العاشق 👻 كامله (6 اجزاء)
العاشق... كاااااملة 😍
الجزء الاول
ديما ماما كانت تقولى يا هدير الله يكرمك بلاش قعدتك الزفت بالساعات قدام المرايات هتتلبسى يابنتى
كنت بضحك جداا
هههههههههههههههههه اتلبس مين يا ماما صلى على النبى بس بلاش الكلام دة
تقولى والله المرايات وحشة وحذرتنى كتير وانا كنت بطنش الصراحة اصل المرايا زى الدولاب زى الحلل زى الكراسى
اى يعنى الى هيخلينى اتلبس وهو اصلا يعنى اى اتلبس ماما قديمة اوووى
فى يوم من الايام كان عيد ميلاد بنت جارتنا وماما قالتلى جهزى حالك عشان هنطلع نعيد عليها رفضت بالاول وقلتلها اى الزهق دة انا مالى اصلا ماليش بجو العيال دة قعدتت تتحايل عليا عشان خاطرى يا هدير يلا نص ساعه وهننزل بعد زن كتير استسلمت قلتلها طيب حصلينى هزبط نفسى واجى وراكى
طلعت ماما وكان ساعتها بابا بالشغل واختى الصغيرة بالكلية
رحت فتحت الدولاب وطلعت فستان كات كدة وقلت هلبس بلوروة بكم عليه واسيب شعر مش هرفعه
لبست الفستان ولسة ملبستش البلورة ووقفت قدام المرايا مزهولة من جماله عليا
وقعدت اتفرج على نفسى واد اى انا بشرتى صافيه وجسمى جميل ومرسوم ولا شعرى الاسود الى بيلمع
بعدين فقت لنفسى خير انا اتجنيت ولا اى هو فى حد مغرور كدة انا انا حلوة الحمد لله بس دة هبل
المهم جبت السشوار وعملت شعرى سريع سريع وبدئت احط روج احمر
كنت خارقة الجمال
استغربت احساسى
مش عاوزة اقوم من قدام المرايا عجبنى نفسى اوى
وحسيت فجأه بهوا بارد كان فى شباك اتفتح بس الشباك مقفول
وحسيت زى صوابع ايد حد ماشية على دراعى من فوق لتحت
صرخت وطلعت اجرى وفتحت باب الاوضة وباب الشقة وجريت ع ماما فوق
قابلنى على السلم عمرو جارنا كان نازل بالضلمة بسرعه وانا طالعه بسرعه خبطنا فى بعض بس حستية حضنى مش خبطة عادية يعنى كانة مستنينى
بس قلت اكيد تخيولات عشان عمرو دة محترم جداااا وممكن الرعب والسرعه حسسونى بكدة
المهم الولا اتسمر مكانة اول مرة يشوفنى لابسة كات او اتفجع ع طلعت بوشة مرة وحدة
معرفش....
حسيته بيبصلى بصات مرتحتلهاش سلمت عليه وجاية اطلع مش راضى يوسع الطريق وانا مكسوفة اصلا من الموقف وباصة بالارض
لو سمحت يا عمرو عدينى
عمرو واقف مش بيتحرك
لو سمحت عدينى
برضو مش بيتحرك لحت رفعت وشى بوشة عشان ازعقلة على قلة الذوق والادب دى مينفعش يعمل معايا كدة
اول ما بصيتله
مطلعش عمرو طلع حد اسوووود وغينة حمرا وشعرة طوييييييييل لونة ابيض
قالى انا بحبك
صرخت ماما ماما ماما
راحت فتحت جارتى الباب ونورت نور السلم فى اى يا هدير
طبعا اختفى ....
انا فضلت واقفه مش برد عليها .....
مصدومة من المنظر
مش فاهمة دة حقيقى ولا اى انت مزهوله
المهم خفت اقولها حتقول عليا هبله انا مش ناقصه وجع دماغ
المهم قلتلها ولا حاجة يا طنط دى قطة قبلتنى اتفجع
قلتلى قطة ياختى بطة ازاى امك وابوكى وخالتك وستك مش هنفرح بيكى بقى ولا اى ..... ويلا بينا ع الرغى ......
الحمد لله يا طنط
الحمد لله
ان شاء الله
يوصل
حاضر
بقت تتكلم وانا اطلع سلمة سلمة ع اهرب منها عشان لو وقفت مش هنخلص
لحد موصلت الدور الى فوقيها الى فية العيد ميلاد
خبط فتحتلى جارتى مامت البنت الى عيد ميلادها انهاردة
وزى الهبله..... فين ماما .
مافيش عاملة اى ولا كل سنة وانتى طيبة
الست قالتة اتفضلى يا هدير ماما جوة حسيت انى قليله الذوق
رحت سلمت عليها وقلتلها كل سنة وانتى طيبة وعدلت
الموقف
دخلت ادور على ماما عاوزة احكيلها
لقيتها ملهية بالناس
بس مستغربانى بالفستان الكات
معرفتش احكيلها مافيش فرصة
قعدت جمبها قالتلى مال ايدك سقعة كدة ليه قلتلها اصلى نسيت البلوروة
طلبت من جارتنا تجيبلى شال ولا حاجة
قالتلى ادخلى اوضة نورا خدى الى يعجبك طبعا رفضت بالاول وهى اصرت قمت دخلت
جيت افتح الدولاب مبيتفتحش احاول احاول مبيتفتحت فبدور ع اطلع اقولها هاتى مفتاحة ولا دة بيتفتح ازاى
لقت الشئ الاسود ابو شعر ابيض وعنين حمر
واقف ورايا بالمرايا قرب من ودنى وقالى انا حابب اشوفك كدة متلبسيش حاجة
بصيت ورايا ملقتش حد بصيت بالمرايا ملقتش حد اختفى
جريت طلعت الناس اتفجعوا من منظرى فى اية يا هدير بتجرى ليه كدة
قلتلها لا عادى اتكعبلت بس
فقالولى فين الشال قلتلهم ملقتش حاجة مناسبة للفستان
وقعدت جمب ماما
وعماله اقولها يلا ننزل يلا ننزل
قالتى اهدى بلاش جنان جارتك ام محمود عينها عليكى شكلها عوزاكى لمحمود ابنها متخليش شكلك اهبل الله يكرمك اهدى بقى خلينا نخلص منك
وانا مصرة يلا يا ماما عاوزة اقولك حاجة قالتلى قولى فى اى بلحظتها طلبوا منى اقوم ارقص انا رفضت طبعا انا نفسيا تعبانة مش هقدر
اصروا جامد وماما زنت عشان ام محمود تتفرج عليا ع البيه ابنها
قمت وبدئت ارقص كنت عجباهم جداااا
بعدها بلحظة مكملتش دقيقه ام محمود جالها تليفون واضطرت تنزل......
وكملت رقص لقيت الشئ دة ظهر بوشى باخر الاوضة بالركن واقف باصصلى جامد ومبتسم بمنظرة المرعب دة
انا متحملتش المنظر واغم عليا
فوقونى وقالولى خير فى اى قلتلهم معرفش بس انا بقيت كويسة
مرضتش ابوظ العيد ميلاد بس قلت لماما نزلينا عشان تعبانة
واستئذنا ونزلنا
اول منزلنا سالت ماما هو فعلا فى عفاريت وجن وبيظهروا وكدة
قالتى خير يا هدير
قلتلها فضول..
