لست هو 🌸الحلقه 28🌸
🌸 الحلقة ال ٢٨ و قبل الاخيرة 🌸
🌷🌷🌷🌷🌷🌷🌷🌷🌷🌷🌷🌷🌷🌷🌷🌷
نغم / بتضحكو انتو الاتنين
سارة / فكرى هتقولى اية ليزيد
سمر / تعالى ارتااحى تعالى
نغم بتقاعد
سمر / بس كنتى استنيتى شوية بعد ولادة يوسف وسيف
انتى عرفة تعبتى قد اية فى ولادتهم
نغم/ والله مش عرفة يا سمر انا المرة دى مخلية بالى كويس جدا جدا
وفى جهاز قدم نغم بيعمل صوت
نغم / حد من الاولاد صحى هروح اشفهم
نغم بتروح على الفيلاا
***********************.
فى اوضة نغم
قاعدة بتهز سرير يوسف وسيف وسرحانة وبتحس بايد
بتملس على كتفهاا بحنية
نغم / حبيبى انت جيت امتى
يزيد / لسة واصل اية تعبوكى العفرييت دوول
يزيد بيقرب منهم وبيبسهم وهم نايميين و يزيد بيبص لنغم وبيقرب منهاا
يزيد / فى اية مالك شكلك زعلانة لية فادي بردو
نغم / النهاردة قطع كتب عاصم قال اية علشان كان بيلعب مع سندى
يزيد بيضحك
نغم / بتضحك
يزيد / اة راجل زى ابوة بيغير على اخوااتو البنات
نغم / انت الى مدلعو على فكرة مش معقول كدة
نغم بتعيط و يزيد بيروح عليهاا بسرعة
يزيد / نغم انتى بتعيطي
نغم / اوف لاا بس فى حاجة دخلت فى عنياا بس
يزيد / يعنى مش عرفك اناا
نغم / انا هروح اغسل وشى
يزيد بيبص لنغم بحزن وهى ريحة على الحمام
يزيد / هروح اشوف فادي علشان مش هينام لحد ما اشوفو
نغم / لاا لاا مترحش
يزيد / فى اية ياا نغم
نغم بتبص ليزيد بخووف وقلق و فادي بيدخل الاوضة بسرعة
فادي / باااابااااباااا
يزيد بيحضنو اوى وبيشيلو فى حضنه
يزيد / انت مزعل ماما لية فى اية
فادي /لا مش انا يابابا
نغم /فادي مش قولتلك مليون مرة متدخلش بالطريقة دى لزم تخبط قبل ما تدخل مفيش اى كلمة اقولهاا وتنفذهاا ابدا
نغم بتحس بدوخة و يزيد بينزل فادي وبيلحق نغم بسرعة
يزيد / نغم
نغم / انا انا كويسة مفيش حااجة بس شوية ارهااق
فادي / ماما
نغم / فادي روح على اوضتك يلاا
فادي بيروح على اوضته
يزيد / حببتى تعالى ارتاحى شوية
نغم بتقاعد على السرير
يزيد / هى البنت الى بتيجى تساعدك مش مريحاكى
نغم / لا هى كويسة بس انا تعبانة شوية بس
نغم بتبص ليزيد
يزيد / نغم اوعى تكونى
نغم / انا حامل
يزيد / حاامل ازااى يعنى حامل
نغم / مش عرفة والله ماشية مظبوط على الادوية مش عرفة
يزيد / لسة يوسف وسيف هيكملو سنة الشهر الى جاى
نغم / اعمل اية يعنى انا نفذت كل الى الدكتورة قالتو بالحرف
يزيد بيسكت وبيروح يقف فى البلكونة ومدايق اوى و نغم بتروح علية
نغم / حبيبى دة امر ربنا هنعمل اية
يزيد / وانتى ماشاء الله بطنك مبتشلش غير تؤام
نغم / على فكرة الدكتورة قالت ان دة منك انت مش منى انا
يزيد / يعنى انا السبب
نغم / ياحبيبى ولا انا ولا انت دة من عند ربنا
يزيد / لا حول الله ياربى ويوسف وسيف هيعملو اية وازااى هتديهم الاهتمام الى محتجينو
