قصة كرسي الجن الجزء13

#كرسى_الجن
#الجزء_الثالث_عشر
بسم الله الحافظ
اعوذ بكلمات الله التامات

عبدلله:- احكى يا صلاح مش هضايق
صلاح:- هو انت طلعلك حد من تحت الارض
عبدلله:- تحت الارض !
صلاح:- مش هقدر افسر اكتر ...حصل ولا لا
عبدلله:- عرفت منين !
صلاح سكت شوية
وبان ع وشة التوتر وبدا يعرق
عبدلله اتخض وجسمة قشعر وحس برجة بجسمة
صلاح :- هقول
ولسة جاى يحكى صلاح
كوباية الشاى السخنة بتاعتة
اتفلقت نصين واتكبت علية وحرقت بنطلونة

صلاح قام وقف وفضل يصرخ من رجله
وبعدين هدا
وقعد شوية ساكت .... وانا ساكت
مش عارف اقول الى الصراحة
حاسس ببرودة بالجو
ولاول مرة بحياتى احس ان فى حاجة غلط
واحس انى خايف فعلا
فضل صلاح ساكت مبيتكلمش
وانا مرضتش اتكلم وفضلت ساكت برضو
الموضوع طول
انا مش باصص نحية صلاح خالص
مدور وشى
فضل صلاح ساكت
لا كدة كتير بقى انا متاخر لازم امشى اصلا
لقيت صلاح قال اى دة
اي دة
اعوذ بالله
اتنفضت وبصيت نحيتة
لقيتة قام وقف وجرى
من غير ما يسلم عليا
فضل يجرى
وعدى الطريق جرى
وقفت مكانى
والناس كلها بتتفرج عليا ....
طلعت فلوس من جيبى
وحاسبت
ومشيت بسرعة من المكان
بس الموقف فضل فى دماغى طول اليوم
وصلت المستشفى بدرى شوية ع اطمن ع سارة
الوضع لا يرثى له
كلة حزين
مخدش بطل عياط تقريبا
كان فى حد مات ... دة الى كنت حاسة
سلمت عليهم وجيت ادخل لسارة
بباها رفض
وقالى سارة مضايقة مش عاوزة حد يشوفها وهى كدة
طبعا فهمت الموقف جدا
وخدت بعضى وطلعت القسم
سالتى صاحبى بالشغل
مالك ولية وشك اصفر كدة
بدات احكيلة الى بيحصل معايا
وخصوصا موضوع صلاح
الراجل ماصدقنيش
وقالى انت بتشرب حاجة ...غير الصنف ..
دورت  وشى عشان مغلطش فية
مبحبش الى يتفه من مشاكلى
طالما مش هتسمع ومش هتساعد ومش هتشوفلى حل
يبقى بلاش تقرفنى بفضولك
وتقعد تسال مالك
وبالاخر يا معلش يا تاريق
المهم اتضايقت وسبتلة القسم ونزلت تانى وقفت مع عمى ع باب اوضة سارة
......

فى الدرس

اسراء :- كريم الساعة داخلة ع 7 انا هموت م الجوع
كريم:- ماليش نفس معلش ممكن تؤوحى تتغدى
اسراء:- اى الى بتقولة دى
انت مش عزمتنى ع الغدا
بترجع بكلامك ولا اى
وبدات اسراء تقبل وشها
كريم :- لا يا ستى يلا بينا
وراحوا ع مطعم جمب السنتر
طول الطريق اسراء بتتكلم
بس كريم دماغه مش معاها
دماغه مع هدير ... وبيفكر فيها
كان بيحاول يقوم نفسة ويندمج مع اسراء
بس مش قادر
غصب عنة افكارة بتاخدة وبتودية عند هدير
اسراء مابطلتش رغى طول القعدة
وفضلت تورية صور عفش
واوض نوم
واوض اطفال
وفساتين فرح
وهو بينلها انه مهتم
بس هو اصلا مش مركز ولا عارف بتقول اى
وشرب سجاير كتيييير طول القاعدة
وبعد الاكل مباشرا
اتظاهر انة مصدع
وتعبان وقال لاسراء معلش روحى باوبر
مش هقدر اوصلك

وبالفعل روحت اسراء
وطلع كريم شقتة
وغير هدومة
وشغل التلفزيون
وعلى صوتة اوووووى
عشان يتلهى ويبطل يفكر ف ال  اسراء عملتة
وف هدير
حاول كتير بكل الطرق مقدرش
فقرر ينام
دخل اوضتة وطفى النور وحاول ينام
مقدرش
قام قعد ع السرير شوية
وبعدين قام لبس  ونزل يلف بالعربية فى الشوارع
......

