احببت طباخة💠الحلقة 25💠
الحلقة 25 رواية أحببت_طباخة
وقفنا عند
ريماس :دي رحلة طالعة الغردقة تبع الجامعة
شيماء :بجد أيوة بقا هقول لهيما و يطلع بعربيته
ريماس :وانا كمان هقول ل مازن و زياد
شهد:طب الرحلة دي طالعة امتي
ريماس:بعد بكرة
شهد :طب يارب بابا يوافق
ريماس :يارب
يلا كلو بسرعة عشان عندنا محاضرة
____________
دكتور آدم بعد المحاضرة
آدم :سما
سما :أيوة يا دكتور
آدم :استني من فضلك
سما:خير يا دكتور آدم
آدم :هي قريبتك اللي كانت معاكي دي اسمها ايه
سما :دينا اللي حضرتك طردتها قصدك
آدم :أيوة هي دي
سما :مالها يا دكتور
آدم :مفيش لكن .... كنت عايزك تعتذريلها بالنيابة عني علي الموقف اللي حصل
سما :اه طيب يا دكتور
آدم : ما هو انتي برضو يا سما لو كنتي قولتيلي مكنش ده حصل
سما :يا دكتور حضرتك مزاجك مكنش حلو وقتها و خوفت اقولك عموما متشكرة اوي يا دكتور و حصل خير
دكتور هي لو دينا حضرت معايا تاني عادي
آدم بصلها باستغراب
سما :خلاص يا دكتور
آدم :لا عادي خليها تحضر
______
بالليل عند شهد في البيت
شهد :والنبي بقا يا بابا توافق و النبي يا امولة خليه يوافق
امل :وافق يا عبده معلش البت نفسها تخرج
عبدلله :يا امل دي هتقعد أسبوع عارفة يعني ايه أسبوع
امل :ما هي معاها صحابها برضو
عبدلله :طيب امري لله روحي يا شهد لكن خلي بالك من نفسك يا بنتي
شهد جريت عليه حضنته
شهد :بعشقك يا احلي بابا في الدنيا
_________
تاني يوم بالليل
ريماس و زياد و رباب كانو بيتعشو
ريماس :ابيه في رحلة طالعة عندنا في الجامعة في الغردقة بكرة ينفع اروح و شهد و شيماء رايحين
زياد :ماشي يا حبيبتي و انا كمان هروح هو مازن رايح
ريماس :اه مازن اللي هيوصلني مش هنركب الباص بما انك هتيجي معانا يبقا نقعد في الشاليه بتاعنا اللي هناك
رباب:بقولك يا زياد بما انك رايح خد ميار معاك
زياد : ازاى يعني
رباب :هو ايه اللى ازاى خدها معاك عشان تاخدو اكتر على بعض بدل ما انتوا مش بتشوفوا بعض خالص انت دايما بتبقى فى الشغل
زياد :ماما تيجى ازاى دى خطيبتى مش مراتى يعنى
رباب :خلاص لو على كده هاجى انا كمان معاك
زياد :انا معنديش مانع لو انتى عايزة تيجى لكن ميار لا
رباب بخبث:طيب انا هاجى
________
زياد بيتكلم مع مازن في الموبايل
زياد :مازن روح حضر شنطتك و زي ما فهمتك شهد متعرفش اني هناك عشان عاملهالها مفجاة
مازن :خلاص ماشى بس اهم حاجة مين اللى هيعملنا الاكل
زياد :ياعم احنا في ايه ولا في ايه هنشوف ساعتها
_______
شهد بتجهز شنطتها
زياد بيكلم شهد :الو
شهد : الو يا زياد ازيك عامل ايه
زياد : ايه الكروته دي
شهد: ابدا ..بس بجهز شنطتى عشان السفر بكرة
زياد : كده من غيري
شهد :مانا قولتلك تيجي معانا
زياد : لا ياستى شكرا مش عاوز
