في المشرحة

قصة ( فى المشرحة ) من سبع اجزاء كاملة ..

الجزء الاول  ....
اسمى محمود 27 سنه انا مش عارف ابتدى ازاى او منين ولا انا عارف ليه اصلا بحكى بس كل الى فاهمه وحاسه انى لازم احكى لازم اطلع الى جوايا من خوف ورعب وقلق
ابتدت حكايتى من سنه اول مااتخرجت من كليه الطب
دراستى عباره عن علم التشريح
وزى اى شخص بدور ع شغل وطبعا بلدنا مش بتمشى غير بالواسطه وفعلا جبتها واشتغلت ف مستشفى حكوميه طبيب شرعى
اول يوم
وصلت المستشفى ف الشفت بتاعى الى بيبتدى من 8م ل 8ص
دخلت مكتب المدير
-مساء الخير
-اهلا دكتور محمود جاى ف ميعادك مظبوط تعال معايا
اتمشينى شويه ف المستشفى عرفنى ع الاقسام ووصلنا ل مكان عباره عن طرقه طويله وب اخرها بابين ع واحد منهم يافطه مكتوب المشرحه والتانى الطبيب الشرعى
-ده هيكون مكتبك يادكتور
دخلنا المشرحه عباره عن غرفه كبيره وواسعه والحيطان عباره عن ثلاجات تشبه التوابيت وثلاث طربيزات بحجم متر عرض ف مترين طول ومكتب صغير جنبه دولاب صغير فيه دوسيهات واوراق
وطربيزه رابعه بحجم متر ف متر لاكن جزاين جزء فوق وجزء تحت (بدورين)
عليها ادوات التشريح وقطن ومواد تعقيم
ورفين عليهم مود بنحتاجهم ف شغلنا وجزء كمان ف الغرفه يشبه غرفه صغيره ده عباره عن معمل هحتاجه ف شغلى
صوت غريب (السلام عليكم)
-تعال ياعم ابراهيم دكتور محمود ؤه عم ابراهيم حارس المشرحه هنا هو الى هيساعدك ف كل حاجه
عم ابراهيم راجل ف اخر الاربعينات شخص متوسط الطول والحجم قمحى البشره شعره اسود لاكن يكسوه البياض
-ازيك ياعم ابراهيم
-اهلا يادكتور
-طيب اسيبكم انا بقا تشوفو شغلكم (قالها المدير وهو خارج بره المشرحه )
-ها يادكتور تحب تبتدى الشغل دلوقتى ولا ترتاح شويه
-لا ياعم ابراهيم انا بحب اخلص شغلى اول باول
-طيب يادكتور
قرب ل واحده من الثلاجات الموجوده وخبطت عليها خبطتين
-انت بتعمل ايه ياعم ابراهيم
- ياابنى الاموات ليهم حرمه لازم تستاذن
سحب باب الثلاجه خر شى يشبه السرير عليه جثه مغطاه ب بغطاء ابيض
-بص بقا يادكتور الجثه دى جثه واحده لاقوها مرميه ع الطريق وعايزين يعرفو ماتت ازاى وكل بيانتها هجيبهالك دلوقتى بس ايدك معايا كده نشيلها نحطها ع الطربيزه علشان تاخد راحتك اكتر
بس متنساش سمى الله الاول
-بس الله الرحمن الرحيم
شيلناها وحطينها ع الطربيزه وبدات شغل
وعدى اليوم الاول..
....

قصة ( فى المشرحة ) الجزء الثانى :
بعد كام يوم بعد مااتعرفت ع كل الدكاتره الموجودين وخلصت شغلى اخدت اجازتى الاسبوعيه
رجعت المستشفى وصلت كان فى دوشه وهرجله قابلنى عم ابراهيم
-فى ايه ياعم ابراهيم
-جيت ف وقتك يادكتور اصلهم لقوا واحد مقتول وجسمه كله مشوه ومحدش عارف اسمه ولا عنوانه ولا اى بيانات عنه
(صوت غريب)-احم مساء الخير يادكتور انا المقدم علاء مباحث
-اهلا يافندم اتفضل ف مكتبى
دخلنا المكتب
-بص يادكتور الجثه دى احداثها غريبه مش عارفين عانها اى حاجه كل الى نعرفه ان الشخص ده من حوالى اسبوع اجر الشقه الى لقوه موجوده فيها ولما صاحب البيت طلب منه بطاقته علشان يكتب العقد قاله انه هيجبهاله تانى يوم
