حب عمري 💟الحلقه 16💟

الفصل السادس عشر

*** حب عمرى ***

في صباح اليوم التالي استيقظت داليا مبكرة وقامت باعداد الفطور وبدأت في ايقاظ الجميع والتفوا جميعا حول طاوله الطعام وبدأو في تناول طعامهم

منى وهي تلتهم طعامها : يعني حتي يوم الجمعه مقومانا بدري حرام عليكي يا مفتريه

: حد قالك قومي ما كنتي تكملي نوم

منى : يعني اسيب ريحة الفلافل دي وانام ازاي انا يعني

: طول عمرك مفجوعه

الجميع : ههههههههههههههههههههه

مجدى : عارفه يا دودى انا مباكولش الفلافل دي غير من الجمعه للجمعه وبجد بتوحشني جدا

: ابقي تعالي كل يوم وانا اعملك

مجدى : ياريت والله عارفه لو بايدي كنت اتجوزتك وقعدتك في البيت تطبخيلي

داليا بضحك : ههههههههههه فينك يا ست رودى تسمعي الكلام

مجدى : ايه اللي جاب سيرة رودينا بس دلوقتي .. وبعدين دي فاشله في المطبخ مش زيك

: صدق المثل اللي قال توصل لقلب الراجل عن طريق معدته .. وبعدين مين قالك اصلا ان انا لو اتجوزت هقعد في البيت انا دكتورة والمستقبل قدامي كبير ولازم احقق هدفي

مجدى : انتي لو مراتي مش هسمحلك اصلا تشتغلي

: طب الحمد لله اني مش مراتك

مجدى : يا بت انتي تطولي بس انا اوافق واقول اه

: يا راجل انا اطول واطول من كده كمان ده انت متعرفنيش

حنان :داليا دي ست البنات والف واحد يتمناها بس هي تشاور بس.

: ربنا يخليكي يا نصراني دايما .. اقعد بقي في حته بعد
الكبسه دي

مجدى : كبسه باللحمة ولا بالفراخ

داليا بضحكة : لاء بالخفه يا ظريف

مجدى : طب قومي اعمليلي فنجان قهوة بقي قبل الصلاه

حنان : قومي يا منى اعملي القهوة لاخوكي

مجدى : لاء انا عايز داليا قهوة منى ماسخة زيها

منى: طالعالك

داليا : قشطة عليكي يا يويا وانا مش عملالك حاجة قوم اعمل لنفسك بقي

مجدى بحزن : اهون عليكي

: ده انت المفروض كنت تدخل معهد التمثيل مش كليه الشرطة

مجدى : ما انا كان نفسي اطلع ممثل يلا يا خفيفه انتي وهي اعملولي القهوة عايز الحق الصلاه ايه العيال دي

داليا : هتواضع واتنازل واعملك القهوة يلا

مجدى : طب يلا يا اختي اخلصي

ذهبت ا الي المطبخ لتعد الي مجدى ما طلبه منها وخرجت وجدته واقفا في الشرفه دخلت له و اعطته المشروب

مجدى وهو ينظر لها : هي دي القهوة اللي طلبتها

داليا ممازحة : يوووة نسيت انك عايز قهوة عملتلك شاي بلبن

مجدى: يابت من امتي

داليا بضحكة : وبعدين محدش بيشرب قهوة ع الصبح كده القهوة دي بعد الغدا في العصاري كده اشرب انت وساكت

مجدى : انتي هتشربيني ع مزاجك

سيف : دودى تعمل اللي هي عايزاه انت تطول اصلا تشرب حاجة من ايدها ده انت تحمد ربنا انها تواضعت وعملتلك اصلا.

مجدى : دول بيطلعوا امتي دول

داليا : ايوة بقي الكل عليك انهاردة يا جو يا نصريني دايما

سيف : اسكت واشرب وانت ساكت .. انت تؤمر يا قمر

داليا بمغازله : انت اللي قمر
مجدى : احم احم نحن هنا ولا اجيب شجرة واتنين لمون

سيف: لا نقطنا بسكاتك

خرجت رودينا ع صوت مجدى

رودينا بدلع : صباح الخير يا جو

مجدى: صباح الفل والورد

داليا بهدوء : هو انتي مش بتشوفي غير جو

رودينا : بس يابت

داليا : هي دي رودينا مش المايعه اللي كانت من شويه

رودينا : انا ما يعه ياااا

: اغلطي اغلطي خليه يعرفك ع حقيقتك ويعرف انه استعجل

مجدى مقاطعا : لااااااااااا ده انا لو لفيت الدنيا كلها مش هلاقي زي رودى

رودينا : يالهوووووي ع الكبسه

داليا : ع فكرة هو بيردوهالي علشان لسه كابساه الصبح

رودينا : احسن .. بت بقولك انا زهقانه وداخله ع امتحانات وعايزة اعمل ريفريش للذاكرة والنفسيه ماتيجوا نخرج