شهد بتضحك زي ماتحب
زياد : انتى مش هتتحايلي عليا اجي
شهد : ابدا والله بس محبتش اتقل يعنى
زياد : ممممم طيب ..قومي خلصي حاجتك
شهد : طيب ماشي
__________
في الصباح
زياد اتصل ب شهد
زياد :ها يا حبيبتي خلصتي
شهد :اه
زياد:طب طمنيني عليكي اول ما توصلي
شهد : انا خلاص نازله اصلا
زياد : طمنيني عليكي برضو
شهد : حاضر
شهد سلمت علي امل وحضنتها وسلمت باباها و ملك و نزلت
شيماء و ابراهيم كانوا مستنينها تحت
و الباص وصل ركبو كلهم
شهد طول السكه حاطه الهاند فري في ودنها وبتسمع اغانى
و شيماء ماسكة ايد إبراهيم و بترغي معاه عشان مينامش في السكه
كلهم وصلوا الفندق وطلعوا شنطتهم و نزلو في الهول و في اللحظة دي قربت بنت منهم
سلمي :حمدلله علي سلامتكوا يابنات
شهد & شيماء : الله يسلمك
شهد :بس انتي مين
سلمي :انا سلمي في 4 إعلام و بصراحة يا شهد من الفانز بتوعك و متابعاكي من فترة
شهد :ربنا يخليكي يا سلمي
سلمي :هو احنا ممكن نبقي صحاب
شهد :اكيد طبعا
و قعدت سلمي معاهم و اتعرفو عليها
___________
ايجا مازن ب عربيته قدام فيلا زياد سليم
و شاف زياد و رباب و ريماس مستنينه
رباب:ازيك يا مازن
مازن :الحمدالله يا خالتو ايه ياخالتو انتى رايحة فين
رباب:جاية معاكو اومال مين اللى هيعملكم الاكل
مازن بيوشوش زياد بصوت واطي :ابوس ايدك يا زياد انا لسه صغير امك لو عملت هى الاكل هيجلنا تلبك
ضحك زياد : طب بس عشان متاخدش بالها
مازن : ياشيخ يخربيت اللى يعرفك
زياد :طب يلا اركب بقى عشان نمشى
رباب:لا استنى يا زياد ميار جاية
زياد بغضب:نعم ..وهى تيجى ليه
رباب :ناني قالتلى انها زهقانة ومش بتخرج قولت اجيبها وكمان انا هبقى معاكم يعنى ميجراش حاجة
زياد :برضو بتعملى اللى فى دماغك
زياد في سره:اعمل ايه دلوقتي شهد رايحة الغردقة و ميار جاية معانا ربنا يستر
لمحت رباب ميار وهى جاية
رباب :عشان خاطرى البنت جت ..نأجل الكلام لبعدين
ركبت ميار جنب رباب
مازن قرب من زياد و بصوت واطي:معلش اهدى ..بس اركب دلوقتى ..مش هينفع نقولها ارجعى
فتح زياد باب العربية بعصبية و ركب و اتحرك
و ريماس ركبت مع مازن
_______
فى عربية مازن
ريماس :متشغل الكاسيت يا بيبي
فتح مازن الكاسيت :اى اوامر تانية
ريماس :لا شكرا لما اعوز حاجة هقولك
مازن :اتلمى يابت بدل ما انزلك
ريماس فتحت شنطتها و طلعت اكل و بتاكل
مازن :على فكرة ممكن اجبلك اغنية تانية لو انتى حابة
ريماس :لا مش عاوزة حلوة دى
زياد :هو مفيش دم خالص
ضحكت ريماس و طلعت لسانها :مش هتاخذ برضو
___
فى عربية زياد
كانت رباب بتتكلم مع ميار طول الطريق
و هو متضايق من كلامهم الممل و خايف شهد تعرف
ميار :زياد هو هناك فى نادى عشان نبقى نسهر فيه
زياد بعصبية :معرفش
رباب :ما تتكلم كويس يا زياد
