قصه (الجزء الرابع والاخير)

الجزء الرابع والأخير..
( هاجر الزوهرية أو الجان " ميمونة " من عائلة ونسل قبيلة جان الميامين السادة تصدوا للمردة في العديد من المواقف ومن القبائل المحافظة على عهد سليمان )

المهم هاجر دخلت غرفة نادية بالمصحة ، و أول ما دخلت ، نادية وقفت فجأة بطريقة غريبة وعينيها اتقلب لونها للأسود وقالت بصوت أجش :ميمونة ؟!

ردت هاجر بصلابة  : ميمناخ ؟!

سكوت لفترة من الاتنين بعدها اتكلمت هاجر وقالت :
براڤو يا ميمناخ ، حقيقي برافو ، من أكبر وأشرف قبائل الجان  ،و  الحراس الأصليين بموجب العهد لمجرد جان مارد هارب ، حقيقي مبسوطة بيك جدا .

ردت نادية بصوت جهوري وأجش : انتي عارف اني أكتر واحد حفظت السر وحافظت على المقابر الملكية الفرعونية وأكتر فارس حارب المردة والمعتدين ..

ردت هاجر : ودلوقتي ايه ؟! جن مارد هارب بتفتح للبشر الفانين مقابر مفاتيحها كانت طول الزمن مع أجدادك ، ومش هنقبلك في الجان الميامين أبدا يا مارد إلا بضريبة الدم ..

ردت نادية بصوت ميمناخ : بس كدا البنت هتموت ؟!

قالت هاجر :
بلاش لعب يا ميمناخ ، انت عارف ان كدا او كدا نادية هتموت ، يا ميمناخ افهمني ، سمحج بيستغلك علشان يوصل للي هو عاوزه ،انه يبقى حاكم قبيلة المردة وساعتها هينبذك زي ما كان السبب في نبذك من قبائل أشراف الحرس !

ردت نادية (ميمناخ) : حتى لو نادية ماتت هيلاقيلي جسم زوهري جديد

جاوبت هاجر ( ميمونة ) :
على الأقل مؤقتا ، لحد ما يظهر إنسان زوهري جديد ، انت عارف انهم مش كتير في العالم ، دا غير ان تلبسك لأي جسم زوهري صعب وهيسبب وفاته وهو طفل لسه ، انت محتاج انسان زوهري قوي ومتفرد زي نادية ، ودا بييجي كل ألف سنة مرة ، ساعتها نبقى ندورلها على حل .

سألت نادية (ميمناخ) :  طب والحل ايه ؟! 
قبائل المردة اللي وعدتهم مش هيسكتوا ، هيتتبعوني .

جاوبت هاجر (ميمونة ) :انت عارف الحل كويس يا ميمناخ وعارف ازاي تقطع الرصد بتاعك ! هو صعب بس مفيش قدامنا غيره .

قالت الجملة دي وطلعت من ورا ضهرها حبل وسابته على السرير قدام نادية وبصيتلها بصة أخيرة  وخرجت .

بعد 3 ساعات عاملة النضافة كانت داخلة الغرفة علشان تلم القمامة واول ما فتحت الباب ودخلت صرخت وهي مصدومة !!

نادية متعلقة من رقبتها ومشنوقة بالحبل !

الكل دخل الغرفة على صريخ عاملة النضافة  واتصدموا بالمنظر ، الا هاجر الدماطي اللي اتنهدت بارتياح وحطت وشها ف الارض وقالت :
الله يرحمك يا نادية !

                  ** تمت بحمد الله **

* نادية ماتت .
* مصحة ( الصلاح )  وقع عليها غرامات كبيرة .
* هاجر الدماطي اتقدمت للمحاكمة لاتهامها بالتقصير .
* الشيخ مسعود لحد دلوقتي محدش يعرف طريقه .
* أم نادية باعت البيت ومحدش يعرف طريقها لحد دلوقتي