عمارة ابليس😈الجزء الثاني😈

عمارة ابليس الجزء الثانى ~

خالد اول ما رفع راسه و بص فى المرآية لقــــــــــى
جسم برأس تعبان بدأ يخرج من الحيطة
و كان بيبتسم ابتسامة مش مفهومة لخالد
خالد اول ما شاف المنظر دا نط من مكانة و بص فى الحيطة لقاها زى ما هيا و بعديها خرج من الحمام جرى و أتصل ب بودى
خالد : بودى الحقنى ..
بودى : فى ايه يا خالد مالك ؟؟
خالد : انسان براس تعبان فى الحمام يا حسن و الحمام مترب و متوسخ كأننا معملناش حاجة فيه من يومين ..
بودى : طب اهدى يا خالد تلاقيك لسه قايم من النوم و بيتهيألك
خالد : يا بودى مش بهزر والله العظيم الى بقوله دا حصل
بودى : طب اهدى و صلى ع النبى احنا خلاص خلصنا محاضرات و قدامنا نص ساعة و نبقى عندك متخافش ... تلاقى عمآر البيت بيهزروا معاك شوية
خالد : عمار ايه ياخويا ... مين عمآر البيت دول !!
بودى : هههههههههههه لما اجى هافهمك سلام ..
بودى و احمد و محمد و هما راجعين وقفوا يشتروا أكل و شوية لاوازم كدة و بعديها روحوا
اول ما دخلوا البيت لقوا خالد نايم ع الكنبة بودى قايم خضه و خالد قام مفزوع
بودى : أركب الهواااا
خالد : ياحسن هوا انا ناقص يا جدع دا انتا رزل
بودى : طيب استنى هاخش ابص ع الحمام الى بتقول عليه مترب و مهجور دا و ع الناس الى بتطلع من الحيطة دى ...
محمد و احمد بصوا لبعض باستغراب
احمد و محمد : ايه العبط الى بتقوله دا يا خالد ؟
بودى : احكيلهم على ما ابص ع الحمام و اجى
خالد حكلهم الى حصل و هما الاتنين ماتوا على نفسهم من الضحك و مش مصدقين
بودى لما جه من الحمام ...
خالد : ها صدقت بنفسك يا عم
بودى : صدقت ايه يابنى الحمام نضيف و مفيهوش نقطة تراب واحدة و زى الفل . قولتلك دى تهيئات مصدقتش ....
خالد : اقسم بالله شوفت دا بعينى . بعدين ايه بقى حكاية عمآر البيت دول ؟؟
بودى : ههههههههه
بص يا سيدى عمآر البيت دول بيبقوا الجن الى عايش معانا ف نفس البيت بس مش بنشوفهم و مش مؤذين ولا حاجة
بودى كان عنده شوية معلومات مش بطالة عن العالم الأخر بس رغم كدة مكانش بيصدق الى بيتقال عن الجن و عمايلهم فى الناس
بودى : خد بقى الاكل و ع المطبخ كدة زى الشاطر و حضرلنا الاكل عقبال ما نغير هدومنا و بسرعة عشان احنا ميتين من الجوع
خالد : و مين سمعك دا انا من الصبح هابيض ع تفاحة حتى مفيش
غيروا انتوا و هاتنزلوا تلاقوا الاكل ع السفرة بس بسرعة
بودى و احمد و محمد و هما طالعين ع السلم
احمد : انا حاسس ان الواد خالد دا اتهبل ايه الى بيقوله دا
محمد : ياعم اتلاقيه مكانش مستغطى امبارح كويس بس
بودى بصلهم و ضحك اوى و بعدين كل واحد دخل اوضته يغير هدومة
خالد دخل ع المطبخ و فضى الاكل و ظبط الدنيا و رايح يحط الاكل ع
السفرة !!!
خالد : الحقونـــــــى .... يا بودى يا محمد
بودى و محمد و احمد كانوا خلاص غيروا هدومهم و نازلين ع السلم و اتفزعوا من صوت خالد و نزلوا جرى يشوفوا فى ايه
نزلوا لقوا الاكل بالاطباق مرمية ع الارض و مش لاقين خالد
بودى نده على خالد
بودى : خالد ؟؟ انتا فين
سمعوا صوته من المطبخ و جريوا عليه لقوه قاعد ف ركن من اركان المطبخ و وشه باين عليه الفزع كأنه شاف ملك الموت !
محمد : مالك يابنى حصل ايه و الاكل مرمى ع الارض بره ليه و كنت بتصرخ ليه ؟؟
بودى : استنى انتا يا محمد . خد يا خالد اشرب بق ماية و اهدى كدا و واستهدى بالله و قولنا حصل ايه ؟
خالد ابتدى يهدا و يتكلم
خالد : و انا رايح احط الاكل ع السفرة لقيت ....
بودى : كمل لقيت ايه ؟
خالد : لقيت كلب شكله بشع نايم ع الترابيزة و كان بيبصلى فى هدوء كأنه بيتأمل فيا . كان لونه اسود فحم و عينه حمرا و بقه كان بينزل منه دم
أول ما شوفت المنظر دا و اتأكدت انى مش بحلم جريت استخبيت فى المطبخ
أحمد بعصبيه : و بعدين يعنى ايه اخرة هزارك دا و الفيلم الهندى الى بتعمله علينا دا و الرعب الى معيشنا فيه دا
خالد رد عليه بعصبية و نبرة صوت حادة : انا مش بهزر ولا بعمل فيلم هندى و بطلوا تضحكوا عليا عشان فاكرينى مجنون . بس بكرة هايجى عليك الدور و تشوف بعينيك
احمد : طب يا عم الجميل تقدر تقول هناكل ايه دلوقتى ؟
بودى : بس مش عايزين خناق ... محمد خد مفاتيح العربية بتاعتى او بتاعت احمد و روح هاتلنا اكل من اى مكان قريب ... و انتا ياعم احمد نضف الى وقع دا على ما محمد يجيب الاكل و يجى .
و انتا يا خالد تعالى نتوضى و نصلى العصر سوا يلا
بودى سند خالد و قوموا و راحوا يصلوا
و محمد لبس و راح يجيب الاكل
و احمد خلص تنضيف الاكل الى وقع و هوا متضايق و قام غاسل ايده و طالع على اوضته ....
و قال يشرب سيجارة على ما محمد يجى
احمد : ادا علبة السجاير كانت ع السرير راحت فين !
احمد افتكر ان علبة السجاير و قعت جمب السرير ( السرير فيه مسافة بينه و بين الحيطة كافية انها تمد ايدك و تلمس الارض)
بدأ احمد يمد ايده و يدور على العلبة
و هنا كلام خالد فعلا اتحقق و احمد ليه نصيب يدوق من الى داقه خالد ....

#أأألدگگتو9ور