قالتلى منتى لو بتصلى وبتقرى قرءان كنتى عرفتى انهم موجودين طبعا
قلتلها طيب وممكن يظهروا ؟
قالتلى اى ومذكور بالقران واتلمى وعدى يومك على خير
بعدها ب 10د بابا جة
ومعاه هند اختى اتعشينا بس همة حسوا انى مش مظبوطة وبسرح كتير
ماما قالتلهم اصلها اتحسدت وهى بترقص بعيد ميلاد بنت جارتنا
ام دنيا ام عين وحشة اكيد ادتها عين مش عاتقه حد بحاله الست دى
راحت هند قايلة على اية يعنى تكونش ست الحسن والجمال
بعدها شرقت هند جامد وقعدت تكح تحك فين وفين لحد م هدت راح بابا قالها... انتقام السماء ع جيتى عليها
وقعدوا يهزروا وجة وقت النوم وكل واحد دخل اوضته
انا فتحت باب الاوضة لقيت فستان احمر محطوط على سرير كنت شرياه من سنة وقلت اشيلة فى لبس جوازى
لقيته قدامى مع انة جوه كيسة جوة شنطة سفر تحت السرير
اتفجعت .... وبعدين قلت يمكن ماما طلعته عشان هند جايلها عريس اخر الاسبوع
وغيرت هدومى واثناء تغير الهدوم حسيت بهوا بارد ضرب بدضرى بدور ابص على الشباك لقيت الشئ المرعب قاعد على طرف السرير
طلعت جريت على اوضة هند قالتلى اى المنظر دة متكملى لبسك يابنتى وبعدين تيجى خفت قلتلها عاوزة اقولك على حاجة
جالها مغص فظيع وفضلت تتلوى بالارض جريت على ماما الحقى هند بتعيط وتعبانة جريت عليها وشافتها لقيتها بتموت من التعب
قالتلى روحى البسى عقبال مالبسها ونروح المستشفى
جريت على اوضتى وقفلت الباب لقليته بوشى
وقالى
المرادى مرضتش اموتها لو حاولتى تعملى كدة تانى هزعلك وانا مقدرش ازعلك يا حبيبتى
استسلميلى ....
يتبع
😍
#العاشق
الجزء #الثانى
......................................
انا شوفت الشئ دة من الصدمة محستش بنفسى ورجعت بضهرى بسرعه وانا بصاله خبط بضهرى فى الباب فتحت الباب وطلعت بسرعه جرى ع اوضة هند ملقتهاش
دخلت اجرى ادور ع ماما وبابا مافيش حد بالشقة
وهو واقف جوة اوضتى انا شايفة خياله على الارض
شكلهم نزلوا المستشفى بس امتى انا ملحقتش
انا مخدتش ثانية
طيب اعمل اى دلوقتى انا لازم انزل انا مرعوبة مش هقدر اقعد استناهم ومش هينفع انزل بالمنظر دة
كل دة وانا عماله الف حوالين نفسى بالصاله كل مقرب من اوضة عشان اخد منها حاجة البسها اشوف خيال اسود على الارض جوة
فضلت حوال 10د مروا عليا سنة
بفكر ازاى انزل
ومكسوفة بلبسى دة
رحت فتحت الباب وطلعت وخبط على جارتى
فتحتلى فى اى يا هدير انتى عاملة كدة ليه
قلتلها معلش يا طنط هاتيلى عباية عشان هند تعبت ونزلوها المستشفى وانا لما عرفت جريت بهدومى ونسيت المفتاح جوة ومخدتش بالى الا وانا ع اول المدخل ومش عارفه اعمل اى
قالتلى ولا يهمك اتفضلى جوة وخدى الى انتى عوزاه
دخلت معاها طلعتلى عباية سودة ريحتها بتنجان تقريبا
بتنجان....
شكرا يا طنط طبعا انا كنت مضايقة جدا ومفروفة من ريحة العباية وشكلها بس مقداميش غير كدة خدت منها موبايلها اتصلت ع بابا
بابا انتوا فيييييييين
وسبتونى ونزلتوا ليييييه مش تخدونى معاكم
قالى فى اية محنا ندهنا عليكى وقلنالك تعالى واستنناكى ربع ساعه وبالاخر قلتلى اسبقونى لسة بكمل لبسى
قلتله نعم....
انا......محصلش
قالى بقولك اى مش وقتك
يلا اخلصى احنا بالمستشفى الى على اول الشارع اختك هتعمل عملية الزايدة
وقفل بوشى
طلبت من جارتى كارته الاسانسير
قالتلى كدة كتير يا هدير
وضحكة مستفزة
قلتلها معلش يا طنط هتعبك معايا
طلبت الاسانسير
وعلمتلى ....وركبت
اول متحرك الاسانسير
ظهر الشئ المرعب بوشى واقف سادد باب الخروج
قعدت اصوت اصوت وهو يضحك بشكل مرعب متخيلين انا بالاسانسير المرعب لواحدة ومعايا عفريت استغفر الله العظيم انا قلبى هيقف والله من المنظر
وهو بيضحك وفاتح بوقة الى مافيهوش غير انياب وشكلة استغفر الله فضلت اصوت اصوت اصوت
حد سحب واتارية موقف الاسانسير وعمال يهبد برجله على الارض
ويسقف بايدة
اييييية دة اييييييية دة
الحقوووووونى ايييية دة
ومرة وحدة اختفى والاسانسير اشتغل
ونزل دور وركبت معايا جارتى قالتلى اى المنظر دة يا هند ..
بتعرقى كدة ليه مالك ونازلة فين الوقت دة لوحدك
قلتلها هند بالمشتشفى هتعمل الزايدة
قالتلى 1000 سلامة
ووصلنا للارضى وخرجت من الاسانسير
تقريبا انا بجرى بالشارع
متخيلين منظرى
بنت باواخر ال20 شكلى بنت ناس ولابسة عباية بتاعه حد اتخن منى مرتين وبجرى شبة المجانين
الناس بتبص عليا باستغراب
وتعليقات سخيفة
ومعكسات مستفزة
حاجة زفت
لما دخلت بشارع هادى بقيت اجرى بوشى شوية وابص ورايا واجرى بضهرى
وبقيت اجرى بسررررعه عشان يخلص الشارع الفاضى دة
اتكعبلت وقعت على الارض
قعدت خايفة اقوم الاقية ع يمينى او على شمالى او بضهرى
قمت وانا بزحف وابص ف كل الاتجاهات
الحمد لله وصلت المستشفى
اهلى لما شافونى
ايييييييه المنظر دة......
قلتلهم كنت بطلع الزباله والباب اتقفل و.....
قالولى زباله
دلوقتى
واختك بالمنظر دة
انتى اصلا من امتى بطلعى زباله ولا بتعملى حاجة بالبيت
قلتلهم خلاص بقى مش وقته
هند عاملة اى
قالولى دخلت عمليات
الزايدة انفجرت...
انفجرت...
سمعت الكلمة وافتكرت لما قالى المرادى مردتش اموتها
وقعدت اعيييييط اعييييط
بصوت مكتوم حسيت انى السبب
خفت اوووووى قلبى اتقبض
طيب اعمل اى دلوقتى اقولهم على الى بيحصلى
ولا ممكن يتأذوااا
طيب استسلم للشيطان دة ولا اعمل اى.....
هديت عشان مبستغربونيش وقلت هند تخف وافكر ولحد وقتها مش هقعد لوحدى ابدااا
هند طلعت من العمليات
وبدئت تفوق وتبقى ....
ماما قالتلى هنقعد ل6ونص وهنطلع ع البيت نغير انا وليوكى ونطلع ع الشغل وانتى تغيرى القرف دة
وتنامى وتريحى شوية عشان تيجى تقعدى مع اختك واحنا نروح نريح ونجيلك بالليل
نعم...
لا..
