رواية النمر🤔الحلقه15
الحلقة ال ١٥
محمود / اة يا بنتى روحى انتى ارتاحى شوية وانا هفضل مع لؤلؤة النهاردة
و ايات بتبوس لؤلؤة وبتخرج و لؤلؤة بتبص لمعاذ وهو واقف ومشبك دراعو وبيبصلها ومبتسم و محمود بيجيلو تلفون وبيخرج يرد على التلفون
لؤلؤة / انا كنت بحلم بيك
معاذ / حلمتى بيا انا
لؤلؤة / انك كنت شايلنى وكنا فى مكان جميل اوى وكان الجو بيمطر
معاذ / دة من اثر الحرارة انتى تعبانة حولى متفكريش كتير ارتاحى
لؤلؤة / وانت رايح فيين
معاذ / انا هنا هكون برة لو احتجتى حاجة انا موجود
محمود بيدخل وبيبص لمعاذ اوى وباين علية مدايق
محمود / انا عاوز اتكلم معاك فى موضوع مهم
معاذ / باين ان حضرتك قلقان فى حاجة
محمود / قلقان او مش قلقان دى حاجة تخصنى انا
لؤلؤة / خالى فى اية انت لية بتقول كدة
محمود / انا ربيتك وكبرتك وعلمتك كويس اية الصح واية الغلط بس للاسف
معاذ / عمى ممكن تهدى وتقولى فى اية بالظبط
محمود / انت مش لزم تفضل هنا اكتر من كدة ياريت تخرج من هنا ومشفش وشك تانى
لؤلؤة بتحاول تقف علشان تروح لخالها وتعبانة و معاذ بيجرى عليها وبيمسك اديها وبيسندها ومحمود بيروح على معاذ بعنف وبيبعدو عن لؤلؤة و لؤلؤة بتصرخ
معاذ / اكيد فى سوء تفاهم حصل
محمود / برة يلا برة خد حجاتك واخرج من البيت دة ومشفش وشك تانى
لؤلؤة / خالى ارجووك متعملش كدة
معاذ / ممكن اعرف اية السبب
ومحمود بيروح على معاذ وبيمسكو من هدومه وبيخرجو برة الاوضة بعنف و لؤلؤة بتخرج ورهم وبتعيط ومحمود بيجيب ظرف من على السفرة وبيطلع منو صور وبيرميها فى وش معاذ و لؤلؤة وهم وقفيين
لؤلؤة بتجيب صورة منهم وبتكون صورة لمعاذ لما كان بيبوس لؤلؤة لم كانو بيطردوهم وصور لما معاذ بيكون قريب من لؤلؤة او شيلها و لؤلؤة بتبص لمعاذ اوى
معاذ / انا دلوقتى فهمت
محمود / يلا برة
معاذ / بس حضرتك غلطان
وائل بيجرى على معاذ وخايف اوى
محمود / يلا اخرج برة انا مش مصدق ان انتى لؤلؤة الى ربيتك مش مصدق ازاى تخونى جوزك مع واحد تانى ازاااى