فى شقة نهى وعبدلله

صحيت هدير لوحدها كانت الساعة بقت 9
صحيت مفجوغة من الحلم
وفضلت تحمد ربنا انة كان مجرد حلم
جوة الحلم حست انها عاشت شهور
شهور فى مكان غريبة عنة
كل حاجة غريبة
ومرعبة
كانت مفكرة انها هتفضل كدة ع طول
مكانتش عارفة انة مجرد حلم وهينتهى
بس مشكلة الاحلام الوحشة
اننا بنحس بيها اوووووى وبتقضل ماثرة فينا فتؤة طويلة بعد ما بنصحى
هدير لقت نفسها منهارة بالعياط
لية...
على اى بالظبط
الله اعلم
هى حست بحزن
وخوف
وقلق
وطبعا خدت قرار انها مش هتروح السنتر دة تانى ....
حست انها محروجة جدا م الموقف كلة
ومن الى عملتة مع كريم
ومن اسراء
وفضلت تقول لنفسها
انا مش كدة ... ولا هقبل بكدة ...
انا هبعد عشان مضعفش ومغلطش اكتر
طيب والدروس فضلت تعيط وتقول لنفسها
هسقط ... هسقط
.........

فى المستشفى مع هويام ومعتز

هويام اتركبلها محلول لان ضغطها وطى خالص
ولما بدات تفوق  لقت معتز قاعد جميها ع الكرسى
وماسك اديها وساند راسة ع السرير ومغمض
كان غفل ونام ع نفسة
بدات هويام تفوق وسال
هويام :- معتز ...معتز هو اى الى حصل
صحى معتز
لقى نفسة ماسك ايد هويام جامد وضاغط عليها
حس باحراج
قام وقف ومشى نحية الشباك وفتح الستارة شوية
وقالها وهو مديها ضهرة
معتز :- اغمى عليكى
بقالك 3 ساعات نايمة
هويام :- -3 ساعات ياخبر
زمانهم قلقوا عليا بالبيت
معتز:- ماتقلقيش اتصلت ييهم وقلتلهم اننا بمشوار
هويام :- طيب يلا روحنى
معتز:- اروحك اى
استنى لما نشوف الدكتور هيقول اى
وكمان لسة رجلك هتتجبس
صحيح !
هو اى الى حصلك ؟
افتكرت هويام الست المنقبة الى خوفتهت ومشت
وقعدت تعيط 
قرب منها معتز وسالهت بصوت هادى
اى الى  حصل فى اى طيب بتعيطى لية دلوقتى
هويام :- مافيش انا كويسة
ومسحت دموعها وعدلت قعدتها ع السرير
وطلع معتز ندة الدكتور
وجة قاس لها الضغط واطمن ع حالتها وروحوا 

اول م وصلو البيت طبعا الكل اتخض وفضلوا يسالوا فى اى حصلها اى متجبس لية
طلعها معتز شقتها
هويام ندهت علية قبل مينزل
هويام :- معتز ...شكرا جدا
ابتسملها وهز راسة ونزل ع شقتة جدتة
لقى الجدة قاعدة ع سجادة الصلاة
بتصلى وهى بتعيط
وفضلت كدة كتير اوى ولما خلصت سالها معتز
معتز:- فى اى يا تيتا بتعيطى وانتى بتصلى لية
ولية طولتى كدة بالصلاه
الجدة :- بدعى ربنا يفك الكرب
وقامت وقفت وبطريقها للاوضة بتاعتها فضلت تقول
بدعى يحفظ ولادى
بدعى يبعد اللعنة
بدعى يبعدهم عنا
ودخلت وقفلت على نفسها
وفضلت تعيط برضو وصوت عياطها كان عالى
.........
فتحت هدير الكتب وحاولت تذاكر وفضلت شايلة الهم هتعمل اى بالدروس
بتاخد الانجليزى بالسنتر
والفيزيا مع كريم
والرياضة مع اسراء
ودى مواد تقيلة صعب تلاقى مدرس كويس يقبلها دلوقتى ....
كريم رجع بيتة متاخر اوى اتهبد ع السرير محسش بنفسة
بس بعد فترة صحى قلبة واجعة
مش مرتاح
حاسس باحساس مش حلو.
بس مش فاهمة
اسراء مكانتش مرتاحة ... وحاسة ان فى حاجة وان كريم مش كويس وانة مشتت وبعيد عنها

معتز طلع غير هدومة وشغل الللاى استيشن وفضل يلعب
وعمال بفتكر تفاصيل اليوم
اول يوم يقضية كلة مع هويام لوحدهم
هويام كانت مبسوطة من الى حصل
بس معتز مالوش وضع ثابت
يوم كويس و10 لا
سارة وضعها وحش بالمشتشفى
ولا هى ولا مامتها ووبباها بيبطلوا عياط
وكل ما تنام تحلم بالكلب وهو بياكل رجلها
وزمايلها بالمدرسة وتقفين يضحكوا عليها
وتصحى  تصوت ....
الجدة قررت الصبح تروح تشوف االشيخ رجع من السفر ولا لسة
ولو ملقتهوش هتدور على حد غيرة
.........

