المزاجل 👹الجزء الاول

اى حد احكيله حكايتى يقول عنى ملبوسة او مجنونة محدش راضى يصدق انى بتكلم بجد بس انتوا صحابى وهتصدقونى انا محتاجة افضفض الموضوع بدأ من لما كان عندى 10سنين بابا جاله شغل ببلد ريفية وسافرنا نعيش كلنا فيها بابا اخر شغلة كان الساعه 2 الضهر والبلد كلها محدش بيخرج من بيته بعد غروب الشمس كنا مستغربين جدااااا لية يعنى وكان الشيخ الكبير الى مسؤول عن البلد بينبه على اى حد جديد ممنووووع الخروج من اللبيت بعد الساعه 6 ممنوع الشيابيك تتفتح بعد الساعة 6 وكان بيقول باللفظ كدة موت فى بيتك ولا تخرج بعد الساعه 6 وفعلا بعد الساعه 6 البلد كلها محدش يخرج  ولا يفتح شياك ولا باب بس قاسم  اخويا كان طفل شقى فتح باب الشقة من ورانا وخرج اكيد بابا وماما مكانوش هيقعدوا ويسيبوه برة غصب عنهم خرجوا يدورا علية وسابونى بالبيت لوحدى .. فتحت البلكونة وبصيت عليهم ... لقيت قاسم باخر الطريق وماما وبابا بيجروا وبيندهو علية ولقيت ومرة وحدة اتبنت حيطة بالدخان الاسود واصلة للسما بين قاسم وبابا وماما ..  فضلت ماما تصرخ جامد قااااسم قاااااسم الحقونى يا ناس ..
انا متاكدة كل الناس كانوا سامعين بس محدش فتح الشباك ولا البلكونة ولا بص .. هما عارفين الى فيها ...
فضلت ماما تصرخ وتجرى نحية الحيطة الى من دخان بس بابا مسكها ...
مكنش قدام بابا غير انه يخترق الحيطة الى من الدخان دى عشان يوصل لقاسم النحية التانية  .
واول مقرب بابا  وجسمة لمس الدخان ... اتقطع مليون حتة واتحول لاشلاء ...
فضلت ماما تصرخ وتصوت وتلطم ...
وانا واقفة مراقبة كل دة من البلكونة ...بس جالى حالة من الصدمة مقدرتش اصرخ وانا شايفة ابويا ف لحظة بقى قطع لحم وعضم ودم على الارض
وكمان كنت شايفة الى ماما مكانتش شيفاه .وعرفت بعدها ان دة اسمة المارد ....

#المزاجل
#الجزء_الاول
#تاليف:-هويام شعيب