زياد :مهى سألت وانا جاوبت
وبعدين هعرف منين انا لما كنت بروح هناك كان للشغل وبس
_________
كان مازن بيتكلم مع ريماس
ريماس :بس بقى يا بيبي بطل رخامة
مازن :اتأسفى الاول
ريماس :لا انسى
مازن :يبقى مفيش موبايل هتاخديه
ريماس :عشان خاطري يا بيبي
مازن :خلاص هاتي بوسة
بصت ريماس قدامها فصرخت :حااااسب يا مازن
مازن بص قدامه مفيش حاجة
ريماس بتضحك :عليك واحد بضحك عليك
مازن :بتضحكي عليا بس برضو هاخدها
_________
وصل زياد و رباب و ميار و بعدهم ريماس و مازن
مازن :زياد انا هاخد الاوضة الكبيرة يا اما هرجع اسكندرية انا خلاص حجزتها
زياد :اهدى بقى واعقل كده ..مهو احنا مش جايبين معانا عيل صغير
رباب :طيب انا طالعة اوضتي عشان استريح شوية
ميار :وانا يا زياد فين اوضتي
زياد :روحى مع ريماس وشوفوا انتوا هتاخدوا انهى اوضة
طلع مازن اوضته و كان بيتمدد على السرير
زياد دخل وراه و كان رايح جاي و قلقان
مازن :فى حاجة ولا ايه ..مالك خايلتني اقعد بقا
زياد :انت بتعمل ايه
مازن :هنام شوية ضهرى اتكسر
زياد :انا في مصيبة وانت عايز تنام
مازن :خير
زياد :انت ناسي ان شهد هنا
مازن :ولله دي غلطتك انك كذبت عليها
زياد :انا في ايه ولا في ايه شوفلي حل
مازن :طيب ساعة كدا و لا حاجة عشان عايز انام
و خد الباب وراك
زياد :ماشى يا مازن بس بعد ساعة قوم عشان تفكر معايا
________
ميار كانت واقفة في البلكونة بتفتكر كلام مامتها
فلاش باك
اتصلت رباب ب نوال تقول لها انها هتسافر الغردقة وطلبت منها أنها تاخد ميار تقربها من زياد وافقت و قفلت معاها و دخلت تقول ل ميار
ميار :لا مش موافقة ..انتى ليه مصرة دايما تخلينى مدلوقة عليه كده
نوال :ايه الكلام الفاضى ده ..انتى هتروحى معاه ..ده هيغيب أسبوع او اكتر ودى تبقى فرصة تبقى قريبة منه
ميار :لا مش هروح
نوال بعصبية :هى كلمة هتروحى ..يلا حضرى شنطتك
_______
رباب بتكلم مع ريماس في الريسبشن
رباب :الجو هنا مش حلو انا لازم احط ماسك عشان بشرتي ما تبوظش
ريماس بتضحك :اه طبعا طبعا يا ماما عن أذنك خارجة عشان أقابل شهد و شيماء
_________
كانت رباب بتحط ماسك الفحم الاسود على بشرتها خوفا على بشرتها من الجو
و بعد ما دهنته
زياد صرخ:عاااااااا عفريت
رباب:عفريت ايه يا حبيبي انا ماما
زياد :ماما ازاي
رباب:ده ماسك يا زياد عشان بشرتي
زياد :عندك 45 سنة و بتحطي ماسك
رباب :زياد انا مش باين عليا اللي يشوفني يديني20 سنة
زياد:طبعا ماما ممكن تصحى الجثة اللى نايم فوق ده بقاله ساعتين و انتي لما تصحيه هيصحي
_______
طلعت رباب تصحي مازن
اول ما شافها مازن صرخ :عااااااااااااااااا الحقووووووووني
رباب :شوفت عفريت يا مازن انا خالتك
مازن وهو بيرجع لورا :خالتك مين
رباب :يووه قوم بقى زياد عايزك تحت