واختفى بعد مادفع الايجار
بعدها بحوالى اربع ايام الجيران شمو ريحه مش حلوه اتصلو بصاحب البيت جه وخبطت ع الباب مفيش حد بيرود قلق راح كاسر الباب لقو الشخص ده مرمى ع الارض ف الحاله دى بلغو البوليس
وطبعا محتاجين تحدد سبب والوفاه
-حاضر هعمل كل جهدى
-طيب هقوم امشى انا بقا
-اتفضل
خرجت شويه اوراق من مكتبى وابتديت اسجل الحاله
قطع تفكيرى صوت عم ابراهيم
-ايه يادكتور مش هتشتغل
-اهو قايم ياعم ابراهيم بقولك ايه ماتناولنى فنجان قهوه احسن مصدع
-ماشى بس انا كده الى هعملك القهوه علشان سعيد بتاع البوفيه مش موجود
-معلش ياعم ابراهيم هتعبك معايا انا اسف
-لاياابنى ولايهمك اهم حاجه تعمل شغلك برواقه ربنا يقويك
سبنى وخرج وانا قمت وصلت ل باب المشرحه فتحته ودخلت اول مادخلت حسيت ببروده قويه اول مره احسها وقشعره ف جسمى كله بطريقه غريبه
لقيت الجثه موجوده ع الطربيزه ومتغطيه والغطاء كله دم
شيلت الغطاء معدتى قلبت وكنت هتقياء من المنظر
جسمه كله مشوه وعريان مفيش مكان مش مشوه
مسكت المشرط وقولت ابتدى ف الامعاء اشوف ايه اخر شيى وصل المعده لكن افتكرت انى سيبت اوراق الحاله ع مكتبى لفيت وخرجت جبت الاوراق ورجعت دخلت المشرحه بسرعه علشان اخلص شغلى
اتصدمت ملقتش الجثه ع الطربيزه
هى راحت فين!!!!!!!
سمعت حركه ورايا قطعت تفكيرى بلف لقيته ف وشى
محستش اغم عليا
-بس الله الرحمن الرحيم فوق ياابنى
ده كان اول حاجه سمعتها وانا بفتح عينى
-عم ابراهيم
-ايه ياابنى الى حصل
-ال الجثه الجثه
-جثه جثه ايه ياابنى
-الجثه فين
-الجثه ف مكانها ياابنى قوم قوم اتسند عليا
ساندنى وقمت وانا ببص للجثه الى لقتها ف مكانها زى ماسبتها وخرجت
بس ايه !الى حصل معقول انا بتخيل ؟
قطع تفكيرى صوت عم ابراهيم
-خير ياابنى ايه الى حصل
-لالامفيش حاجه انا بس تعبان شويه
-طب يادكتور لو تعبان ارجع البيت
-لالا بقيت كويس
- طيب عندك القهوه اهى تحب اساعدك ف حاجه
-اه ياعم ابراهيم خليك معايا تسلينى بدل ماانا قاعد لوحدى
-ماشى يادكتور..................⛔

قصة ( فى المشرحة )
الجزء الثالث :
قربت للجثه واخدت المشرط وبدات افتح المعده
عدى نص ساعه وانا منهمك ف الشغل مرفعتش راسى من ع اماعائه غير وانا بكتب الملاحظات
وفجأه خطر ليا شعور غريب انى ابص ل وشه
بصيت ل وشه وسرحت ف عينيه المغمضه ل ثوانى
وفجاه فتح عينه اتخضيت رجعت لورا اتكعبلت وقعت
-بسم الله الرحمن الرحيم مالك يادكتور فى ايه!!!!؟
قمت بسرعه وانا الخوف مالى جسمى
-الجثه فتح عينه وبصلى
بصيت عليه لقيت كل حاجه زى ماهى
-ياابنى فتح عينه ايه بس ماانا معاك اهو مفيش حاجه انت لازم بتتخيل انت تعبان ياابنى قوم روح وتعال كمل بكره
عدى ع الموقف ده يومين يومين كاملين وانا مش بخلى عم ابراهيم يتحرك من جنبى يومين كاملين وانا بشتغل بسرعه وخوف ورعب
يومين كاملين وانا هتجن وسوال واحد الى بيتكرر ف دماغى
هو انا فعلا بتخيل؟؟!!!!!!!!!