همة الاتنين بنفس واحد لا اى ...
بابا قالى خلى عندك دم متبقيش انانية كدة
قلتلهم مش هروح هفضل قاعدة معاها
قالولى تقعدى فين مافيش غير كنبة
قلتلهم متشغلوش بالكم قالولى طيب الصبح روحى معانا غيرى هدومك وارجعى
قلتلهم ماشى
.......................................
بابا نام ع الكنبة وماما قعدت ع الكرسى وانا وقفت جمب الشباك ابص على الشارع وافكر فى وضعى
كنت مطمنة جداااااا انى جمب بابا وماما ومش لوحدى
بس فضلت افكر واعيط من غير صوت عشان مبسمعونيش
لقيت بابا بيطبطب عليا وبيقولى متقلقيش يا هدير هند هتبقى كويسة
ادورت وحضنته وقعدت اعيط بصوت بقى وقتها
كنت محتاجة الحضن دة اوووووى حسيت فعلا ان بابا حاسس بيا
ممكن يكون متخيل ان دة زعل على اختى ومش فاهم السبب
بس المهم انة حاسس بكمية الحزن الى جوايا
فضل يطبط عليا ويقولى ماتزعليش.... مبحبش اشوفك كدة.....
اييييية دة دة مش بابا....
صرخت وزقيته
ماما وبابا صحوا فية اييية يا هدير اختك تعبانة ومصدقنا نامت بتزعقى لية.......
بصيت لقيت بابا ممدد ع الكنبة
وانا وماما مكانها
امالى دة كان ايييييييييه......
ستر ربنا المنبه رن
قلتلهم كنت بصحيكوا ع نروح البيت
قالولى طيب طيب بلاش دوشة ع متحسش اننا مشينا
سكتت خالص وفضلت ساكته لحد مروحنا البيت
دخلتلنا البيت
ماما قالتلى قدامك نص ساعه ظبطى امورك وخدى موبايلك والشاحن وغيار لاختك عشان تودية المستشفى
وخدى تليفونها كمان عشان لو صحت زهقانة
هزيت راسى ودخلت الاوضة وسبت الباب مفتوح
لميت الحاجات بسرعه
وطلعت قعدت قدام باب الشقة
خلصوا وقالولى اى دة لحقتى قلتلهم اه يلا نمشى قالولى استنى نفطر بس
فطرنا ونزلنا احنا ال3
رحت المستشفى ودخلت عند هند ومققلتش الباب سبته موارب وفتحت الشبابيك
وكل شوية اطلع ابص ع الناس وادخل
لحد مهند فاقت ... وقعدت تسال اى الى حصل
وحكيتها ...
حكيتلها موضوع العفريت دة
مسطلح مش مناسب بس انا معرفش اقول عليه اى
اترعبت هند بس صدقتنى عشان قالتلى انا حلمت بيه
نعم حلمتى باية؟
قالتلى حلمت بشخص اسود اسود وشعرة ابيض وضوافرة طويله
حاضنك وبترقصوا بمكان فاضى ومخيف
وانتى كانك مغيبة بين ادية كان مغمى عليكى بس مفتحة عادى وبتتحركى معاة وبتنفزى الى بيقولة
هى قالتل كدة جسمى كلة قشعر وقعدت اعيط اعيط وهى تهدينى
وقالتلى اكيد فى حل ان شاء الله المهم متناميش لوحدك ولا تقعدى لوحدك ولا تبصى بالمرايات لحد منشوف هنعمل اى لما اخرج
واقترحت عليا احكى لبابا وماما وانا رفضت عشان قلتلها قالى المرادى انا مموتش اختك
اتفجعت هند وبرقت 5ثوانى كدة وقعدت تقولى لا متقوليش متقوليش
انا اصلا كنت بضحك عليكى يا هدير عفرييت اى يابنتى دنتى تخوفى الجن
زعلت اووووووووووووى لدرجة مش هتتخيلوها
كان نفسى تطلع اختى حاسة بيا فعلا وتساعدنى
المهم بابا وماما جم وخدنا تصريح خروج
وروحنا البيت
فضلت قاعدة جمب هند بالاوضة وقلت لماما هنام جمبها عشان لو تعبت احس بيها
رفضت هند نهااااائى ولما اصريت بدئت تزعق وماما عصبت عليا وقالتلى سيبيها ع راحتها هى مش عاوزةحد خلاص متبقيش مملة
بصيت لهند كدة ومن جوايا حسيت انى كرهتها
وسبت الاوضة وطلعت جرى على اوضتى قعدت على كرسى السراحة وقعدت اعيط بصوت عالى
لقيت الى بيحط ايدة على شعرى وبعدين كتفنى وحضنى جامد وقالى متعيطيش يا حبيبتى انا جمبك
ماتخافيش
بصيت ع المراية لقيته حاضنة ومكتفنى
نفسى على جامد وقلبى قعد يدق يدق وحسيت الدموع بتنزل من عينى من غير محس....
يتبع
#العاشق
الجزء الثالث
بدئت احس بهبوط فى دقات قلبى وكانى خلاص هفقد الوعى دموعى بتنزل من غير محس بيها دموع كتير كتير كتير من كتر الرعب .استمر الوضع دة ساعات كتير انا متكتفه تماما مش عارفة غير انى اتنفس بصعوبة واعيط وهو عمال يقولى متعيطيش عشان خاطرى عشان خاطرى عشان خاطرى
انا بحبك صدقينى مش جاى ااذيكى اسمعى كلامى ومتقوليلهمش حاجة عشان لو عرفوا هيحاولو ياذونى او يبعدونى عنك وساعتها انا هموتهم
هدمرهم ....
حسيت بنبرة غضب طالعه منة وبدأ الصوت يبقى تهديد مش ترجى زى مكان وبقى يقولى بالاخر هتبقى ليا غيرك كتير قاومونى وبالاخر اتملكتهم
انتوا مخلوقين عشان ترضونى وانا اختارتك ولازم تسمعى كلامى
بدل مهتشوفى ايام هتتمنى فيها الموت كل لحظة ولا انك تعيشيها
هتكرهى لحظة غياب الشمس
هوصلك لمرحلة انك تقتلى بنفسك اعز الناس عندك
هخليكى تبقى حد بشع بعيون الناس
هخليكى حد الناس تنفر منه
هخليكى تتمنى المووووووت ومش هطولييييييه
استسلميلى بارادتك صدقينى لو فكرتى تحكى لحد حرف زى ما عملتى انهاردة مع هند هخليكى تموتيه بنفسك
قلبى وجعنى شئ مرعب اسود اوقات حياتى
احساس الخوف والضعف
انا مرعوبة من الموقف،من منظر الشئ الغريب الى مقيدنى، من كلامة الى لما بيدخل ودنى بقشعر وبتنفض من شدة الرعب
بدا نفسى يقل من الخوف وبدأت احس انى بتختق ومش قادرة اتفس وبدأت افرك من الوجع كأن حد كاتم نفسى
مرة وحدة راح فكنى وقعد ع الارض وفضل يبوس برجلى ويعتزر ..
قعد يقولى انا بحبك ومش هقدر اسيبك لو سبتك انا هتعذب انا هتدمر انا ليكى عاشق انتى سلبتى روحى ....