داليا : هنروح فين

رودينا : ايه رئيكم تخرجوا معنا

سيف : وانا موافق ظبطوا وابقوا بلغونا يلا يا سيادة النقيب ادخل البس هنتأخر ع الصلاه

مجدى : طب يا اخويا يلا

بعد نزول مجدى و سيف الي الصلاه ظلت داليا مع رودينا في الشرفه يتفقون علي الخروج

رودينا : طب نادي منى اهو نفكر سوا

: اوك .. قامت بمناداه منى وبدأو في الاقتراح

رودينا : بصوا احنا عايزين حاجة مجنونه تطلع الكبت اللي عندي كله من المذاكرة

منى بتفكير : امممممممممم ايه رئيكم نروح النادي

داليا : نادي ايه انا عندي طاقه عايزة اخرجها في حاجة جامده مش قاعده

رودينا : الملااااااااااهي

داليا : هو ده يا فهماني

منى: طب يلا ندخل نلبس علشان نحطهم قدام الامر الواقع وميرجعوش في كلامهم

داليا : يلا رودى البسي بنطول مش عايزين فضايح ههههههههههه

رودينا : ماشي يا فضيحة

دخلوا البنات ارتدوا ملابسهم وظلوا منتظرين عوده سيف و مجدى من صلاه الجمعه وعند عودة مجدى وجد الفتاتين منتظرينه

داليا و منى : احنا جاهزين

مجدى : ع فين ان شاء الله

داليا : مش قولتوا هتخرجونا

مجدى: يلا يا ماما مفيش خروج انا تعبان وعايز انام

داليا بحزن : كده يا مجدى

مجدى : يا بت مبياكولش معايا الجو ده بلاش شغل امينة رزق ده

دالياا وتجمعت الدموع في عينيها : ماشي

دخلت داليا الي غرفتها وبدأت تهبط منها دموعها في صمت فكانت لا تريد سوي ان تقضي اليوم مع سيف فلماذا يحرموها من كل شئ تحبه فلماذا يمنع القدر عنها كل اللحظات التي تتمني ان تعيشها وسمعت نداء رودينا لها وخرجت الي الشرفه

رودينا : اتأخرتوا كده ليه

داليا : مش هنخرج يا رودي

رودينا : لييه ان شاء الله.

داليا بحزن واثار البكاء علي وجهها: مجدى مش موافق

سيف بحدة: هو بمزاجة ولا ايه.. ثم قال بصوت حاني وبعدين لسه متخلقش اللي يخلي دودى تعيط انتي فاهمة ولا لاء لو هو مش هيخرج انا هخرجكم

نظرت له رودينا نظرة متفحصه ثم نظرت الي داليا التي ذابت عشقا

داليا بعد ان سيطرت علي نفسها : معلش يا سيف ممكن يكون تعبان ولا حاجة

سيف : تعبان يقعد هو انما انا مش هتنازل عن خروجة انهاردة انا جايلكم

بعد قليل سمعت داليا صوت دق الباب وخرجت الي الصالة وجدت سيف يمسك مجدى ويشدة الي الداخل

سيف : يلا ياض البس مش هتعمل علينا ظابط

مجدى باحراج : الله يخربيتك احرجتني اعملي قيمة في المكان طيب

سيف: ده انت حسابك معايا حساب علشان تبقي انت السبب في دموع دودى ممكن تموت فيها

مجدى : دموع دودى هي كانت بتعيط بصحيح والله افتكرتها شويتين من الشويات بتوع امينه رزق

سيف : يلا وبطل استظراف .. وانتي ادخلي اغسلي وشك

داليا بفرحة : حاضر

دخلت لتزيل اثار البكاء واعدلت من هندامها واكملت ارتداء ملابسها وخرجت لهم مرتديه اجمل الملابس

نظر لها سيف بانبهار من تلك الملابس التي ترتديها فكانت في قمة الرقه والبراءه نظر لهم الجميع باستغراب ونظرت له رودينا بتعجب من تلك النظرات

