسترها

ايهاب بنظره راجيه يقول،،،،

- بات معايا، مفيش داعي تروح

فارس؛ حاضر ياسيدي، يالا نطلع

وصعدوا الي غرفتهم، وتركه وتوجه الي غرفة نور، ليرتاح علي سريرها، ليستنشق عطرها، فكل متعلقاتها في الغرفه، فقد تركتهم ولم تأخذها معها، فعبث بهم، واخذ يستنشق عطرها، ويحتضن ملابسها، وكل شيء خاص بها، وهو يردد،،،

- برغم كل اللي عملتيه فيا،، برغم جرحك ليا، لكن مش قادر اكرهك، ولا اقادر انساكي ابدا واستمر علي هذا الحال وهو يغني بصوته مليئ بالبكاء هذه الاغنيه،،،

نسيانك صعب أكيد نسيانك صعب اكيد ملوش غير حل وحيد ابدا من ثاني حياتي واصادف حب جديد ولو ان الحب الثاني مش ح يرجعلي زماني ولا ح يعوض حرماني اللي في حبك بيزيد لكن طول ما انت في بالي صورتك دائما بخيالي نسيانك صعب أكيد نسيانك صعب اكيد يلي معاك

ابتديت اعرف كلمة هويت واعرف كلمة يا ريت وبحبك قلتها ليه عينيك خدتني ليك وبعمري معاك بقيت وبقلبي عليك ناديت اوهام صدقتها يلي عشقتك واتاري حبك غدر والم قد ما كان قلبي شاري قد ما قلبك ظلم اول قلبك ما خان خنت اللي اداك امان حاعشق غيرك عشان يمكن انسى الندم

نسيانك قد ايه صعب اني اقدر عليه ريحتك وانت جيت تجرحني في الهوى ازاي قادر تكون عاشق وازاي تخون أما الاحساس يهون صدقني ملوش دواء قديتك حلم غالي بعته من غير ثمن والقسوة جتني منك ما جتش من الزمن اول قلبك ما خان خنت اللي اداك امان حاعشق غيرك عشان يمكن انسى الندم

وهنا بكي ايهاب بانهيار، فسمعه صديقه فاسرع اليه بلهفه مرددا،،،

- ايهاب مالك ياصاحبي،، اهدي متعملش في نفسك كده، ان شاء الله هتكون بخير، وترجعوا لبعض تاني

ايهاب بحزن والم يقول،،،،

- انا ببكي علي نفسي يافارس، ببكي علي عشقي ليها، وهي قابلته بالغدر والخيانه، ومع كل ده، مش قادر انساها وقلبي موجوع اوي عليها،، مش قادر انسي، ولا عايز انسي، انا بحبها بحبها اوووي يافارس، كانت دايما تقولي، ان حبي ليها لعنه ومش عايزة تخف منها، دلوقتي انا بقولك ان لعنتها صابتني انا كمان، ومش قادر، ولا عايز اشفي منها،،،

ويحتضنه فارس ويضمه محاولا مواساته،، وهو يردد،،،

- اهدي ياصاحبي، ان شاء الله كل حاجه هتتحل وتورق،، حاول تنام، قوم معايا وسيب الغرفه دي، يالا قوم ياعم

ايهاب معترضا،،،،

- لا انا عايز افضل هنا، ارجوك سبني انام، وانا حاسس بريحتها حوليا في كل مكان، روح نام وتبقي تصحيني لما تقوم

فارس باستسلام : حاضر ياسيدي، تصبح على خير

ايهاب؛ وانت من اهل الخير

#عذيني حبگ بقلم إيمووو كمال

يجلس عادل علي كرسي بجانب غرفة نور وهو مطأطأ الراس وممسك يده يضعها فوق راسه محدثا نفسه هاتفا،،،