لؤلؤة / لاا يا خالى انت مش فاهم حاجة
محمود / ويارتنى مفهمت لولا انتى تعبانة كان هيكون فى تصرف تانى
لؤلؤة بتعيط
معاذ / طيب ممكن حضرتك تسمعنى شوية
محمود / برة بيتى يلااا برة
معاذ بيبص للؤلؤة وهى بتعيط
معاذ / وائل روح هات شنطتك من جوة
ايات وفريدة وقفيين. وايات بتعيط علشان لؤلؤة
لؤلؤة / لاا يا معاذ لاااا
معاذ / انتى هنا هتكونى فى امان اكتر انا مش هكون بعيد عنك
محمود / لو قربتلها ولو خطوة وحدة هكسر رجلك
معاذ بيبص للؤلؤة اوى و لؤلؤة بتعيط و وائل بياخد شنطتو وبيروح لمعاذ
معاذ / يلا يا وائل خلينا نروح
لؤلؤة بتعيط وبتمسك ايد معاذ اوى
لؤلؤة / لااااا انت مش هتسبنى
محمود / ايات خديها من هنا يلا خديها على اوضتها بسرعة
معاذ / خلى بالك على نفسك
معاذ بيخرج و لؤلؤة بتعيط و ايات بتاخدها على اوضتها
لؤلؤة / خالى انت
ايات / لؤلؤة اهدى بلاش تتكلمى دلوقتى يلااا تعالى
معاذ بيقف قدم باب شقة خال لؤلؤة وبيفكر
وائل / احنا مش هنمشى
معاذ / مينفعش دلوقتى
******************.
ماهر مع زميلو فى المستشفى بيطمن عليهم وبيدور على مروان و مروان مع الجنود الى اتصابو وبيشوف مروان من بعيد واقف مع الممرضة
ماهر / مروان
مروان بيبصلو وبيحضنو بعض هم الاتنين
ماهر / انت كويس
مروان / مجرد اصابة صغيرة فى كتفى متقلقش بس القائد هشام
ماهر / اية حصلو حاجة
مروان / عندو حروق فى جسمو اكتر من ٧٠ ٪
ماهر مدايق اوى وبيبص حولية على زميلو وبيسمع صوتهم
وهم بيتالمو من الوجع كلهم ودموعو بتنزل
ماهر / لزم نرد عليهم بقسوة ومش لزم نستنى ابدا
مروان / متقلقش هيخدو الى يستحقوة
*****************.
معاذ بيدخل شقة هو و وائل ومعاهم ماكس و وائل مدايق اوى
معاذ / انا عارف انك تعبت بس متقلقش بكرة كل حاجة هتتغير
وائل / احنا هنعيش هنا
معاذ / لفترة بس
وائل / احنا كل يوم فى مكان انا عاوز اروح المدرسة عاوز ارجع لاصحابى باة
وائل زعلان وبيبعد عن معاذ و معاذ بيفتح البلكونة وبيدخل الضوء للشقة
*****************.
لؤلؤة قاعدة بتعيط ومحمود بيدخلها الاوضة
محمود / انا مكنتش متخيل انك تعملى كدة
لؤلؤة / انا معملتش حاجة غلط الصور دى مش كل الحقيقة
محمود / لسة فى حقيقة تانية بعد الى شفناها بعد كل الى عملتية مع جوزك كاتب فى الجواب انو بيحبك ولسة عاوز يرجعلك
لؤلؤة / مستحيل مستحيل انت متعرفش الى عمار عملو
محمود / مفيش اى حاجة توصلك للخيانة
لؤلؤة / عمار احقر انسان شفتو فى حياتى هو مش بس خان ثقتى لا هو خان البلد الى هو منها
محمود / وكمان عوزة تطلعية خاين لبلدو
لؤلؤة / دى الحقيقة
محمود /كفاية انو مرفعش قضية يطلب بمحكمتك على الخيانة الزوجية
لؤلؤة بتعيط ومش عرفة تعمل اية
محمود / هسالك سؤال يا بنت اختى الصور الى شفناها دى حقيقية
لؤلؤة بتبصلو اوى وبتفتكر كل لحظة من الصور دى
لؤلؤة / اة حقيقية بس
محمود / مش عاوز اسمع حاجة تانى كفاية
فريدة/ محمود اهدى شوية البنت تعبانة خليها ترتح شوية
محمود بيخرج وفريدة بتشاور لايات انها تخرج برة
ايات / بابا انا حاسة انك ظالم لؤلؤة
محمود / ظالمها انتى مشفتيش الصور هااة وهى بنفسها قالت ان الصور دى حقيقية
ايات / بس انا حاسة ان
محمود / ايات اسمعينى انتى تبعدى عن الموضوع دة خالص انتى فاهمة
***********************.
لؤلؤة بتخرج البلكونة و بتعيط اوى
معاذ / العياط مش حل
لؤلؤة بتتخض وبتبص على البلكونة الى جمبها بتشوف معاذ
لؤلؤة / معاذ انت هنا انت
معاذ / ماهر ادانى مفاتيح الشقة قبل ما يمشى وكمان انا وعدتو انى هحميكى
لؤلؤة/ انت سمعت خالى بيقول عليا اية ازااى يصدق انى ممكن اعمل حاجة زى دى
معاذ / لما يعرف الحقيقة هيدايق اكتر انو مصداكيش
لؤلؤة بتعيط و معاذ بيطلع منديل
معاذ / انتى كدة خلصتى كل المنديل الى معايا
لؤلؤة بتبصلو وبتبتسم
معاذ / يلا روحى نامى انتى لسة تعبانة
لؤلؤة / شكرا انك موجود معايا
معاذ/ تصبحى على خير
لؤلؤة بتدخل وبتنام و معاذ واقف فى البلكونة و بيفكر وبيبص على وائل وهو نايم على الكرسى وماكس نايم جمبو
*******************.
ايات بتكلم علاء وبتحكيلو على الى حصل معاهم
علاء / اهدى شوية يا حببتى
ايات / انا وثقة فى لؤلؤة انا انا متاكدة انها مستحيل تعمل كدة
علاء / بصراحة ولا انا معتقدش انها تعمل حاجة زى دى بس انتى متفكريش كتر وبكرة نتقابل ونتكلم
ايات / حاضر تصبح على خير
علاء / وانتى من اهل الخير يا حببتى
ايات ارتاحت شوية لما اتكلمت مع علاء وبتروح على اوضة لؤلؤة وبتبص عليها و لؤلؤة نايمة ووايات بترحوح تبسها وهى نايمة