نغم بتعيط / اكيد طبعا مش هقصر ابدا مع حد من ولادى انا عرفة ان انا مش الام الى
يزيد بيحضنها اوى
يزيد / انا اسف انا خايف عليكى والله
نغم / هكون بخيير
يزيد / وبعد الولادة هيكون ليا كلام مع الدكتورة
نغم بتضم يزيد اوى
***********************.
هشام بيتسحب من اوضته علشان يروح اوضة مازن ابنو
سارة / رايح فيين
هشام / انا لا ابدا بس كنت رايح اشرب
سارة / لا بجد ولا رايح تصحية هاا انا عرفااك
هشام / سارة طول النهار فى الشغل ومشفتش الوللد عاوز العب معاة
سارة / يبقي تيجى بدرى علشان تلعب معاة زى ما انت عاوز
هشام / جرا اية يا سارة هو انا كل ما اعمل اى حاجة مبتعجبكيش
سارة/ لاا يا هشام انت بس بتحب تبوظلى كل حاجة بعملهاا
هشام/ اووف هترجعى لموضوع الشغل مش كدة انا ملييت بجد
***********************.
هشام بيخرج وبينزل الجنينة وبيشوف يزيد قاعد لوحدو فى الجنينة
يزيد / اهلاا بيك تعال فى كرسى هناا فاضى
هشام بيقاعد جمبو
هشام / اية اتخانقت مع نغم انت كمان
يزيد / نغم حامل
هشام / هيكونو سبعة يعنى
يزيد / انا خايف عليهاا يا هشام وكمان الولاد لسة صغيريين
هشام / متقلقش نغم قوية هتكون بخيير
***********************.
فى بيت كمال
كمال بيدخل البيت من غير ما يعمل صوت
زينب /اهلاا يااستاذ
كمال بيبص بيشوف زينب مستنيه
كمال / زينب انتى لسة صاحية
زينب / بقي فى واحد مراتو فى الشهر التاسع ولا حتى تلفون
طب افرض تعبت وانا لوحدى طب افرض
كمال / ياحببتى بس انا كنت هكلمك اطمن عليكى بس الموبيل فصل شحن وانا
زينب / مش عوزة اسمع تانى كفاية انا مش هطلب منك انك تخاف عليا او انك تكون جمبى
وزينب بتعيط وبتدخل اوضتها وجاك بيخرج من اوضته
جاك / باباا
كمال بيبص لجاك
كمال / اية انت كمان زعلان منى
جاك / انت زعلت ماما زينب انا زعلان منك
وجاك بيدخل على اوضته و كمال بيروح عليه
كمال / طب قولى اصالحهاا ازااى
جاك / اعترف بالغط وبس
كمال / لاا شوف حاجة تانية
جاك / عندى مدرسة بكرة تصبح على خيير
كمال / انت بتطردنى يا ابن ريتا
جاك بيبص لكمال
جاك / انا ابن ماما زينب
كمال بيضحك وبيبوس جاك من جبينو وبيخرج وبيروح على اوضته
كمال / زوزوو حببتى انا عارف انى غلطاان انا اسف
زينب / اااة
كمال / خلاص باة يا زوزو بقولك اسف
زينب / انا بولد يا كمال الحقنى
***********************.
فى الصبح
حازم بيدخل البيت وبيشوف حمزة ابنو بيلعب بالعجلة
حمزة / باباا جة بااباا جة
ريناد بتخرج من المطبخ وبتحط اطباق على السفرة
ريناد / حمدالله على السلامة يا حبيبى
حازم / الله يسلمك وحشتينى يا جميل انت تلات ايام وانا بعييد عنك
ريناد / حازم الوالد