قطع تفكيرى خبطت ع باب المشرحه ودخول الظابط علاء
-ازيك يادكتور
-الحمد لله
-ايه اخبار الجثه
-والله فى حاجات كتير غريبه ياحضره الظابط
-حاجات زى ايه
-هشرح لحضرتك اتفضل ف مكتبى الاول
دخلنا المكتب
-بص ياحضره الظابط العلامات الى ع جسم الجثه حروق مش ده الغريب الغريب ان فى علمات اظافر ع الجثه
-طب وايه الغريب ف كده
-الغريب ف كده ان اثناء ماكانت الاظافر دى بتقطع ف الجثه كان الجسم بيتحرق ف نفس اللحظه
يعنى الجثه كانت مولعه بالنار وشخص بيقطع فيها باظافره والشى الغريب الثانى ان لو كان ده فعلا صح كان الشخص ده اتحرق ولزق بقايا من جلده ع الجثه
لو فرضنا ان انا غلطان وان الجثه اتشوهت الاول قبل الحروق
التشوهات الى موجوده عميقه شويه يعنى ع الاقل كنت لقيت بقايا اظافر الشخص ده ده اذا كان فعلا شخص
-قصدك ايه يادكتور
-قصدى ان مفيش بنى ادم اظافره تعمل جرح بالعمق ده
-يعنى قصدك حيوان
-ماانا قولت لحضرتك كنت لقيت بقايا اظافره ف جلد الجثه
-انا مش فاهم حاجه
-المشكله ان الجثه فى داخل المعده لحم ني
-ني ازاى يادكتور
-انا وديت قطعه اللحم الى موجوده بالمعده لمعمل التحاليل علشان نوصل لنتيجه ونعرف هى ايه
بس الغريب انها متهضمتش وده يعنى انها اتاكلت قبل الموت ع طول
مع وجود بعض الفيروسات ف جسمه وده شى غريب لان معظم الفيروسات دى مش بتيجى غير عن طريق الدم
-انا مش فاهم اى حاجه يعنى ايه
-يعنى الشخص صاحب الجثه مكنش شخص طبيعى
-طيب استاذن انا بقا ابقى سجل الملاحظات كلها لحد مانشوف النيابه هتقرر الدفن
تانى يوم
تليفون المشرحه بيرن صوت كله االم
-ازيك يادكتور
-ايه ياعم ابراهيم فينك اتاخرت ليه
-والله يابنى تعبان مقومتش من السرير جسمى كله واجعنى والكلى قايمه عليا معلش هسيبك النهارده لواحدك
-لا ياعم خد راحتك ربنا يقومك بالسلامه
مجرد مانزلت سماعه التليفون دخل عليا عبد الله مندوب معمل التحاليل وهو بيدينى التقارير ف ايدى وسبنى ومشى
فتحت التقارير وكانت الصدمه
قطعه اللحم كانت لحم بشرى ومع تحليل الدماء وتحليل ال دى ان اي اتضح ان قطعه اللحم البشرى ل اسماء على
من الصدمه التقارير وقعت من ايدى
مسكت سماعه التليفون بالعافيه وطلبت رقم الظابط
وبعد ثوانى
-الو
-الو الظابط علاء موجود
وفجاه النور قطع
بالنسبه انى متعود ع المكان كان ممكن امشى ف الضلمه لانى عارف ومتاكد ان فى كشاف ف مكتبى
وفعلا قمت من مكانى واتمشيت خطوات ناحيه الباب وف لحظه النور جه
جه ف بالى انى اكمل المكالمه
لفيت اتصدمت
لقيته ف وشى نفس الجروح نفس الحروق نفس النظره الى شفتها قبل كده
رجعت بضهرى خطوه لوراء كان هو قدم خطوه لقدام
خطوه مع خطوه وانا قلبى هيطلع من مكانه
ببص ع الباب لقيته اختفى
رجعت بنظرى مره تانيه لقيته قدامى بالظبط وده كان كفيل انه يرعبنى لدرجه انى وقعت
وفجاه حسيت ببروده والاوضه حيطانها بتقرب عليا وابواب الثلاجات مفتوحه وخارج منها نار
صرخت لاكن صوتى مش طالع حولت مره والتانيه والثالثه ومع كل مره الحيطان بتقرب وباب الثلاجات بيوسع بصيت عليه كان واقف قدامى بالظبط عينى جت ف عينه لحظه صرخ صرخه قويه بصوت خشن وريحه قذره ومعاها المكان ولع نااار
صرخت
محستش بعدها باى حاجه...........................⛔
..

قصة ( فى المشرحة )
الجزء الرابع :
-دكتور يادكتور
فتحت عينى براحه جدا مش قادر اتحرك من مكانى
-سلامتك يادكتور
- انا فين
-انت ف المستسفى بقالك يومين ف غيبوبه
-غيبوبه!!!!!!!!!
