رواية النمر🤔الحلقه 34
الحلقة ال ٣٤
معاذ / احمد اسمعنى خلى الى حصل معاك دة يكون خطوة للتحول للاحسن طبعا ومتخليش اى حاجة فى حياتك تهزمك
معاذ / يلا اطلع علشان تنام علشان عندك محاضرات بكرة الصبح جدولك محاضراتك جمب سريرك يلا
احمد بيبص اوى لمعاذ بعد كل المشاكل الى فى حيات معاذ
وحزنو على لؤلؤة وقلقو بيحاول يهتم بكل الى حولية واحمد بيطلع على اوضته ماكس باين علية العصبية و معاذ بيبصلو
معاذ / انت عاوزنى اعمل اية يعنى هى الى راحت وسابتنى
ماكس بيقاعد على الارض وكانو فاهم معاذ
معاذ / حتى انت زعلان منى اة انا اهملتها بس المفروض انها تقدر الى انا فى وتكون معايا مش تروح وتبعد
معاذ بيخلص كلامه مع ماكس وبيفكر فى لؤلؤة
*******************.
فى الصباح
شهد بتجهز الفطار لماهر
ماهر / شهد فيين القميص الابيض
شهد / عندك فى الرف التانى
ماهر بيكمل لبسو وموبيلو بيرن
شهد / ماهر الموبيل بتاعك بيرن
ماهر بيخرج بسرعة وبيرد على الموبيل
يوسف / صباح الخير
ماهر / صباح الخير مين معايا
يوسف / اكيد لزم تنسى صوتى هان عليك البطاطا المشوية
ماهر بيحاول يركز
ماهر / يوسف
وبيضحكو هم الاتنين
ماهر / يااااة انت فين واية اخبارك وشرين شرين عملة اية
يوسف / احنا بخير الحمد لله ومبرووك على الجواز
ماهر / الله يبارك فيك انت عرفت ازاى
يوسف / لؤلؤة
سراج / لؤلؤة عندك
يوسف / اة انا قولت لزم اقولك انها عندنا بس لؤلؤة متغيرة وحزينة وكمان قلقت انها رفضة ان اى حد يعرف هى فيين وكنا انا وشرين قلقنين عليها اوى
ماهر /لا متقلقش المهم متقولهاش انى عرفت خليها ترتاح شوية زى ما هى عوزة بس خلو بلكو منها انا مش هوصيكو عليها طبعا
يوسف / متقلقش عليها انا بس حبيت اطمنك انها فى امان
ماهر / ولو حصل اى حاجة كلمنى على طول
يوسف / ان شاء الله
ماهر بيقفل التلفون مع يوسف
شهد / حبيبى الفطار جاهز اية دة انت لسة مجهزتش هتتاخر على الشغل كدة
ماهر واقف وبيفكر
شهد / حبيبى فى اية انت كويس
ماهر / لؤلؤة عند يوسف وشريين
شهد / يوسف وشرين طيب كويس اننا عرفنا مكنها كلم معاذ بسرعة
ماهر / لا لا يا شهد لؤلؤة لم تكون حبة تتكلم هتتكلم اما دلوقتى خليها لوحدها شوية تفكر