حازم /احم هو مش هيروح المدرسة
ريناد / حمزة حبيبى يلاا الباص بتاع المدرسة زمانو على وصول كفاية لعب باة
حمزة / حااضر يا مامى
وحمزة بيجرى على اوضته وحازم بيقرب من ريناد وبيمسكها من خصرها وبيقربها منو اوى
ريناد / حازم الوالد يا حاازم
ريناد بتدفع حازم بعيد عنها بسرعة
حمزة / ماامى ماامى
ريناد / يلا يا حبيبى الباص وصل حازم وصل حمزة للباص
وحازم بيرفع حمزة فى حضنو وبيخرجو يوصلو للباص
و بيرجع بتكون ريناد بتجهز نفسهاا علشان تنزل
حازم / خلاص الوالد رااح
ريناد / متاخرة على المستشفى عندى حالات النهاردة كتيير جدا
حازم / اعتبرينى حالة من الحالات بتعتك وعلاجينى
وحازم بيهجم عليهاا بسرعة
ريناد / يا مجنوون حاازم لاا يا حازم هتاخر حاااازم 😉
***********************.
فى بيت شهاب دنيا
شهاب بيدخل الشقة بيشوف الشقة كلها بلالين ومتزينة
شهاب / اية دة كلو دنيا
دنيا بتخرج من الاوضة ولبسة فستان احمر طويل وفى غاية الجمال
شهاب / ميين حضرة الظابط دنيا
دنيا / وحشتنى
شهاب/ واية مناسبة دة كلو
دنيا / النهاردة عيد جوزناا وطبعا ناسى زى السنة الى فاتت
شهاب / طبعا فاكر علشان كدة طلبت انزل يومين اجازة
دنيا / وانا هصدقك
شهاب موبيلو بيرن
شهاب / تمام يافندم كمان عشر دقايق واكون عند حضرتك بالملفات الى طلبتهاا
شهاب بيقفل التلفون وبيبص لدنيا
دنيا / هاا نازل اجازة علشاانى ماشى يا شهاب مااشى
دنيا بتدخل الاوضة وبتقفل الباب
شهاب /دنيا حياتى ممكن نتكلم دنيا
شهاب لسة هيخرج من باب الشقة وبيبص على التورتة الى على السفرة وبيقرب منها وبيشوف مكتوب على التورتة مبروك انا حامل و شهاب بيبتسم اوى وبيروح على الاوضة بسرعة
شهاب / دنيا دنيا
دنيا / عاوز اية مخرجتش لية
شهاب / انتى حامل
دنيا / وانت عرفت ازااى
شهاب / بحبك
دنيا / وانا كماان
شهاب بيحضنها اوى
***********************.
بعد ٨ شهور
نغم فى العملياات و يزيد و هشام و سارة قدم العمليات
يزيد / اتاخرو اوى لية
سارة / متقلقش ان شاء الله خيير
وبيسمعو صوت عياط الاولاد وبتخرج الدكتورة وباين عليها
القلق
يزيد /نغم هى بخير
الدكتورة / هتكون بخير بس الرحم متحملش فاتطرينا اننا نستاصلو
هشام /اية
سارة بتكتم صرختهاا ودموعها بتنزل
يزيد / الحمد لله المهم نغم تكون بخيير
الدكتورة / حمدالله على سلامتهاا الاولاد صحتهم بخير بعد ازنكو
يزيد بيقاعد على اقرب كرسى
جان / يزيد لزم تكون قوى علشان نغم
يزيد / الحمد لله المهم نغم وبس مش عاوز اى حاجة تانية
***********************.
فى الليل
يزيد / حببتى يعنى انتى عوزة اية تانى انا معاكى وعندنا ماشاء الله ٤ اولاد ٣ بنات دة احنا هندخل بيهم المنتخب كمان