هو ايه الى حصل وانت مين
-انا دكتور انور الى كنت متابع حالتك من وقت ماجيتلى
قطع كلامنا صوت خبطت ع الباب ودخول عم ابراهيم والظابط علاء
(علاء)ايه يادكتور حمد لله ع سلامتك
(ابراهيم)ايه ياابنى خضيتنا عليك
-هو ايه الى حصل انا مش فاهم حاجه
(ابراهيم)ياابنى الحكايه ان سعيد بتاع البوفيه قال يشق عليك ويشوفك عايز قهوه ولاحاجه دخل لقاك مرمى ع الارض وجسمك كله بيتنفض نادى ع المدير ودخلوك العنايه
هو ايه اللا حصل ياابنى
-انا انا مش فاكر حاجه
طبعا انا كنت بكدب بس كنت خايف يقولو عليا بتخيل تانى ولا يقولو اتجنيت
قطع تفكيرى وهو بيقول
-ده حصل بلاوى ف غيابك
- حصل ايه
(علاء)انا اقولك حصل ايه
انا جيت لك تانى يوم سالت عليك قالولى انهم نقلوك العنايه دخلت ل عم ابراهيم ادانى نتيجه التحاليل ودورت ع اسماء
والغريب ان اسماء مختفيه من اكتر من اسبوعين
والاغرب ان بعد التحريات المكثفه اكتشفنا ان صاحب الجثه اسمه سيد مكاوى وسيد ده مشهور ف بلد ريفيه بالسحر والشعوذه دجال يعنى
لاكن مات ازاى او مين الى قتله وفين باقى جثه اسماء ده الى لسه مقدرناش نوصله
_انا مش فاهم اى حاجه انا دماغى بتلف
-انت ريح دلوقتى ونتكلم بعدين بس الى عايزك تعرفه ان الجثه امرت النيابه بدفنها ودفناها النهارده الصبح بعد مامحدش من اهل سيد رضى ياخدها
-سلام
-سلام
-دكتور انور هو انا جرالى ايه انا
حاسس بصداع غريب
-احمد ربنا
انت دخلت ف صدمه اثرت ع عقلك الباطن ف رفض الواقع خلى الاوعى عندك يتحكم ف العقل وده سبب الغيبوبه انا كنت متوقع انك هتفضل فيها اكتر من كده لكن الحمد لله استجبت للعلاج بسرعه
هو ايه الى حصل يادكتور محمود؟
-هه الى حصل !!!!! انا انا مش فاكر
-متتعبش نفسك بالتفكير دلوقتى نام وارتاح شويه انا حاليا هديك حقنه هتساعدك ع النوم
قرب منى ومعاه حقنه سحب دراعى وغرس فيه الحقنه بلطف
-تصبح ع خير
ثوانى وكان مفعول الحقنه اشتغل وعينى غفلت
سامع صوت بس مش غريب عليا انا سمعته قبل كده
-تعال تعال
فتحت عينى لقيت نفسى ف مكان مهجور وقدامى واحده مجرده من هدومهافمها مقول ب لازق معلقه من ايديها بسلسله ف السقف وتحتها دائره جواها نجمه خماسيه وعين وكلام غريب مكتوب وسكينه
وقاعد قدامها شخص بيقرء كلام مش مفهوم
حاولت اقرب لاكن شئ غريب خلانى ارجع ف كلامى وقفت مكانى
وف لحظه طلع عود كبريت وهو لسه بيواصل القرايه وولعه وقربه من الدائره راحت مولعه وهولسه بيواصل قرايه والنار بتعلى والبت بتصرخ صرخات مكتومه
انا اتسمرت ف مكانى مش قادر اتحرك
قام وقف وصوته بيعلى والنار لامسه جسم البنت سحب السكينه الى موجوده ف الدائره
وفلحظه وبسرعه عجيبه شق بطنها صرخت الدم نزل ع النار انطفت بطل قرايه
كل شئ هداء جسم البنت بيترعش عينها بتتحول اختفى السواد حل مكانه البياض
وف لحظه لقيته بيلف راسه نحيتى النظره دى انا فاكرها
-تعال
اتخضيت رجعت لوراء وقعت ع الارض وفجأه صحيت من النوم وانا بقع من ع السريروجسمى كله عرق وبنهج
-بسم الله الرحمن الرحيم
ايه الى شفته ده ده كابوس ولا حقيقه لالا ده اكيدكابوس انا بتخيل انا بتخيل
رجعت ع السرير جسمى هداء شويه والتوتر خف وعينى غفلت من التعب مره تانيه وانا بأمل ان ميجيش كابوس تانى.....................⛔نورا العمر

قصة ( فى المشرحة )
الجزء الخامس :
صحيت ع صوت خبط ع الباب ووراه الباب بتفتح فتحت عينى بتعب لقيت عم ابراهيم
-ازيك ياابنى انا لسه جاى من عند الدكتور قالى انك اتحسنت جدا وممكن تخرج النهارده بس
قطع كلامنا دخول دكتور انور
-ازيك يادكتور انا لسه كنت بقول ل عم ابراهيم انك بقيت تمام وهتخرج بعد شويه بس اهم حاجه متعرضتش نفسك لتوتر او عصابيه وهكتبلك شويه ادويه
-حاضر يادكتور
-طيب استاذن انا بقا سلام
-سلام
-عم ابراهيم انا مش عارف ايه الى بيجرالى
-مالك ياابنى
-شفت كابوس لا ده مش كابوس انا لو حكيت لك مش هتصدقنى
-خير ياابنى احكى احكى
حكيتله كل الى حصل من اول المشرحه والجثه الى قامت لحد الكابوس ونظرته ليا
-بسم الله الرحمن الرحيم
انا مش عارف ايه الى حصل بس انا لازم اساعدك
هوديك لشيخ يقرء عليك يمكن تكون ممسوس يابنى ولاحاجه انا اعرف شيخ كويس اووى
قطع كلامنا دخول الظابط علاء
-ازيك يادكتور محمود انا قولت اطمن عليك
ازيك ياعم ابراهيم
(ابراهيم )الحمد لله
ايه الى ف ايدك ده
-دى اوراق بخصوص قضيه سيد
كام صوره وقعت من وسط الورق وهو بيطوح ايده
-يووووووووووه قرفتونى كل شويه يقعو
لمحت صوره من الصور اتصدمت نزلت بسرعه من ع السرير مهمنيش التعب اللى ف جسمى
اخدت الصور وانا مندهش كانت صوربنت
-مين البنت دى !!!!!!!!
