عمارة ابليس😈الجزء الرابع😈

~ عمارة ابليس الجزء الرابع ~
.
الاربعة كلهم اتصدموا من المنظر دا و مبقوش عارفين يعملوا ايه
بودى : دلوقتى فهمت كل حاجة ..........
محمد : فهمت ايه ؟
بودى : البيت دا فيه حاجة مش طبيعية و لازم نعرفها و هانعرفها من السمسار
خالد : انا لسه معايا نمرتوا و هاكلموا
بودى : بس اوعى تحكيلوا على حاجة عشان أكيد هايتهرب و مش هايجيى قوله ان البيت عجبنا اوى و عاوزين نذودله العمولة بتاعته
خالد : اوك
احمد : انتوا مصدقين الهبل دا و البيت مسكون و الحوارات دى ؟؟؟؟؟
بودى : ملهاش تفسير غير كدة ياحمد
.
احمد بالرغم من الى شافه بس مكنش مصدق برده
.
.
محمد : انا لا يمكن اقعد ف البيت دا
بودى : يلا نقعد ف الجنينة بره على ما السمسار يجيى
.
خالد كلم السمسار و فعلا السمسار فرح أوى و قالوا نص ساعة و اكون عندكوا
.كانت الساعة 6 المغرب و فعلا نص ساعة بالظبط و السمسار كان عندهم
السمسار : ازيكوا يا باشاوات
حسن : اهلا اهلا
محمد اول ما السمسار جيه استنى لحد ما دخل و قام قفل الباب بالجنزير
بودى : انتا مش هاتخرج من هنا غير لما تقولنا حكاية البيت دا ايه
السمسار : حكاية ايه يا بيه انت بتتكلم عن ايه !!!!!!
محمد : متعملش الشويتين دول علينا احنا شوفنا كل حاجة بعينينا و تعالى نوريك عشان تتأكد
.
بودى شد السمسار
و اخده و دخلوا كلهم جوا
هما كانوا متوقعين ان كل حاجة هاتختفى كالعادة لكن المرة دى الوضع اختلف لقوا كل حاجة زى ما هيا و الدم لسه موجود ع الحيطة معادا الجملة أختفت .
بودى : زى ما انتا شايف كدة
دا غير الى حصل لكل واحد فينا ، ها هاتتكلم ولا نخلص عليك
السمسار : لا خلاص هاتكلم هاتكلم ،
.
البيت دا يا بيه حكايته حكاية ، المكان دا الاول كان عمارة و كان صحابها ناس كفرة بيعبدوا الشيطان
كانت عيلة كاملة بتعبد الشيطان و بتنفذله كل طلباته
العيلة دى كانت عبارة عن راجل كبير و أولاده ال 8 و كان كل واحد فيهم قاعد فى دور لوحده
البيت دا كانت المنيا كلها عارفاه و عارفين صحاب البيت بيعملوا ايه فيه بس محدش كان بيقدر يقربلهم
.
لأن فى مرة مجموعة كبيرة من الناس اتفقوا انهم هايدخلوا البيت و يخلصوا على كل الى فيه و راحوا فعلا بس مرجعوش لأنهم أول ما لمسوا عتبة البيت
اتفحموا فى مكانهم
و بقوا عبارة عن رماد و مبقاش ليهم أثر و من ساعتها محدش بيقرب للبيت دا
لحد ما فى يوم واحد منهم عصى أمر للشيطان الكبير الى كانوا بيعبدوه
تانى يوم ال 8 مكانوش موجودين ع ضهر الأرض و هاتقولى ازاى هقولك هوا كدة بمجرد ما واحد فيهم بس خالف الأمر كلهم اختفوا ...
و مبقاش فاضل غير أبوهم الراجل الكبير محصلوش حاجة
هوا كان بيعبد الشيطان اه بس كان يعرف يوقفه عند حده
و عشان كدة هوا الوحيد الى فضل من العيلة دى
الراجل دا هد العمارة كلها و بنى مكانة البيت الى احنا موجودين فيه دا دلوقتى و افتكر انه لما يعمل كدة الموضوع هايخلص
المهم عرض البيت للأيجار محدش من أهل المنيا قرب للبيت دا لأنهم كانوا عارفين حقيقته
هاتقولى متأجرش لأ اتأجر بس لناس اغراب زى حضراتكوا كدة و كان بيحصلهم زى الى حصلكوا دا و يمكن أكتر
بس انتوا عشان لسه ساكنين جداد فا لسه مشوفتوش حاجة
الراجل زهق من الوضع دا لحد ما ناس كان باين عليهم أغنيا جم و اشتروا البيت دا و بقى ملكهم ............
بعديها بأسبوع الراجل الكبير لقوه مدبوح و مرمى فى المقابر
.