شهد / تفكر فى اية معاذ جوزها ومن حقو يعرف مراتو فيين
ماهر / شهد مش عاوز نقاش فى الموضوع دة ماشى
شهد / خلاص ماشى وبتتعصب لية كدة ممكن تفطر قبل ما تمشى
ماهر بيروح يفطر هو و شهد
*******************.
لؤلؤة قاعدة فى الجنينة وشرين بتروح عليها
شريين / اية دة لؤلؤة منمتيش صح
لؤلؤة / مكنش جالى نوم وكنت بفكر شوية
شرين / اية رايك نروح انا وانتى نقطف فاكهة ونتمشى شوية
لؤلؤة بتوافق وهي و شرين وبيتمشو هم الاتنين
شرين / شوفى شجرة المانجة دى اول شجرة نزرعها انا ويوسف مع بعض وفضلنا كل يوم نسقيها ونحميها من قوة الرياح لحد ما كبرت نقاعد قدمها ونتفرج عليها كان حبنا بيكبر معاها كل يوم
لؤلؤة / على قد ان الحب دة بيسعد اوى على قد ما بيحزن اوى
شرين / يعنى الحب هو الى مخليكى حزينة اوى كدة
لؤلؤة بتشوف شجر العنب كتيير اوى
لؤلؤة / واااو جميل اوى المنظر دة
شرين / يعنى افهم انك مش حبة تتكلمى اوكى خلينا نجيب عنب يلا بينا
********************.
بعد يوميين
احمد بيخرج من الجامعة بيكون معاذ واقف قدم الجامعة بالعربية بتعتو وبيشاور لاحمد يركب واحمد مبسوط انو شافو وبيروح علية يحضنو
معاذ / اخبار الجامعة اية
احمد / يعنى كويس
معاذ / ولية بتقولها من غير نفس كدة
احمد / الطلاب بيبعدو عنى مفيش حد من الشلة حابب يتكلم معايا
معاذ / خلينا نروح نشرب حاجة مع بعض
ولسة هيتحركو وفى بنت بتنادى على احمد وبيبصو ورهم معاذ بيشوف بنت نحيفة بنضارة وبتجرى عليهم
رضوي / انا كنت بدور عليك يا احمد انا انا كتبتلك كل المحاضرات الى فاتتك كلها هنا قلت يعنى يمكن تحتجهم
احمد /اوكى ماشى
ولسة احمد هيمشى معاذ بيضربو فى رجلو وبيوقفو
معاذ بصوت واطى / قولها شكرا يا غبى
احمد بيبص لمعاذ اوى باستغراب
احمد / شكرا يا رضوي تعبتك معايا
رضوي اتبسطت اوى وبتجرى تروح تقف مع زمايلها وعنيها على احمد
معاذ / اية قلة الزوق الى انت فيها دى
احمد / فى اية
معاذ / يعنى باين ان البنت معجبة بيك
احمد / بس دى رضوي
معاذ / اية يعنى
احمد / رضوي الاولى على الدفعة السنة الى فاتت يعنى افهم باة
معاذ / ااااة وانت مبتعرفش غير التفهين يعنى
احمد / لا مش كدة بس مش مودى يعنى
معاذ / واية مودك يا استاذ احمد
احمد / عادى يعنى بس مش معقدة ونضارات وكدة يعنى
معاذ / الحياة بتديك فرصة جديدة حاول تستغلها
احمد بيبص لرضوي اوى و رضوي بتبصلو
معاذ / بس خطها مش واضح ممكن تعزمها على قهوة وتشرحلك المحاضرة
احمد بيبتسم لمعاذ وبيحضنو اوى واحمد بيسيب لمعاذ وبيروح يتكلم مع رضوي و معاذ مبسوط وبيبص عليهم من بعيد وبيركب عربيتو وبيمشى