مازن :ياااما اومال ايه اللي في وشك ده
رباب :ده ماسك يا حبيبي
_______
نزل مازن كان زياد مستنيه تحت
زياد:كل ده نوم
مازن :يا عم ارحمني شوية
زياد :طب يلا نتمشي شوية برة
رباب :مش هتتغدوا الاول انا عملت الاكل
مازن بسرعة :لا انا مش جعان يلا يا زياد
________
ريماس كانت بتكلم شهد
ريماس :يا بنتي انتي فين
شهد :بصي انا جنبي في شجرة
ريماس :شجرة ايه يا شهد انتي فين طيب
شهد :خلاص شوفتك انا علي الشاطيء
________
شهد و ريماس و شيماء قضو اليوم مع بعض علي البحر
_______
بالليل شهد كانت واقفة في البلكونة و زياد اتصل عليها
زياد : والله لسه فاكره
شهد : والله اسفه نسيت خالص اكلمك واقولك انى وصلت
زياد : بجد حرام عليكي خضتينى عليكي جدا
شهد : انا اسفه والله نسيت
زياد : طيب حمدلله علي السلامه يا قلبي
شهد : الله يسلمك
زياد : كويس انى اطمنت عليكي ..عاوزه حاجه هكلمك بعدين
شهد: سلام يا زياد
________
في اللحظة دي إبراهيم وقف في البلكونة و شاف شهد واقفة في البلكونة اللي جنبه
إبراهيم : مساء الخير
شهد : مساء النور يا زياد
إبراهيم : يادي زياد اللي واكل دماغك
شهد: معلش والله لسه قافله معاه
إبراهيم : شهد انصحك نصيحه اخ لاخته
شهد : اتفضل
إبراهيم : متتعلقيش بحد غير لما يدخل بيتكوا
شهد : بس انا اتعلقت بيه بجد
إبراهيم : انا عارف بس يا شهد احنا نعرفه من فترة و لحد دلوقتي مقالش انه عايز يخطبك و هو مستعد انه يعمل كدا
شهد : عندك حق
إبراهيم : متزعليش منى بس انا بنصحك..وبعدين انتى اختى وانا مش عاوز اشوفك مجروحه
شهد : انت مكبر الموضوع اووي مش للدرجه زياد راجل بجد و بيحبني
إبراهيم :أتمني كدا يلا انا داخل انام
شهد : ماشي
________
رجع مازن و زياد و قبل ما يدخل الفيلا
مازن :بقولك ايه انا مش هاكل من الاكل اللى عملته خالتى
زياد :متاكلش انت حر
دخلو شافو رباب بتجهز الاكل على السفرة
زياد :ماما انا طالع اخد شاور
مازن :وانا كمان
_________
ميار :هو زياد جه يا طنط
رباب :ايوه يا حبيبتى يلا اقعدى كلى ..اومال فين ريماس
ميار :لسة مرجعتش من برة
ريماس فتحت باب الفيلا
رباب :ريمو حبيبتي يلا عشان تاكلي
ريماس:لا يا ماما اكلت مع صحابي شكرا
______
في الصباح
زياد :انت رايح فين
مازن :هروح اشوفلى اى حاجة اكلها
زياد:طب روح افطر معاهم ماما بتفطر هي و ميار
مازن :لا ياعم انا هنزل اشترى اى حاجة
رباب :يلا يا ولاد عشان تفطروا
مازن وهو يفتح الباب:مش جعان يا خالتو
ريماس :مازن استني رايح فين
..وخرجت وراه
رباب:طب يلا انت يا زياد
زياد :لا يا ماما مش جعان دلوقتى بس ياريت تعمليلى قهوة وتجبهالى انا طالع اوضتي
____
ريماس :مازن
مازن :ايه يا ريمو
ريماس :رايح فين
مازن :هشوف اي مطعم هنا جعان مكلتش من امبارح