رودينا : مش يلا ولا ايه

افاق سيف من شرودة علي كلمة اخته : اه يلا

هبطوا جميعا الي اسفل واستقلوا سيارة سيف وكان يختلس النظر من حين الي اخر لداليا في المرآة وكانت تأخذ بالها رودينا من تلك النظرات الغريبه

رودينا : صحيح يا سيف معزمتش ريم ليه معانا ده انت كنت زعلان اوي علشان انا معزمتهاش في عيد الميلاد

سيف بلا مبالاه : عادي كبري دماغك ومغيرا سياق الحديث انتوا مقولتوش هتروحوا فين

داليا : عايزين نروح الملاهي

مجدى : ملاهي ايه بس هو احنا اطفال علشان نروح ملاهي

سيف: اتلهي انت هنروح الملاهي علشان خاطر دودى بس

مجدى : يا واد حنين

منى وهي تغمز لرودينا : يا بختك يا دودى كلهم مهتمين بيكي لكن احنا في الزباله

رودينا : ع رئيك وهي تهمس لمنى هو فيه ايه

منى بصوت هامس : مش عارفه ملاحظة اللي انا ملاحظاه

رودينا : اها الموضوع في ان

منى : بعدين نبقي نشوف الموضوع ده

ذهبو جميعا الي مدينة الملاهي وكان الكل يضحك من قلبه ولكن كان هناك اثنان كانت النظرات بينهم خير من الف كلام

منى بصوت هامس : انا مش فاهمة حاج

رودينا : وحياتك ولا انا بس خلينا نشوف ايه اللي هيحصل

منى : انا خايفه ع داليا انا ما صدقت انها رجعت بتاعه زمان

رودينا : يمكن اخويا يكون فاق وعرف اللي بتحبه بجد مين

منى : انا مش مطمنه وخايفه يكون واخد داليا كوبري علشان ريم تغير

رودينا : سيف عمره ما كان كده وانتي عارفه كده كويس

منى : انا خايفه ع داليا وبس

رودينا : سيف لو فكر يأذيها انا اللي هقفله مش حد تاني

منى : طب يلا علشان محدش ياخد باله

سيف : ها يا دودى تحبي تروحي فين تاني

مجدى : هو مفيش غير داليا ولا ايه ماتاخد رأي البشر اللي معاك طيب ويبقي رأي اغلبيه

رودينا : يا بختك يا دودى حد عاملك اعتبار يا عيني عليا الا ما سئلني حتي عامله ايه

سيف: البس يا عم

مجدى : هو انا ليا غيرك برضه تحبي تروحي فين يا حبيبتي

داليا بضحك : الله يكون في عونك يا دودو واخدة واحد مش رومانسي خالص

مجدى : اطلعي انتي منها علشان تعمر اصلك بتموتي في عمايل الخير بصراحة

بدأ الجميع في الضحك

سيف : ها هتروحوا فين تاني

رودينا : انا بصراحة هموت من الجوع

داليا : والله وانا كمان

سيف : طب يلا علي احلي محل سمك فيكي يا اسكندرية

الجميع : هييييييييييييييييييييييه

ذهبوا جميعا الي احدي محال المأكولات البحرية الشهيرة في عروس البحر المتوسط والتفوا جميعا حول الطاوله وطلبوا الاوردر ورن هاتف سيف

وعندما نظر سيف الي الشاشه وجد اسم ريم يضئ
سيف : رودي خدي ردي علي ريم وقوللها مش هنا

نظرت له رودينا باستغراب : نعم

سيف : اخلصي

اخذت منه رودينا الهاتف وردت عليها : الو

ريم : ازيك يا رودي

رودينا : تمام

ريم : ممكن اكلم سيف

رودينا : اصله مش هنا اصل احنا بره وسايب التليفون معايا

ريم : بره

رودينا : اه سيف عازمنا ع الغدا انا ودودى

كان الجميع ينظر لها باستغراب ومن تصرفها فسيف لم يقل لها تقول هذا الهراء

ريم : اه ابقي سلميلي عليها

رودينا : يوصل سلام

واغلقت الهاتف دون ان تنتظر الرد من ريم
سيف : انا قولتلك تقولي كده

رودينا : هو انا كدبت مش انا قولت الحقيقه مش انت عازمنا ع الغدا

سيف : ماشي

داليا وهي تنظر لرودينا وتنقل بصرها الي سيف: بس ليه مكلمتهاش

سيف: عادي يلا ناكل بقي

مر الوقت سريعا وعادوا الي منازلهم
داليا : تعالي اقعدي معانا شويه يا دودو فوق

رودينا : لا وقت تاني بقي

داليا وهي تجذبها من يدها : يلا بطلي رخامة

رودينا : طيب طيب

صعد الجميع ودخلت رودينا الي غرفه منى و داليا وجلست ع السرير

داليا : عايزة اعرف مبرر واحد للي انتي عملتيه انهاردة مع ريم في التليفون

رودينا : انتوا ليه محسسني اني عملت جريمة واحدة بتقولي هو فين قولتلها احنا بره مش هو مش عايز يكلمها خلاص هو حر وانا مكدبتش