الحكومة فضلت تحقق و لكنهم ملقوش أى دليل أدانة ، و اتقفلت القضية و اتدفن فى مدافن الصدقة
السكان الجداد الى اشتروا البيت ابتدوا يشتكوا انهم بيشوفوا حاجات كتير غريبة
زى اجسام غريبة بتظهر ف الحمام ، صوت صفير مستمر و مخلوقات بشعة تظهر و تختفى
و لكنهم استحملوا الوضع دا 10 سنين لحد ما فى يوم ابنهم الصغير
بدأ يقول كلام غريب و يتشنج زى ما يكون اتجنن
.
لحد ما فى يوم والده جيه داخل الحمام لقى ابنه متشرح
من كل حتة فى جسمه و الدم حواليه مالى الحمام كله و وش الولد كان أسود و عينه مبرقة و عليه علامات الفزع زى الى يكون شاف أبليس
دفنوا ابنهم و سافروا على بلاد بره و عملولى توكيل و مشيوا و من ساعتها البيت اتسكن 3 مرات 2 قبلوكوا و انتوا التالتة
الحمدلله الناس الى سكنوا الأول ملحقوش يقعدوا فى البيت يومين و مشيوا و اتنازلوا عن المقدم الى دفعوه و الى جم بعدهم
واحد فيهم اتقتل و الحكومة جت حققت برده و موصلوش لحاجة و مشيوا و انتوا الى كان عليكوا الدور
ممكن تمشوا قبل ما يحصلكوا حاجة و يا دار ما دخلك شر
احمد : انتا شكلك نصاب و انتا الى بتعمل الأفلام دى كلها عشان تنصب ع الناس و تقتلهم و تنهب الفلوس يا زبالة .....
احمد لسه هايمسك فيه محمد حاشه بسرعة و هداه
السمسار : انا ممكن اجيبلك دجال من طرفى حبيبى يعنى و يثبتلك كلامى و يمكن نحل مشكلة البيت كمان و تقعدوا فيه علطول
بودى : ايه رأيكوا يا جماعة ؟؟؟؟
احمد : موافق و لما نشوف اخرت النصاب دا ايه ...
محمد : موافق
خالد : انا مش بصدق الدجالين و مش مطمن للراجل دا بس اعملوا الى عاوزينه اما نشوف هاترسى على ايه
بودى : بكرة تجيب الراجل الى بتقول عليه دا و تيجى و لو اتهربت و مجتش
هاتبقى نهايتك على أيدى فاهم
السمسار : فاهم ياباشا معادنا بكرة ........
.
الساعة بقت 1 بالليل و كلهم كانوا خايفين يدخلوا أوضهم بس هايعملوا ايه هايموتوا و يناموا و فعلا ناموا
احمد قام على الساعة 3 مفزوع من الكابوس الى شافه ، و الكابوس كان كالأتى : احمد حلم انه كان نايم فى أوضته و شايف نفسه و هوا نايم و فجأة كائن أحمر او تقدر تقول الشيطان ذات نفسه شد احمد من شعره و دبحه
أحمد قال كابوس عادى شرب بوء ماية و كمل نوم
صحيوا كلهم ع الساعة 2 الظهر و فعلا السمسار كلمهم و قالوا انه قدامه ساعة و يكون عندهم هوا و الدجال ، فطروا كلهم و هما بيفطروا
محمد : تفتكر يابودى الراجل دا هايعرف يعمل حاجة ؟؟
بودى: علمى علمك هانشوف فى الأخر هايحصل ايه ..
خلصوا فطار و فضلوا قاعدين مستنين السمسار و فعلا جه و راحوا كلهم و الراجل الدجال دا كان شكله غريب زى ما يكون عليه غضب ربنا
الدجال : البيت دا فيه شر كتيير أوى و فى حد هايموت
بودى : حد ايه الى يموت ياعم انتا ، لو مشوفتش شغلك هاتبقى انتا الى هاتموت انتا والى معاك ..
الدجال: خلاص خلاص انا هاطلب منكوا شوية حاجات و تكون جاهزة على بكرة و مفيش تأخير بكرة يعنى بكرة .
محمد : انجز عايز ايه ؟؟
الدجال : عايز بخور و مستكة و 3 أكياس دم و قطة و عاوز كمان شعر واحد لسه ميت جديد
بودى : نعم ياخويا ، قطة ايه و شعر ايه الى انتا عايزة
الدجال : هيا دى طلباتى
و لو ع الشعر انا هاديكوا نمرة واحد فى المشرحة حبيبى و هايديك المطلوب و القطة أمرها سهل أى قطة من الشارع هاتقضى الغرض
محمد : طب ما تاخد انتا الفلوس و تجيب كل دا ....
الدجال : مينفعش لازم انتوا الى تجيبوا الطلبات
و بكرة معادنا و تكونوا جهزتوا كل حاجة و أدى نمرة الراجل بتاع المشرحة
بودى اخد النمرة و حس انه داخل فى موضوع كبير مش عارف نهايته ايه

متوقعين ايه اللى هيحصل؟
#أاألدگگتو9ور