-دى اسماء
-ايه!!!!!!!!! مش معقول مش ممكن ياعم ابراهيم اهى اهى البنت الى انا شفتها ف الحلم
(علاء)حلم ايه انت اتجنيت
(ابراهيم)اهدى ياابنى
-اهدى ايه انت مش مصدقنى ليه انا شفتها شفتها وهى بتتقتل
(علاء)مالك يامحمود فى ايه
-انتو ليه مش مصدقينى انا مش مجنون
جؤيت عليه سحبت منه الملف فتحته وكانت الصدمه الاكبر
نفس الشكل نفس العنين نفس النظره
-دى دى صوره سيد
(علاء)اه
وقعت ع الارض رجلى مش شيلانى روحت ف دنيا تانيه
اغم عليا
فتحت غينى لقيت نفسى ف المقابر وهو واقف قدامى ومعاه شوال وبيفتح قبر بسيخ حديد فضل يعافر دقيقتين لحد ماسمعت تكه
مد ايده رفع الباب واخد الشوال ونزل القبر
المره دى جالتى الجرأه انى انزل وراه
وبشى لا ارادى لقيت نفسى بنزل ف القبر
نزلت ملقتشهوش مفيش غير الشوال بس
قربت منه حاولت افتحه لاكن كان مربوط جامد حاولت مره تانيه اتفتح
مع فتحه خرجت ايد مشوهه وشبه محروقه
سمعت حركه ورايا بلف لقيته ف وشى
نفس النظره المرعبه وبيبتسم ابتسامه صفراء
مد لى ايده كانت كلها دم وقال بصوت خشن وريحه مقرفه
-تعال
رجعت لوراء اتكعبلت ف الشوال وقعت خرجت راس البنت عينها جت ف عينى صرخت القبر ولع ناااااار

صحيت من النوم مفجوع... 

.لقيت عم ابراهيم وعلاء ف وشى
قبل مايقولو اى كلمه قولت بصوت مرعوب
-انا عرفت هى فين عرفت دفنها فين
(علاء وابراهيم ف نفس واحد)هى مين
-اسماء
قبل مااشوف الاندهاش ع وشهم قمت بسرعه من ع السرير
-علاء هتيجى معايا
-اه مش هسيبك لوحدك
وبسرعه طلع موبايله طلب رقم واستنا ثوانى
-الو ايوه انا محتاج قوه
بصلى ونزل الموبيل
-هنروح فين
-المقابر الغربيه
-ايوه ياابنى ع المقابر الغربيه بسرعه حصلنى ع هناك
(ابراهيم)وانا كمان جاى معاكم
-يلا بينا
ركبنا عربيه انور دقايق عدت عليا كانها سنين وانا بسال نفسى سؤال واحد
ايه الى بيحصل ده
العربيه وقفت قدام باب المقابر
باب عريض حديد مانع انك تشوف الى وراه ثوانى وكانت عربيه تانيه جايه نزل منها عساكر وظابط أدو التحيه العسكريه ل انور
وفلحظه حسيت بشئ غريب بيشدنى للمكان انا عارف المكان كويس اووى الغريب ان اول مره اجى هنا
دخلت من الباب وانور والعساكر ورايا
بمشى وسط الشواهد كانى عارف الطريق
وفلحظه شفت القبر نفس القبر مديت ايدى وشاورت عليه
-هوده
انور شاور لعسكرى الى قرب وبداء يفتح الباب الى اتفتح معاه بسهوله
قربت من القبر انا وانور
(علاء)انزلو شوفو ايه الى تحت
نزل كام عسكرى دقايق وطلع واحد
-ياباشا فى شوال اسود جواه جثه باين من الشعر الطويل انها واحده
انور اتصدم وبصلى باستغراب عم ابراهيم فضل يسمى ويقرء قراءن
شويه وعربيه اسعاف جت
نزل المسعفين طلعو الجثه وحطوها ف العربيه
علاء اخدنى من ايدى خرجنا بره ركبنا العربيه معاه وروحنا القسم
دخلنا مكتبه انا وعم ابراهيم
وباندهاش وعصبيه
-انا عايز افهم ايه الى بيحصل ده يامحمود انت ازاى عرفت المكان بالسهوله دى انت مشيت ف المقابر كانك دخلتها قبل كده مليون مره
-انا مش عارفه انا نفسى مش فاهم ايه الى بيحصلى ده انتو فهمونى ايه الى بيحصل وليه انا هاااااا فهمونى ليه انا
(ابراهيم)اهدى ياابنى مش كده سمى الله كده واستعيذ بالله من الشيطان واهدى
جسمى كله عرقان رجلى مش شيلانى قعدت ع الكرسى
حاسس بصداع غبى كان دماغى هتنفجر
(ابراهيم)انت لازم تروح لشيخ ولحسن حظك انا اعرف واحد كويس اووى تعال نروح نستشيره
مكنتش عارف اقوله ايه اصلا مكنتش قادر اتحرك جسمى متلج مع انى عرقان جدا
-انا اناتعبان انا عايز ارتاح
(علاء)انا مش عارف اقولك ايه بس المشكله دلوقتى ان محدش من روئسائى هيصدقك هيقولوا انت القاتل