********************.
بدر بيكلم معاذ فى التلفون
بدر /معاذ حابب اتكلم معاك
معاذ / انت فين
بدر / انا فى المكتب انت فين وانا هجيلك
معاذ / لا خليك انا جاى عندك
معاذ بيروح لبدر على المكتب والكل بيرحب بمعاذ و معاذ بيروح لبدر المكتب
معاذ / اية يا عم فى اية اة انت عرفت انى رجعت الشغل تانى وخايف طبعا انى اطردك من هنا
بدر / معاذ انا بحب
معاذ / بالسرعة دى من غير اى مقدمات يعنى
بدر / وكمان بحب اختك بسمة ومتسالنيش ازاى ولا امتى
معاذ بيبص لبدر
بدر / انا مش حابب اعمل حاجة من غير ما تكون عارف
معاذ بيبص فى الساعة
معاذ / انا ورايا شغل كتير
بدر / بس انت مردتش عليا يعنى افهم انك
معاذ / بسمة جاية دلوقتى هنا اتكلمو مع بعض واتفقو على كل حاجة مع بعض سلام عندى شغل
بدر واقف مكانو بيحاول يركز وبيجرى على برة وبينادى على معاذ و معاذ بيبصلو و بدر بيحضنو اوى بفرحة شديدة والكل بيبص عليهم وبيضحكو
معاذ /انت اتجننت قف تمام يا حضرة الظابط
بدر بيقف تمام
معاذ / مبرووك يا صحبى مبرووك
معاذ بيخرج وبيركب عربيتو وبيطلع صورة لؤلؤة على الموبيل بتاعو وبيبصلها اوى وبيحط صوبعو على خددها وبيمشى بالعربية
********************.
فى الليل
ماهر بيرجع من شغلو وبيشوف عربية معاذ قدم البيت وبيروح علية وبيبص بيشوف معاذ نايم فى العربية
و ماهر بيخبط على الازاز بتاع العربية و معاذ بيتخض وبيشوف ماهر و معاذ بيفتح ازاز العربية
ماهر / انت بتعمل اية هنا انت كويس
معاذ / مش عارف
ماهر / انت باين عليك مش نايم
عبد الله / بقالى تلات ايام منمتش انا دورت عليها فى كل حتى ومفيش فايدة
ماهر / روح البيت ارتاح شوية
معاذ / ارتاح ازاى وانا مش عارف هى فيين
ماهر / لؤلؤة بخير متقلقش
معاذ بيبص لماهر اوى وبينزل من العربية
معاذ / انت عارف فيين لؤلؤة
ماهر / معاذ انت باين عليك تعبان روح على البيت وارتاح شوية
معاذ / ماهر فيين لؤلؤة
ماهر / معاذ اهدى شوية
معاذ بيتعصب اوى
معاذ / انا بموت كل لحظة من حياتى وهى مش فيها وانت عارف لؤلؤة فيين ومش بتتكلم ازاااى
معاذ بيضرب ازاز العربية بايدو وبيتكسر وايدو بتتجرح
ماهر / انت مجنون
معاذ / مفيش حد حاسس بالوجع الى جوايا
ماهر بيجيب منديل وبيربطلو ايدو بسرعة
ماهر / ماشى اوعدنى انك مش هتزعلها تانى
معاذ بيبص لماهر اوى و ماهر بيشوف قمة الوجع الى فى عيونو
ماهر / لؤلؤة فى الواحات عند اتنين من اصحابنا
ماهر بيدى معاذ العنوان
ماهر / بس الطريق خطر هناك خليك الصبح احسن وكمان ناقص ساعتين على الصبح
معاذ مبيردش على ماهر وبيركب عربيتو وبيسوق بسرعة جدا وطول الطريق بيفكر فى لؤلؤة وبس
