اشواك الحب❤الحلقة 59
الحلقة 59
والكل بيبص لفوق وبيشوفو عمر فوق الشجرة
زاهر \عمر برااحة متتحركش خليك عندك انا هطلع اجيبك
عمر \لااا لو حد قرب منى انا هرمى نفسى من هنا
حور \عمر انزل هنااا
عمر \ لاا انتى هتعقبينى مش هنزل هفضل طول عمرى هنا
عايش على الشجرة
و مازن وكريم بيضحكو اوى وحور بتبصلهم بغضب
حور / عمر اوعى تفتكر أن الى بتعملوا دة بيعفيك من العقاب
عمر \ انا مش هنزل
حسام وريم بيروحو عليهم بسرعة
حسام \المجنون دة أية الى طلعو هناا
ريم \حسام هات سلم بسرعة احسن يقع
حور \لااا هو زى ما طلع هينزل
و لينا يتمسك فى حور وبتعيط
لينا \ماامى عمر يا مامى عاااااا
و سلمى بتاخد لينال فى حضنهاا وبتحضنهاا اوى
حسام \حور خلينا ننزلو وبعد كدة يجى العقارب
عمر \لا مش هنزل
حور \شيفين دة اخرت دلعكو فية
عادل \اية اللمة دى كلها علشاان تستقبلونى
عمر \خالو وصل خالو وصل
وفجأة عمر رجله بتتزحلق والكل بيصرخ و عادل بيرمى شنطتو بسرعة وبيطلع على الشجرة بخفة وبسرعة وبيمسكو و مازن بيسعدو وبينزلوة
و عمر بيعيط ورجلو بتوجعو اوى و حور بتجرى علية وبتشوف رجلو
حور \ جرح بسيط أوعة تفكر أن مفيش عقارب
و عادل بياخد على البيت بسرعة و حور بتنضفلو لعمر الجرح
***********************.
حور \ممنوع تخرج من اوضتك انت فااهم يلاا على الاوضة بسرعة
و عمر بينزل عيونو على الارض وبيطلع على اووضته
سعاد \براحة على الوالد شوية يا حور لسة صغيير
حور \لو سمحتو مش عاوزة حد يتهاون معاة ابدا
رودى وقفة وري عادل وبتخبط على كتفو و عادل بيبص وره
عادل \رورو
وفجأة رودى بتضرب عادل بالبكس والكل فى زهوول
عادل \رودى أهدى فى أية
رودى / ٣ ساعاات وانا هموت من القلق
و عادل بيستخبى وره حسام
عادل \حساام شوف اختك بتعمل أية من قبل الجواز
و رودى يتمسك فاظة
عادل \استنى يا مجنونة بس
رودى \انا اتصلت بشريف وخليتو يسأل فى الكلية وعرف انك خرجت من الكلية من خمس ساعات هااا
حسام \يباة تستاهل
و عادل بيطلع علبة صغيرة من جيبو
عادل \حببتى كنت بجبلك الهدية دى
ورودى بتبصلو ومكسوفة من نفسها اوى
عادل \عرفتى انك ظلمنى
رودى \ اسفة كنت بحسب انك خرجت مع صحابك زى المرة الى فاتت
عادل \انتى كدة طول عمرك بتظنى فيا ظن وحش
و رودى بتروح علية
رودى \اسفة اخر مرة خدك بيوجعك
عادل \اة شوفى
وحسام بيغمز لعادل و عادل بيغمزلو وحسام بيضحك
حسام \ريم اخوكى دة لعيب قدر يخرج من الموقف بسهولة
و ريم بتضحك
حور \انا هروح العيادة اتاخرت كدة ومش هنبه تانى انا مش عاوزة حد يتهاون معاة ابدا وخصوصا انتى يا ماما سعاد ماشى