ريماس :وانا كمان جعانة يلا انا جاية معاك يا بيبي
________
زياد خرج من اوضته شاف ميار واقفة قدامه و ماسكة فنجان قهوة
زياد بإستغراب :فى حاجة يا ميار ..مالك واقفة كده ليه
ميار :كنت لسه هخبط لقيتك فتحت عشان تاخد القهوة
زياد اخد منها القهوة:شكرا يا ميار
ميار :ممكن يا زياد انزل اتمشى شوية علي البحر
زياد :طيب بس متتأخريش
خرجت ميار وهى فرحانة
لكن زعلت تاني
ميار لنفسها : انا بالاسم مخطوبة لكن زياد مبيحبنيش ..ماما هي اللي اجبرتني و مامته كمان اجبرته عليا يااه يا بابا لو كنت عايش محدش كان هيجبرني علي حاجة
و في اللحظة دي دموعها نزلت
ظهرت عربية بسرعة قدامها و ماخدتش بالها
فأبعدها شخص عن الطريق :حاااسبى..ماشية مش شايفة قدامك
بصتله ودموع في عينيها
ميار:رامي
رامي بدهشة:ميار
ميار وهى بتمسح دموعها:انت بتعمل ايه هنا
بصلها رامي بقلق و هي بتعيط
رامي :مالك يا ميار بتعيطى ليه
ميار :مبعيطش انا بس دخل فى عينى تراب بس انت هنا بتعمل ايه
رامي بأبتسامة :انا قاعد هنا عشان ماسك مشروع جديد بتابعه خالي باعتني وانتي بتعملي ايه في الغردقة
ميار بحزن :انا قاعدة مع زياد هنا في الشاليه بتاعهم
رامي بصدمة :هو انتوا اتجوزتوا
ميار:لالالا احنا لسه مخطوبين
رامي :اومال قاعدة معاه ازاى
ميار :ما احنا معانا ريماس وطنط رباب حتى كمان مازن ابن خالته
رامي :ومجبتوش معاكوا البواب بالمره ليه
وبعدين انتى ازاى قاعدة معاه فى بيت واحد
ميار بأستغراب:منا قولتلك طنط معانا
رامي :طيب متمشيش تانى وانتى بتعيطى
ميار :بس انا مكنتش بعيط
رامي بأبتسامة :اسمعى الكلام ومتكدبيش
يلا عايزة حاجة
ميار :رامي ممكن تدينى رقم موبايلك
سكت رامي لحظات و أعطاها الرقم
________
كان رامي ماشى وهو بيكلم نفسه
رامي: يعنى انا عايز ابعد الاقيها فى نفس المكان وكمان اديها رقمى غبى يا رامي
_________
دكتور آدم كان بيتمشي علي الشاطيء شاف بنت قاعدة بتلعب مع الأطفال في الرملة و بتبني معاهم بيت
آدم :دينا ازيك
دينا بصتله و اتكسفت :دكتور آدم
آدم :انتي بتلعبي مع الأطفال
دينا :مالهم الأطفال
آدم :لا مالهومش ممكن العب معاكو
الأطفال :ماشي املي الجردل ده ماية
آدم :بس كدا عينيا
________
بعد أذان العصر
إبراهيم و شيماء كانو قاعدين علي الشاطيء و ماسك ايديها و بيتكلمو
و شهد حاطة الهاند فري و مستمتعة بالجو
و سلمي شافتها مشيت ناحيتها
سلمي :دودو
شهد شالت الهاند فري :ايه يا سوسو ازيك
سلمي: بقولك ما تيجي نلعب
شهد: نلعب ايه
ايه ده ريماس و مازن اهم
شاورتلهم شهد بايديها
ريماس ايجت ناحيتها :ايه يا دودو بتعملو ايه
شهد :ولا حاجة بسمع اغاني
اه اعرفك دي سلمي
ريماس :هاي سلمي بس حاسة اني شوفتك قبل كدا
سلمي :مش فاكرة بصراحة
شهد :اكيد شوفتيها ما سلمي معانا في إعلام بس هي في 4