وفضل يبكى بصوت طفل صغير
ولكن مرعب
مرعب لدرجة انى قربت افقد الوعى من هول الموقف
استمر الوضع ساعات
ولكن مع اول الله اكبر اتقالت وقت اذان الفجر
لقيت الشيطان دة قام وقف وبرقلى بعنية الحمر المرعبة وبدئ يصرخ يصرخ ويلف بسررررررعه بسرررررعه حوالين نفسة
فى لحظة اتحول لشئ اسود واختفى
حسيت لحظتها بقبضة غريبة
وبرودة فظيعه بالجوووو وحسيت كإنى فاضية من جوايا
وجسمى مكسر كانى طول اليوم بجرى
وصداع رهيب من كتر العياط الى عيطته
قمت من على الكرسى حاولت اروح على السرير
وقعت على الارض حسيت انى معنديش طاقة اتحرك
زحفت لحد موصلت للسرير
مسكت بالكومود
وسندت
واترميت ع السرير... من غير تفكير بلحظة
نمت ....
معرفش مر كم ساعة
ماما دخلت عليا
هدير هدير يلا اصحى
هدير فوقى
هدير . هديييييير هدييييييير
انا سامعه
بس مش قادرة ارد
حاسة روحى مسحوبة
معنديش طاقة افتح عينى
جسمى مهدووود ومكسر بشكل بشع
بدأت اقاول
وفتحت عينى
م... مام.... ماما
ان ا عاوزة اقولك
بحاول اقاوم تعبى واحكيلها
لازم حد يساعدنى
انا معرفش اى الموقف الى انا فيه
سألتنى فى إية يا هدير تعبانة ولا اى
قلتها فى .....
ولسه مكملتش الكلمة لقيت عنين ماما اتحولت لعنين الشيطان
وبيبصلى بصة غضب ...
خفت احكى ياذيها
قعدت او قعد مش عارفة هو مكنش صوت ماما
فقعدت تقولى قووووووووولى
قوووووولى يا هادييييييييير
هو دخل جسم ماما
انا لو نطقت ممكن يقتلها
هو استحوذ عليها بلحظة..
هو بيهددنى
رحت اديتها ضهرى
وقلت انا تعبانة شكلى بردت
سيبينى انام شوية واطلعى
راحت ردت عليا بصوت ماما
سلامتك يا حبيبتى
سمعت صوت ماما ادورت تانى نحيتها..
لقيتها قفلت الباب
وهو قعد جمبى على السرير..
بيمشى ايدة على شعرى
وبيقولى
اهون عليكى
عاوزانى اتأذى
عوزانى ازعل وراح شدنى من شعرى هبدنى على الارض
وكتفنى جامد وفضل يشيل دماغى ويهبدها بالارض
ويقولى قلتلك بلاش
قلتلك متخلنيى ااذيكى
ويشيل دماغى ويهبدها
ويقولى متخلنيش اكرهك لو كرهتك هكرهك حياتك
قام وقف وفضل يحك ضوافرة بالحيطة
ويقول ازاى انا اعمل فيها كدة
ازاى انا ااذيها
ازاااااااى اعمل كدة
ويصرخ ويحبط دماغه بالحيطة
فضل ياذى نفسة جاااااامد
ويصرخ بصوت مرعب وصوت نفسه بقى يشبه صوت الرعض
ولقية لف بسرعه حوالين نفسه
واختفى .......
انا فضلت مكانى على الارض انا حاسة بكل حاجة وسامعه بكل حاجة
بس خلاص جسمى اتهد تماما تقريبا دراعى اتكسر
واجعنى جامد
دماغى مش متحملاها من الوجع
وفى جرح برقبتى
تقريبا من ضوافرة
شعر كتير اتقطع منى حساه طالع بالدم من دماغى
انا تعبت
روحى اتعذبت
مش عارفه المفروض استسلم ولا احكى
ازاى استسلم لشيطان
انا مرعوبة من الفكرة...
يعنى اية اعيش مع شيطان
اسود وعنية حمرا وشعره ابيض
وقرونة تشبه جزوع الشجر
كل دة بيمر قصادى
وبرضو بحاول افكر بحل....
اعمل اية
انا للازم اقوم من على الارض عشان محدش يدخل عليا يلاقينى كدة
فضلت حوالى ساعه على الارض...
بحاول اقوم اطلع على السرير
جسمى واجعنى اوى
بعيط من كتر الوجع
مش قادرة
اكيد دراعى اتكسر....
حاولت وفضلت احاول
وطلعت ع السرير
خدت نفس عميييييييق حساه جرح روحى وهو بيطلع من كتر منا موجوعه
فكرت الاول اقولهم سبب الكسر والجرح اية
قلت هطلع واتكعبل واصوت واندة عليهم وكلنة وقت واتجرح
بس ازاى هوصل لباب الاوضة
اعمل اية
فضلت احاول واتسند اتسند
لحد مفتحت الباب
ووصلت نص الصاله ورحت قعدت بالارض وقعدت اصوت
صوتى مش طالع من كتر من مهدودة
ماما حست عليا هدير مالك
قالت اتكعبت
.. وقعت.... قالتلى ازاى
قلتلها معرفش.... قومتنى وقعدتنى لقت دراعى ازرق وف جرح برقبتى قالت ايييييىة كل دة ازاى وقعة تعمل كدة
المهم قعدت تحاول تحرك دراعى ع تشوف اذا كان سليم ولا فيه حاجة انا ساعتها قعدت اصرخ اصررررخ جامد جدا من كتر الوجع ومن كتر ما انا نفسيتى تعبانه وقعدت اعييييط جااامد جاااامد عياط هستيرى راحت قالتلى لازم ننزل المستشفى دلوقتى حالا وقالتلى هخش اجبلك عباية من جوة واقول لهند اننا نازلين انا هزتلها راسى بالموافقه وقااااامت دخلت بسرعه قالت لهند اختك وقعت ودراعها اتكسر تقريبا وهنزل انا وهى بسرررعه نروحه نعمل اشعة قالتلها طيب اجى معاكو قالتلها تيجى معانا فين ده انتى لسه عاملة عمليه وفيه جرح كبير فبطنك احنا مش هنتاخر الميه جمبك والعصير جمبك والفون ف اديكى هننزل ونرجع قبل ما ابوكى يجى لو حصل حاجه وتعبتى كلمى جارتك ال فوقينا وادى رقمها وانا هسبلها المفتاح تحت الدواسة عشان لو تعبتى تتصلى عليها تدخلك معلش ياهند هسيبك لوحدك علشان هدير تعبانه جدا ومش هتأخر دخلت ماما لبست عبايه بسرعه وجابتلى عبايه من بتوعها بكباسيل من قدام ساعدتنى فلبسها وسندتنى ونزلنا روحنا كشفنا استقبال عظام عملولى آشعة الهم ظهرت الآشعه وطلع كسر مضاعف وطبعا دخلت اجبست الدكتور سألنى ازاى حصل كده حكتله قالى نعععععععم! ده انتى ع كده بقى ماتشربيش لبن خالص وضحك ضحكه باااااااااااردة راحت ماما قالتله مغلباااانى دى ماتقربلوش ابتسمتلهم خلص الدكتور التجبيس ماما اتصلت ع بابا ع كان معاد مرواحه جه قالتله استعجل واطلع ع البيت ع هند لوحدها قالها اومال انتو فين قالتلو هدير وقعت واديها اتكسرت قالها اتكسررررت!!! طيب انا جايلكو ع المستشفى قالتلو لا اطلع ع البيت هند لوحدها واحنا خلاص خلصنا ومروحين ...