- انا السبب،، انا اللي عملت فيها كده،، يارتني ما قابلت هايدي ولا اتفقت معاها، مكنش حصل لها كل ده، نور لو حصلها حاجه انا عمري ما هسامح نفسي، كرهي وانتقامي من ايهاب عماني، وكانت نور هي الضحيه،،، انا مجرم،، انا استاهل الاعدام، انا مستهلش اني اعيش في الدنيا دي وفيها انسانه برقه وقلب نور الكبير،،، ايهاب غلط في حقي بس نور، هي اللي دفعت الثمن،،،، يارب اشفيها وهصلح كل حاجه، واعترف بغلطي، بس نور تخف ومشلش ذنبها طول حياتي،،، يارب اشفيها والطف بيها يارب

ويستمر عادل طوال الليل بهذا الحال، يأنب نفسه ويلومها علي ما اجرمه في حقهما، حتي اغفل وهو جالسا

#عذيني حبگ بقلم إيمووو كمال

يجلس معتز في غرفه مكتبه يفكر في جنته التي سلبت عقله قبل قلبه،، فقررت بعد طول تفكير ان يحادثها ويتصل بها وينتظر ردها،، وبعد ثواني ترد عليه،،

-الووو مين معايا

معتز يمازحها مرددا،،،،

- احلى الووو سمعتها دي ولا ايه!

جنة وادركت انه هو فارادت معاكسته،،،،

- مين اللي بيتكلم، لو مقولتش انت مين، انا هقفل السكه

معتز ضاحكا،،،،

- مابراحه عليا ياست الزرزوره انتي

جنة تصطنع الضيق،،،

- انت كمان بتعاكس، وبتقل ادبك، ايه الناس دي، وتغلق الخط في وجه

فينظر معتز للفون ويردد،،،

- يا المجنونه،،، ثم يعاود الاتصال مره ثانيه،،

جنة تضحك وهي تنظر علي رقمه وتحاول اصطناع الجديه فتقول،،،،

- انت تاني وبعدين بقي معاك

معتز بجديه يقول،،،

- عارفه لو قفلتي الخط، هجي اكسر الفون علي دماغك، انا معتز يامجنونه

جنة مصنعه الخجل؛ دكتور معتز ازيك، اسفه معرفتكش

معتز يضحك ويقول،،،

- يابنت بذمتك، معرفتنيش من صوتي، اطلعي من دول مش علي معتز

جنة تضحك وتقول،،،

- ابدا وخبي ليه،، نعم طالبني ليه بقي

معتز مبتسما، ثم يقول،،،

- هصدقك المرة دي، بس ياريت تسجلي رقمي، وكمان انا بتصل عشان بصراحه كده ومن غير لف ودوان، عايز اقولك وحشتيني

جنة بفرحه محاوله تداريها،،،

- بتقول إيه مش سامعه، الشبكه وحشه اوي

معتز بضيق يقول،،،

- يعني حبكت الشبكه تكون وحشه في الحته دي، بقولك وحشتيني، ونفسي تقبلي اعزمك علي اي حاجه في مكان عام ممكن

جنة ترد بنبره هادئه،،

- بس انا مش هعرف اخرج لوحدي

معتز بزعل،،،

- يبقي انتي مش عايزة تشوفيني زي ما انا نفسي اشوفك واتكلم معاكي، انا اسف لو ازعجتك وضايقتك

جنة بندفاع تقول،،،

- مش كده والله، بس انا خايفه خالي ميرداش انزل

معتز يصمت احطات ثم يقول،،،

- طب هقولك علي فكره

جنة تصمت ثم تقول،،،

- قول يا ابو العريف

معتز بنبره حانيه يقول،،،

- اطلبي منه انك تيجي لنسمه المستشفي لانكوا متواعدين تخرجوا بعد معاد الانصراف، عشان تشتروا طلبات خاصه ليها مثلا، وتعالي ونخرج كلنا مع بعض، وانا هروح اكلم هادي، ايه رايك؟

