سباق الحياة

ازيكم معاكم جاك روبيرت محدثكم من واحد من اكبر السباقات في العالم سباق فورميلا 1 لسنة 2019  الي اتحددت جائزته مليون دولار لصاحب المركز الاول
احنا دلوقتي في النهائي بين المتسابقان
علي اليمين بسيارته الصفراء رقمها 54 الحاصل علي المركز الاول في سباق 2018 و بطل سلسله افلام السباقات  "جيمس جوردان"
اما علي اليسار يقف بسيارته السوداء برقم 23 العائد بعد فترة غياب ثلاث سنوات بسبب الحادث المؤلم الي حصله  في واحد من السباقات " مايكل ريفز "
و دلوقتي كله يستعد..
المتسابقان في وضع الاستعداد
مع  الكلمة دي شغل المتسابقان المحركات ليخرج صوت المحركات بقوه و معها صوت صراخ الجمهور مليان بالحماس  
الكل مستعد..
هيبدأ العد التنازلي
3.2.1
انطلاق
ومعها انطلق المتسابقان بأقصى سرعة ، كل واحد بيحاول بكل طاقته التقدم علي التاني ومع اول لفة جيمس يسبق منافسه بمسافة صغيره
ليضرب مايكل الدركسيون من عصبيته و يزيد سرعة السيارة وهو بيفتكر السبب الي جابه هنا و السبب إلي مخلية مينفعش يخسر السباق ده بالذات مهما كانت الصعوبات الي بيواجها

*********                     
يدخل مايكل المستشفى رايح لاوضه 120 عشان يشوف الدكتور... واقف ادمها و في ايده شوية اوراق قرب منه فلاحظ وجوده فسلم عليه وبعديها سأله مايكل
: ابويا عامل اية يا دكتور طمني ؟ هو غاب عندكم كدة لية المرادي !!
رد الدكتور وهو بيقلع  نضارته
:والدك تعبان من فترة كبيره و واضح انه كان مش قايلكم لكن الوضوع دلوقتي كبر ومينفعش يتسكت علية ولدك محتاج يزرع كبد في اقرب وقت وإلا هيبقي في خطر علي حياته
رد مايكل علي الدكتور وعلامات الصدمة والحزن بدأت تترسم على وشه
:طيب قدمنا وقت قد اية و العملية دي هتتكلف في حدود كام
الدكتور: ادامك حد اقصي اسبوعين ولازم العملية تكون معمولة، العملية هتدخل في تكلفة ٥٠٠ الف دولار
كان مايكل ووالده معهمش نص المبلغ ده حتي مما زاد الطين بلة حس الدكتور بالوضع المحرج ده فعرض عليه المساعدة لكنه شكره جداً وسابو و دخل الاوضة عشان يشوف والده نايم علي السرير فاقد الوعي جسمه تسيطر علية حالة من الضعف التام ، جسده موصل بالمحاليل من كل حته قعد جنبه وبدأ يتكلم
:ليه يا بابا لية مقلتليش لية، افتكرتني مش هقدر اساعدك افتكرتني بقيت عاجز خلاص بعد الحادثة الي حصلتلي ،هشوفك بتموت ادامي واسيبك  لا انت غلطان يا يابابا  انا هنقذك هكمل مبلغ العملية وهترجع احسن من الاول كمان عشان نتسابق زي زمان
و مع نهاية كلامه بدأ يعيط وهو يقبل ايد والده
*******                       
لسا جيمس في المقدمة بفرق بسيط عن مايكل إلي بيحاول التقدم بكل قوته لكن جيمس مش سايبلو اي فرصة انه يتخطاه وفاضل علي السباق اقل من عشر دورات مايكل بيزيد سرعته عشان يقرب من سرعه جيمس بدا يقرب منه حتي وصل للاكصدام الخلفي لسيارة جيمس عشان يخبطة فية بمنتهى القوى مما جعل السيارة يختل توازنها شوية و ده كان كفاية عشان مايكل يبقي في المقدمه و لكن بسرعة  استعاد جيمس التحكم في السيارة عشان يحاول يرجع للمقدمة وهو مفيش فى دماغة غير السبب الي مينفعش يخسر بسببه
********                      
كان نايم يسبح في احلامه لغايه لما صحي علي صوت صرخة قوية هزت المكان اتنفض من مكانة بيجري ناحية غرفة مراتو و بنته  فتحها عشان يلقيها فاضية فضل يجرى في البيت كله و ينادي عليهم لكن مكنش في اي رد و فاجئه سمع صوت سيارة تحت البيت بتجري بسرعة حاول يبص بسرعة من الشباك عشان يعرف اي اوصاف للعربية  لكنه كان اتأخر جدًا نام علي الارض بيحاول يستوعب الي حصل قال لنفسه
:هو فعلاً مراتي وبنتي اتخطفوا ، مين الي يعمل كدة ولية؟
فضل نايم  علي الارض في الوضع دة وهو مش حاسس باي حاجة من حواليه مش عارف  مر علية وقت قد اية في الحالة دي لغايه لم سمع صوت تليفونه بيرن خرجه من جيبه ورد