وسعاد بتهزر رسها بنعم و حور بتخرج
سعاد \خلينى اطلع اطمن على الوالد بسرعة
وحور بتروح العيادة
***********************.
ريم / احسن حاجة اننا فكرناا فى العيادة دى اهو حاجة تنشغل فيهاا
حسام / فعلا فكرة ممتازة بس بحس ان فكرة اننا نقسم العيادة نص بشرى ونص بطرى دى مش تمام
ريم / لية يا حبيبى دة كمان سراج كويس جدا وانسان محترم
حسام / مش عارف كل لما بشوفو بحس بحاجة غريبة وكمان باة قريب حور اوى والموضوع دة بيدايقنى
ريم / حسام حور عارفة هى بتعمل اية كويس وعارفة حدودها فيين
حسام / مش قصدى بس مش عارف
ريم / انت مش عندك شغل ولا اية
حسام / يعنى بتطردينى يعنى
ريم / بصراحة اة يلاا باة
وحسام بيضحك وبيبسها من جبنهاا
حسام / بلاش تتعبى نفسك ماشى
ريم / متقلقش علياا
***********************.
وحسام بيخرج وبيشوف حور وقفة فى الجنينة مع سراج بيتكلمو وبيقف بيبصلهم وبيركب عربيتو وبيروح
***********************.
رودى و عادل فى الجنينة
رودى / انا مش مصدقة ان خلاص كمان اسبوع هتتخرج وهشوفك كل يوم
عادل / مش كل يوم اوى يعنى
رودى /بتقصد اية
عادل / بقصد انى مش هقاعد عاطل فى البيت يعنى بم انى من الاوائل الدفعة يباة ليا اولوية الاختيار الاماكن الى هشتغل فيها
رودى / واكيد هيكون هناا فى الاسكندرية ممكن يكون فى الحراسات او السياحة او
عادل / رودى مش وقتو الكلام دة دلوقتى احكيلى عملتى اية فى الشهرين الى غبتهم عنك
رودى / مفيش عادى من النادى للمزرعة مفيش جديد اة نسيت اقولك جالى شلة كدة علشان ادربهم على الرومبا بس ممتازين جدا وبيستوعبو الخطوات بسرعة
عادل / اة شلة بنات
رودى / هيفرق معااك
عادل / يعنى مش بنات
رودى / اية الفرق بنات ولا شباب دة شغل
و عادل بيدايق اوى
عادل / انتى عارفة راى فى الموضوع دة وانتى كل مرة بتتجهلى كل حاجة وبتعملى كل الى انتى عوزاة
رودى/ لانى مش مقتنعة ومدام مفيش اقتناع يباة انفز الى انا مقتنعة بية
عادل / ورغبتى انا بالنسبة ليكى ملهاش اى قيمة
رودى / انا مقلتش كدة
عادل / بس دة الى بتنفزية
و رودى لسة هتتكلم
عادل / انا جاى تعبان خلينى اروح ارتااح
رودى / زى كل مرة بتهرب من المواجهة وبتنسحب
عادل / انا مش بهرب انا بحاول امنع المواجهة بينى وبينك لان النهاية مش هترضيكى ابدا
رودى / واية الى هيرضيك انت باة
عادل / حبة تعرفى
رودى / ياريت
عادل / يباة حضرتك تسيبى النادى واى شغل تانى وتفرغى نفسك وترتبى معاد مع حسام علشان بعد ما اخد مكانى فى المركز نحدد معادالفرح