جنة بفرحه تقول،،،

- والله فكره، سلام بقي عشان عقبال ما اجهز يكون معاد الانصراف جه

وتسرع جنة الي خالها، وتخبره بفكره معتز، فيوافق ولكنه يشترط عدم التأخير، وقد عزمت انها حين تقابله، تطلب من نسمه ان تستأذن من خالها بالخروج معهم، حتي لا تشعر انها فعلت شيئا من وراء علمه

#عذيني حبگ بقلم إيمووو كمال

يستيقظ ايهاب علي صوت الة التنبيه خاصة، ثم ينهض ممسكا براسه من الم الصداع الذي اصابه، فيتوجه الي حمامه لينعش جسده لعل الماء يطفئ نار قلبه وتهديه، ثم يرتدي ملابسه، ويقوم بستيقاظ فارس من نومه،،،

- قوم يابني بقي كفايه نوم، عشان نلحق نروح لنور نطمن عليها

فارس لا يستطيع ان يفتح عيناه، ثم يهمس له مرددا،،،،

- يابنى حرام عليك، احنا هنبيع لبن لسه بدري يا ايهاب، روح نام وسبني انام شويه كمان

ايهاب يزيح عنه الغطاء، ثم يقول،،،

- لا مفيش نوم، يالا بقي قوم

فارس باستسلام يقول،،،

- حاضر اديني قومت اهو، انت كمان لابس وجاهز

هجهز واجليك خليهم بس يحضروا الفطار

ايهاب يزفر انفاساََ وبتأفف بضيق قائلا،،،

- انت لسه هتفطر، بذمتك عندك نفس تاكل

فارس ينظر له ويضع يده علي معدته ثم يقول،،،

- الزعل ماله ومال الاكل نفسي اعرف، دي نقرة ودي نقره، انا معدتي بتفصل

ايهاب بغيظ يقول،،،

- حاضر خد شور، وانا هخلي سالي تحضرلك الفطار

وبنصرف ويتوجه الي المطبخ ويطلب من سالي تقوم بتجهيز الفطار لفارس، وتعمل له فنجان من القهوة، ثم ينظر ويسرح في نور ويقول في نفسه،،،

- هنا كانت واقفه، وهنا كنت بعاكسها وهي تعمل الاكل، هنا وهي بتعملي قهوتي، ودي المعلقه اللي كانت بتشاور بيها وتضربني لما كنت عايز ادوق اكلها، وهنا وهنا وهنا كل مكان وكل ركن بيفكرني بيها، كل نفس بتنفسه حاسس بريحتها حواليا، طفها علي طول قدامي،،، اهرب منها اروح علي فين، ذكرياتنا مع بعض في كل مكان،، اعمل ايه بس ياربي،،،، وانتبه لسماع صوت سالي تنادي عليه هاتفه،،

- استاذ إيهاب القهوة هتبرد، حضرتك سرحان

ايهاب ينظر لها، ثم يقول،،،

- هااا شكرا ياسالي، حضرتي الفطار لفارس

سالي تنظر له وترد بنبره هادئه،،،

- اه يافندم وجاهز علي السفرة

ايهاب يقول لها بنبره جديه،،،

- لو سمحت اطلعي استعجليه

فارس ينزل علي السلم مردد،،،

-
انا اهو جيت ياعم، هفطر ونروح، عقبال ما تشرب قهوتك اكون فطرت

إيهاب ينظر له نظره حزينه، ثم يقول،،،

- ماشي افطر بالهنا والشفا بس بسرعه

وبعد مضي بضع دقائق ينتهي فارس من فطوره وايضا ايهاب ويستقلوا سيارته متجهين الي المستشفي، بأقصى سرعه فهاتفه ايهاب قائلا،،

- استني يافارس انزل اشتري بوكيه ورد كبير لو سمحت

فارس : حاضر ياسيدي

ونزل اشتري ما طلب ثم اسرع وبعد مضي ربع ساعه وصل وسأل علي غرفتها، وتوجه اليها، فوجد عادل جالسا علي كرسيه، فحين لمحه حاول ان يشتبك معه، ففصل بينهم فارس، فردد قائلا،،

