رواية النمر🤔الحلقه 11
الحلقة ال ١١
معاذ / مش هنقدر نطلع من هنا انا وانتى انا هبعدهم عن هنا وبعد ما يبعدو انتى هتروحى عند البنت الى شفتيها انتى فاهمة
لؤلؤة / لاااا انا خايفة
معاذ بيمسك رسها وبيخلي عنيها فى عيونو
معاذ / لؤلؤة انا هرجع تانى انتى وثقة فيا صح
لؤلؤة بتعيط اوى و معاذ بيقلع الشنطة وبيلبسها للؤلؤة
معاذ / بعد دقيقتين من خروجى هتخرجى وتجرى فى اتجاة البنت انتى فاهمة يا لؤلؤة
معاذ بيطلع ورقة وقلم وبيكتب فيها
(( كارمن لو مرجعتش سلميها للسفارة المصرية امضاء نمر ))
لؤلؤة بتعيط وبتهز رسها بنعم وبتاخد منو الورقة
معاذ / هتديها الورقة دى وهى هتفهم
معاذ بيطلع من المكان الى مستخبي فية وبيخرج قدمهم وكان قاصد انهم يشفوة علشان يبعدهم عن المكان و معاذ بيجرى وهم بيجرو وراة
لولوة بتعيط وبتاخد نفس عميق وبتجرى فى اتجاة البنت و بتدخل المحل بتاع اللعب والبنت بتروح عليها بسرعة و لؤلؤة بتعيط
البنت / انتى الى كنتى مع معاذ
لؤلؤة بتهز رسها بنعم و البنت بتبص حوليها بقلق
البنت / وفيين نمر
لؤلؤة مش قادرة تتكلم ومش فاهمة ميين نمر دة
البنت / طيب تعالى معايا
والبنت بتاخد لؤلؤة على الدور الارضى وتحت فى اوضة مفرووشة كويس وفيها لعب اطفال كتيير
البنت / خليكى هنا لحد ما ارجع
لؤلؤة خايفة اوى على معاذ وبتقاعد فى اخر الاوضة على الارض وبتعيط و معاذ لسة بيهرب منهم وبيطردوة فى كل مكان وبعنف
**************************.
فى الليل لؤلؤة مخرجتش من الاوضة ابدا والبنت بتدخل ومعاها اكل للؤلؤة و بتقرب من لؤلؤة
البنت / لزم تاكلى حاجة
لؤلؤة / مش عوزة اكل
البنت /متخفيش منى انا اسمى كارمن
لؤلؤة بتبصلها
لؤلؤة / انا لؤلؤة
كارمن / لزم تاكلى حاجة دلوقتى انتى مكلتيش حاجة من الصبح
لؤلؤة / معاذ اتاخر
كارمن / هو كتبلى انو لو اتاخر اسلمك للسفارة المصرية
لؤلؤة / لااا مش هروح من هنا معاذ وعدنى انو هيرجع
وكارمن بتبص للؤلؤة اوى وكارمن بتسمع صوت فوق و لؤلؤة بتخاف اوى و بتتفاجا ان كارمن معاها سلاح و فجاة باب الاوضة بيتفتح وبيدخل معاذ وكارمن بتنزل سلاحها و لؤلؤة بتشوف معاذ بتصرخ باسمو وبتجرى علية وبتحضنو اوى
و معاذ هو كمان بيحضنها اوى وكان حتة من قلبو كانت ضيعة منو
معاذ /انتى كويسة فيكى حاجة
لؤلؤة بتعيط و معاذ بيبص لكارمن
معاذ / شكرا
لؤلؤة / انا خفت احسن يكونو مسكوك او يكون حصلك حاجة
معاذ / كان لزم ابعدهم عن هنا
كارمن / انتو خليكو هنا النهاردة
وكارمن اتوترت وبتطلع فوق بسرعةو لؤلؤة بتبص لمعاذ وعيونو على كارمن وهى طلعة
معاذ / احنا مش لزم نفضل هنا كتيير
لؤلؤة / انت تعرفها منيين
معاذ / مين
لؤلؤة / كارمن
معاذ / من زمان كنا فى كلية وحدة اية دة انتى مكلتيش حاجة
لؤلؤة بتاخد بلها انو بيغير الموضوع
لؤلؤة / مليش نفس انت كمان ماكلتش حاجة من الصبح ومحتاج ترتاح
معاذ بيقاعد ساكت ومبيتكلمش