رودى / قول كدة باة انت عاوز تحبس حريتى
عادل / احبس حريتك اية بقولك عوزين نحدد معاد الفرح
رودى / ومين قالك انى هسيب الشغل بعد الجواز
عادل / رودى متخديش اى قرار متسرع دلوقتى علشان ولا انا ولا انتى نندم
رودى / وكمان انت بتقول هتاخد مكانك فى المركز بتقصد اية
عادل / انا اتعرض عليا انى اشتغل فى مركز المخابرات ودى خطوة كبيرة
رودى / وكنت ناوى تقولى امتى باة
عادل / انا لسة مقررتش لسة هتكلم مع شريف الاول
و رودى متعصبة اوى
رودى / انا خلاص مبقاش عندى روح للكلام تاانى
ورودى بتمشى وبتسيبو ومتعصبة
***********************.
حور فى العياة والباب بيخبط
حور / ادخل
وبيدخل سراج ومعاة اتنين فنجان قهوة
سراج / كنت بعمل قهوة قلت اعملك معايا واجى اغلس عليكى ونشربها مع بعض
حور / لو من غير غلاسة يكون احسن
وسراج بيضحك وبيروح يقاعد وبيحط القهوة لحور و حور بتشرب منهاا
حور / اللله تسلم ايدك يا سراج بجد مش بستطعم بالقهوة غير من ايدك
سراج / اهو حاجة قدرت اتعلمهاا من المرحوم والدى
حور / كان والدك بيحب القهوة كدة
سراج / كان فاتح قهوة بلدى فى سيدى بشر بس كانت اية
حور / والدك كان فاتح قهوة يعنى
سراج / ومستغربة لية اة وانا كبرت واتعلمت من القهوة دى و اتربينا انا واخواتى منها كمان واتعلمنا احسن تعليم بس بعد ما والدى اتوفى خلاص بعنها بس كان صعب عليا بس هعمل اية
حور / لا مقصدش طبعاا بس استغربت شوية انت فكرتنى ببابا كان بيحب يشرب القهوة فى كباية ازااز مش فنجان
سراج / والدك كان صاحب مزاج باة
وحور بتضحك
حور / الله يرحمو كان حنين اوى مش عليا انا واخواتى بس على كل الى حولية لدرجة انو ضيع حقنا انا واخواتى فى ميراث جدى بعد ما اعمامى قلولو انهم محتجيين وظروف المعيشة لحد ما كتبلهم حقو كلو باسمهم
سراج / كلو فى ميزان حسناتو طبعاا
حور / الحمد لله
سراج / وانتى عوزة اية بعد الى عندك دة كلو متبقيش طماعة
حور / انت فاكر اية انا واخواتى بعد وفاة بابا كملنا تعليمنا بالعفياا وبالتعب والمرارة كل الى انت شيفو دة مش لياا انا
سراج / بس سمعت
حور / دى امانة عندى لحد ما الغايب يرجع
سراج / لسة مصدقة انو هيرجع
وحور بتبص لسراج بعصبية
سراج / اسف مقصدش
حور / انا فى مريض هروح اطمن علية كنت وعدتو انى هرحلو النهاردة
و حور بتاخد شنطتهاا وبتخرج وسراج بيبص عليها لحد ما خرجت
سراج / الى زيك مش موجودين دلوقتى انتى المااس
***********************.
مازن بيشوف حور خارجة من العيادة وبيجرى عليهاا بسرعة
ادم / حور حور
حور / مازن عندى زيارة مريض مش فضية
مازن / بس كنت عوزة اتكلم معاكى فى موضوع مهم
حور / مش وقتو لما ارجع
مازن / طب انا ممكن اوصلك وفى الطريق نتكلم
حور / هو انا هخلص منك اتفضل
و مازن بياخد منها الشنطة بتعتهاا وبيروحو على العربية
حور / هاا قول فى اية ياريت متكنش مصيبة من المصايب بتعتك انت واخوك
مازن / عاوز ارتبط
حور / ما انا قولتلك اكتر من مرة وانت كنت رافض
ادم / خلاص
حور / وهى مين
مازن / مى
حور / مى ميين اخت مرواان
مازن / بالظبط كدة
حور / انا كنت شكة بس قلت مدام انت مجتش تحكيلى انا مش هتكلم
مازن / احنا بنحب بعض وكنت حابب يعنى تكلمى دينا تمهد الموضوع لحد يعنى ما نروح نتكلم رسمى ونحدد معاد الفرح
حور / ومستعجل اوى لية
مازن / حور بقولك احنا بنحب بعض ونعرف بعض كويس انا وهى
حور / اااة يعنى انتو مرتبين كل حاجة
مازن / يعنى حاجة زى كدة
حور / ماشى انا هشوف الموضوع دة فى اقرب وقت
مازن / النهاردة
حور / النهاردة
مازن / اة لان سارة وكريم سمعتهم انهم هيحددو معاد الشهر الى جاى يعنى قلت ان كريم وسارة ورودى و عادل وانا ومى
