عمارة ابليس 😈الجزء الخامس😈

~ عمارة أبليس الجزء الخامس~

بعد ما السمسار مشى هوا و الدجال الى جايبه كانت الساعة جت 10
محمد : انا هادخل انام عشان اصحى بدرى اجيب الحاجات دى
بودى و احمد و خالد : و احنا كمان هانقوم ننام هانقعد نعمل ايه يلا بينا
دخلوا ناموا كلهم ألا احمد
احمد معرفش ينام الليلة دى خالص عشان فضل يحلم بكوابيس و ان فى ناس بتقتلوا و بتقطع فيه
و بعد ما الفجر أذن أخيرا عرف ينام .
محمد صحى الساعة 9 و راح ع المستشفى الى الدجال قالوا عليها
و دخل ع المشرحة
محمد : سلاموا عليكوا
عم سيد : سلام و رحمة الله اؤمر ؟
محمد : انا محمد الى جايلك من طرف الشيخ حسان
عم سيد : اه هوا انتا
محمد : ايواا انا
محمد اخده جوا و طلعلة 10 ألآف جنية
عم سيد : بس دا كتير أوى ياباشا
محمد : مفيش حاجة تكتر عليك ياعم سيد بس المهم تجيبلى المطلوب
عم سيد : عنيا ليك ياباشا اؤمر عاوز ايه ..
محمد و هوا متخلبط
محمد : عاوز شعر رآس جثة لسه ميتة جديد و 3 أكياس دم
عم سيد : طلباتك أوامر يا بيه اتفضل اقعد و 5 دقايق هاطلع اجيبلك اكياس الدم و بعديها ندخل المشرحة اتفضل استريح
عم سيد راح يجيب اكياس الدم و فعلا متأخرش و جه و اداله الأكياس فى شنطة سمرة
عم سيد : تعالى ورايا يا بيه
دخلوا المشرحة و عم سيد فتح تلاجة معينة و خرج الجثة و طلع من جيبه مقص و بدأ يقص شعر راس الجثة لحد ما جاب كيس من جيبه و حط الشعر فيه
عم سيد : أتفضل يا باشا و أى خدمات و لو عوزت اى حاجة تانى اديك عرفت المكان
محمد : شكرا
محمد اخد الحاجة و مشى من المستشفى و جاب البخور و المستكة زى ما الدجال قال و رجع البيت لقاهم صحيوا كلهم و كانت الساعة 12 الضهر
بودى : جبت الحاجة ؟
محمد : جبت الزفت ، انا معرفش اخرة الى بنعمله دا ايه
بودى : يمكن الأمور تتصلح و نخلص .
خالد : طب و القطة هانتصرف فيها ازاى ؟
احمد : سيبولى الحكاية دى ، عاوز بس لقمة عيش و اى شنطة قماش
احمد اخد الحاجة و خرج و فعلا نص ساعة و جاب القطة و فضلوا مستنين الدجال يجى الساعة 12 بالليل ....................
كل واحد كان قاعد سارح فى ملكوت لوحده
الا احمد كان حاسس بأرهاق و حر شديد زى الى يكون عنده حمى بس مداش الموضوع اهمية
و عدى الوقت و جت الساعة 12 و ربع و سمعوا صوت كلكس عربية السمسار ، احمد راح فتحلهم و لما قفل الباب كان الدجال لسه نازل من العربية و عينهم جت فى عين بعض و الدجال بصلة بصة شفقة كأن احمد صعبان عليه
دخلوا البيت و بدأ الحوار كالأتى
الدجال : هدوا النور خالص و خلوه خافت
بدأ الدجال يطلع من شنطته شمع لونة احمر و حطة و ولعه قدامه و طلع كتاب غريب كدة و حطة جمبه
بودى اول ما شاف الكتاب دا اترعب و عرف ان الموضوع مش هايعدى على خير عشان بودى عارف الكتاب دا
، دا كتاب
شمس المعارف الكبرى ......
بودى : انتا هاتعمل ايه بالكتاب دا ؟؟
حسان الدجال : اسكت خالص و محدش يفتح بوقوا
