روييائيل 🤔
روييائيل
- مالك يا جدي ؟؟
ده السؤال اللي سألته لجدي لما سمعته و هو عنده نوبة سعال بطريقة مش طبيعية خلته ينادي عليا من أوضته و لما روحتله قالي ..
- ناولني دوا الكحة يا بدر و اقعد علشان عاوز احكيلك على سر ...
ناولته زجاجة الدوا اللي أخد منها مقدار كبير على غير المعتاد أنه بياخده و بعد كده نوبة السعال هديت شوية و لقيته رجع راسه لورا و هو نايم على السرير اللي فالأوضة اللي أمي فضيتهاله ف شقتنا بعد ما ألحت عليه أنه يسيب بيته و يجي يعيش معانا لأن حالته الصحية كانت محتاجة لرعاية و اهو بكده هيكون قريب مننا و هنقدر نرعاه ، رجع جدي راسه لورا بعد ما قعدت جنبه على السرير و بدء يحكي و يقول ...
- اللي هحكيهولك ده سر محدش يعرفه و ياريت و انا بحكي متقاطعنيش لأني لازم اقولك كل اللي عاوز اقوله قبل ما اموت ...
مسكت أيده و قولتله ...
- بعد الشر عنك يا جدو ..
بصلي بعصبية و قالي ..
- قولتلك متقاطعنيش و اسمع و بس .
هزيتله راسي و هو كمل كلامه ..
- الحكاية اللي هحكيهالك دي مر عليها فوق ال ٤٠ سنة و بما أنك أصغر أحفادي و اكتر حد قريب ليا ف أنا هحكيهالك و لازم تفضل سر بيني و بينك و بنتي اللي هى أمك مش لازم تعرف بيها ؛ من يوم ما وعيت عالدنيا و انا بحب أربي كلاب ف أوضة عملتها مخصوص للكلاب ورا الفيلا بتاعتي و ف يوم من الأيام بعد ما أمك اتجوزت ابوك و خدها و سافروا الخليج لقيت جدتك جايبة لي كلب هدية ف عيد ميلادي ؛ الحقيقة انا فرحت جدا بالهدية دي بس برضه ف نفس الوقت استغربت جدااا من أنها جيبالي هدية اصلاً ، لأ و أيه كلب كمان !! ، لأن فالحقيقة جدتك فالفترة اللي قبل ما تجيبلي الهدية كانت دايماً بتتخانق معايا و كانت معظم خاناقتها بسبب الكلاب اللي بقضي معاهم معظم يومي ، المهم خدت منها الكلب و حطيته فالأوضة مع الكلاب و مشيت الدنيا و فضلت جدتك زي ما هى معظم الوقت قاعدة ساكتة و مبتكلمنيش لحد ما بعد ٣ أيام بالظبط صحيت الصبح و شربت قهوتي و كالعادة بعد القهوة روحت لأوضة الكلاب و اول ما روحتها لقيت منظر خلاني حسيت أن انا اتشليت و مش قادر اتكلم ، لقيت كل الكلاب اللي فالأوضة ميتين و زي ما يكون حيوان مفترس عضهم من رقبتهم كلهم ، استغربت جدا و خصوصاً ان في منهم انواع شرسة يعني مش بسهولة حيوان تاني يهاجهم و يفضل عايش إلا لو كان اسد او كلب اكبر و اللي خلاني استغرب اكتر و اكتر ان اصلا بكون قافل الأوضة دي بقفل كبير و القفل كان زي ما هو يعني مفيش حد دخل عليهم الأوضة و اللي خلاني استغرب اكتر و اكتر أن انا لقيت الكلب اللي جدتك كانت جايباهولي هدية عايش و سنانه و فكه مليانين دم ، ساعتها استنتجت أن الكلب ده هو اللي هاجم الكلاب و قتلهم ، انا لما شوفت المشهد ده رجعت لورا ببطء لحد ما خرجت بره الأوضة و قفلت