***********************.
لؤلؤة كانت نايمة فى اوضتها وبتصحى مخضوضة اوى
وبتخرج البلكونة وبتنزل الجنينة وشرين بتكون قلقانة وبتشوف لؤلؤة خرجة الجنينة و لؤلؤة بتبص بتشوف الشمس بتبدا تشرق والمنظر جميل اوى و شرين بتروح على لؤلؤة وبتبسها من خدها
شرين / صباح الخير على احلا لؤلؤة
لؤلؤة / صباح النور
شرين / هروح اجيب فاكهة ليوسف ولما ارجع هعملك احلا فطار
لؤلؤة / خلينى انا اجيب الفاكهة
شرين / بس احسن تتوهى
لؤلؤة / لا انا عرفت الطريق
شرين / اوكى
لؤلؤة بتاخد السلة بتاعت الفاكة من شرين وبتمشى ويوسف بيخرج وبيشوف لؤلؤة ريحة فى اتجاة جنينة الفاكهة
يوسف / حياتى مكنتيش خلتيها تروح لوحدها
شرين / هى حبة تروح خليها براحتها
ولسة يوسف وشرين هيدخلو البيت وبيشوفو عربية جاية من بعيد وبتدخل الجنينة وبتقف قدم البيت وبينزل معاذ منها
معاذ / مساء الخير
يوسف / بتقصد صباح الخير
معاذ / اة اسف صباح الخير
يوسف / صباح النور انت تاية صح
معاذ / دى مزرعة المهندس يوسف
يوسف بيقرب وبيسلم علية
يوسف / اهلا وسهلا انا المهندس يوسف
معاذ / انا بكون جوز لؤلؤة
شرين بتبتسم اوى
شرين/ يباة يوسف مغلطش لما قال انك تاية
معاذ بيبص لشرين
معاذ / كنت حابب اقابل لؤلؤة
شرين / لؤلؤة هنا بس مش هنا
معاذ / نعم مش فاهم
يوسف / روح دور عليها دى الجنينة و لؤلؤة راحت تجيب فاكهة والبيت بيتك
ويوسف بياخد شرين وبيدخلو البيت وبيسيب الباب مفتوح
ومعاذ بيبص عليهم اوى وبيستغرب وبيروح من المكان الى يوسف شاور علية و معاذ بيلف يمين وشمال والجنينة كبيرة ومش عارف يروح ولا يجى منين
لؤلؤة بتجيب فاكهة ومبسوطة من المنظر الجميل دة وبتشوف حمامة وقعة على الارض وبتمسكها وبتكون رجليها شبكة فى غصن شجرة وبتفكلها رجليها وبتخليها تطير تانى
معاذ بيشوف حمامة بتطير من بعيد وبيجرى على نفس المكان الى الحمامة طارت منو وبيدور على لؤلؤة وايدو بتخبط فى شجرة وبيتالم وايدو بتنزف كتير
لؤلؤة بتحس بحاجة انها بتتالم هى كمان و معاذ بيكمل تدوير عنها و لؤلؤة بتشوف شجرة كريز وبتسيب السلة وبتحاول تطلع على الشجرة وبتهز اغصان الشجرة علشان الكريز يقع
ورجليها بتتزحلق وبتصرخ و معاذ بيلحقها قبل ما تقع لؤلؤة مغمضة عنيها من الخوف وهى فى احضن معاذ وبتفتح عنيها براحة وبتتفاجا ان معاذ شايلها بين احضانو و معاذ بيبتسم اوى ودقايق الساعة بتتوقف من الحركة وكان الزمان توقف عندهم وبس
معاذ بيقرب من لؤلؤة علشان يبسها و لؤلؤة بتبعدو بسرعة عنها
لؤلؤة / انت انت هنا انت عرفت مكانى ازاى
معاذ / وحشتينى
لؤلؤة بتاخد السلة من على الارض وبتمشى وبتسيبو و معاذ بيبتسم اوى وبيبص عليها وهى ماشية وباين علية الراحة طبعا ولؤلؤة بتمشى وكل شوية بتبص ورها وبتروح على
البيت وبتخبط بسرعة وبتبص ورها على معاذ ومش موجود حوليها والباب بيتفتح و لؤلؤة لسة هتدخل وبيكون معاذ هو الى بيفتحلها الباب و لؤلؤة بتتخض وبتصرخ
