رواية حبك اقتحم حياتي 🌸الحلقه الاولي🌸
الحلقة ١
فى حى شعبى بسيط واصوات الرديو صباح الخير يلى معانااا
على/ ضحى ضحى اتاخرتى
و ضحى بتجرى فى الاوضة يمين وشمال وبتلبس البنطلون الجنز بصعوبة مع ااستعجالهااو بتخرج من الاوضة بسرعة وبتخبط فى على
على / اهدى يا بنتى شوية مش كدة
ضحى / يعنى هيقولو اية فى اول يوم لياا فى الشركة اتاخر بالشكل دة
على/ عاوز فلوس قبل ما تنزلى
ضحى / لااا كدة كتيير انت اخت مصروفك من يوميين بس
على / اعمل اية كل حاجة غلياا والمواصلات
ضحى / خلااص انت لسة هتحكيلى قصة حياتك اتفضل
على/ اية دى خمسين جنية تعمل اية يعنى فى الايام دى
ضحى / خلااص بلاش خالص مدام مش عجباك الخمسين جنية
على / لاا خلاص حلوة
ضحى بتاخد منو السندوتش الى مسكو فى ايدو وبتجرى
على / السندوتش بتااعى
و ضحى بتخرج من الشقة بتجرى وبتخبط فى شخص على الباب
محمد / اية يا مجنونة انتى مش تحسبى شوية
ضحى / محمد اسفة اتاخرت
محمد / ريحة فين
ضحى / عندى مقابلة فى شركة كبيرة ادعيلى ربنا يكون معايا واخد الشغل دة
محمد / استنى استنى خلينى اوصلك بالعربية
وضحى بتتعلق فى رقبة محمد بقوة
ضحى / محمد انا بقول انى مليش غيرك انت اخوياا
محمد / اوف ابعدى عنى اية شعرك دة انتى حطة فية اية جااز
و ضحى بتدعك فى شعرهاا وبتشم شعرها
ضحى / جاز اية دة زيت شعر جديد اختك الى عملتو
محمد / وفى حد يسمع كلام اية بردو يلااا روحى قدمى
و ضحى بتجرى على برة العمارة بسرعة وبتركب مع محمد العربية
ضحى / بقولك اية اية رايك تشتغل عندى
و محمد بيرفع حاجب
محمد / اشتغل عندك اية ان شاء الله
ضحى / بص المشوار بياخد نصف ساعة رايح ونصف ساعة جاى انا ممكن اديك ١٠٠ جنية فى الشهر
محمد /ضحى لو مسكتيش هرميكى من هناا
ضحى / واهون عليك
محمد / اة تهونى علياا اسكتى باة وجعتيلى دماغى انتى مش بتبطلى رغى لية
ضحى / باة انا بقول انى مليش غير محمد اخوياا وجارى وابن حتتى ومتربين مع بعض
محمد / لا يا سيتى انا ولا اخوكى ولا جارك ولا اى نيلة مااشى
وفجاة فى حاجة بتفرقع بصوت عالى
ضحى / اية دة
محمد / شفتى النحس انتى طول عمرك محظوظة اوى بصراحة
و محمد بينزل من العربية هو و ضحى
ضحى /اية دة العجلة فرقعت
ومحمد بيضغط على اسنانو بغضب
محمد / اة تصدقى ان انا اخت باالى
ضحى / طب هوصل ازااى دلوقتى مفيش مكروباص ولا تاكسى هناا
محمد / ضحى فاضل على الشركة شارعين بس يلاا روحى بسرعة
و ضحى بتجرى بسرعة فى الشارع ومحمد بيضحك
محمد / مجنونة
وضحى بتجرى بسرعة فى الشارع وبتخبط فى الناس وهى بتجرى
ضحى / اسفة يا عمو
ضحى / اسفة يا استاذ
ولسة بتعدى الطريق وفى عربية كانت هتخبطهاا و بتصرخ وبتقف قدم العربية ومغمضة عنيهاا
ضحى / انا دلوقتى ميتة خلاص يا حبيبى يا على هتعيش لوحدك هتعمل اية اكيد هتتشرد فى الشوارع
وضحى بتسمع صوت العربية بتزمر جاامد بقوة وبغضب
الشاب / انتى يا مجنوونة انتى ابعدى من هناا
و ضحى بتفتح عنيهاا وبتحسس جسمها وبتبتسم اوى
ضحى / انا مش ميتة انا عايشة
الشاب / انتى يابيئة انتى ابعدى بدل ما افرمك بالعربية
و ضحى بتروح علية وبتضرب العربية بالشنطة بتاعتهاا
ضحى / مين دى الى بيئة يا عيل ياحماار انت
و الشاب بيبصلها بقرف وبيكمل طريقو والطرق فية مياة على الارض والماة بتترش على ضحى وضحى بتتصدم وبتبص للعربية اوى بصدمة
ضحى / لاا مستحيل دة كلو يحصلى انا خلااص انتهييت