الباب بالقفل بسرعة و جريت على الفيلا و جبت المسدس بتاعي و نزلت للأوضة تاني و من فتحه من فتحات التهوية اللي كنت عاملها فالأوضة اللي كانت فالجنينة وجهت فوهة المسدس ناحية الكلب و ضربت طلقتين و بعدهم سمعت صوت الكلب و هو بيموت لكن صوته مكنش صوت زي صوت الكلاب التانية لأ ده كان صوته زي ما يكون أسد بيزئر ، المهم اتصلت بواحد صحبي دكتور بيطري و حكيتله اللي حصل و قالي أن مستحيل ان اللي حصل ده يكون طبيعي و ان مستحيل كلب مهما كانت قوته يقدر على ٧ كلاب غيره و يموتهم كلهم و يفضل هو عايش بدون خدش و ف أخر المكالمة قالي أنه هيبعتلي عربية تاخد جثث الكلاب و تدفنهم و فعلا حصل اللي قال عليه و بعد الكلاب ما ماتت لقيت جدتك سعاد بتبصلي و تضحك .... بصيت لها و انا متعصب و قولتلها (أنتي معندكيش دم ، يعني شيفاني متعصب و متضايق و قاعدة قدامي بتضحكي ؟)
ردت عليا و قالتلي (معلش ربنا هيعوضك ربنا هيعوضك)
ساعتها انا اتعصبت عليها و قولتلها ان الكلب اللي هى كانت جيباه هو السبب و عشان كده انا مش طايق أشوف وشها و هسيب لها البيت و اسافر يومين اقعد فالشاليه بتاعنا اللي ف الاسماعيلية ، و فعلاً خدت العربية و روحت الشالية فنفس اليوم و سيبت جدتك سعاد فالبيت ، وصلت الشالية و فضلت قاعد فالفاراندا لحد ما الليل جه و على الساعة ١١ بالليل لقيت الشالية ضلم و الاضاءة انطفت ، استغربت جدا من اللي حصل و ده لأن كل الشاليهات اللي حواليا كانت الأضاءة فيهم شغالة ، ف الأول افتكرت ان ممكن يكون المولد اللي بيشغل كهربة الفيلا فيه حاجة و عشان كده دخلت الشالية علشان اشوف المولد لكني أول ما دخلت و ف عز ما كانت الدنيا ضلمة سمعت صوت حد جاي من المراية اللي قدام السرير اللي ف الأوضة اللي بتطل عالفاراندا ، بصيت على المراية و ساعتها اتسمرت مكاني لما شوفت المراية منورة نور ابيض و كانت زي ما تكون جواها أوضة تانيه و لقيت جواها شكل مخلوق غريب ، كان شكل جسمه ف طول جسم البني أدمين لكنه مختلف و ده لأن شكله كان عبارة عن مخلوق جسمه مفيهوش شعر تماماً و لون جلده رمادي و عيونه حمرة و شعر راسه طووويل جدااا لدرجة أنه واصل لحد رجله و ملامحه كانت شبه ملامح البني أدمين لكنها اكبر ، يعني العين أكبر من عنينا و الأنف كمان و حجم الفم كان أكبر ....
طبعا انا لما شوفت الشكل ده ظاهر بوضوح جوه المراية اللي منورة من جوه و الأضاءة فالشالية مش شغالة أتسمرت مكاني و مبقتش قادر أتكلم ولا انطق لحد ما لقيت المخلوق اللي فالمرايا ده بيتكلم و يقول ( أنت قتلت زوجي ، و الأن من المفترض أن أقوم بقتلك و لكنني لن أفعل ذلك لأنني أعلم جيداً أنك ليس لك علم بما فعلت ) ....
استغربت من الكلام اللي سمعته و لقيت نفسي برد على الكائن ده و بقوله ( جوزك مين ؟ ، و قتلته ازاي ؟ ) ..
