المزاجل 👹الجزء العاشر
#المزاجل
#الجزء_العاشر
قاسم عينه بدات تنزل دم و بدا يطلع اصوات غريبه وقام فتح باب الاوضه ودخل على اوضه شيماء اخته كانت نايمه قام ماسك المخده من جنبها كتم بيها نفس اخته شيماء اللي فضلت تصرخ وهي بتطلع في الروح و فضلت تحاول تخلص نفسها منه وخلاص كانت هتطلع بالروح
لكن في اخر لحظه مامتهم حاست ان في حاجه غريبه بتحصل وقامت تطمن عليهم ملقتش قاسم في اوضته ولقيت مرايه التسريحه متكسره وفي دم في الارض وسمعت اصوات في اوضه شيماء دخلت تجري فكرته حرامي اتصدمت باللي شافته
وقالت ايه اللي بيعملوا قاسم ده سيب اختك يا حيوان
اللي انت بتعمله ده ابعد عنها احسن لك
ابعد عنها ولكنه كان قوي جدا وكان مغيب تماما
ومره واحده مامته قالت استغفر الله العظيم ايه ده
باللحظه دي قاسم فاق لنفسه لقى نفسه كاتم نفس اخته شيماء بالمخده وايده بتنزل دم وامه واقفه وراه بتشده وتصرخ
خذ بعضه وجرى فتح باب الشقه ونزل يجري زي المجنون بالشارع
ولما تعب قاعد على الرصيف فضل يعيط
مامت شيماء اطمنت على شيماء اللي كان وشها ازرق خالص و حرفيا كانت بتموت فضلت مامت شيماء تهديها لحد ما بقيت كويسه بعد ما شيماء، فاقت
راحت مامتهم تدور على قاسم وبتفهم منه كان بيعمل كد
ه ليه ما لقتيش حد بالبيت طبعا قلب الام واجعها على ابنها قامت لابسه بسرعه ونزلت تدور على قاسم
في رحله زايجود
زايجود. تعرفي ان كنت ناويلك على نيه سوده
ياسمين : خير خوفتني على فكره
زايجود : لا بقول بس اللي كان هيحصل كان وحش جدا
ياسمين : وانت على كده اتعودت تؤذي البنات كده
زايجود: انا مش ببقى اقصد اذي على فكره بس ليه يبقى نفسي في حاجه واحرم نفسي منها طالما قادر اخذها
ياسمين : بس اللي انت بتقوله ده حاجه وحشه جدا انت تعرف قد ايه انت اذتني الموضوع صعب على فكره ومش سهل يتنسي
زايجود: انت لسه زعلانه مني انا اعتذرت وعدتك مجيش جنبك الا بمزاجك بعد كده
ياسمين : في حاجات لما بتحصل لينل مهما عدي عليها سنين مش بنقدر من ننسي وجعها او زعلها او خوفنا منها انا كنت خايفه اوي ومازلت كل ما بفتكر بحس بقبضه في قلبي
زايجود: انا اتضايقت كنت مفكر اني اقدر انسيي وخليك تسامحيني بس قطعته ياسمين
انا اقدر اسامح بس بشرط
زايجود:، اؤمري وانا موافق من قبلها ياسمين توعديني انك تبطل تؤذي البنات كده ثاني
زايجود : انا بالفعل بطلت ما بقتش عايز اي بنت ثاني غيرك غيرك انت وبس وبرده لما تحسي انك عاوزه كده بالنسبه لي قلبك بس يكفيني بصيت وياسمين باستغراب وبعدين قالت غريبه دي
زايجود : هي ايه اللي غريبه
ياسمين : ازاي الشيطان يتحول لملاك كده مش مصدقه انا مستغربه
زايجود اخذ نفس عميق و قاعد على شط النهر وفضل يمسك زلط صغير ويرميه بالنهر
زايجود: اقول لك على حاجه انا بقى لي سنين كتير عايش بشكل عشوائي بعمل بس اللي يختر بالي غير كده ما كنتش اعرف بس بعد ما قربت منك اول مره حسيت بحاجه مختلفه حاجه ما كنتش اعرفها اصلا وجودها العشق ياسمينه مجرد مالمستك جري حبك في جسمي و روحي وقلبي ارتبط بقلبك مش بمزاجي خالص على فكره ده احساس يوجع ويخوف
مع العشق عرفت معنى ثاني اسمه الفقد خايف انت ما تقبليش تبقى ليا
حتى في حاجات ثانيه حاسه بيها بس مش عارف لسه اترجمها كلمات كل عرفت اترجمه لحد دلوقتي العشق والفقد انت مغريه وجذابه جدا لي بالرغم من كل الحاجات الملخبطه دي انا مبسوط اول مره احس ان حياتي فيها شغف
ياسمين قربت من زيجود وقاعده جنبه وسندت على ذراعه معقول انت جواك كل ده كنت مفكره ان......