و ضحى لسة هتعيط وفى عربية بتزمر جامد
ضحى / اية انت كمان مش شايفنى بحااول اعيط على حظى
و بتعيط وبينزل راجل كبير فى السن من العربية والسواق بينزل والراجل الكبير بيشاور للسواق يرجع العربية
الراجل / فى اية يا بنتى مالك انتى كويسة
ضحى / يا عم روح لحالك باة انا مش نقصة
الراجل بيضحك على شكلهاا وبيديهاا منديل و بتمسح دمعها
الى منزلتش اصلاا
الراجل / مفيش دموع اصلاا
وضحى بتبصلو اوى بغضب
ضحى / انت عاوز اية خد منديلك اهو يلاا روح من هناا انا عرفااك فكرنى وحدة من اياهم وانت راجل كبير عاوز تضحك على عقلى وتخدنى وتتجوزنى وولادك يبهدلونى وبعد كدة
تموت ويرمونى فى الشارع وممكن اكون حامل كمان اة ما انت صحتك كويسة واتبهدل انا وابنى الى فى بطنى وولادك يحولو يقتلو ابنى اااة يا ابنى اااة ياحبيبى يا ابنى
والراجل بيبصلهاا اوى وبيضحك اوى
الراجل / تعرفى انى بقالى حوالى ٢٠ سنة مضحكتش بالشكل دة
ضحى / ٢٠ سنة بجد
الراجل / انتى ريحة فين
ضحى / مهو خلاص راحت الشغلاانة باة واحلامى وطموحاتى راحت خلااص انا عرفة نفسى انا حظى زفت من وانا صغيرة انت عارف كانو كل الاولاد يمشو على مدرستهم
عاادى ولا اى حاجة تحصلهم وانا كل المصايب بتنزل على دماغى مرة كلب يجرى ورايا ومرة ام محمود تغسل بدرى وتشربنى بمية الغسيل
الراجل / انتى تحفة فعلاا بس بطلى رغى شوية قوليلى انتى كنتى ريحة فين
ضحى / شركة عبدالرحمن للمعمار كانو طلبين مهندسة معمارية وكان عندى مقابلة بس للاسف اليوم طبعا كالعادة كان مصر كلهاا مستنية اخرج من بيتى علشان تدوس عليا
الراجل / لسة فاضل على المقابلة دقيقتان ممكن تلحقى
ضحى / بس اروح ازاى بهدومى كدة وكمان انت اية عرفك ان فاضل دقيقتان على المقابلة
الراجل / انا موظف هناك تعالى اوصلك معايا وبالمرة تنضفى
هومك فى العربية تعالى يلاا بلاش تاخير اكتر
وضحى بتروح معاة وبتنضف هدومها بالمناديل
ضحى / هو الشاب الغبى السبب ومش مكفية انو كان هيخبطنى لاا وكمان شوف عمل فى البنطلون بتاعى انت تعرف اكيد اهلو معرفوش يربوة اكيد ابوة وامو بيبعتولو فلوس من الخليج وهو طبعاا عايش على الفلوس دى على سهراتو وحفلاتو والبناات
السائق / انتى مش هتبطلى رغى باة
الراجل / خليك فى حالك انت يا حسن سبهاا برحتهاا
وبينزلو قدم الشركة
ضحى / سلاام شكرا يا عمو الحاج
و ضحى بتجرى على الشركة بسرعة ولسة هتروح على الاسنسير وبتخبط فى شاب وكان ماسك فى ايدو قهوة وبتقع على قميصو وضحى بتبصلو اوى وبيكون نفس الشاب الى كان هيخبطها
ضحى / انت
الشاب / انتى يا مصيبة تاانى
ضحى /شوف عدل ربنا باة سلاام
و ضحى بتركب الاسنسير وبتطلع لسانه ليه
اية اخت محمد جارتهم
اية / مودى عامل اية فينك بقالى يومين مش بشوفك
على / اعمل اية الجامعة والدراسة خلاص دى اخر سنة وفاضل اسبوعين على الامتحانات
اية / لاياشيخ
على بيضحك
اية / انا عملة خلطة اعشاب تحفة بتخليك زى الرهواان
على / اية ابعدى عنى فكرة الشهر الى فات لما قلتيلى الخلطة دى هتخليك تسهر تزاكر طول الليل ولا هتناام من اول شفطة نمت يومين
اية / دى كانت غلطة اديتك خلطة المنوم معلشى تعالة بس
على / ابوس ايدك ابعدى عنى عندى محاضرات سلاام
اية / باة كدة انا غلطاانة شوف مين هيعملك الرز بلبن
و على بيضحك وبيجرى على السلم وبيخرج من العمارة
و اية لسة هتدخل الشقة وبتسمع الشقة الى فوق بتتقفل وبتضبط نفسهاا بسرعة وهدمها وبينزل شاب وسيم طويل