لقيت المخلوق ده بيرد و يقول ( أنا الشعناء ، سيدة من بني الجن و زوجي هو روييائيل و هو جني يوكل من بني الأنس بالأذى و الشر و تكون خدمته على حيوان و بالأخص كلب أسود و منذ عدة أيام قام أحد الروحانيين من بنو جنسكم بتوكيل زوجي لأذيتك و قتل حيواناتك الأليفة التي تهتم بها أكثر من زوجتك و كان من المفترض أن تعيد زوجتك الكلب الى الروحاني لكي يصرف الخدمة الموكلة عليه و لكنها تركتك تقتله و بما أن هى من تسببت بمقتل زوجي فلذلك لن أقتلك و سوف أتركك تنتقم منها و تجعلها تدفع ثمن خيانتها لك ) ...
انا سمعت الكلام ده و حسيت ان الدم بيجري ف عروقي و نسيت أن اللي قدامي جن و نسيت كل حاجة و بقيت بصرخ زي المجانين فالشالية حتى بعد ما العفريتة او الجنية دي أختفت و الأضاءة رجعت ، و بعد ما حاولت أهدى شوية كده و افسر الكلام اللي سمعته لقيت نفسي ركبت عربيتي بدون وعي و نزلت على القاهرة تاني و روحت عالفيلا و لقيت حاجة غريبة و هى أن باب الفيلا كان مفتوح و مفيش حد من الخدم موجود و الغريبة أن انا لقيت عربية مش غريبة عليا مركونة قدام الفيلا دخلت و اتسحبت بالراحة لحد ما وصلت ل أوضة النوم و وقفت اسمع الأصوات اللي جوه و اللي كانت اصوات مختلفة بين صوت مراتي سعاد و صوت رجل تاني انا عارفه كويس و كانت بتقوله ( اهو هيفضل مكتئب كده و قاعد فالشالية يومين تلاتة او يمكن أسبوع و بعد كده يرجع يفضل مكتئب شهر و اهو بعد كده هينسى ) ... رد عليها الرجل اللي معاها و قالها ( مش مهم سيبيه براحته يقعد شهر شهرين أدينا بناخد راحتنا بدل ما احنا بنتقابل بقالنا سنين عندي فالفيلا و بتبقي مستعجلة و خايفة ) .... ردت عليه و قالتله ( بس متنساش أن انت السبب ، فكرة الكلب و الساحر اللي روحتله علشان يخلي جن يلبس كلب و يقتل كل الكلاب دي فكرتك ) .... رد عليها و قالها ( و مالها فكرتي ان شاء الله ؟ ) .... ردت عليه و قالتله ( احلى فكرة فالدنيا و اهي خلتنا نخلص من الكلاب اللي قارفني بيهم من سنين و بالمرة نرتاح منه كام يوم و يمكن الأكتئاب يطول و يخليه يتعب او يموت ) .... رد عليها و قالها ( سيبك منه بقى و من الكلاب و ركزي معايا لأنك وحشاني اووي ) ، و بعد كده سمعت صوت قبلات متبادلة بينهم بصوت مرتفع ، وقتها مقدرتش اتمالك نفسي و نزلت جري على أوضة المكتب و جبت المسدس بتاعي و طلعت عالأوضة و فتحت عليهم الباب و قتلتهم هم الاتنين و هم فحضن بعض بدون أي مناقشة ، و بعد ما قتلتهم مكنتش عارف أعمل أيه فاتصلت ب فوزي التربي و اللي كان بيحرس مقابر العيلة بتاعتنا من سنين و عرضت عليه مبلغ كبير ف مقابل أنه يتخلص من الجثتين و لأنه أصيل و فهم و قدر اللي حصل و شاف بعينه الوضع اللي كانت فيه مراتي مع الرجل ده صدقني و متكلمش و خد الفلوس و خد العربية بتاعت الرجل و دفن الجثتين ف مكان أنا نفسي معرفهوش لحد النهاردة و كمان خفى العربية بتاعت عشيق مراتي اللي هو يبقى محمود الشامي ، و من يومها و كل الناس عارفة أن جدتك أختفت و مرجعتش و لأنها أختفت بقالها سنين و كمان و لأن فوزي التربي مات ف محدش يعرف يكتشف أي حاجة ، و عشان انا حاسس أني بموت كان لازم أحكيلك السر ده )
بصيتله و انا الدموع مالية عنيا و مش قادر اتكلم ولا قادر ارد ولا عارف حتى أقوله أيه لأنه و هو بيحكي كان بيبكي و قالي جملة واحدة و بعدها سكت تماماً و الى الأبد ..