منى : اسلوبك كان غريب يا رودى

رودينا : بت انتي اعتقد انك لاحظتي نظرات سيف وانتي يا ست داليا عنيكي فضحاكي وهو اكتر منك وهي بقي لازم تفهم انها غير مرغوب فيها معانا

داليا باستغراب : انتي بتقولي ايه

رودينا : فهميها يا منى اقصد ايه وقوللها سيف كان بيبصلها ازاي اظاهر ان الاخت مبقتش بتشوف ده الغبي يفهم نظرات سيف

منى: رودينا سيف خاطب احنا مصدقنا خلصنا من الموضوع ده

رودينا : لاء مخلصناش علشان محدش عارف سيف زي انا

داليا : انا مش فاهمة حاجة منكم انا مش عايزة اتعلق بسيف تاني انا وسيف اصحاب وانتي كده بتبوظي علاقتي بيه انا مستحيل ابني سعادتي علي سعاده ريم انا اخترت اني ابقي معاهم صديقه لكن مفرقش بينهم

رودينا : والنبي بلاش التضحيه دي اوي وبلاش دور العبط ده خليكي واقعيه شويه

داليا : انتي اللي خليكي واقعيه سيف خاطب ومش خاطب اي واحدة خاطب واحدة قريبه مني صحبتي ومينفعش اخونها

رودينا : ماشي يا داليا احنا عايشين لحد ما نشوف ايه اللي ممكن يحصل بس هفضل عند مبدأي انها لازم تفهم انها غير مرغوب فيها وسطنا

داليا : بلاش الاسلوب والطريقه دي مش علشان هي مش ع مزاجك تعملي كده

منى : يا جماعه استهدوا بالله بلاش خناق ع حاجة تافهه

رودينا : لاء مش تافهه بس اظاهر ان داليا باعت القضيه خلاص ورضيت تعيش دور الضحيه

داليا وبدأت دموعها تنهمر منها رغما عنها : والمفروض اعمل ايه احارب اتنين بيحبوا بعض ومخطوبين علشان انا ابقي مبسوطة تفتكري اني لو خليتهم تعسا هحس

بالسعاده انا ضحيت ورضيت باللي ربنا كتبهولي علشان اعرف اعيش رضيت باني اشوفهم مع بعض واتحمل واسكت علشان بس ابقي جمبهم محدش حاسس بيا ولا باللي بيحصلي لما بشوفهم سوا ولا بسمع كلامة ليها بس اعمل ايه لو بايدي حاجة اعملها

ممكن اعملها لكن كله اني اخلي سيف تعيس في داهيه سعادتي في داهيه اي حاجة الا اني ابقي السبب في حزن سيف عمركم ما حد هيحس بيا ولا حد هيفهمني

اقتربت منها رودينا ومنى وضموها اليهم

رودينا : انا اسفه يا بس غصب عني عندي احساس كبير ان سيف بيحبك بس مش فاهم اللي جواه او متلخبط سيف عمره ما جرح حد حاسه لما بيبقي معاكي بيبقي انسان تاني لما بشوفوه وهو بيكلمها واشوفه وهو معاكي فرق كبير اوي في المعامله

داليا : انا اللي بشوفهم سوا وانا اللي اقدر افرق في المعامله سيف بيعاملني عادي جدا هي خطيبته وانا داليا اللي متربيه معاه عرفتي الفرق

رودينا : يمكن .. متزعليش مني يا دودى انا اسفه والله غصب عني بس انا نفسي اشوفك مبسوطة وانا عارفه ان سعادتك الحقيقيه مع سيف مش حد غيره

داليا : علشان كده مش عايزة حاجة غير اني ابقي جمبه حتي لو هاخد دور الضحيه او مجرد متفرجة بس كفايه اني ابقي جمبه

رودينا : ربنا يسعدك .. انا همشي تصبحو ع خير

داليا : متزعليش مني يا دودو

رودينا : عمري ما ازعل منك ابدا .. يلا سلام .............