بدأ حسان يولع البخور و حط عليه المستكة و أخد اكياس الدم و فضاهم قدامة و حسان كان قاعد فى نص الدور الأرضى و وشة كان ل وش الحيطة الى كان مكتوب عليها الجملة و بدأ يقول الأتى
: بسم الله و عليه توكلت ، بحق **** الجان الأع***
ﻗﺴﻮﺓ
ﻃ**ﻞ
ﻣﺎ*ﺭ
ﻛﻤﻄﻢ
أن تحضروا الأن و تلبوا ****** و الط**
الو** الو**
ال*** ال***
توكلوا
توكلوا يا خدام هذه الأسماء العظيمة و لبوا الن*** و الط** بحق الملك المعظم شم****
حسآن : القطة ؟؟
احمد اداله القطة و هوا مرعوب .
حسان حط الشعر ع البخور و طلع سكينة و دبح القطة و خلى دمها ينزل ع الشعر و البخور
صوت القطة كان بشع و مش قادرين نستحملوا .
بعد ما حسان خلص الطلسم الى قالوا بدأت تظهر جمبه أجسام غريبة زى ما يكون الحرس بتعوه
بس فى الوقت نفسه أبتدت تظهر أجسام ضخمة من الحيطة الى فى وشه و أبشع 100 مرة من الأجسام الى كانت واقفة جمب حسان
و بدأ واحد منهم يتكلم
: نحن خدم سيدنا أبليس و كل ما تفعلونه هذا لن يغير شيء ، هذه الأرض ملك لسيدنا أبليس المعظم .
حسان : توكلوا يا خدام بحق الملوك العظام
بدأت معركة من طرف واحد بس ......... من طرف خدام أبليس
أول ما الجن الى حضرهم حسان بدأوا يهجموا على خدام أبليس مكنوش بيوصلوا أصلا عشان كانوا بيتحرقوا قبل ما يوصلوا
البيت كله بدأ يتهز و يترج جامد و فجأة حسان لسه هايقرى من الكتاب
اتشال من مكانة و نزل على دماغة بقوة غريبة لدرجة ان حسان راسة اتشقت نصين و مات .
احمد فى الوقت دا صرخ و جاله صداع شديد جدا
واحد من خدام أبليس بصله و قال : أنت هو المطلوب .
احمد اتشال من مكانة و بقى تحت الخادم و فجأة ظهر سيف فى أيد الخادم و احمد اتدبح
اه اتدبح
احمد مات بسبب الدجال الى معرفش يعمل حاجة لأ دا صعب الأمور زيادة
السمسار جرى من مكانة و ركب العربية و كسر باب البيت و طار
محمد و بودى و خالد واقفين مذهولين من الى شافوه لدرجة انهم اتجمدوا فى مكانهم و مش قادرين حتى يروحوا ناحية احمد
خالد :
أعوذ بالله من الشيطان الرجيم بسم الله الرحمن الرحيم الحمدلله رب العالمين الرحمان الرحيم مالك يوم الدين أياك نعبودوا و أياك نستعين أهدنا الصراط المستقيم صراط اللذين انعمت عليهم غير المغضوب عليهم ولا الضالين
الخدام اتضايقوا و بان عليهم الغضب بس معرفوش يعملوا حاجة و أختفوا و جثة أحمد برده أختفت
بودى : يعنى ايه صاحبنا اتقتل و شكلنا هانحصلة و بوظنا الموضوع أكتر مهو بايظ
محمد انهار و اغمى عليه من الى شافه
بودى و خالد و هما بيشلوه
خالد : ان عندى الحل و ان شاء الله هاناخد بحق احمد و ننتقمله كمان
بودى : تنتقم من مين ياعم دا بيقولك أبليس ، دا الجن معرفش يهبب حاجة احنا الى هانعمل
الى مات دا صاحبنا يعنى لازم ناخد حقه و مش هاسيب البيت دا غير لما أطلع كل الى فيه حتى لو دا هايكلفنى عمرى
بودى بصله و سكت و دخلوا التلاتة أوضت حسن و فضلوا مستنين الفجر يأذن

#أأألدگگتو9ور