نغم / يعنى خلاص انا
يزيد / هششش نغم ارجووكى انتى عرفة دموعك دى بتعمل فيا اية
نغم بتبعيط وبتترمى فى حضنو اوى وبيدخل هشام ومعاة سارة وكل واحد فيهم شايل نونو
هشام / احم احم احنا جينا ياماما
نغم بتمسح دموعهاا
سارة/ هتسميهم اية
نغم / ابوهم هو الى هيسميهم
يزيد بيفكر
هشام/ حورية سمو البنت حورية
نغم / اية الاسم الغريب دة حورية
يزيد / حورية حلو الاسم عجبنى يباة خالهم هو الى هيسميهم
هشام / حورية وحسام يزيد عبدالعزيز
والكل مبسوط اوى وبيضحكو
***********************.
فى الفيلاا
عاصم قاعد مع سندى بيزكرو فى الجنينة
سندى / لا انا مش قادرة افهم المسالة دى صعبة اوى يا عاصم
عاصم / سندى ممكن تركزى شوية انتى مش بتركزى معايا ابدا
سندى / لا انا مركزة بس انت الى بتتعصب عليا
عاصم / اسف خلاص خلينى اشرحهالك من تانى
فادي بياخد القلم من ايد عاصم وبيرمية على الارض
فادي / قولتلك متقربش من اخواتى
سمر / فى اية يا فادي فى اية يا حبيبى سبهم يزكرو
فادي / لا مش هيزاكر مع سندى
سندى / لما بابا هيجى انا هقولو
سوزان بتلعب بالعروسة بتعتهاا فى الجنينة ومازن ابن هشام بياخد منها العروسة بتعتهاا و سوزان بتعيط و فادي بيروح عليها بسرعة
سوزان / فادي مازن اخد العروسة بتعتى
فادي بيروح على مازن وبيضربو وبيتخنقو مع بعض
هشام / فادي مااازن
هشام بيروح عليهم بسرعة
هشام / اية الى انتو بتعملوة دة
فادي / اخد عروسة سوزان منهاا
سارة / مازن مفيش فايدة فيك يعنى يلاا اتفضل على اوضتك يلاا
مازن / انا كنت بلعب معااها هو الى مش عوزنى العب معاهاا
هشام / خلااص انت وهو ممكن تسكتو شوية انا راجع تعبان عاوز ارتااح
فادي بيبص لمازن بغضب وبياخد العروسة بتاعت سوزان وبيروح على سوزان وبيعاملها بحب وبيمسحلها دموعهاا
هشام / هيطلع اسد الوالد دة
***********************.
بعد كام شهر
نغم / عاصم خلى بالك من سندى ماشى
عاصم بيمسك ايد سندى وبيدخلو الباص بتعهم والباص بيمشى
سمر / ها الولاد راحو
نغم / اة راحو يا سمر
يزيد و هشام والولاد بيفطرو
نغم بتروح على يزيد
نغم / حبيبى ممكن توصل الولاد للمدرسة علشان الباص بتعهم مش هيجى النهاردة
يزيد بيبص للساعة
يزيد / متاخر عندى اجتماع
نغم لسة هتبص لهشام
هشام / عندى نفس الاجتماع سلام
سارة / يلا يا حبيايبى انا هوصلكو للمدرسة
فادي و سوزان ومازن ابن هشام واياد ابن سمر بيروحو مع سارة و نغم بتروح على يوسف وسيف وهم قاعدين على الارض وبيلعبو باللعب بتعتهم وبتقاعد معاهم
وبتنزل سلوى الدادة بتاعت الاولاد
سلوى / مدام نغم حورية وحسام رضعو ونايمين فى اوضتهم
نغم / ماشى يا سلوى روحى ارتاحى انتى شوية تعبتى من الصبح
وسلوى بتروح على المطبخ و نغم بتتفرج على الاولاد وهم بيلعبو
***********************.
بعد اكتر من ١٥ سنة
يزيد بيدخل من باب الفيلاا ومتعصب اوى
يزيد / نغم نغم
نغم بتخرج من المطبخ بسرعة
نغم / يزيد فى اية مالك
يزيد / اتفضلى استلمى ولادك مبرووك ولادك طلعو حرمية
نغم / يوسف سيف فى اية اية الى انت بتقولو دة يا يزيد
يزيد / ولادك عمليين عصابة فى المدرسة المدير بيتصل بيا بيستنجد بياا
نغم / عملتو اية يا استاذ انت وهو اتكلمو
يوسف. / معملناش حاجة هو ال
يزيد / اخرس
سيف / ياباباا اسمعنى وبعدين احكم
نغم / اطلع انت وهو على اوضتكو يلاا
يزيد / حسبكو معايا انت وهو مااشى
نغم / حبيبى اهدى بس مش كدة
يزيد متعصب بيروح على اوضته ويوسف وسيف بيبصو على يزيد انو دخل اوضته و نغم وره
يوسف / سيف لزم نهدى اللعب شوية الموج عالى المرة دى
سيف / عندك حق يازميلى
وبيضربو كفوف بعض وبيضحكو.
التعليقات على الموضوع