- عادل مينفعش كده عيب، انتوا مهما كان اصحاب، احنا في مستشفي مش في الشارع، اهدي كده، احنا جايين نعمل الواجب ونطمن عليها

عادل ينظر له بغضب وضيق، ثم يقول،،،

- اي واجب يافارس، لما البيه لازم يقضي علي كل بنت عشقته وحبيته ، اخرها ياالموت يا الكسره والجرح

ايهاب عبس حاجبه ثم قال،،،،

- انت تقصد ايه؟ مين اللي مات بسببي

عادل انتبه بما تفوه به شفاه، وحاول تغيير الموضوع

- اقصد اللي حصل لنور وحالتها

فارس؛ هي عامله ايه دلوقتي

عادل بنظره حزن قال،،،

- فاقت امبارح وفتحت عينها، وبعدين نامت تاني

فارس؛ احنا هنستاذن بالدخول هنطمن، ونمشي علي طول يا ايهاب

ايهاب يكتفي بهز راسه بالموافقه،،،

ويطرق الباب، ليفتح لهم زين، فتحدثه سميه بحده،

- ممكن اعرف انت جاي ليه؟
عايز منها ايه تاني؟ مش كفايه اللي عملته فيها وكسره قلبها؟ اهي يا ايهاب قدامك نايمه مش فايقه ولا حاسه بحاجه، شوف ضحيتك وصلتها لايه، اشمت فيها كمان وكمان، لعبتك كسرتها، عايز ايه تاني!

ايهاب صامت لا يدافع عن نفسه، فهو المجروح الذي ينذف قلبه قبلها ولا قادر يشوها امام اهلها، فظل ساكتا فترة،،، ثم تحدث قائلا،،،

- انا جاي اطمن عليها وامشي علي طول ولو وجودي هيضايق حضرتك انا همشي فورا

زين يقترب منه مرددا،،،

- ادخل يا ايهاب، أتفضل يمكن لما تسمع صوتك تقوم وتفوق،،، "وينظر لزوجته نظره معناها ان تصمت ولا تتحدث"

ايهاب يقترب منها وينادي باسمها،،،

- نور... فوقي يانور، انا ايهاب، نور.. لو لسه في ذرة حب في قلبك من ناحيتي قومي وفوقي، ارجوكي

وفي هذه اللحظه كانت تسمع صوته وهو يناجيها، كم تمنت ان تاخذه بين احضانها وتنسي معه كل الامها، وتداوي جرحها بين احضانه، ولكن هايهات فهذا الامر اصبح مستحيل المنال، فتحت نور عيونها لتجده امامها، ينظر لها نظرة مليانه حب والم،، فتحاول ان تجمع صوتها لتصرخ وتبكي في وجه مردده،،،،

- انت ايه اللي جابك، اتفضل اطلع بره، انا مش عايزة اشوفك تاني، روح لعروستك وانساني مع انك فعلا نستني ومش فاكرني، يارتني ما شوفتك، ولا حبيتك، ولا اقابلتك، ياريت عربيتك كانت داستني قبل ما اشوفك واعترفلك بحبي، امشي يا ايهاب، امشي وسبني في حالي، كفايه اللي شوفته في قربك، كفياني عذاب، انت سبب عذابي في الدنيا، روح منك لله، اخرج بره حياتي كلها، اخرج،،، خرجه يابابا مش عايزة اشوفه،، اااه ااااه
وتصرخ وتصرخ وتبكي

فارس يقترب منه محاولا ان ياخذه، ثم يقول،،،

- يالا يا اطلع يا ايهاب، كفايه كده، قولتلك وجودك غلط في الاول، يالا، اتفضل معايا نروح وجودك هنا مش رغوب فيه، انا غلطان اني سمعت كلامك،،
ويخرج ويستقل سيارته ويتوجه الي فيلاته وهو يلوم نفسه، وصوتها وكلامها يردد في اذنيه لا بتوقف