يعنى نقلل التكلفة
حور / لاياشيخ
و مازن بيضحك
مازن/ وحياتى يا حور حولى ترتبى الموضوع دة مع عمو حسام
حور / ولو رفض
مازن / ومين هيرفض للبرنسيسة حور اى طلب يعنى
حور / ماشى ياسيدى هشوف الموضوع دة
مازن / والله انتى احلاا حور فى الدنياا ربنا يخليكى لياا يارب
حور / حاسب هنعمل حادثة بص قدمك
مازن / حادثة اية دة كان ابوياا قطعنى فى اكياس
وحور بتبص لمازن اوى بحزن
***********************.
عمر قاعد فى اوضته مدايق وبيدخل فهد ولينا الاوضة
فهد / عمر انت كويس
وعمر بيهز راسو بحزن ولينا بتروح علية وبتحضنو اوى
لينا / بتوجعك
عمر / لا انا راجل
فهد / احنا جبنالك الشوكولاتة الى انت بتحبهاا
و عمر بيضحك وبياخد منو الشوكولاتة والباب بيخبط وبيدخل احمد
عمر / انت اية الى جلبك هناا
لينا / عمر عيب ماما لو سمعتك هتزعل تانى
احمد / انا جبتلك اللعبة بتعتى الى بتحبهاا خدها انا مش عوزهاا
وعمر بيبصلو بغضب
لينا / شكرا يا احمد تعال
ولينا بتاخد ايد احمد وبيقاعد جمبهم
احمد / صافى يا لبن
عمر / حليب يا قشطة
وبيضحكو كلهم
فهد / عمر انت طلعت على الشجرة ازااى
عمر / امال انتو فكرينى اية انا اقدر اطلع على اكبر شجرة هناا فى المزرعة لما رجلى تخف انا هوريكو تطلعو ازااى