بالطريق واحنا مروحين ماما قعدت تسألنى هدير هو انتى كويسه؟ حساكى متوهه مش معايا هى عنيكى حمرا ليه كده انتى هو انتى مانمتيش ؟ وليه راسك ابتدت تزرق م الجمب شكلك اتهبتدى جامد ع الارض ومش لاقيه مبرر للجرح ال فرقبتك ده المهم روحنا واتغدينا وبابا قعد يقول هو فيه اى هو امبارح هند والنهاردة هدير؟ الواحد مش عارف يلاقيها منين ولا منين يلا الحمد لله فضلنا قعدين فالاوضه عند عند انا جمبها ع السرير وبابا وماما ع الكرسى قدامنا قعدنا نتكلم لحد بعد المغرب كده بعد كده مرة واحدة ظهرلى فوشى طالع م المراية شاورلى وقالى تعالى وطلع من باب الاوضه انا بررررقت وسكت ما اتكلمتش وعملت نفسى بنام قعدو يقولولى روحى نامى ف اوضتك قلتلهم لا انا تعبانه ومش قادرة مش قادرة هنام جمب هند وحاولت امثل انى بفصل بجد قالولى خلااص نامى جمب هند النهاردة هند رفضت رفضت جااامد وفلحظه لقيته ظهر تااانى ف الاوضه وساند بدراعه ع كتف بابا ومبرقلى وقام لااافف ايده حوالين رقبه بابا وبابا قعد يكح جااامد وبعد كده فك ايده وبابا وشه احمر جدا وعمااال يكح جريت ماما تجبله ميه راح مبرقلى وشاورلى وصرررخ بصوووت عالى اوى وقالى تعاااالى ورايا انا ساعتها اترجيت من جوايا واتفجعت جدا وقعدت ابص عليهم خدو بالهم ؟ ولا انا بس ال سمعاه وشيفاه؟؟ روحت قمت وقفت قلت لبابا انت كويس؟ قالى اه قلتلهم طب انا داخله اوضتى انام بصولى باستغراب وقالولى انتى مش كنتى عاوزة تنامى هنا؟ قلتلهم فكرت وخفت دراعى يخبط جرح هند تصبحو ع خير فتحت باب اوضه هند وطلعت وقفلت الباب ورايا لقيت الشيطان فوشى قام شالنى ودخل بيا الاوضه وحطنى ع سريرى انا م الرعب جسمى قعد يعرق جااامد جامممد جااااااامد وقعدت ارتعش جامد جامد جامد وقف بعيد وقالى انا آسف انتى ال بتضطرينى لكده انا النهاردة هقولك لآخر مرة ب ارادتك قبل مايبقى غصب عنك استسلمييييييييلى ....
يتبع
#العاشق
الجزء #الرابع
فضل يكررها كتير استسلميلى هعيشك حياه حلوة مافيش انسى هيقدر يعيشهالك هجيبلك بيت واسع كل حاجة فيه مدهونة بالدهب وهجيبلك ناس تخدمك وهجيبلك كل الى تفكرى فيه من قبل حتى ماتفكرى
انا ممكن اتملكك غصب عنك ومش هتقدرى تقومينى ممكن الغى عقلك نهائى بس حابب احس انك اخترتينى بنفسك ممكن اوقف قلبك بس حابب اسمع صوت دقاته صوتة بيغرينى انى اقرب منك اكتر انا بحبك وحابب تكونى ليا عشان حبانى
اخر وحدة رفضتنى من اكتر من 100 سنة خلتها موتت جوزها وعيالها ومامتها
وعيشتها 20 سنة بعدها بتتمنى تمووت وبالاخر ماتت
ضيعت مستقبلها وماضيها وحاضرها
عشان كانت رفضانى ومبدية جوزها عليا بس انا خليته يكرها ويتجوز عليها وخليت بناتها يحبوا مرات ابوهم ويكرهوها
وبالاخر كلهم ماتوا
تحبى اموتلك هند؟ ولا ماما ولا بابا الاول؟
هيخبطوا عليكى حالا اوعى تقولى حاجة
وفعلا باب اوضتى خبط ولقيت بابا بيسالنى عاملة اى دلوقتى
قلتله كويسة
هنام
قالى اى قله الذوق دى انا غلطان انى عبرتك
وقفل الباب
ظهرلى تانى .....
قالى انا نسيت اقولك حاجة مهمة انا اسمى عازم عمرى 167الف سنة
انا مبسوط منك عشان مقولتيش لبباكى حاجة
قرب منى عازم .الشيطان. وقرب من ودنى ورفع شعرى من على ودنى وقالى بصوت واطى انتى ليا
حسيت ساعتها رجلى مبقتش شيلانى وانى خلاص فقدت القدرة على المقاومة وهو قرر يلغينى ويحركنى زى لعبه ف ايدة..
خدت نفس عميق وقلت مش هستسلم...
انا مش هعيش جمب شيطان
جبت جبروت وطاقه وقوة اعصاب وجرائة معرفش منين
وقلتله انا رفضاك ومش معترفه بيك
ولو فعلا تقدر تعمل حاجة اقف مكانك دقيقة واتفرج عليا وانا بموت نفسى
ورينى هتقدر تمنعنى ازااااااى
لو تقبل تاخد قلبى غصب عنى اعملها بس بعد م اموت انا مش هتستلم لشيطان زيك انا اقوى منك
وجريت فتحت البلكونة ووقفت على الكرسى وقررت انتحر..
عشان ارتاح من الرعب الى بقيت فيه والى ناوى يعيشنى فيه
قلتله انا هموت ولا انى اعيش مع شيطان رجيم زيك...انا وانت عكس بعض ومننفعش لبعض
اتفرج عليا وانا بختار اموت ولا انى اعيش معاك واخضع لشيطان زيك
لو فعلا انتوا ممكن تحبوا وتعشقوا زينا اكيد هيبقى عندكم احساس
وحتى لو معندكش احساس المهم اخلص منك انا هبيع حياتى ومستقبلى ولا انى اعيش خايفة ومرعوبة
غمضت عينى وفكرت باهلى بابا وماما وهند
فكرت بصحابى وبجرانى بالذكريات والاحلام والطموح والى فات والى جاى
وحدفت نفسى من البلكونة
..............................
سمعت صوت ماما هدير اصحى انا نازلة رايحة الشغل خلى بالك من اختك هند
فتحت عينى وبدأت افهم الموقف
هو انا موت ودى الحياه التانية.....
ولا اية الى حصل....
انا مش فاهمة حاجة انا المفروض ميته.
طيب هى ماما فتحت الاوضة وشافتنى ولا انا ميتة وروحى بالمكان...
بصيت على ايدى ولمست جسمى انا حاسة بكل التفاصيل قمت بصيت ع نفسى بالمراية
انا اهو مافيش اى اختلاف
قعدت الف حوالين نفسى سريرى دولابى لاب توبى
البلكونة مقفولة والستارة مقفولة
فتحت الباب وطلعت اكلم ماما ووقفت بوشها ماما شيفانى
قالتلى مالك يا هبلة......
يبقى شيفانى حضنتها جامد ومن الفرحة دمعت
وجريت على هند شيفانى ...شيفانى يا هند
هند بصتلى من فوق لتحت .....وقالتلى مع الاسف
اتنفست نفس عمييييييق
وحسيت ان جبل اتشال من على صدرى
روحى مرتاحة جدااا كان شئ ما لم يكن قلتلها هدخل الحمام واغسل وشى واجى
دخلت الحمام وغسلت وشى وسنانى وطلعت على اوضتى قعدت اسرح شعرى وحسة ان الكابوس راح.....