زين يقوم باحتضان ابنته محاولا تهدئتنا ولكنه فشل، فاسرع عادل وتوجه الي الطبيب المختص فاسرع اليها، وامر الجميع بالخروج خارج الغرفة

وقام بالكشف عليها واعطي لها حقنه مهدئه، وخرج اليهم متسائلا،،،

- ممكن اعرف إليه اللي وصلها لحالة الانهيار العصبي ده؟

- انا هحكيلك يا دكتور علي كل حاجه اتفضل معايا على مكتبك، ويتوجه الي مكتبه ويقص عليه كل شيء من اول حب نور له وهي طفله، ليوم الخطوبه وما تم فيه

الطبيب ينظر له بحزن عليها، ثم يقول،،،

دلوقتي انا عرفت سبب انهيارها، بص يا استاذ زين، حاله نور متوقفه عليها، لو كانت قويه هتعدي الازمه، اما لو ضعيفه وحبها فعلا له كسرها فللاسف هتكون كاره الدنيا، وممكن تصاب باكتئاب، والله اعلم هتوصل لايه، احنا مش عايزين نسبق الاحداث، نصبر ونشوف ايه اللي هيحصل

زين بقلق وخوف يقول،،،

- ربنا يستر يادكتور، بس هو ممكن الاكتئاب ده يطول

الطبيب ينظر له وعلي وجهه الضيق،،،،،

- الاكتئاب ممكن يقعد لسنين نعالج المريض منه، وممكن شهور، كله متوقف علي المريض ومدي استجابته للعلاج والادويه، بلاش تستعجل في الحكم

وينصرف زين وهو بداخله يتسرب القلق والخوف من مصير ابنته المجهول، فيقابل زوجته وتساله قائله،،،

- الدكتور قالك ايه يازين طمني.؟

زين بحزن والم يقول،،،

- اقولك ايه بس ياسميه، ادعلها ربنا يهون عليها وتكون قويه وتقف تاني علي رجليها

سميه؛ قلقتني يازين احكيلي
وقص زين كل ما قاله له الطبيب،،، فبكت علي حال ابنتيها، ودعت ربها ان يعفو عنها

#عذيني حبگ بقلم إيمووو كمال

" باك"

هادي : ياااه يانور كل ده اتحملتيه

نور بتنهيده قويه من داخل قلبها : اااااه يادكتور واكتر

هادي؛ وايه اللي حصل تاني بعد ما اخدتي الحقنه؟

نور تنظر في ساعتها: دكتور هادي وقت الجلسه خلصت من بدري احنا بقالنا كتير اوووي، وانا تعبت بصراحه، نكمل بكره

هادي : اوك يانور، اشوفك بكره سلام

نور؛ مع السلامه

ويتركها وينصرف وهي تنظر الي شباك غرفتها، فسرحت شارده في معذبها، وتمنت بداخلها لو تعرف من بعيد اخباره، ولكنها ابعدت هذا التفكير فورا وقالت لقلبها تلوم عليه،،

- لساك ياقلبي بتحن اليه، لسه بعد كل اللي شوفته منه بتفكر فيه، انت ايه، مخلوق من ايه.؟ كل ما يدوس عليك وتقول خلاص مش هفكر فيه، تحن برضو، اعقل بقي وكفايه اللي شوفته، اوعي تفكر، ولا حتي تحاول تعرف عنه اي حاجه، عيش لنفسك وبس ونسي الماضي بكل الامه وجرحه، ياقلبي احنا اكتفينا عذاب منه، اكتفينا جرح بيذف مش عارفين نداويه لحد دلوقتي، هتفضل لحد امتي تحنله، تحن لاي خبر او اي تفصيله عنه، حاول تنساه وساعدني انا كمان نلمم جروحنا ياقلبي، ساعدني ارجوك،،،،،

ثم انهارت في البكاء متذكره كل لحظاتها السعيده معه،،،،


" عذبني حبگ "
إيمووو كمال ✍️