اسكريبت 💓
-ماطبختيش ليه يا سلمى؟!
=ما إنت ماتعرفش اللي حصل
-ايه اللي حصل؟!
=ما أنا هقولك
-قولي
=تعرف موفاسا؟!
-مين يا عينيا؟
أبو فاسا مين؟
=موفاسا يا حسن موفاسا؟!
-ماعرفوش يا قلب حسن
=ده كان ملك كبير في أرض العزة و كان أخوه شرير خالص مالص يعني
و ابنه الصغير يا عيني كان بيحبه أوي
بس أخوه قتله و بقى هو الملك غصب عنهم يا حسن
يرضيك؟!
-لا يا حبيبتي مايرضينيش و الله
=أنا صعب عليا لما مات بقا و قررت ماطبخش حداد
-و انا مالي؟!
=ها!
-أنا مالي أنا؟!
=اخص عليك ألف خساية يعني مش شايف عيوني المنتفخة و الممتلئة بالدموع!!
-لا بصراحة مش شايف
=يا أبو علي أنا صعبان عليا الواد الصغير اتيتم
-معلش يا سلمى كله نصيب و الله
=و أمه يا عيني بقت أرملة
-لا إله إلا الله
بكرة ربنا يعوضها
=لا هي عندها ولاء لزوجها حتى بعد ما مات
-طب ما تخلي عندك ولاء لجوزك إنتِ كمان و هو عايش قبل ما يموت
=لا يا حبيبي ربنا يبعد عنك أي شر
عاوز تسيبني لوحدي؟!
-لا مش قصـ...
=عمومًا الإهتمام مابيطلبش
-يا سلـ...
=خلاص أنا حزينة
-اتفلقي يا سلمى
=بتقولي اتفلقي؟!
-آه
=إنت قلبك قاسي
-أوي أوي
=إنت مش بتحس
-كده و كده
=حبيبي يا ابو علي
-قومي بقا اطبخي لقمة إنتِ فرفشتي أهو
=لا لا أنا حزييينة لسه على سيمبا
-سيمبا مين؟!
=هااا؟!
هو أنا قُلت سيمبا؟!
-أيوة يا سلمى قُلتي سيمبا
و أنا قُلت في نفسي أنا عارف الإسم ده و القصة دي و الله بس رايح عن بالي أبو فاسا ده
و كمان ماتوقعتش تعملي كده يا تافهة
=موفاسا موفاسا
-اخرسي
=قفشني
-قولي الحقيقة
=هقولها
-مش عاوزة تطبخي صح؟!
=بصراحة أيوة
-ليه؟!
=إنت ماتعرفش قصة البنت اللي ضاعت من أهلها و ساحرة شريرة خطفتها و حبستها في البرج يا عيني و بهدلتها
-دي روبانزل صح؟!
=احممم هااا
-يا سلمممممى
=أنا غلطانة إني بفرجك معايا على الكرتون كان فاتني دلوقتي بمثل و إنت مش فاهم حاجة
-قومي اطبخي حااااجة
=طب تعرف قصة الـ.....
-حاليًا لو ماقومتيش هخلي الناس تتكلم على قصة زوج قتل زوجته علشان كان هيموت من الجوع
=قُلتلي عاوز تاكُل ايه يا عمري؟!
-فراخ
=فرااااخ؟!!
و هااان عليك تاكل فراخ بعد اللـ.......
-أنا هنزل الشغل تاني
أنا غلطان و الله إني بتكلم معاكِ
=طب على فكرة أنا طبخت
-و سايباني زي الأهبل كده؟!
=سوري
-و لا لبناني
=حبيبي يا أبو علي
-قومي يا بت هاتيلي الأكل
=حاضر يا معذبني زي قصة الـ...
-سلللللمممممممى
=هسكت خالص أهو هسكت
كوميدي_لا_أكثر
....
ريهام يحيى
التعليقات على الموضوع