تجربة الموت (الجزء الاول)

تسجيل صوتي 1
لو وصلكم التسجيل ده فاعرفوا اني أكيد ميت أنا دكتور أحمد المنشاوي دكتور في الهندسة الوراثية والتسجيل الصوتي ده توثيق لتجربة  عملتها أنا ومراتي دكتورة أمل التجربة دي البعض منكم هيشوفها عادي وده البعض اللي بيفهم الأمور وبيحكمها بعقله والبعض الآخر اللي العاطفة مسيطرة عليه هيشوفنا مجانين بس بدل التسجيل وصلكم يبقي التجربة تمت بالفعل
هكلمكم شوية عن التجربة بقالي سنين أنا ودكتورة  أمل بنعمل تجارب وأبحاث علي DNA لقد ما قدرنا نخلق جين لو دخلناه جو جسم الإنسان هيغير تركيبه الوراثي ويدي للشخص ده قدرات خاصة مكنتش موجودة عنده قبل كده وللأسف او احسن الحظ مش هينفع نجربه علي حيوانات وعشان كده خطفنا دكتور سامي خطيب مراتي السابق مش لأغراض شخصية طبعاً إنما جيناته وذكائه يستحق نجرب فيه والحقيقة دي مكنتش أول تجربة أنا بدأت تجاربي علي كبار السن اللي أولادهم رموهم في دور الرعاية والمستشفيات والأماكن دي والجين مشتغلش جربت فئة أقل في العمر شوية وبدأت اخطف المدمنين والمجرمين في كل الاحوال كنت بخلص البشرية منهم الحين كان بيشتغل بنسبة 60% بس للأسف كانوا بيموتوا بسرعة جدا كان بيحصل جنون في الخلايا لحد ما تهاجم بعضها دلوقتي اخترت شخص صحي تماماً كل أعضائه بحالة ممتازة  غير مدخن رياضي وذكي متأكد إن التجربة هتنجح عليه المرة دي
بدأت أحقنه بالسائل اللي بدأ يجري في وريده في وسط صرخات ألم منه ورعشة في جسمه كله وعرق غزير تقريباً فقد الوعي إتاكدت من نبضه وسبناه تحت الأجهزة 24  ساعة وبدأت أخد عينة من خلايا الدم وافحصها الجين كان سريع جدا وبيتوغل في الجسم بنسبة كبيرة تقريبا عدت ال90% قولتلكم إني هنجح بدأ يفوق وبدأ يوصف اللي حواليه ويشاور علي أشياء حوالينا عايزة عدسة مكبرة عشان نشوفها عملتله قياس نظر أنا في حياتي ما شوفت حد نظره قوي كده اكيد هنجح المرة دي بدأت احطه تحت المراقبة وواضح تطور في كل حواسه حتي نسبة ذكائه وقدرته علي الحركة اتحسنت جدا  كنت فاكر اني نجحت بس حصل دمور فجأة في كل الخلايا وبدأت الخلايا تهاجم بعضها من جديد أنا مش عارف ايه بيحصل ولا بيحصل ايه بس انا مش هيأس هكمل التجربة ........
تجربة_الموت