عشان يسمع صوت يقول
: ازيك يا جيمس يارب تكون نمت كويس مع اني عارف ان دة محصلش
رد جيمس : بص انا مش عرف انت مين كلمني بعدين سلام
كان جيمس هيقفل الخط لولا انه سماعه الشخص دة بقول
: حتي لو عرفت أن مراتك وبنتك معاية
رجع جيمس التلفون علي ودانه بسرعة وقال بعصبية
جيمس:انتم الي خطفتوهم هقتلكم واحد واحد مهما حصل مش هسيبكم يا كلاب عايزين مننا اية
: اية كل دة اهدي شوية عشان محدش فيهم يتاذي وركز احنا عايزين منك ايه ودة المهم عشان العيلة ترجعلك بالسلامة
سكت جيمس وهو  يضغط علي سنانه من شدة عصبيته وهو مش قادر يعمل حاجة غير انه يسمع هو بيقول ايه
:احنا عارفين أن نهائي البطولة بكره زعيمنا راهن بنص ثروته عليك  مينفعش تخسر لان خسارتك هتكلفك حياتهم وهتكلف الزعيم اموال طائلة افتكر ان حيانهم دلوقتي في ايديك اول ماتفوز هنرجعلك عيلتك و معاهم مكافئة بسيطة
وقفل المتصل الخط وانا محتار مش عارف اعمل اية  هل ابلغ الشرطة بس ممكن انهم يقتلوهم لو عرفوا اعمل اية معنديش خيار غير الفوز
لازم افوز مهما كانت الصعوبات
                                           ***********
اللفة الاخيرة مايكل لسه في المقدمة مش بيسمح لجيمس بالتقدم عليه الي بيحاول باستماته انه يرجع للمقدمه لكن مع أخر ملف يستغله ويلف بسرعة كبيرة تساعدة في تحسين وضعه عشان يبقي الاتنين في مستوى واحد منطلقين بسرعة كبيرة نحو خط النهاية الي علي بعد بضع أمتار
مين هيفوز مين هينقذ عيلته و مين هينقذ ابوه
هي كدة الحياة ومش هتتغير، الكل  دايماً عايز يفوز لكن في النهاية الفوز بيكون من نصيب واحد بس، واحد بس هو الفائز و الباقي يخسر
بس دة مش معناه ان لازم  يكون الشخص الخسران  وحش ميستحقش الفوز  !!!
لا طبعاً الخسارة بيكون ليها اسباب كتير ملهاش دعوة بالشخصية سواء وحشة او حلوة و في بعض الاحيان بيكون الخاسر هو الاحق بالفوز حياته كلها ممكن تكون متوقفة عليه او حياه اقرب الناس ليه
لكن الله خلق لكل شيء نقيضه حتي يكتسب قيمته خير ، شر , نجاح ،فشل
لكن في نهاية من يستحق و لديه الاصرار سيفوز مهما طال الوقت
في واحدة من المستشفيات الكبيرة مايكل واقف ادام غرفه العمليات وباين علي وشه علامات القلق عشان يدخل علية شخص حاطت كابشو علي رأسه اول ما شافة مايكل قام من مكانه و سلم علية عشان يشيل الشخص ده الكابشو من علي راسه عشان يظهر انه جيمس و يقول
:معلش يابني اتاخرت عليك كان لازم اتنكر عشان محدش يعرفني لو اتعرف اننا كنا متفقين، هيروح كل الي عملناه
رد مايكل: بس احنا سبكناها حلو الاغبية ميعرفوش اننا اصحاب من زمان و كنا في مدرسة وحدة كمان بس خد بالك انا الي سبتك تكسب بمزاجي المرادي المرة الجايه مش هتهاون معاك
:ياعم انا عايزك توريني كل طاقتك المهم والدك أخباره ايه؟
مايكل:لسة الدكتور خارج من شوية و طمني انة خلاص عدي مرحلة الخطر خلاص ..وانت اية مراتك و بنت رجعوا
جيمس : رجعوا امبارح وسبت الشركة بعديها بلغت عنهم نسيوا هما كسبو من ورايا قد ايه الحراميه دوول بس انا مش هسيبهم
و فعلا بعديها بشهور فضل فيها جيمس يثبت الي اتعرضله حتي تم الحكم له بتعويض قدرة نص مليون دولارا و تم اقاله كل المنظمين لسباقات فورميلا 1  بسبب الفساد المالي و تم الحكم بإعادة المباراة النهائية مرة أخري بسبب ما تعرض له المتسابقان من ضغوط ..
ازيكم معكم محدثكم جاك روبيرت من واحد من اكبر السباقات في العالم سباق فورميلا 1 لسنة 2019  التي حددت جائزته مليون دولار لصاحب المركز الاول
احنا دلوقتي في النهائي المعاد بسبب الضغوط التي كانت علي المتسابقان في السباق الاول فتم الحكم باعادة السباق
سباق عادل سيحدد من الاجدر بالفوز
مايكل :خلي بالك انا مش هتهاون معاك المره دي مش هرضي اقل من الفوز
جيس : هنشوف انت هتقدر تعمل ايه بس نصيحة متحلمش حلم انت مش قده
المتسابقان علي خط الاستعداد
3.2.1
انطلاق
تمت