وانا بمشط شعرى وببص بالمراية
لقيتنى بقيت بالبلكونة
والدنيا ليلت
وانا واقفة على سور البلكونة وبحدف نفسى
لقت عازم .الشيطان.. شدنى حدفنى على الارض
وقالى انا بحس وبحس اكتر من واكتر من اى انسى فيكوا
انا مش هرضى انك تعيشى مجبورة عليا انا هسيبك اوعى تذكرى اسمى لحد بيوم... انا كرهتك
وقعد يخربش وشة جامد ويقطع لحم جسمة ويقول ااااه بصوت مرعب ومفزع ولف حوالين نفسة جااااااامد واتحول لشئ اسود
وبعد كدة اختفى
ورجعت لقيتنى قدام المرايا تانى وبسرح شعرى والدنيا نهار
لكن دموعى بتنزل منى من غير محس من هول الموقف
انا فهمت انة بيحاول يفكرنى بالى حصل وعقلى كان رافضة
تمالكت نفسى
بصيت حواليا كلة تمام وبخير محدش مقيدنى محدش بيهددنى الكابوس خلص .
عدى يوم والتانى .... عدى شهر والوضع زى ما هو مافيش عزام مافيش كوابيس بقف قدام المرايا بالساعات مافيش حاجة بتحصل
خلال الشهر دة هند اتقدملها عريس واتقرت فتحتها وانا جت ام محمود ومحمود وشافونى وحصل القبول وقررنا نقرا الفتحة بعد مفك الجبس باسبوع
انهاردة هفك الجبس....
اخر ذكرى لعزام عندى...
رحت مع بابا المستشفى وفكيت الجبس كل الامور بقت تمام
بدئت انزل اشترى فستان واحضر تفاصيل الخطوبة او قراية الفاتحة .... محمود مستعجل هتجوز خلال 3 شهور عشان هنسافر نعيش بدبى عشان شغله هناك
محمود كان شاب لطيف الصراحة
ميترفضش شقة بمكان ممتاز راتب ممتاز وظيفة ممتازة
دة غير شكلة مقبول جدا بالنسبالى
بس كان ناقصنى الشغف ...
مكنش مجنون بحبة ليا او كان تقليدى جدا..
او يمكن انا اتعودت على درجة حب عازم....
اى الى انا بقولة دة ....
استغفر الله العظيم
اتقرت فتحتنا ... التفاصيل الروتينية دورنا ع عفش..مطبخ .. خلاط ..لاب لاب لاب لاب... الى اخرة
بكرة فرحى ....
وانا بشترى شوية تفاصيل
قلت لهند تعالى نتمشى على الكورنيش شوية...
نسترجع ذكرياتنا سوا
واحنا بنتمشى قابلنا وحدة بترسم حنة
عرضت علينا ترسملنا انا رفضت بالاول ع كدة كدة هرسم بالليل بس هى اصرت لما عرفت انى عروسة قالتلى هرسملك رسمة هدية عشان خاطرك يا عروسة ومش محتاجة مقابل
اغرتنى الصراحة ابو بلاش كتر منة
طلبت منها ترسملى رسمة صغيرة
اخر كف ايدى من قدام عند الشراين كدة..مكان الانتحار... حسيت المكان دة هيبقى مميز
طلعت الحنة ومسكت الفرشة ورسمت وهى بتتكلم بصوت واطى.. سمعتها قالت عزام
زقيت اديها وقلتلها بتقولى اييييه
قالتلى بقولك اعزمينى بقى يا عروسة
مالك خايفه ليه كدة
قلتلها لا مش خايفة حبيبتى ولا حاجة تنورينا طبعا
كملت الرسمة ومشينا
روحنا البيت ...
نمت ...
حلمت بعازم .. الشيطان..
لابس عريس وانا عروستة
صحيت مفجوعة
على اذان الفجر ....
.....يتبع.......
#العاشق الجزء الخامس والقبل الاخير 😍
مع اذان الفجر ....
صحيت مفجوووعه انا حلمت بعازم..الشيطان...
كان بقالى شهور مرتاحة لا بحلم بيه ولا بفكر فيه...
لا كنت بفكر فيه احيانا.. تجربة فى حياتى ومكنتش سهله وديما غصب عنى كنت اسرح فى طريقته معايا واقرن بينة وبين محمود اكيد منتهى التخلف منى بس غصب عنى محمود كانت مشاعرة باردة جداا كان رزين بشكل مبالغ كان عادى يسيبنى انام زعلانة عادى يكسر خاطرى زية زى اى راجل مصرى مبيقدروش مشاعرنا عازم.. الشيطان.. كان غير .. كم يوم او كم ساعه عشتهم معاه كانوا مرعبين بوقتها لكن من بعيد ...وبعد شهور ... افتكرت تفاصيل محستهاش وقتها لما كان يقعد تحت رجلى يقولى سامحينى.. انا اسف
او انتى ليا او استسلميلى
لما بفتكر الكلمات دى دلوقتى بحن لسماعها معرفش من عازم..الشيطان.. ولا محمود خطيبى
طيب دى تعتبر خيانة ... انا مش فاهمة اى الى انا بعمله او اية الى انا بقولة
شكلها رهبة الجواز او التردد الى بيجى لكل عروسة قبل فرحها بايام
دماغى مشتته جدااا مش عارفه بعمل اى ولا بفكر فى اية احسنلى احاول انام عشان ميبقاش وشى مرهق بكرة وابطل تخلف واحمد ربنا ان الموضوع دة انتهى
حاولت انام مش عارفه نهائى النوم طار .. دماغى شغاله وبحاول ابطل التفكير فية
لدرجة انى قمت حطيت الفون بودنى وعليت الاغانى بصوت عالى عشان مفكرش
ابداااااا...
ياربى انا اتجنيت
قمت كلمت نهى صحبتى
ردت عليا فى اية يا هدير محمود طفش ولا ايه
قلتلها اى الهبل دة
يطفش فين يا بنتى اتلمى بقى انا اعصابى تعبانة ومش فيقالك...
قالتلى مش فيقالى اتصلتى ليه يا ست هانم وصحتينى من النوم مش كفايه البهدله الى اتبهدلتها معاكى الشهور الى فاتت هنخلص منك امتى
قلتلها مش عارفه انام يا نهى اعصابى تعبانة .. مش عاوزة اتجوز..
قالتلى امممممممممم ماتتجوزيش بسيطة
قعدت اعيط جامد وصوتى مكنش طالع
قالتلى فى اى يا بنتى بصى يا هدير الى انتى فيه دة طبيعى جداااا بيحصل لاى عروسة قبل فرحها احساس بالرهبة من الحياه الجديدة وانك هتسيبى بيت اهلك وبباكى وطنط وهند ومسؤليه داخلة عليها ف طبيعى تكونى خايفة كدة بس لازم تبقى قوية و....
سكتها....
نهى انا بفكر ف حد تانى
قالتلى نعم...
حد مين ...
لسة جايه اقولها ع....
افتكرت انة قالى متجيبيش سيرتى واصلا مش هتصدقنى ولو صدقتنى هتعملى اى
قلتلها زميلى بالشغل كان نفسى يتقدملى والفت حوار ...
قالتلى دة كله من ضغط الفرح ع فكرة ودى فكرة بتحاول تسيطر ع دماغك ع تبوظى الفرح ومش موجودة اصلا...
كملنا المكالمة فى كلام مافدنيش بحاجة لانى مش عارفة احكى الحقيقة ولا عارفه اصلا لو حكيت هحكى اى
قفلت وقلتلها هنام...متتاخريش عن 10 بالكوافير ع هحتاجك من اول اليوم
قفلت معاها وحاسة ان مشاعرى متوترة جداااااا مش عارفه اعمل اى ولا عارفه افكر ف اى حاسة بدوشة فظيعه بافكارى...