ريماس :اه ممكن
فارس بصوت عالي لصحابهم:يا جماعة ما تيجو نلعب كورة
سلمي :يلا يا دودو نلعب معاهم
شهد :بس مش هينفع دول ولاد
سلمي :يا بنتي ما بنات كتير هتلعب معانا يلا يا ريماس
ريماس :طب تعالي يا مازن العب معانا
مازن :يلا بينا
شهد :ماشي هقول ل شيماء و إبراهيم
كلهم اتجمعو
فارس :طب الاول هنلعب ايه
مازن :احنا نلعب الكورة الطايرة
رامز صاحب فارس :طب يلا
وبدأوا اللعب و كانو بيضحكو و فرحانين
في اللحظة دي ميار و هي بتتمشي لمحت ريماس وصلت عندها
ميار:ايه يا بنتي بتعملي ايه
ريماس بصدمة :ميار ... اه بنلعب كورة
ميار:طب ممكن العب معاكو
ريماس :اكيد طبعا
تعالي يلا
و هما بيلعبو
ميار لمحت رامي
ميار :ثوانى وجيالكم
جريت ناحيته
ميار :رامي
رامي :ميار انا مش لسة سايبك الصبح
ميار :كنت بلعب كورة
وانت بتعمل ايه ؟
رامي بتمشي شوية
ميار :احنا بنلعب بالكورة تعالى العب معانا لو حابب تيجى تعالى
رامي بفرحة :ماشي يلا بينا
و كملو لعب كلهم
________
و هما بيلعبو زياد شاف رامي و استغرب بيعمل ايه هنا و لمح شهد بتلعب معاهم كورة و و كانت لابسة سولبيت جينز قصير
شهد و هي بتلعب كانت واقفة بعيد شوية
شافت حد بيشدها من ايدها جامد و مشيت بعيد عنهم
و كتم نفسها عشان متصرخش
شهد :امممممم
زياد :بس اهدي انا زياد
شهد :زياد انت بتعمل ايه هنا
زياد بعصبية:ايه اللي انتي لابساه ده مش قصير و كمان بتلعبي مع 4 ولاد متعرفيهمش
شهد :حد يخض حد كدا يا اخي و بعدين ما انا معايا كل صحابي البنات و هما مش عملولي حاجة يعني
زياد :بس ايه رأيك في المفجاة دي
شهد :وحشة
زياد :لا ولله الحق عليا اني جيت عشانك
شهد بتضحك
زياد: بحب اشوف الضحكه دى كل يوم عشان اعرف أكمل يومي
شهد اتكسفت : بس بقى
زياد : يؤغتى ع الكسوف ..بموت فيكى في كل حالاتك ماتجيبى ها ..
شهد بنرزفة : نعم ..عاوز ايه
زياد اتخض: ياما .. اقصد ساندويتش عصير اكل يعني
شهد : اممممممم بحسب
زياد: لا انتى كنتى ادبى
شهد خبطته ف كتفه : انت جى تستظرف
زياد :عايز اتغدا يا دودي تعالي نروح اي مطعم قريب من هنا
شهد بابتسامه: يلا بينا
دخل زياد و شهد مطعم وطلبوا الاكل و زياد بيبص علي شهد ومش بياكل و شهد كانت بتاكل شهد لاحظت انه بيبصلها بس مش بياكل
شهد: انت جايبنى هنا علشان تتفرج عليا مش تفطر ولا ايه
زياد بابتسامه: اعمل ايه عينى مش عاوزه تشوف غيرك
شهد بتضحك: بس بطنك اكيد من الجوع عاوزه تاكل
مسكت ساندوتش وقربته من بوق زياد : يلا كل وانت باصصلى علشان تاكل وتهضم مع بعض
ضحكت شهد زياد مسك ايدها وهى ماسكه الساندوتش وبدل ما ياخد قطمة من الساندوتش باس ايديها ..شهد تنحت واتحرجت من الناس زياد مسك الساندويتش من ايديها وحطه في الطبق وقرب وشه من كف ايديها وباسها ...