-ايه!!!!!!!!!! انت بتهزر انا لازم الاقى حل ارجوك ساعدنى
عم ابراهيم يلا بينا ابوس ايدك عايز اخلص
(ابراهيم)طيب اهدى بس مينفعش كده غلط ع صحتك انت لسه خارج من المستشفى
هتيجى معانا يا حضره الظابط
(علاء)لا انا هفضل هنا اشوف حل للمشكله دى........................⛔
قصة ( فى المشرحة )
الجزء السادس :
اخدنى عم ابراهيم وركبنا تاكسى ودانى مناطق عمرى ماروحتها المهم انى عرفت ان عم ابراهيم ساكن هنا وان الشيخ ده جاره من اكتر من 30 سنه
وصلنا عند بيت قديم خارج منه ريحه جميله ريحه المسك
بس مع انى بحب المسك الا انى حاسس بدوخه مجرد ماشميته
دخلنا البيت خبط ع الباب فتح ولد شاب ف اوال العشرين
(ابراهيم)ازيك يامحمد جدك فين
(محمد)جدى جوه اتفضل هدخل اناديه
دخلنا البيت وانا مش قادر امسك نفسى كل ماالريحه بتزيد الدوخه بتزيد اكتر
-ازيك ياابراهيم
خرج الصوت من شيخ كبير ف السن شعره ابيض وطول الدقن بيضاء ملامحه هاديه مبتسم
-الحمد لله ياشيخ عبد الله
محتاجينك ف شئ ضرورى ياشيخ
بصلى وقال
-مالك ياابنى انت دايخ
-اه
-من ريحه المسك صح
-اه ياشيخ
-تعال ياابنى ادخل الاوضه دى وانت ياابراهيم خليك هنا
بصيت ل عم ابراهيم ف استغراب قابلنى بابتسامه طمنتنى
دخلنا اوضه نورها هادى جدا وفيها مبخره خارج منها ريحه المسك
مد الشيخ ايده ف كيس جنب المبخره وطلعها بشويه حاجات بيضاء
وحطها ع الفحم الريحه زادت وزاد معاها دوختى
-نام هنا ياابنى
- ع الارض
-اه
نمت ع الارض راح ل مكتبه صغيره موجوده ف ركن الاوضه وجاب منها كتاب
وجه قعد جنبى وفضل يقرء بصوت خفيف انا مش سامعه وبداء يعلى بنبره صوته بالتدريج انا عارف الكلام بس عقلى مش مستوعبه كانى مش فاهمه
وفلحظه صوته على مره واحده غمضت عينى بسرعه حطيت ايدى ع ودنى وانا بصرخ من الصوت الى دخل ف دماغى زى الرصاص
الصوت بداء يبعد واحده واحده لحد مااختفى فتحت عينى
لقيت نفسى ف نفس البيت المهجور وقدامى جثه اسماء نفس الدئره والنجمه والعين بس الفرق ان الدم مالى المكان وسيد مش موجود
وقفت مصدوم للحظات قبل مااشوف سيد جاى ومعاه كتاب وسكينه
قرب من جثه اسماء وهو بيقرء من الكتاب كلام مش مفهوم
بطل قرايه للحظات حط الكتاب ع الارض ومد ايده بالسكينه وقطع جزء من فخد اسماء واكلها باستمتاع ونشوه
مسك الكتاب مره تانيه بس الكتاب جه عليه بقعه دم وجطه داخل الدائره
شال جثه اسماء حطها ع الارض واخد السكينه وفضل ينقش ع جسمها نقشات غريبه
وبعدين اخد الجثه مره تانيه وحطها ف شوال نفس الشوال نفس الرابطه
دماغى صدعت مش قادر اتحمل وقعت ع الارض فتحت عينى بصعوبه شفتها وهو بدفنها صوت صفير عالى غمضت عينى مره تانيه
كل شى هدى فتحت عينى لقيت نفسى ف شقه صغيره
دايره مرسومه جواها نجمه خماسيه وعين وسيد واقف جواها
وماسك الكتاب
فضل يقرء وصوته يعلى ويعلى ونور المكان ينطفى ويولع
وفجاه سكت والنور قطع
مرت ثوانى النور جه بس مكنش لواحده
اتصدمت
شئ اسود ضحم شعره طويل عيونه حمراء اظافره طويله وحاده انيابه خارجه عن شفايفه واقف ع الهوء حوليه هاله من نار لونها اصفر
وقدامه سيد راكع ع ركبه وراسه وعينه للارض
-سيدى اقدم ليك قربانى حققلى مردى اتوسل اليك
صوت ك فحيح التعبان
-غلط
انهدهش سيد وعينه برقت
-غلط ايه الى غلطت
مد الشئ ده ايده الكتاب الى كان ف ايد سيد قرب منه
سيد اتصدم وهو بيشوف بقعه الدم
صرخ الشئ الهاله الى حوليه اتحولت للون الاحمر وفلحظه اتحرق الكتاب وبقا رماد
سيد نزل راسه للارض بسرعه
-السماح السماح ارجوك ارحمنى
صوت خشن اجش
-اضحيه
-اضحيه !!!!!!!!
