المكالمه الاخيره

_بسم_الله_الرحمن_الرحيم_
_المكالمه_ الاخيره_💔
انا كريم يومها رجعت من شغلي عادي ودخلت نمت
بس الساعه 12بليل
التلفون بتاع البيت رن ..
صحيت علي صوتوا
ف خرجت من الاوضه
وفتحت السكه
سمعت صوت طفل صغير بيتكلم
قولتلوا انت مين ياحبيبي
قالي بكل رعب وخوف: انا احمد...
قبل م اكلم قاطعني وقالي :انا شايفهم قدامي دلوقتي
قولتلوا هما مين دول وبتكلم بصوت واطي ليه..
قالي : هما هيموتوني دلوقتي
مكنتش عارف هو بيهزر ولا بيتكلم بجد
بس سألتوا قولتلوا بابا وماما فين
قالي: بابا متوفي وماما مسافره وهتيجي بكره
وانا قاعد لوحدي في الشقه النهارده
مكنتش عارف ازاي حد يسيب طفل زي ده لوحدوا ف الشقه
قولتلوا :طب انت عندك كام سنه يا احمد
قالي : عندي 11 سنه
قولتلوا: وخايف من اي
قالي : من الشياطين والجن الي في البيت ..
قولتوا :متخافش مفيش جن وشياطين
قالي: هما قدامي دلوقتي
كائنات طويله وجسمها اسود وعندها قرون صغيره
وفي منهم القصير ال جسموا كلوا شعر الي معندوش اي ملامح
شكلها بشع عندها قرون ورجلها عامله زي رجل الحيوانات
انا في اللحظه دي اترعبت
خوفت
رديت عليه وقولتلوا :
طب هما جايين عندك ليه ..
قالي : ماما شغاله في السحر وبشوف ديما الكائنات دي جنب ماما وعندها في الاوضه
وماما بتتكلم معاهم عادي
هما درجه حررارتهم عليا جدا
وشكلهم بشع وطوال جدا وصوتهم مخيف..
وفي منهم الي عندو ديل كمان
انا مبعرفش انام منهم
و سمعتهم امبارح وهما بيقولوا
ان هما هياخدوني ك قربان ليهم..
وقالي برعب وخوف وهما دلوقتي جايين عندي الاوضه ياخدوني..
قولتلوا :متخافش
طب انت ساكن فين ؟!
محدش رد عليا ..
فضلت اقول الو الو الو
وفجأه الخط قطع ...
كنت مرعوب بسبب الي سمعتوا ده
ومكنتش عارف اعمل اي
بس قولت انا لازم اتصل ب الرقم ده
اتصلت عليه تاني
رد عليا واحده ست : مين معايا
قولتلها انا عايز اكلم احمد
قالتلي احمد مين :
قولتلها: احمد الطفل الصغير ال عندو 11 سنه
قالتلي: انت تعرفوا منين !!هو انت عارف مكانوا ؟
قولتلها : هو كان لسه بيكلمني دلوقتي وفجأه الخط قطع.
قالتلي : انت بتهزر يا استاذ
احمد ابني مختفي من 5 سنين ومحدش عارف مكانوا لحد دلوقتي !...
مكنتش مصدق ال سمعتوا ده
انا كنت ميت من الخوف
بس حاولت انسي واعدي اليوم عادي
وافتكرت ان انا كنت بحلم
بس المشكله بعديها ب شهر
كنت نايم بليل وفجأه صحيت
لقيت طفل قاعد جنبي علي السرير
وبيقولي ساعدني من الجن والشيطان عايز يموتني !....
وكل شهر لازم اشوفوا ف معاد محدد ال هو يوم 5 من كل شهر !
انا بس دلوقتي عايز اعرف هو بيظهرلي انا ليه ؟
واعمل ايه ؟
واساعدوا ازاي ؟
وهل هو فعلا شاف الجن والعفاريت ؟
والوصف الي وصف بيه الجن ده بجد...؟
ياريت لو حد يعرف يساعدني بسرعه..!
علشان بكره 5 في الشهر!...
تمت...
Ahmed_Nasser_🔥