لؤلؤة / انت انت اية الى جابك هنا
لؤلؤة بتبعدو وبتدخل
معاذ/ حببتى خلينا نتكلم مع بعض شوية
لؤلؤة / اية حببتك دة من امتى دة لما حسيت ان ليك حبيبة صح انا لزم اكون اخر اهتماماتك صح
يوسف / احنا هنسبكو لوحدكو شوية
لؤلؤة / لااا انتو ريحيين فين خليكو مفيش اصلا كلام ممكن يتقال تانى
معاذ بيروح على للؤلؤة وبيمسك اديها
معاذ / ممكن تهدى ونتكلم بهدوء
لؤلؤة بتبعد اديها عنو
لؤلؤة / قولتلك مفيش كلام بينا انا تعبت باة عوزة اعيش حياتى مرتاحة
لؤلؤة بتعيط اوى وشرين بتروح عليها وبتحضنها
يوسف / احنا مش عوزين نتدخل بنكو بس
ولسة يوسف هيتكلم وبيشوف نقط دم على الارض وبيبص على ايد معاذ وبيشفها بتنزف
يوسف / انت ايدك بتنزف
معاذ بيبص لايدو
يوسف / شرين هاتى شنطة الاسعافات بسرعة
لؤلؤة بتبص على ايدو وبتمسح دموعها ويوسف بياخد معاذ
وبيخلية يقاعد و لؤلؤة بتراقبهم من بعيد
يوسف /انت ايدك مجروحة اوى ازاى اتحملت الالم دة كلو
معاذ بيبص للؤلؤة الى باين عليها القلق لؤلؤة بتبصلو
ودموعها بتنزل ولسة يوسف بينضف الجرح و معاذ بيتالم جامد و لؤلؤة بتجرى علية بسرعة بحركة عفوية منها بتنفخ فى الجرح وشرين ويوسف وقفين بيبصو عليهم
لؤلؤة بتبص حوليها ومش عرفة هى عملت ازاى كدة واتوترت اوى و معاذ بيبتسم
لؤلؤة / اكيد فى حاجة جوة الجرح علشان كدة بتنزف لحد دلوقتى
لؤلؤة بتهرب من عيون معاذ وبتقرب شنطة الاسعافات وبتنضف لمعاذ الجرح وطبعا معاذ مش حاسس باى الم خالص و لؤلؤة بتطلع قطعة ازاز من ايدو
يوسف / خلينا نروح مستشفى احسن بس مفيش مستشفى قريب من هنا
معاذ / انا كويس مجرد جرح بسيط
لؤلؤة بتربط الجرح لمعاذ
لؤلؤة / الاحسن ان دكتور يشوف ايدك
وبيسمعو صوت عربية وقفت قدم البيت ويوسف بيخرج وبيرجع تانى
يوسف / شرين جهزى نفسك الرجالة وصلو
شرين / اصل النهاردة يوم الحصاد انا ويوسف هنروح نساعد الرجالة
معاذ / وانا و لؤلؤة هنتكلم مع بعض شوية
لؤلؤة / لا انا ريحة معاكو
و لؤلؤة بتمشى مع يوسف وشرين و معاذ مدايق وبيروح ورهم وبيقف بيتفرج على لؤلؤة وهى بتقطف العنب وبتاكل منو ومبسوطة وبتحطو فى السلة وبتجرى تقطف تانى ومبسوطة اوى وبتضحك هى وشرين مع بعض وبيهزرو
شرين / حرام عليكى شوفى واقف مشلش عونو من عليكى ازاى
لؤلؤة / شرين خلينا نخلص الى بنعملو
شرين / يعنى هو قاطع كل المسافات دى كلها علشانك وانتى حتى مش عوزة تتكلمى معاة
لؤلؤة / انا مقلتلوش انو يجى هنا ومش عرفة ازاى عرف مكانى
معاذ بيشوف يوسف بيشيل اقفاص العنب على عربية وبيروح بيسعدو
يوسف / انت ايدك مجروحة
معاذ بيبتسم ليوسف وبيسعدو فى شيل الاقفاص و لؤلؤة بتبص على لمعاذ وهو بيشيل الاقفاص مع يوسف وبتبتسم اوى
شرين/ الحب هينط من عيونك مكنتش هتخيل انك هتحبى ابدا
التعليقات على الموضوع