***********************.
فى الصباح لؤلؤة بتروح على البلكونة وبتبص على البلكونة بتاعت معاذ ومفيش حد موجوود وبتبص تحت على الطريق بتشوف معاذ ومعاة ماكس هيدخلو العمارة وبيقابلهم محمود وهو رايح شغلو
محمود / انت اية الى جابك هنا تانى
معاذ / انا ساكن هنا بعد ازنك و محمود بيمسك ايد معاذ
مخمود / ساكن هنا انت فاكر ان انا هسيبك
معاذ / ماهر قبل ما يروح ادانى مفتاح الشقة بعد ازنك عندى شغل كتير
و معاذ بيمشى
محمود / انا هوصل لماهر وهقولو على الى صحبو عملو وسعتها هيرميك برة زى الكلاب
معاذ بيتعصب اوى ولسة هيتكلم
لؤلؤة / معاذ
معاذ بيبص للؤلؤة وبيحاول يهدى
محمود / انتى اية الى خرجك من الشقة
ومحمود بيمسك ايد لؤلؤة بقوة للؤلؤة بتتالم و معاذ لسة هيروح عليها
محمود / اوعة تفكر انك تقرب منها
ومحمود بياخد لؤلؤة وبيطلع بيها
***********************.
معاذ بيطلع وباين علية العصبية اوى و ايات بتشوف والدها داخل الشقة ومعاة لؤلؤة ماسكعا جامد
ايات / بابا فى اية
لؤلؤة بتعيط وبتروح على اوضتها ومحمود بيروح وراها
محمود / مفيش خروج من البيت تانى انتى فاهمة الظاهر انى مربتكيش صح يا لؤلؤة
لؤلؤة / بعد كل السنيين دى كلها انت بردو مش عاوز تفهمنى
محمود / كان زمان بفهمك بس دلوقتى كل لما افتكر الى عملتية بتكسف انتى وطيتى راسى يابنت اختى
لؤلؤة / انا هريحك منى خالص انا همشى من هنا
ايات / لؤلؤة انتى بتقولى اية
لؤلؤة / يمكن ساعتها ترتاح
محمود / انتى مش هتخرجى من هنا غير لما جوزك يوصل وهو يقرر
لؤلؤة بتبص لخلها اوى
لؤلؤة / مستحيل
محمود / اة عمار ساعة ويكون هنا جاى يخدك معاة وانتى احمدى ربنا انو هيسمحك وبيحبك
لؤلؤة / لااااا انت مش هتعمل فيا كدة
ايات / باباااا ازاى لؤلؤة مش عوزة تعيش معاة انت ازاى توافق على حاجة زى دى
محمود / عمار وعدنى انو يسامحها وكمان
لؤلؤة / لااا انا مستعدة اموت و مشفش وشو تانى لو خلتنى اعمل حاجة غصب عنى هموت نفسى
محمود / يمكن ساعتها امك ترتاح فى تربتها
لؤلؤة بتعيط اوى ومش مصدقة الى خلها بيقولو ومحمود بيخرج و ايات بتجرى على لؤلؤة وبتحضنها ولؤلؤة منهارة من العياط
لؤلؤة / ماهر ايات ساعدينى اوصل لماهر باى طريقة
ايات / انتى عرفة ان ماهر مستحيل نوصلو فى الحالة الى البلد فيها
لؤلؤة / معاذ ايات لزم معاذ يعرف ان عمار هيجى يخدنى
هو الوحيد دلوقتى هو الى ممكن يحمينى ارجوكى روحى لمعاذ بسرعة
ايات / اهدى طيب خلاص انا هروح بسرعة بس انتى اهدى شوية
ايات بتروح لشقة الى فيها معاذ وبترن الجرز و وائل هو الى بيفتح
ايات / وائل فيين خالك هو هنا
مؤيد / لا خالى خرج ومش عارف هو فيين
ايات بتروح للؤلؤة وبتبلغها معاذ مش فى البيت و لؤلؤة مش عرفة تعمل اية
لؤلؤة / ايات لزم تسعدينى اروح من هنا عمار لو شفنى هيقتلنى يا ايات
*****************.
لؤلؤة فى اوضتها ومش عرفة تعمل حاجة و محمود بيدخل عليها و لؤلؤة بتتخض
محمود / جوزك عاوز يتكلم معاكى
لؤلؤة بتخاف اوى وبترجع برجليها وبتخبط فى الحيطة
وبتسمع خطوات رجلو وكان روحها بتطلع منها وبتشوف الوش الى مبيطلعش من كوبيسها
التعليقات على الموضوع