- أوعى تقول لأمك و ل ابوك و ألا هتبقى بتبوظ حياتهم .
قال جدي الجملة دي و مات ..... مات و سابني شايل سر غير حياتي للأسوء ، سر محدش يعرفه غيري و لو أمي او ابويا عرفوا فعلا حياتهم هتدمر و ده لأن انا أسمي ( بدر محمد محمود الشامي ) .... أيووووه أنا حفيد محمود الشامي اللي جدي قتله بعد ما اكتشف أنه كان بيخونه مع مراته ، يعني انا دلوقتي عرفت أن جدي والد والدتي قتل جدتي اللي هى مراته و قتل جدي اللي هو والد والدي لأنه كان بيخونه معاها و خفى جثتهم هم الاتنين و الناس كانت فاكرة أنهم اختفوا و بعد فترة طويلة قالوا خلاص نعتبرهم ماتوا .... و طبعا انا كنت فاكر أنهم أختفوا لحد ما سمعت اللي سمعته من جدي قبل ما يموت و اللي اتأكدت منه لما ف يوم حلمت بالمخلوقة اللي جدي حكالي عنها و شوفتها فالحلم زي ما جدي وصفها بالظبط و قالتلي ...
( لقد ماتوا من قتلوا روييائيل ، لقد ماتوا من قتلوا روييائيل ) ......... تمت
محمد_شعبان
العارف
- مالك يا جدي ؟؟
ده السؤال اللي سألته لجدي لما سمعته و هو عنده نوبة سعال بطريقة مش طبيعية خلته ينادي عليا من أوضته و لما روحتله قالي ..
- ناولني دوا الكحة يا بدر و اقعد علشان عاوز احكيلك على سر ...
ناولته زجاجة الدوا اللي أخد منها مقدار كبير على غير المعتاد أنه بياخده و بعد كده نوبة السعال هديت شوية و لقيته رجع راسه لورا و هو نايم على السرير اللي فالأوضة اللي أمي فضيتهاله ف شقتنا بعد ما ألحت عليه أنه يسيب بيته و يجي يعيش معانا لأن حالته الصحية كانت محتاجة لرعاية و اهو بكده هيكون قريب مننا و هنقدر نرعاه ، رجع جدي راسه لورا بعد ما قعدت جنبه على السرير و بدء يحكي و يقول ...
- اللي هحكيهولك ده سر محدش يعرفه و ياريت و انا بحكي متقاطعنيش لأني لازم اقولك كل اللي عاوز اقوله قبل ما اموت ...
مسكت أيده و قولتله ...
- بعد الشر عنك يا جدو ..
بصلي بعصبية و قالي ..
- قولتلك متقاطعنيش و اسمع و بس .
هزيتله راسي و هو كمل كلامه ..
