قصة الصندوق 🗃الجزء الثالث

رساله مكتوب فيها "شكلك عايزه تتفضحي ومصممه علي القرف اللي انتي فيه "
عالطول قفلت في وش محمد وعملتله بلوك حاولت اتصل بالرقم لاقيته مغلق خوفت جدا مين ده هو ازاي عرف اني بكلم حد دلوقتي وقعدت اعيط
لاقيت تيتا دخلت عليا
-بتعيطي ليه يا مريم
=انا خايفه اوي يا تيتا
-خايفه من ايه يا نن عيني
=مش عارفه بس خايفه
-متخافيش وانا معاكي تعرفي انا كمان بخاف ايوة بخاف بس بقوم واتوضى واصلي واقول لربنا قويني يارب علشان ابقي سند لمريم وطول في عمري مش علشاني علشانك بخاف عليكي من الدنيا دي يا مريم
=انا ماما وحشتني اوي با تيتا
-وحشتني انا كمان لما بتوحشني اوي ببص عليكي وعلي عنيكي اصل انتي واخده عنين امك،يلا قومي صلي وادعيلهم وفضفضي لربنا بكل حاجه
=حاضر
اول مره اكلم تيتا كده واول مره اقولها حاضر كنت دايما بتعامل معاها برخامه برغم ان سنها مش كبير لان ماما اتجورت وهي صغيره  لكن دابما بحسها كبيره ومش هتفهمني ولا تعرف تحتويني ومش بقعد معاها لكن حسيت المره دي ان حضنها دافي اوي واني عايزه اتكلم معاها
قومت وصليت وقعدت ادعي ربنا وقولت كل اللي في قلبي حسيت براحه محستهاش قبل كده وخدت عهد علي نفسي اني اوقف كل ده وفعلا فات 6شهور وانا بصلي وقاطعه علاقتي بكل الولاد ومش بشرب سجاير ودورت علي شغل تاني وبدأت حياه جديده او رجعت لحياتي القديمه  حياه مريم اللي كنت بحاول ادفنها ،لكن الشخص مبعتش حاجه تاني طب علي الاقل يشجعني لكن مكنش ليه حس لاقتني بمسك الموبيل وببعت رساله للرقم اللي بعتلي قبل كده 
"انا بطلت كل حاجه وحشه كنت بعملها مش علشان خوفت انك  تفضحني لا علشان انا عايزه اعمل كده شكرا انك فوقتني "
ومعرفش اذا كان هيشوفها ولا لا بس بعتها
بعت واحده تانيه بعدها بيوم
"انت ليه مبتردش عليا انا عايزه اعرف انت عرفت عني كل الاسرار دي وحطتهم في الصندوق ازاي جبت منين الصور والشات اللي بتقول عليهم انا محتاجه افهم"
ومفيش حد بيرد هو في دماغي وعماله افكر هو مين
بعدها نزلت الشغل ورجعت والايام ماشيه ،فات يومين من ساعه ما بعت الرساله وجالي الرد
"مش مهم تفهمي ولا تعرفي انا مين المهم
دلوقتي اني ممكن افضحك في اي وقت لو عملتي حاجه متعجبنيش "
شوفت الرساله وحسيته بيهددني لكن رديت عليه "انا خلاص بطلت كل حاجه ونسيت وبقيت شخص تاني  "
رد هو "مش مهم انا جاي احاسبك علي زمان "
وبدأ يبعت رسايل وحشه جدا وكلها تهديد
اسلوبه اتغير وكل الرسايل بتتكلم علي انه هيفضحني،كنت هموت من الرعب وهتجنن
قعدت ادعي ربنا كتير واكتئبت وطول الوقت قاعده في الاوضه خايفه
وهو شغال تهديد وتخويف فيا فات اسبوع ،
بعتلي رساله "لو عايزه تعرفي انا مين وتاخدي الصور تعالي قابليني  "
في الاول خوفت بس كان لازم اشوفه واعرف هو مين؟ بعتله اقابلك فين ؟ قالي انه هيقولي بالليل
الصندوق
الجزء_التالت
‏Menna_elshamy