طلع الصبح على الكل وكل واحد قلبة فية وجع
كل واحد شايل هم معين
بدرجات... بس كل واحد شايل هم

سارة طلعت من المستشفى ورجعت بيتها ...
هدير صحت قررت مترحش السنتر تانى والى يحصل يحصل

الجدة قامت لبست وراحت للشيخ

مع الاسف برضو ملقتهوش
رجعت البيت ودموعها على خدها
كانت لسة مشتفتش سارة
لما عرفت انها جت البيت
طلعت تشوفها
ومقدرتش تمسك نفسها ولا تسيطر ع دموعها
فسابتهم ونزلت شقتها وهى مقهورة على سارة حفيدتها

عدة اليوم ... بالليل
تليفون هدير رن
طلع كريم بيتصل بيها
هدير:- الو
كريم مردش بالاول
هدير فكرتة اتصل بالغلط
فقفلت
رجع اتصل تانى
هدير :- الووووو
كريم :-الو يا هدير
عاملة اى
هدير :- الحمد لله
كريم :- مجيتيش حصصك بتاعه انهاردة لية
هدير سكتت شوية تدور على رد
وبعدين قالتلة
هدير:-معلش عندى ظروف الفترة دى مش هقدر اجى واحضر
كريم:- ماينفعش يا هدير
هاتضيعى نفسك كدة
احنا داخلين على امتحانات
هدير :- شكرا على اهتمامك
بس انا ادرى بظروفى
كريم:-انا ماليش دعوة على فكرة بالى اسراء قالتة وعملتة
هى تغير عليا حتى من مامتها
فماتشغايش بالك انا هسيطر ع الوضع
هدير :- لا خالص ولا يشغلنى
انا فعلا ظروفى مش هتسمح اجى
وممكن مجيش تانى السنتر
بعيد عن بيتى وبيضيع وقت
كريم:- شكلك زعلانة
طيب لو قلتلك اسف
بالنيابة عن اسراء
هدير :- انا مش زعلانة من حضرتك
بس مس اسراء مضايقها وجودى
ومش عاوزة اعملكم مشاكل وابوظ علاتكم
كريم:-ماتشغليش بالك
قلتلك هسيطر ع الوضع
ياريت من بكرة ترجعى حصصك تانى
والحصص الاضافية مستمرة زى متفقنا
هدير:- بس ... مش هكون مرتاحة صدقنى خبقى متوترة ومش هركز
كريم :- ولو قلتلك عشان خاطرى
اقصد عشان احنا بايام صعبة  ومافيش وقت تشوفى مكان تاتى
واوعدك اسراء مش هخليها تضايقك
هدير :- خلاص هفكر ولو ...
كريم:- بقولك اى ماتضيعيش وقت بقى
بكرة لو مش رايحة مدرسة تعالى السنتر 10 الصبح
هديكى حصة قبل حصة الرياضة
هدير:-حاضر
كريم :- تصبحى على خير
هدير :- وحضرتك من اهل الخير
لما قفل كريم معاها
ندم انة اتصل
وحس انة اتحرج
وحسانة عيل
وان عيب ال  بيعملة
اى عشان خاطرى دى
انت بتعك يا كريم ...
بس انا ببقى مبسوط بالتفاصيل البسيطة دى معاها
اسراء مبتتحسسنيش بالارتياح دة لما بكلمها
اوف بجد ....

.........
فضلت الجدة تعيط طول الليل وبعدين كان فى حاجة اخترقت جسمها
واترجعت جامد جداااااا
وفضلت ترتعش
ومرة وحدة قامت قعدت ع السرير
برقت للسقف
وفضلت تحرك راسها يمين  وشمال
وعنيهت ثابتة بنقطة بالسقف
نزلت رجليها من ع السرير
عنيها بقت كبييييرة ولونها احمر
شعرها الابيض بقى اسود جااامد ومنكوش
وعروق جسمها كلها كانت باينة وبارزة ولونها اسود
ودخلت المطبخ
جابت سكينة
وعورت نفسها
وجابت نسخ المفاتيح بتاعة كل شقق ع العمارة
ولفت على عيلتها نفر نفر  وهما نايمين
وبقت نحط على شفايف واحد واحد فيهم نقطة من دمها
وببعدين رجعت شقتها ....
وفردت جسمها على سريرها
وبدات ترتعش تانى جامد
وتنزل رغاوى من بقها .....

يتبع
اتمنى الجزء يكون عجبكم
تاليف هويام شعيب