لينا / لاا عمر انا بخااف شوف رجلك
عمر /متخفيش انا معااكى
ولينا بتبتسم اوى
احمد / اة عمو شريف جاب لاسلام بلاستيشن فى الاوضة خلونا نروح نلعب معاة
عمر / لاا انا ممنوع من الخروج
فهد / اة ممنوع تخرج بس مش ممنوع اننا نلعب هناا
وبيدخل كريم الاوضة وشايل على دراعو البلاستيشن بتاعو
كريم / بم ان حضرتك ممنوع الخروج اخواتك فكرو اننا نجبلك البلاستيشن هناا لحد عندك
لينا / انا هتفرج عليكو
عمر / وهتشجعينى اناا انتى فاهمة
ولينا بتهز رسها بنعم
***********************.
فى الليل حور بترجع من العيادة وبتطلع على اوضة الاولاد وبتشوف عمر وفهد نايمين كل واحد فى سريرو
وبتقرب عليهم وبتبسهم من جبنهم وبتملس على خد عمر بحنية وبتملس على الجرح الى فى رجلو بحزن وبتغطية كويس وبتخرج
وبتروح على اوضتها وبتشوف لينا نايمة فى السرير وحضنة العروسة بتعتهاا و بتقرب عليهاا وبتغطيهاا كويس وبتبسهاا من جبنهاا بحب وبتغطيهاا وبتتنهد اوى وبتروح على البلكونة
وبتبص للنجوم ودموعها بتنزل
حور / كفاية باة انا تعباانة اوى من غيرك
حور وقفة فى البلكونة وبتسمع صوت لينا بتعيط وبتمسح دموعهاا وبتروح على لينا بسرعة
لينا / مامى ماامى
حور / حببتى فى اية مالك ياروحى
لينا / الوحش يا ماما عااا
حور / حببتى انا قولتلك اكتر من مرة مفيش حاجة اسمها وحش خلاص يا روحى انا معااكى
ولينا بتحضن حور اوى وبتعيط
لينا / لاا يا مامى الوحش انا شفتو كان هناا عاوز ياكولنى انا خايفة اوى يا ماما
وبتدخل رودى
رودى / حور فى اية ملهاا لينا
حور / مفيش بس شافت كابوس
لينا / عمتو انا شفت الوحش هو هناا انا شفتو كان هناا
رودى / خلاص اهدى يا روحى تعالى نامى معاية فى الاوضة بتعتى
ولينا بتروح مع رودى
لينا / مامى تعالى معايا الوحش
حور / حببتى متخفيش روحى انتى نامى مع عمتو ومتخفيش عليا
ورودى بتشيل لينا وبتخدها وبتخرج وحور بتشوف العروسة بتاعت لينا على السرير وبتخدهاا وبتروح على اوضة رودى
حور / حببتى انتى نسيتى العروسة بتعتك
ولينا بتاخد العروسة بتاعتهاا وبتحضنها
لينا / متخفيش انا معاكى الوحش خلاص راح ومش هيرجع تانى ولينا بتاخد العروسة فى حضنهاا وبتغمض عنيهاا وحور بتملس علي شعرهاا بحنية
حور / رودى خلى بالك علشان لينا بتضرب برجليهاا وهى نايمة وبتشيل الغطاء
رودى / متخفيش انا اصلاا مش جينى نوم هسهر جمبهاا هنا
حور / فى اية مالك
رودى / يعنى هيكون اية غير اخووكى من ساعة مارجع وهو بيحدفنى بكل طوبة وطوبة على دماغى
حور / انا مش فاهمة حااجة
رودى / من الاخر اخوكى عاوز يشتغل فى مركز المخابراات
حور / دة خبر جميل وفيها اية
رودى / لا ابدا بسيطة فيهاا انو هيساافر كتيير ودة غير الرعب الى هكون عيشة فية معااة انا عوزة يكون جمبى ياحور مش عوزاة يبعد عنى انا
حور / لو ربنا كتبلو حااجة هتحصلو ولو حتى فى حضنك
رودى / بس لية ندخل الخطر برجليناا احنا
حور / اهدى شوية وفكرى بعقل عادل واكيد مش هيرمى نفسو فى الخطر زى ما انتى بتقولى ابدا
رودى / مش عارفة
حور / ارتااحى انتى دلوقتى وبكرة نتكلم
وبيسمعو صوت رعد وبرق وامطاار غزيرة
حور / يااة باين كدة ان المطر السنة دى شديد اوى على المزرعة تصبحى على خير
***********************.
و حور بتروح على اوضتها وبتغير هدومه وبتلبس هدوم النوم وبتسمع صوت شمس متعصب وبتلبس الروب بتعهاا
وبتروح على البلكونة وبتشوف عامل الاسطبل ماسك شمس
حور/ انت لية خرجتو انت مش عارف انو تعبان
العامل / عارف يا دكتورة هو كسر الباب وخرج مش عارف مالو متعصب لية وكانو بيدور على حد هنااا
حور / دخلو بسرعة الجو برد علية يلااا
والعامل بيدخل شمس الاسطبل و حور بتحس بالبرد وبتبص للسماء النور الى بيظهر ويختفى
حور / كان السمااء غضبانة
و حور بتدخل بسرعة من البلكونة وبردانة اوى وشعرهاا اتبلل وبتقلع الروب وبتنشف شعرهاا وبتبص للاوضة بفزة وبتشوف خيال حد قاعد على كرسى فى جانب الاوضة
حور / ميين مين هناا
ومفيش حد بيرد عليهاا و بتقرب من الروب بتعهاا علشان تلبسو وبتشوف الشخص دة بيقف و حور بتتخض وبترجع خطوتين
حور / لاااا
والشخص دة بيقرب عليهاا و حور جسمهاا بيترعش من الخوف والبرد وبيظهر برق وبينور الاوضة وبيظهر ملامحو
و حور بتحط اديهاا على شفايفهاا
ادم / حور
التعليقات على الموضوع