يوسف / صباح الخير يا انسة اية
اية بدلع / صباح الخير يا دكتور يوسف ياريت الشقة تكون عجبتك ومرتاح فيهاا
يوسف / بصراحة فى كام حاجة كدة عوزة تظبيط انا بس لو سمحتى يعنى لو تعرفى سباك كويس قريب
اية / اة طبعا عمى ابو محمود فى العمارة الى جمبناا هو فى الدور التانى بس بقولك اية طبعا تكلفة السباكة عليناا احنا
يوسف / لا طبعا ميصحش شكرا جدا لزوقك بعد ازنك
و يوسف بينزل و اية بتقف على الباب وبتسند ضهرهاا ومبتسمة اوى
محمد / انتى وقفة كدة لية
و اية بتتخض
اية / اووف خضتنى
وبتدخل الشقة هى ومحمد
ضحى قاعدة فى الاستقبال مستنية تتدخلو بتروح لموظفة الاستقبال
ضحى / لو سمحتى انا هدخل امتى
الموظفة / لما انادى على اسمك
ضحى / ودة الى هو امتى يعنى انا هناا بقالى ٣ ساعات
الموظفة / والله دة نظام الشركة هناا
و ضحى بتنفخ وبتروح مكنهاا وبتمسك مجلة وبتقرا فيهاا
وبتشوف داخل المجلة عدد من مجلة سمير القديمة وبتضحك اوى ولسة هتفتحهاا
الموظفة / ضحى احمد السيفى
و ضحى بتقرا المجلة والموظفة بصوت عالى / ضحى احمد السيفى
و اية بتروح على الموظفة وبتاخد الملف منهاا
ضحى / مكتوب ضحى احمد السيوفى انتى جبتى سيفى دى منين يعنى
الموظفة / اسفة اتفضلى ادخلى
ضحى / اوكى تقبلت اسفك
والموظفة بترفع حاجب باستغراب
ضحى / ممكن اخد المجلة دى
الموظفة / اوكى بس خلصينى هتدخلى ولا لاا
و ضحى بتدخل
الموظفة / انسانة غريبة اوووف
وبتقابل ضحى موظفة تانية
الموظفة / اهلاا انتى ضحى احمد السيوفى
و ضحى بتبتسملهاا اوى
ضحى / اة اناا
السكرتيرة / اتفضلى ادخلى
و ضحى بتدخل هى والسكرتيرة و ضحى بتشوف الراجل الى وصلهاا قاعد قدمها على المكتب
ضحى / عمو الحاج
و السكرتيرة بتبصلها باستغراب
السكرتيرة / البش مهندسة ضحى احمد السيوفى يا عبدالرحمن بية
و ضحى بتبص للسكرتيرة وبترجع تبص لعبد الرحمن اوى
ضحى / انت انت صاحب الشركة دى
عبد الرحمن / روحى انتى يا كنزة
وكنزة بتخرج
عبد الرحمن /تعالى اقاعدى اقفلى بوقك يلااا تعالى
و ضحى بترتبك وبتروح تقاعد و عبد الرحمن بيقرا الملف بتعهاا
عبد الرحمن / انتى التانية فى دفعتك وبتقولى ان حظك قليل
ضحى / الى اخدت المرتبة الاولى اعلا منى بدرجة وحدة بس
والباب بيدق وبيتفتح
عبد الرحمن / اعرفك البش مهندس انس ابن
ضحى / انت تاانى
انس / انتى
عبد الرحمن / كويس انكو تعرفو بعض دة هيسهل الشغل بنكو
انس / اية شغل اية الى ممكن اشتغلو مع القزمة دى
ضحى / ومين قالك انى اصلاا ممكن اشتغل معااك اية انت بش مهندس اكيد ابوك دفعلك فلوس علشان تخدهاا علشان تازى فى البشر
انس / احترمى نفسك انتى عرفة لو مسكتيش انا هعمل فيكى اية
ضحى /لاياشيخ بجد خفت انا دة انا هوديك القسم انت كنت هتخبطنى بالعربية وكمان شوف عملتلى اية فى بنطلونى الحلو
انس /لية انتى بتسمى دة بنطلون يعنى هههههههة
عبد الرحمن / بس كفااية مفيش احترام لوجودى
ضحى / هو الى انسان مش متربى اصلا ولا عمرو شاف تربية
عبد الرحمن / مكملتش كلامى البش مهندس انس ابنى
ضحى / يعنى اية ابنك يعنى يدوس على
ضحى / انت قلت ابنك
عبد الرحمن / اة ابنى والمهندس التنفيزى للشركة وهيكون مديرك كمان
و ضحى بتبص لانس
انس / مدرهاا ازاى يعنى انا مش موافق ان وحدة زى دى تشتغل فى الشركة هناا
ضحى / ولية يعنى نقصة رجل ولا نقصة ايد
انس / لا نقصة عقل
عبد الرحمن / خلاص كفاية
التعليقات على الموضوع