تليفونى رن .. محمود... 6 الصبح...خير شكلة هيطفش بجد
الو يا محمود ..خير
محمود.. وحشتينى
قلتلة اى دة فى اى اى الى مصحيك
قالى حسيت انك بتفكرى بيا شوفتك بالحلم
اتخضيت اووووى اى الى انت بتقولة دة فى اية يا محمود انت بتقول اى ع الصبح ..
قالى فى اى يا حبيبتى مالك انا حسيت انك طبيعى تكونى متوترة فقلت اكلمك اهديكى
قلتله عرفت منين..
قالى حسيت بيكى يا هدير عاوزك تهدى خالص وماتخفيش من الى جاى عشان انا ديما هفضل جمبك مهما حصل انت ليا اصلا من قبل متتولدى
هو قالى انتى ليا وانا حسيت برعشة بجسمى وبرودة وجسمى فضل يتنفض
قلتله انت مش محمود
قالى يخربيت الجنان ع الصبح فصلتينى يا هدير امشى سلام
وقفل بوشى
قعدت مبلمة ..اى الى انا بقولة ولا بفكر فيه دة ازاى اقولة كدة ازاى اصلا افكر ف كدة انا اى بيحصلى
انا تعبانة... وقعدت اعيط
حسيت بحد معايا بالاوضة
والله العظيم حد معايا بالاوضة سامعه صوت نفس حد معايا ف حد بيلف حواليا
انا متاكدة دقات قلبى بتذيد اكيد معرفش هل انا حالة اعيش الوهم ولا دة بجد بس والله حد معايا بالاوضة
قعدت ادور وابص بكل حتة ع ..امل .. انة يظهر ..او خايفة انة يظهر مش فاهمة ف اى
انا لازم اشوف حل انا اعصابى تعبت
رحت اتصلت ع محمود
محمود انت نمت رد عليا باسلوب وحش فى اي يا هدير بتتصلى بدرى او كدة ليه نامى يابنتى قدامنا يوم طويل
والسكة اتقفلت
ملحقتش افهم هو زعل من كلامى من شوية ولا اصلا هو مكلمنيش من شوية
رحت اتصلت تانى
لقيت الفون مقفول
فضلت بالوضع دة لحد م الساعه بقت 8 المفروض هبدء اجهز وانزل
بصيت على كل تفاصيل اوضتى هتوحشنى .. فى قبضة بقلبى .. مش فاهمة سببها
دققت النظر بكل تفاصيل اوضتى وكانى بودعها للمرة الاخيرة بصيت ع المرايا
حسيت بقبضة بقلبى طلعت جريت صحيت ماما وبابا وهند وعملت دوشة بالبيت عشان اتناسى احساسى
صحوا كلهم
زغاريط بقى وعلو الاغانى وفضلو يقولولى يا عرووووسة مبروووك وزغاريط وانا بحاول ابادلهم الاحساس ع محدش يقولى ف اى عشان اصلا مش فاهمة ف اى
طلعت ع الكوافير مع هند وصحاببى حصلونى
كل حاجة طلعت زى منا عاوزة
الفستان الميكب كل التفاصيل
فاضل الطرحة
جة واحد دة ركبهالى وتمم ع فورمة الشعر وقرب من ودنى وقالى مزهلة انتى انهاردة
ومشى بسرعه
لفيت بسرعه ابص عليه اختفى
سالت عليه فين الى عملى الطرحة قالولى ليه ف اى
قلتلهم اصلى عاوزة اغير حاجة
قالولى اسمة اى قلتلهم معرفش
طيب شكلة
قلت راجل مش فاكرة مركزتش
قالولى طيب خلاص هنبعتلك حد يعملك الى عوزاه رفضت واصريت ع دة قالولى مش فاهمين مين عملك
قعدت ازعق وبعدين حسيت انى بقيت عروسة هبلة قلتلهم خلاص خلاص
جة مححمود واخدنى
كان باين ع وشة انة مضايق مبصش حتى عليا وعلى فستانى
ولا قالى كلمة حلوة..
طول الطريق ساكت وانا متغاظة اى قله الزوق دى ولا هعبرة
فضل كدة لحد موصلنا القاعه حسيت شكلى بقى وحش كانة مغصوب ع الجوازة
قلتله مالك يا محمود فى اى مينفعش كدة
قالى انا كويس كويس معلش كان يوم طويل ومرهق...
قلتله نعم ... بتقول اى ودورت وشى طبعا الكل خد باله وجم صحابى ينبهونى ع شكلنا مستفز وملفت
زعقتلهم ..سابونى ومشوا
عدا اليوم الغريب وطول الطريق انا مدورة وشى وهو مفكرش حتى ينطق حرف وقررت هسود عيشتة عشان بوظلى احلى يوم بحياتى.. المفروض.. وخلى شكلى زفت
ماشى يا محمود بس نروح البيت والله لعرفك ازاى تعمل معايا كدة
وصلنا البيت
دخلت الاوضة وقفلت عليا ..وغيرت هدومى
استنيت محمود ساعه مجاش
ماشى يا محمود تقل حسابك تقل
بعد ساعه خبط محمود ودخل
تقريبا اول مرة اخد بالى من تفصيل شعرة وبدلتة وتسريحتة
اية دة ازاى القمر دة قاعد جمبى طول اليوم ومش خدت بالى
نسيت انى نوياله ع نية سودة قرب منى وقعد جمبى على السرير وقالى اخيرا بقيتى ليا برضاكى
اتفجعت وقمت وقفت وبرقتلة
نعم......
ييتبع
😍#العاشق
الجزء #الاخير
النور قطع قعدت اصوت واجرى يمين وشمال واتخبط بالعفش عشان مش متعودة على اماكنة لسة
ومحمود يقولى فى اية اهدى اهدى هجيب شمع واجى اهدى يا بنتى انتى ملبوسة ولا اى
وانا اصرخ واجرى يمين وشمال
بعد دقيقة بالظبط النور رجع
محمود كان بالمطبخ بيجيب شمع
انا فضلت واقفة مكانى خايفة من محمود او بمعنى اصح فكرتة عزام ..الشيطان.
لما رجع لقيته جايب فى ايدة جاتوة وبيبسى وقالى يلا يا مجنونة تعالى ناكل دة الى عرفت احضرة
برقتله كدة شوية قالى ها خدتيلى كم صورة كل دة عياط يا هدير عشان النور قطع امال هتعملى اى لما اجازتى تخلص وارجع دبى هتعملى اى لحد م اجهزلك ورقك واخدك
بدئت اطمن... قرب منى وادانى طبق وكانز وقالى كلى
خدت جزء بطرف الشوكة .. الاكل واقف فى بقى حسة فى عياط جوايا مش عارفه ابلع
واتفتحت بالعياط
محمود قعد يسالنى فى اية يا هدير اهدى يابنتى انتى مضايقة انك اتجوزتينى ولا اى
هزيت راسى كانى بقولة لا
قالى مال اى مش طبيعيه
قلتله انت الى مش طبيعى قالى لية عملت اى
قلتله طول الفرح مكشر
قالى معلش جالى فون قبل ماجى اخدك ع الكوافير عكننونى جدا
قلتله خير يا محمود
قالى انا مسافر دبى كمان 6 ساعات
قلتله نععععععم
قالى فى مصيبة بالشغل هناك ولازم اسافر وارجع بعد 3 ايام قلتله انت بتهزر
كنا اجلنا الزفت الفرح فين الفرح فين الجواز فين شهر العسل والطيارة الى حجزينها الصبح
والبيت الى ماجرينة شهر بالغردقة ...