زايجود: انا كمان اول مره اعرف اني عندي قلب عادي، انا شخصيا لسه بتعرف على نفسي من اول
ياسمين : انا عندي سؤال
زايجود :قولي
ياسمين : انا بس كنت عاوزه اعرف احنا دلوقتي امتى ماشيين من بيتنا والدنيا ليل لكن المكان هنا منور وكاننا الساعه عشره الصبح
زايجود : عالمكم غير علمنا انتم فاضل ساعه ونص على الشروق ولازم اروحك دلوقتي و بص ورا ياسمين و كشر ياسمين بصت وراها ورجعت وبصيت له وقالت له في ايه وشك غريب كده ليه بقيت مرعب
زايجود : معلش قومي دلوقتي و بعدين افهمك وقام ومسك ايد ياسمين عشان يقومها لاقيه اديها بترتعش و ساقعه ثلج
زايجود : ياسمين ما تخافيش اوعى تخافي مني انا عمري ما هاذيكي ثاني و افهمك بعدين بس لازم ترجعي بيتك حالا حالا غمضي عينيك و تخلي نفسك في بيتك على سريرك لو سمحتى
لسه ياسمين بتعمل كده لقيت نفسها في شقتها على سريرها
مامت قاسم فضلت تدور طول الليل علي قاسم وفي الاخر لقيته قاعد على الرصيف في الشارع وقاعد يعيط ولما سالته مامته فضل يجري وهي تجري وراه وتنده عليه يا قاسم فهمني طيب يا ابني حرام عليك افهم بس ليه بيحصل كده اذن الفجر قسم وقع في الارض واغمي عليه فضلت تصرخ عشان حد يجي ساعتها ما كانش في حد من الشارع كان في قطه سوداء جت تهاجم قاسم وفضلت تخربشه و مامت قاسم حاولت تمشيها ما بتمشيش ابدا لحد ما الناس بداو يحسوا بقاسم ومامته ابتدا الناس تتلم ويحاول وفوقوا لكن ابدا مش بيفوق واحد اخدهم بالعربيه عشان يوديهم المستشفى في المستشفى طلع عند قاسم كسر بيده مش معروف سببه وجروح وضغطه واطي جدا هيحجزوا قاسم بالمستشفى كلمت مامت قاسم اخته ياسمين علشان تقول لها انها بالمستشفى مع قاسم ونامت مامت قاسم الاوضه في اللي محجوز بيها قاسم عدي اول يوم وثاني يوم قرروا الدكاتره حجز قاسم برده بالليل قامت مامه قاسم ملقتش قاسم في السرير ولا في الاوضه قامت تجري بدور عليه بره الاوضه لقيته واقف قدام الحمام و بص بصه مرعبه لمامته قربت منه وسالته بتعمل كده ليه يا قاسم
قاسم : المزاجل جوه الحمام ده وكل اللي جوه هايؤذيهم و راح بص لمامته بصه خلي جسمها كله اشعار من الرعب........
يتبع
تاليف_هويام_شعيب
التعليقات على الموضوع