قرب منه الشئ ده بسرعه سيد اتخض وقع ع الارض
الشئ ده دخل جواه جسمه بيتنفض عينه بتتحول للون الاحمر
جسمه بيتشرح وكل فتحه بتطلع دخان وف لحظه جسمه ولع نار
والدائره بتختفى والنار تزيد
الرسمه كلها اختفت والنار انطفت وجسم سيد بقا عباره عن جثه مشوهه
شئ غريب شدنى
قربت منه بصيتله باندهاش وفجأه فتح عينه
اتخضيت رجعت لوراء وقعت
عمضت عينى فتحتها بسرعه لقيت الشيخ عبد الله وعم ابراهيم قدامى
جسمى سخن وعرقان وبنهج مش قادر اخد نفسى........

...

قصة ( فى المشرحة ) ⛔
الجزء السابع والاخير :
ابتسامه خفيفه ع وش الشيخ عبد لله طمنتنى
(الشيخ)اهدى ياابنى اهو فاق ياابراهيم مش قولتلك متقلقش
(ابراهيم)الحمد لله
(الشيخ)احكيلى ياابنى شفت ايه
حكيت له الى حصل وانا كلى رعب وخوف وهوع وشه نفس الابتسامه المطمئنه الى كل ماابصلها ارتاح
-انا عايز اعرف ايه الى بيحصلى ده ياشيخ
-انا هفهمك ياابنى سيد ده كان بقدم اضحيه لملك من ملوك الجان وغلطت غلطه بسيطه بس طبعا هم معندهمش حاجه اسمها غلطت وعلشان كان مقدم اضحيات كتيره قبل كده وعلشان يتحقق مراده ملك الجان طلب منه اضحيه كمان وهى جسمه لاكن روحه لسه موجوده وهى عايزه تستحوذ ع جسم تانى تعيش بيه وياخد مراده من ملك الجان
طب وانا مالى
انت شاب صغير فالسن دكتور
مش فاهم
هو لما يتسحوذ ع جسمك هياخد زكرياتك كلها يعنى هيبقا دكتور وده هيساعده انه يقدم اضحيات اكتر
طب وايه الحل
مفيش غير حل واحد
ايه
نطرده بالقرأن
بس اهم حاجه انت
انا
اه انت لازم تتمسك بدينك وجسمك لاخر لحظه فاهمنى
ايه الكرسى ياابنى ايه الكرسى
ابراهيم
(ابراهيم)نعم ياشيخ
-اقفل الباب كويس اووى ولو فشل مفيش قدامك غير حل واحد
وشاور ع ركن بعيد فيه مسدس
انا اتصدمت
انت بتقول ايه ياشيخ عايز تقتلنى
وقتها مش انت الى هتموت ياابنى ده شيطان ولازم نحاربه
انت وقتها هتكون انتهيت
صدمنى الرد مكنش قدامى غير كد
اتكل ع الله ياشيخ
اوعى تنسى ياابنى اتمسك بدينك
راح للمكتبه اخد منها طباشيره ورسم دائره ع الارض وجواها نجمه خماسيه وعين ونيمنى جواها وطفى النور وحط جنبى شمعه
وبداء يقرء قرأن بصوت عالى
حسيت بالم ف جسمى مش قادر اتحرك غمضت عينى من الالم الشيخ سكت فتحت عينى اتصدمت كان قدامى عينى ف عينه نايم فوقيا مبتسم بوشه المشوه
صرخت الدائره ولعت نار وانا جواها مش قادر اتحرك
ريحته قذره مش قادر اتنفس
سمعت صوت خفيف
(اتمسك بدينك)
بدات اقراء ايه الكرسى بصوت خفيف ضعيف
بسم الله الرحمن الرحيم
الله لا اله الا هو الحى القيوم
..