لؤلؤة / انت لزم ترتاح شوية انا هطلع وخليك انت هنا
معاذ / انتى ريحة فيين لااا انتى مش لزم حد يشوفك
وكارمن نزلة ومعاها مياة وبتسمعهم
كارمن / متقلقش انا خلاص قفلت المحل ومفيش حد موجوود
معاذ بيبص للؤلؤة انو موفق تطلع و لؤلؤة بتسبهم لوحدهم فى الاوضة وبتحس انهم عوزيين يتكلمو و لؤلؤة بتطلع بتتفرج على الالعاب
كارمن / انت متغيرتش خالص
معاذ / انتى كمان زى ماانتى متغيرتيش
كارمن / اسفة على كل حاجة حصلت فضلت السنين دى كلها مستنية اقولك الكلمة دى
معاذ / خلاص كل حاجة كانت فى الماضى هتفضل فى الماضى
كارمن / بس انا بحبك
معاذ / مفيش فى حياتى مكان للحب
كارمن دموعها بتنزل وبتروح على معاذ وبتمسك ايدو
كارمن / الى حصل كان غصب عنى كنت خايفة
معاذ / انا نسيت كل حاجة ياريت انتى كمان تنسى كل حاجة
كارمن بتقرب علية وبتمسك ايدو
كارمن / انا بحبك ومقدرتش انساك ولا لحظة وكنت كل يوم ابعتلك رسايل بس كانت بترجعلى تانى
معاذ / انا تعبان لو سمحتى
وكارمن / بتحبها
معاذ / مفيش فى قلبى مكان للحب
معاذ بيسمع خبطة فوق وبيجرى بسرعة على فوق من غير تفكير وبيجرى بيشوف لؤلؤة قاعدة على الارض
لؤلؤة / اسفة انا بس كنت عوزة اشوف العروسة دى
معاذ بيبصلها بقلق وغضب
معاذ / فيكى حاجة
لؤلؤة / لا مفيش مجرد خبطة بسيطة
معاذ بيدايق منها وبيرجع تانى وكارمن بتبص للؤلؤة اوى وبتروح تجبلها العروسة الى لؤلؤة كانت عوزة تشفها
لؤلؤة / شكرا
كارمن / اعتبريها هدية منى
لؤلؤة بتبصلها وبتبتسم اوى
لؤلؤة / انتى بتتكلمى مصرى كويس اوى
كارمن / انا والدى مصرى وولدتى فرنسية معاذ هو الى خلانى اتكلم مصرى
لؤلؤة / معاذ قالى انكو اصدقاء من الجامعة
كارمن / باين انكو قريبين من بعض اوى علشان بيحكيلك عن كل حاجة
لؤلؤة / لا انا و معاذ مفيش اى حاجة بينا مش زى ما انتى فكرة
كارمن / وميين قالك انى فكرت فى حاجة تانية
لؤلؤة بتبصلها اوى
كارمن / انا و معاذ كنا بنحب بعض اوى وكنا فى نفس الكلية
من اول يوم فى الدراسة وهو لفت نظرى ومش انا بس كل البنات هادى ووسيم ومحترم جدا وزكى وجذاب يعنى كان الرجل المناسب فضلنا انا وهو نحب بعض بطريقة جنونية مكناش بنسيب بعض ولا ليل ولا نهار
لؤلؤة بتبص لكارمن اوى و كارمن كنا انا وهو عايشين فى شقة صغيرة كان عش حبنا زى ما بتقولو بالمصرى معاذ طلب ايدى للجواز وكنت مبسوطة واتخطبنا وكنا فى حفلة عيد ميلاد صديقة ليا وكانت سكرانا وقوالت لمعاذ انى حامل
معاذ فرح جدا وطلب منى اننا نستعجل فى موضوع الجواز بس انا كنت رفضة كنا لسة بندرس ومش عرفيين اية مستقبلنا ورحت نزلت الجنين معاذ عرف وادايق جدا لدرجة
انو مش عاوز يشفنى حتى وسافر على مصر وعرفت انو دخل الجيش المصرى ورفض يشفنى او يتكلم معايا باى طريقة
معاذ بيطلع من الاوضة وبيروح للؤلؤة وكارمن
معاذ / فى تلفون عندك
كارمن / اة طبعا اتفضل