زياد : انتى عارفه دا معناه ايه
شهد متفاجئه ومش مجمعه : ها .. اسمه دلع سيب ايدى
زياد فضل ماسك ايدها وباس كف ايدها تانى : دا معناه ان انا ملكك .. انتى ملكتينى ومفيش حاجه في الدنيا هتبعدنى عنك فاهمانى
شهد بابتسامه: ايه بتقول ليه كده انت هتسبني ولا ايه
زياد : لا عاوز اطمنك وااكدلك ان انتى الوحيده اللي في حياتى ومفيش غيرك ولا هيكون فيه غيرك يا شهد
شهد بابتسامه: ولا فى غيرك في حياتى لانك انت حياتى ال عيشاها وكنت مستنياها .. بحبك
زياد : بموت فيكى
شهد اتوترت: بس انت كده هتموت من الجوع يلا كل ولا اكلك
زياد بيضحك: اه .. اكلينى
قام زياد قعد جنبها ع الكرسى وفتح بوقه : هااااااا
شهد بتضحك : الناس بتبص علينا
بيقرب زياد من شهد وهيبوسها راحت شهد حطت فلفل في بوق زياد
شهد: بتتكلكك انت كل بقا
زياد : بمووت ف هزار البوابين دا ...
شهد : من عنيا يا حبيبى اوريك هزار البوابين علي حق متقلقش اصبر
زياد : صابر هو انا ورايا غيرك يا عمرى انا
شهد : يلا بقى
قعدوا اتغدو الاتنين وهما قاعدين زياد ماسك ايد شهد و شهد كانت سعيده اوى ان زياد معاها
زياد :شهد
شهد: ايه في حاجه
زياد : شهد عاوز اقولك حاجه بس عاوزك تفهمي بعقلك صح
شهد :ها. ..قول
زياد: بصي وراكي
بصت شهد وراها شافت الويتر (الجرسون ) بيقدملها تورتة و عليها صورتها هي و زياد و شافت ريماس و مازن و شيماء و إبراهيم
زياد : كل سنه وانتى طيبه يا شهد
شهد : انت عرفت ازاي ان انهاردة عيد ميلادي
زياد :من شيماء
شيماء : كل سنه وانتى طيبه يا دودو
ريماس و مازن و إبراهيم: كل سنه وانتى طيبه
زياد : كل سنه وانتى معانا
شهد : يااه ده انا نسيت ان النهارده عيد ميلادي
زياد : اللي بيحبك بجد عمره ماينسي يوم ما اتولدي واتولد هو كمان معاكي
شهد :شكرا عشان انت عرفته
زياد : عشان انا بحبك
زياد مسك ايدين شهد وباسهم هم الاتنين وبص في عيونها جامد
و في اللحظة دي اشتغلت اغنيه * بيت كبير _تامر عاشور * وكل واحد رقص سلو مع اللي قلبه اختاره
شهد :زياد انت ممكن تسيبني
زياد : عمري ما هسيبك يا شهد انا مصدقت ما لقيتك
شهد : اوعي في يوم تسبنى يا زياد انا محتجالك اوي
زياد : انا بحبك اوي يا مجنونه انتى
شهد : وانا بحبك اووي
شيماء قربت منهم : طيب يلا مش هنطفي الشمع
شهد : يعنى كلكوا كنتوا متفقين عليا
ريماس : زياد في الغردقة بقاله يومين اصلا
شهد : كده وتعمل فيها مقموص منى وتسبنى شايله همك
زياد : ما فعلا كنت زعلان عشان قلقت عليكي
إبراهيم : ياسلام ما انا بعتلك مسدج وقولتلك اننا وصلنا
شهد : بقي هو كده انا زعلانة منكو
زياد : كل اللي حواليكي دول بيحبوكي يا شهد ..وبجد انا عرفت انهارده انهم بيحبوا يشوفوكي مبسوطه