- الحكاية اللي هحكيهالك دي مر عليها فوق ال ٤٠ سنة و بما أنك أصغر أحفادي و اكتر حد قريب ليا ف أنا هحكيهالك و لازم تفضل سر بيني و بينك و بنتي اللي هى أمك مش لازم تعرف بيها ؛ من يوم ما وعيت عالدنيا و انا بحب أربي كلاب ف أوضة عملتها مخصوص للكلاب ورا الفيلا بتاعتي و ف يوم من الأيام بعد ما أمك اتجوزت ابوك و خدها و سافروا الخليج لقيت جدتك جايبة لي كلب هدية ف عيد ميلادي ؛ الحقيقة انا فرحت جدا بالهدية دي بس برضه ف نفس الوقت استغربت جدااا من أنها جيبالي هدية اصلاً ، لأ و أيه كلب كمان !! ، لأن فالحقيقة جدتك فالفترة اللي قبل ما تجيبلي الهدية كانت دايماً بتتخانق معايا و كانت معظم خاناقتها بسبب الكلاب اللي بقضي معاهم معظم يومي ، المهم خدت منها الكلب و حطيته فالأوضة مع الكلاب و مشيت الدنيا و فضلت جدتك زي ما هى معظم الوقت قاعدة ساكتة و مبتكلمنيش لحد ما بعد ٣ أيام بالظبط صحيت الصبح و شربت قهوتي و كالعادة بعد القهوة روحت لأوضة الكلاب و اول ما روحتها لقيت منظر خلاني حسيت أن انا اتشليت و مش قادر اتكلم ، لقيت كل الكلاب اللي فالأوضة ميتين و زي ما يكون حيوان مفترس عضهم من رقبتهم كلهم ، استغربت جدا و خصوصاً ان في منهم انواع شرسة يعني مش بسهولة حيوان تاني يهاجهم و يفضل عايش إلا لو كان اسد او كلب اكبر و اللي خلاني استغرب اكتر و اكتر ان اصلا بكون قافل الأوضة دي بقفل كبير و القفل كان زي ما هو يعني مفيش حد دخل عليهم الأوضة و اللي خلاني استغرب اكتر و اكتر أن انا لقيت الكلب اللي جدتك كانت جايباهولي هدية عايش و سنانه و فكه مليانين دم ، ساعتها استنتجت أن الكلب ده هو اللي هاجم الكلاب و قتلهم ، انا لما شوفت المشهد ده رجعت لورا ببطء لحد ما خرجت بره الأوضة و قفلت الباب بالقفل بسرعة و جريت على الفيلا و جبت المسدس بتاعي و نزلت للأوضة تاني و من فتحه من فتحات التهوية اللي كنت عاملها فالأوضة اللي كانت فالجنينة وجهت فوهة المسدس ناحية الكلب و ضربت طلقتين و بعدهم سمعت صوت الكلب و هو بيموت لكن صوته مكنش صوت زي صوت الكلاب التانية لأ ده كان صوته زي ما يكون أسد بيزئر ، المهم اتصلت بواحد صحبي دكتور بيطري و حكيتله اللي حصل و قالي أن مستحيل ان اللي حصل ده يكون طبيعي و ان مستحيل كلب مهما كانت قوته يقدر على ٧ كلاب غيره و يموتهم كلهم و يفضل هو عايش بدون خدش و ف أخر المكالمة قالي أنه هيبعتلي عربية تاخد جثث الكلاب و تدفنهم و فعلا حصل اللي قال عليه و بعد الكلاب ما ماتت لقيت جدتك سعاد بتبصلي و تضحك .... بصيت لها و انا متعصب و قولتلها (أنتي معندكيش دم ، يعني شيفاني متعصب و متضايق و قاعدة قدامي بتضحكي ؟)
ردت عليا و قالتلي (معلش ربنا هيعوضك ربنا هيعوضك)
ساعتها انا اتعصبت عليها و قولتلها ان الكلب اللي هى كانت جيباه هو السبب و عشان كده انا مش طايق أشوف وشها و هسيب لها البيت و اسافر يومين اقعد فالشاليه بتاعنا اللي ف الاسماعيلية ، و فعلاً خدت العربية و روحت الشالية فنفس اليوم و سيبت جدتك سعاد فالبيت ، وصلت الشالية و فضلت قاعد فالفاراندا لحد ما الليل جه و على الساعة ١١ بالليل لقيت الشالية ضلم و الاضاءة انطفت ، استغربت جدا من اللي حصل و ده لأن كل الشاليهات اللي حواليا كانت الأضاءة فيهم شغالة ، ف الأول افتكرت ان ممكن يكون المولد اللي بيشغل كهربة الفيلا فيه حاجة و عشان كده دخلت الشالية علشان اشوف المولد لكني أول ما دخلت و ف عز ما كانت الدنيا ضلمة سمعت صوت حد جاي من المراية اللي قدام السرير اللي ف الأوضة اللي بتطل عالفاراندا ، بصيت على المراية و ساعتها اتسمرت مكاني لما شوفت المراية منورة نور ابيض و كانت زي ما تكون جواها أوضة تانيه و لقيت جواها شكل مخلوق غريب ، كان شكل جسمه ف طول جسم البني أدمين لكنه مختلف و ده لأن شكله كان عبارة عن مخلوق جسمه مفيهوش شعر تماماً و لون جلده رمادي و عيونه حمرة و شعر راسه طووويل جدااا لدرجة أنه واصل لحد رجله و ملامحه كانت شبه ملامح البني أدمين لكنها اكبر ، يعني العين أكبر من عنينا و الأنف كمان و حجم الفم كان أكبر ....