لؤلؤة بتبص لمعاذ اوى ومش مصدقة ان دة كلو حصل فى حياتو و معاذ بيتكلم فى التلفون وبيروح على لؤلؤة
معاذ / كلمى تلفون
لؤلؤة / ليا انا
معاذ بيهز راسو بنعم
لؤلؤة / الووو
ماهر / لؤلؤة انتى انتى بخيير صح
لؤلؤة بتسمع صوت ماهر بتعيط اوى ومش عوزة ترد علية
ماهر / لؤلؤة كلمينى لؤلؤة قولى حاجة ارجوكى
وبيسمع عياط لؤلؤة و معاذ بيبص فى الساعة وبياخد التلفون من لؤلؤة وبيقفلو
معاذ / كفاية كدة انا بس حبيت اخليكى تسمعى صوت اخوكى بس
لؤلؤة مبتتكلمش وبتبعد بعيد وبتروح تقف قدم الشباك
و معاذ بيبص عليها وكارمن بتبص لمعاذ اوى قد اية نظرة عيونو للؤلؤة غريبة و كارمن بتبعد و معاذ بيروح للؤلؤة وبيقف جمبها
معاذ / كنت مفكر انك لما تسمعى صوت حد بتحبية هتكونى احسن
لؤلؤة بتبص لمعاذ اوى
لؤلؤة / عوزة اروح بيتى
معاذ / انا بوعدك انى هرجعك بلدك فى اقرب وقت
لؤلؤة بتبص لكارمن الى بتبص عليهم من بعيد
لؤلؤة / ساعات بنعمل غلطة بنندم عليها طول العمر
معاذ بيبص لكارمن وبيفهم انها حكت للؤلؤة عنهم
معاذ / جهزى نفسك هنروح من هنا كمان ساعة
لؤلؤة / هنمشى هنروح فيين
معاذ / هتعرفى فى الطريق يلا جهزى نفسك
لؤلؤة بتروح على الاوضة الى تحت وبتاخد الشنطة بتاعت معاذ وبتلبس الكاب بتعها وكارمن بتدخل عليها ومعاها هدوم للؤلؤة
كارمن / اكيد محتاجة انك تغيرى هدومك
لؤلؤة / شكرا انا مبسوطة انى اتعرفت عليكى
كارمن / وانا كمان
وكارمن بتسبها و لؤلؤة بتغير هدومها و بتلبس فستان ابيض قصير كتان و بتخلص وبتطلع وبتشوف كارمن و معاذ
بيتكلمو وباين عليهم بيتخنقو و لؤلؤة بتحاول تبعد عنهم علشان يتكلمو براحتهم
معاذ / لؤلؤة
لؤلؤة بتقف مكانها و معاذ بيمسكها من اديها بقوة وبيخدها وبيخرجو وكارمن بتروح ورهم ومعاها العروسة الى عجبت لؤلؤة
كارمن / لؤلؤة
وكارمن بتروح للؤلؤة وبتديها العروسة و معاذ بيبعد عنهم خطوات وبيبص حولية كويس
كارمن / خلى بالك من نفسك وخلى بالك علية اوعى تغلطى غلطة تخليكى تندمى طول حياتك زى وحفظى علية هو حبو هيسعدك
لؤلؤة / بس انا و معاذ
كارمن / حبيه اوى يا لؤلؤة زى ما هو بيحبك
لؤلؤة / كارمن صدقينى احنا
كارمن / نظرة الخوف عليكى الى شفتها فى عيونو دى مش نظرة عادية ابدا لدرجة انى كنت بسمع دقات قلبو لما لمستى ايدو
وكارمن بتحضن لؤلؤة اوى
كارمن / حبية اوى يا لؤلؤة وسعتها هتحسى بالسعادة
معاذ بيروح عليهم
معاذ / يلا لزم نمشى حالا
معاذ بياخد لؤلؤة وبيمشو وكارمن بتبص عليهم من بعيد ودموعها بتنزل و لؤلؤة بتبص على ايد معاذ الى مسكة اديها بقوة و معاذ بيقف امام مكينة تلفونات
معاذ / هعمل مكالمة متتحركيش من هنا
معاذ بيتكلم فى التلفون و لؤلؤة بتشوف بنت صغيرة بتعدى الطريق لوحدها و لؤلؤة بتجرى عليها وبتلحقها بسرعة
وبتيجى عربية من بعيد بتقف قدم لؤلؤة وبيخدوها و معاذ بيشوف لؤلؤة وهى بتصرخ وبيركبوها العربية غصب عنها
التعليقات على الموضوع