وقعدنا نتخانق كتير وانا سبت الاوضة ورحت اوضة الاطفال وقفلت الاوضة عليا وقعدت اعيط
معرفش بعيط على اية بالظبط انا مش فاهمة مشاعرى نهائى
قعد يخبط عليا كتير ويقولى والله لما ارجع هعوضك وهعملك كل الى نفسك فيه وغصب عنى والله لو مرحتش هترفد ودة مستقبلنا
وانا مش سمعاه اصلا وفضل الوضع دة لحد مجة معاد سفرة
قالى طيب مش هتسلمى عليا مردتش عليه قالى ماشى يا هدير
انا مش هنسى الى انتى عملتية دة حسابنا لما ارجع
اشوفك ع خير
اتفتح باب الشقة .... واتقفل
زعلت .. ندمت اضايقت كل الى تتخيلوة
جريت فتحت باب الاوضة دورت علية ملقتهوش
بصيت من البلكونة لقيته ركب عربيتة ومشى
قعدت بارض البلكونة اعيط اعيط اعيط مش عارفه اعمل اى
بعد ساعه بالظبط الباب خبط
رحت افتح مين؟
انا يا هدير محمود
افتحى...
فرحت اووووى وفتحت الباب
حضنى جامد جدا وقالى مهنش عليا زعلك وقلت تولع الدنيا ولا هدير تزعل منى بيوم زى دة
قلتله طيب عملت اى بالشغل
قالى كلمتهم واعتزرتلهم انى مش حقدر اجى ولو مش عاوزنى تانى يقولولى
ردوا عليا انهم مقدرين الوضع وهيمسكونى فرع مصر لمدة سنة وبعد كدة اطلع دبي تانى
فرحت جدا عشان حسيت انى مهمة عندة وانة اختارنى وباع كل حاجة عشانى
عدى اليوم طبيعى جدا
والصبح سافرنا واتفقنا اول م هنوصل هنقفل الموبيلات طول الشهر ونفصل نفسنا عن العالم ونستمتع بشهر العسل
وبدئنا شهر العسل
محمود طلع شخص مختلف تماما بعد الجواز شخصيه جذابة جدااااا بيحبنى بطريقة عجبانى زى طرق افلام العربى القديمة منتهى الدلع والحنية والكلام الحلو
عينى مبتقعش ع حاجة الا ما كان بيجبهالى حتى من قبل مفكر ديما كان فاهمنى
كل حاجة معاه كانت قوية وعميقة اووووى
عشت اجمل ايام حياتى الصراحة مع محمود حسيت انى كنت ظلماه اوى ومكونتش فهماه ايام الخطوبة دة غير حوار الزفت ...عازم الشيطام .. كان ملخبط دماغى التجربة مكانتش سهلة برضو
عدى الشهر زى قصص الف ليله وليله واتعلقت اكتر بمحمود وحبيته اكتر وبقيت ببصله بعين مختلفة تماما مبقاش الزوج المناسب مديا واجتماعيا بس لا بقى حبيبى
رجعنا اسكندرية بعد م الشهر خلص على 12 بالليل
طبعا التليفونات كانت مقفولة شهر
همة عارفين بس اكيد وحشناهم جدا
قالى بلاش نكلمهم خلينا نعملهلهم مفاجأة بكرة
ونروحلهم قلتله تمام
غيرنا هدومنا ونمنا
باب الشقة خبط الساعه 6 الصبح قمت ملقتش محمود جمبى قلت يمكن نزل يجيب حاجة ويجى وعاملى مفاجأه وجريت فتحت الباب
لقيت هند وماما لابسين اسود وشكلهم مخييييف وحزييييين وبابا معاهم
جسم قشعر وقلبى اتقبض
قلتلهم فى اييييية مين مات مالكم لابسين اسود كدة
بابا صرخ بوشى كنتى فين الشهر الى فات
قلتلهم فى اية كنت بالغردقة منتوا عارفين ...
قالولى بتعملى اى بالغردقة لوحدك
وازاى متتصليش بينا وتقفلى تليفونك
انتى مش طبيعية يا هدير
قلتلهم هو فى اية يعنى اى بعمل اى ولوحدى
انا كنت مع محمود وهنكون بنعمل اى يعنى فى اية قلقتونى مالكم يا جماعه قلبى هيقف من الخضة اتكلموا كلام افهمو...
كل دة كنا ع الباب
دخلونى جوة وقعدونى
وقالولى ازاااااى كنتى مع محمود ومحمود من شهر مات بدبى بحادثة اول موصل هناك بطريقة للشركة
ومامتة جالها جلطة بالمخ ومحجوزة بالمستشفى بقالها شهر واحنا بقالنا شهر بندور عليكى بالمستشفيات والاقسام حرام عليكى يا هدير اية الى حصل معاكى
قمت وقفت وجريت دخلت الاوضة
شنط السفر اهى احنا لسة راجعيييين.... ملقتش شنط السفر
جبت التليفون ... الصور اهي ... ملقتش صور... قعدت اعيط واصوت والطم
راح بابا ماسكنى وراججنى اههههدددددى يا هديييير انتى بتقوووولى اييييييه احنا كنا مفكرينك عملتى بنفسك حاجة بعد معرفتى
محمود مااااااات مااات مات يا هدير مااااااات
انا من بعد الكلمة دى حسيت انى انفصلت عن الواقع سامعه اصواتهم داخلة ببعض كان ودانى مسدودة والدنيا بدأت تضلم
ومعرفش حصل بعد كدة اى
صحيت الصبح على صوت ماما بتعيط جمبى بصوت مكتوم
وفى صوت قران بصوت واطى
بدأت استوعب الموقف وفتحت بالعياط
وبجز على سنانى وصوت عياطة زاد
وقمت قعدت الطم
ماما ندهت على بابا وهند الحقونى هدير صحت وبتلطم
قعدوا حاولوا يكتفونى ويهدونى ونزل بابا جاب دكتور وجة وادانى حقنة مهدئه
نمت كتير معرفش اد اى
وصحيت على نفس الحاله كلموا الدكتور قالهم دى حاله انهيار عصبى لازم تتنقل المستشفى تبقى تحتةالملاحظة فترة
دخلت المستشفى 10 ايام اصحى اصوت يدونى حقنة انام
لحد مبدئت اهدى ودخلت بحاله صمت واكتاب
بابا وماما بيحاولو يعرفوا انا ازاى شهر معرفش ان محمود ميت
وكنت فين الشهر دة...
وانا رافضة اتكلم
الدكتور وقتها قال تطلع تكمل علاج بالبيت احسن يمكن نفسيها ترتاح
روحت بيت بابا
ماما وهند غيرولى هدومى وفضلو قاعدين جمبى لحد م نامو ع نفسهم
بابا خبط ع الباب ودخل صحاهم وبص عليا
عملت نفسى نايمة..
صحاهم و طلعهم وقفل الباب. قمت قعدت على كرسى السراحة وابص لشكلى الى بقى اكبر منى ب10 سنين وشعرى الى باظ وعينى الى دخلت لجوة وجسمى الى قرب يختفى
ظهر عازم..الشيطان .. بضهرى
مسك شعرى وبالمشط بدء يرفعه انا كنت فهمت الى حصل وان عازم قتل محمود
وانة جاى لا مفر وانى خلاص اتكتب عليا اعيش مع شيطانو.
لا مفر من النصيب ..
بس الغريب انى
لاول مرة مخفش منة بل كنت مستمتعة جدا بصوت نفسة ولمسة ايدة ليا وقربة منى انا بقالى شهر معاه اصلا
انا ثابتة بين ايدية ومغمضة عنية ومستسلمة تماما عشان احس بكل تفصيله بتحصل
بعد مسرح شعرى لمة بايدة ورفعه لفوق وقالى استسلميلى ....
التعليقات على الموضوع