صوتى بيعلى وهو بيبعد عنى بقوم من مكانى بيرجع لورء
لا تاخذه سنه ولا نوم له ما فى السموات ومافي الارض من ذا الذى يشفع عنده الا بأذنه يعلم مابين ايديهم وما خلفهم ولا يحيطون بشئ من علمه الا بما شاء وسع كرسيه السموات والارض ولايؤده حفظهما وهو العلى العظيم
.
مجرد ماخلصت قرأه وكأنه استنهز الفرصه
صرخ المكان ولع نااار هجم عليا وقعت ع الارض مسكنى من رقبتى مش قادر اتنفس
بدات اقرء مره تانيه صوتى مش بيطلع
لكن حاولت مره واتنين كل مره كان ايمانى بربنا يزيد قريت صوتى على رجع لوراء بطلع من حوليه دخان رجع خطوات ومع كل خطوه بيبرجعها انا بقدم زيها واكتر
وفلحظه جسمه ولع وصرخ وصراخه بيعلى مع قرايتى جسمه بيدوب زى الملح
اتحول لرماد
بطلت قرايه ارحت مع شوفتى ل رماده ع الارض
سمعت ضحكه قويه هزت كيانى
لفيت بسرعه ناحيه الصوت اتخضيت
لقيه زى ماشفته بالظبط
شئ اسود عيونه حمراء انياب طويله هاله من نار حوليه
عينى جت فعينه حسيت ان روحى بتتسحب
وسمعت صوت نفس الصوت الى سمعته
-تعال
جسمى بيقرب كان شيى رابطنى وبيشدنى مش قادر اتحرك او اقاوم
وقفت قدامه عينى ف عينه انيابه لمسانى قال بصوت مرعب وبريحه قذره
-تعال
صرخت
-سيبنى سيبنى يالعين
ضحك ضحكه قويه مسكنى من رقبتى رفعنى رمانى هبدنى ف الحيط وقعت جنب الرماد جسمى بيتالم
بصلى وابتسم شاور ع الرماد طار ف الهواء واختفى
اتسندت ع الحيط لحد ماوقفت
صوت يشبه فحيح الثعبان
-سيد غبى اركع وقدم الاضحيه وانا اعيشك ف نعيم
شاور بايده مره تانيه المكان اتملى ذهب حوليا
للحظات الذهب شدنى حسيت انى ملك العالم لاكن شى خفى قال لى(اتمسك ب دينك)
-اركع
صرخت
-ابدا
قرب منى خطوه بدات اقرء ايه الكرسى قرب تانى صوتى على قرب كمان
صرخت الهاله اتحولت للون الاحمر عليت صوتى اتحول لنار وقرب منى بسرعه رهيبه
وقعت ع الارض النار ماسكه فيا جسمى بيتقطع رجعت تانى للقرايه الالم بيزيد وف لحظه شفت عينه ف عينى صرخت الالم لايوصف
ظهرت انيابه من وسط النار وبرغم عنى فمى اتفتح ع اخره حاولت اقاوم انى اقفله لكن مقدرتش وفلحظه قطم لسانى
صرخت من الالم مش قادر اقاوم بفقد اعصابى لكن ايمانى بربنا كبير
كل ذره بجسمى بتقرء قرأن
قلبى وعقلى معلقين بالله الواحد الاحد
الالم بيزيد مش قادر اتحمل صرخت روحى بتتسحب منى
سامع صوت قرأن اشخاص بتقراء بعلو الصوت
مش قادر اتحمل عينى بتقفل سمعت صوت صرخه قويه الالم بيختفى ببطئ
مش قادر
اغم عليا
فتحت عينى لقيت نفسى ف بيت الشيخ عبد الله
الشيخ وعم ابراهيم ومحمد كانو بقرأو القرأن بصوت عالى
جسمى كله واجعنى وبينزل دم وفى حروق
حاولت اقوم لكن الشيخ عبد الله ساندنى
-حمد لله ع سلامتك ربنا نجاك انا كنت خايف عليك
(ابراهيم)احمد ربنا يابنى انت كنت بتفرفر قدامنى قام الشيخ نادى ع حفيده وعطى كل واحد فينا مصحف وقرينا منه لحد مافقت
حاولت ارود عليهم لاكن مقدرتش صوتى مش طالع
(ابراهيم)مالك ياابنى
مش عارف اتكلم بحاول مش قادر اغم عليا
فتحت عينى لقيت نفسى هنا ف المستشفى الدكتور بيقول ان حصلتلى صدمه افقدتنى النطق
لكن انا عارف ايه الى حصل
وطبعا هم مستغربين من الحروق الى فجسمى
علاء طلعنى من مشكله الجثه وظبط الموضوع كانه تحريات
عم ابراهيم بخير النهارده راح الشغل علشان فى دكتور جديد جاى ياخد مكانى
الدكاتره بيقولو احتمال ارجع اتكلم مره تانيه بس بعد فتره طويله....⛔
النهاية ................................