طبعا انا لما شوفت الشكل ده ظاهر بوضوح جوه المراية اللي منورة من جوه و الأضاءة فالشالية مش شغالة أتسمرت مكاني و مبقتش قادر أتكلم ولا انطق لحد ما لقيت المخلوق اللي فالمرايا ده بيتكلم و يقول ( أنت قتلت زوجي ، و الأن من المفترض أن أقوم بقتلك و لكنني لن أفعل ذلك لأنني أعلم جيداً أنك ليس لك علم بما فعلت ) ....
استغربت من الكلام اللي سمعته و لقيت نفسي برد على الكائن ده و بقوله ( جوزك مين ؟ ، و قتلته ازاي ؟ ) ..
لقيت المخلوق ده بيرد و يقول ( أنا الشعناء ، سيدة من بني الجن و زوجي هو روييائيل و هو جني يوكل من بني الأنس بالأذى و الشر و تكون خدمته على حيوان و بالأخص كلب أسود و منذ عدة أيام قام أحد الروحانيين من بنو جنسكم بتوكيل زوجي لأذيتك و قتل حيواناتك الأليفة التي تهتم بها أكثر من زوجتك و كان من المفترض أن تعيد زوجتك الكلب الى الروحاني لكي يصرف الخدمة الموكلة عليه و لكنها تركتك تقتله و بما أن هى من تسببت بمقتل زوجي فلذلك لن أقتلك و سوف أتركك تنتقم منها و تجعلها تدفع ثمن خيانتها لك ) ...
انا سمعت الكلام ده و حسيت ان الدم بيجري ف عروقي و نسيت أن اللي قدامي جن و نسيت كل حاجة و بقيت بصرخ زي المجانين فالشالية حتى بعد ما العفريتة او الجنية دي أختفت و الأضاءة رجعت ، و بعد ما حاولت أهدى شوية كده و افسر الكلام اللي سمعته لقيت نفسي ركبت عربيتي بدون وعي و نزلت على القاهرة تاني و روحت عالفيلا و لقيت حاجة غريبة و هى أن باب الفيلا كان مفتوح و مفيش حد من الخدم موجود و الغريبة أن انا لقيت عربية مش غريبة عليا مركونة قدام الفيلا دخلت و اتسحبت بالراحة لحد ما وصلت ل أوضة النوم و وقفت اسمع الأصوات اللي جوه و اللي كانت اصوات مختلفة بين صوت مراتي سعاد و صوت رجل تاني انا عارفه كويس و كانت بتقوله ( اهو هيفضل مكتئب كده و قاعد فالشالية يومين تلاتة او يمكن أسبوع و بعد كده يرجع يفضل مكتئب شهر و اهو بعد كده هينسى ) ... رد عليها الرجل اللي معاها و قالها ( مش مهم سيبيه براحته يقعد شهر شهرين أدينا بناخد راحتنا بدل ما احنا بنتقابل بقالنا سنين عندي فالفيلا و بتبقي مستعجلة و خايفة ) .... ردت عليه و قالتله ( بس متنساش أن انت السبب ، فكرة الكلب و الساحر اللي روحتله علشان يخلي جن يلبس كلب و يقتل كل الكلاب دي فكرتك ) .... رد عليها و قالها ( و مالها فكرتي ان شاء الله ؟ ) .... ردت عليه و قالتله ( احلى فكرة فالدنيا و اهي خلتنا نخلص من الكلاب اللي قارفني بيهم من سنين و بالمرة نرتاح منه كام يوم و يمكن الأكتئاب يطول و يخليه يتعب او يموت ) .... رد عليها و قالها ( سيبك منه بقى و من الكلاب و ركزي معايا لأنك وحشاني اووي ) ، و بعد كده سمعت صوت قبلات متبادلة بينهم بصوت مرتفع ، وقتها مقدرتش اتمالك نفسي و نزلت جري على أوضة المكتب و جبت المسدس بتاعي و طلعت عالأوضة و فتحت عليهم الباب و قتلتهم هم الاتنين و هم فحضن بعض بدون أي مناقشة ، و بعد ما قتلتهم مكنتش عارف أعمل أيه فاتصلت ب فوزي التربي و اللي كان بيحرس مقابر العيلة بتاعتنا من سنين و عرضت عليه مبلغ كبير ف مقابل أنه يتخلص من الجثتين و لأنه أصيل و فهم و قدر اللي حصل و شاف بعينه الوضع اللي كانت فيه مراتي مع الرجل ده صدقني و متكلمش و خد الفلوس و خد العربية بتاعت الرجل و دفن الجثتين ف مكان أنا نفسي معرفهوش لحد النهاردة و كمان خفى العربية بتاعت عشيق مراتي اللي هو يبقى محمود الشامي ، و من يومها و كل الناس عارفة أن جدتك أختفت و مرجعتش و لأنها أختفت بقالها سنين و كمان و لأن فوزي التربي مات ف محدش يعرف يكتشف أي حاجة ، و عشان انا حاسس أني بموت كان لازم أحكيلك السر ده )
بصيتله و انا الدموع مالية عنيا و مش قادر اتكلم ولا قادر ارد ولا عارف حتى أقوله أيه لأنه و هو بيحكي كان بيبكي و قالي جملة واحدة و بعدها سكت تماماً و الى الأبد ..
- أوعى تقول لأمك و ل ابوك و ألا هتبقى بتبوظ حياتهم .
قال جدي الجملة دي و مات ..... مات و سابني شايل سر غير حياتي للأسوء ، سر محدش يعرفه غيري و لو أمي او ابويا عرفوا فعلا حياتهم هتدمر و ده لأن انا أسمي ( بدر محمد محمود الشامي ) .... أيووووه أنا حفيد محمود الشامي اللي جدي قتله بعد ما اكتشف أنه كان بيخونه مع مراته ، يعني انا دلوقتي عرفت أن جدي والد والدتي قتل جدتي اللي هى مراته و قتل جدي اللي هو والد والدي لأنه كان بيخونه معاها و خفى جثتهم هم الاتنين و الناس كانت فاكرة أنهم اختفوا و بعد فترة طويلة قالوا خلاص نعتبرهم ماتوا .... و طبعا انا كنت فاكر أنهم أختفوا لحد ما سمعت اللي سمعته من جدي قبل ما يموت و اللي اتأكدت منه لما ف يوم حلمت بالمخلوقة اللي جدي حكالي عنها و شوفتها فالحلم زي ما جدي وصفها بالظبط و قالتلي ...
( لقد ماتوا من قتلوا روييائيل ، لقد ماتوا من قتلوا روييائيل ) ......... تمت
العارف
التعليقات على الموضوع