شهد : انتو احلي حاجه حصلتلي في حياتى..ربنا يخليكوا ليا
شهد اتمنت امنيه وطفت الشمع بس محدش عرف هيا اتمنت ايه
كلهم : اتمنيتى ايه
شهد : لا مش هقول
شيماء : بطلي رخامه ..اتمنيتى ايه
شهد : بجد مش هقول (بصت ل زياد ) هخليهـا بينى وبين نفسي
خرجو من المطعم
و قعدو علي الشاطيء شيماء و إبراهيم جمب بعض و ريماس و مازن و كان زياد قاعد جمب شهد علي الرمله وماسك ايديها وقاعدين بيحكوا قدام البحر لحد ما طلع عليهم الشروق
شهد : تعرف كان نفسي اوي احضر الشروق مع الأنسان اللي بحبه بحس اوي بالهدوء وانا بتفرج عليه بص يا زياد عامل ازاي تحس ان الشمس بتتولد من جديد ..بتطلع عشان تدينا امل في بكره ..بص عليهـا كده
شهد دورت وشهـا شافت زياد باصص عليها
شهد :بتبصلي ليه
زياد : بحب اسرح فيكي وانتى بتتكلمي
ربنا يقدرنى واحققلك كل اللي بتحلمي بيه
شهد : وجودك جمبي اللي بحلم بيه يا زياد
زياد :شهد انا في مشكلة هخلصها عندي و اول ما نرجع هطلبك من باباكي و نتخطب و بعد كدا نتجوز
شهد : حيلك حيلك براحه شويا
زياد : انا مش عاوز اكلمك من ورا اهلك كتير يا شهد ..انا بجد عاوزك تبقي ام اولادي عاوزك تبقي حلالي.
شهد : يااااه اول مره اشوف الحياه حلوه كده
زياد : عشان احنا سوا
شهد سندت رأسها علي كتف زياد: عشان انا شايفاها بعينيك
زياد : بحبك اوي ومش عاوز اضيع ولا لحظه غير وانا فيها معاكي
شهد : هو بجد انا معاك دلوقتى
زياد : اه بجد ..وفي قلبي كمان
شهد : كمان
زياد : كمان
إبراهيم قرب منهم : احنا هننزل الماية ..ايه نظامكوا
زياد : يلا يادودو قومي ننزل البحر
شهد : هتفضل معانا ال 5 ايام دول صح
زياد : انا جاي عشانك اصلا
شهد : ربنا ميحرمنيش منك
شهد مشيت ناحية شيماء و ريماس
و حضنت شيماء و ريماس : ربنا يخليكوا ليا يابنات انا بجد مبسوطه اووي
شيماء : انا بكون طايره من الفرحه وانا شيفاكي مبسوطه يا
شهد : متحرمش منك يا اوزعه انتي و ريمو
ريماس :ولا منك يا عمري
زياد : تعالو ناخد صوره سيلفي كلنا علي البحر
نزلوا البحر وقعدوا يرشوا علي بعضهم مياه وقعدوا يلعبوا بالكوره في الماية
_________
ميار بتكلم مامتها في الموبايل
ميار :كل ده يا مامي وانتي مخبية عليا
نوال :ميار حبيبتي انا كان لازم أتأكد و كنت بخطط اعمل حاجات عشان اعرف كل حاجة عنها
ميار :انا شوفته خلاص قاعد معاها دلوقتي سلام يا مامي
_______
ميار قربت من زياد و شهد
و كانو قاعدين علي الشاطيء بيضحكو
ميار :انتي بقا شهد
زياد اتصدم لما شافها
شهد :اه انا انتي تعرفين
ميار :أحب أعرفك بيا. .. انا ميار خطيبة زياد
شهد بصدمة :ايييه
و فجأة
تفتكره تصرف شهد هيكون ايه و زياد هيعمل ايه و يا تري شهد هتسامحه ولا لا ؟
التعليقات على الموضوع