قصة الصندوق 🗃الجزء الرابع و الاخير👉مستنيه رائيكم🌸

تيتا دخلت عليا
-مريم تعالي روقي معايا الشقه لحسن نبويه  مش هتيجي والشقه عايزه تتنظف
=تيتا انا فعلا مش قادره
-ماشي يا مريم 
صعبت عليا ومقدرتش اسيبها تروقها لوحدها مع اني كنت فعلا خايفه ومش عارفه مصيري ايه ولا الشخص ده هيعمل معايا ايه
=خلاص يا تيتا اقعدي انتي انا هروقها
وانا بروق اوضه تيتا لاقيت وصل  فتحته لاقيت وصل باسم الشركه اللي جابتلي الصندوق! 
استغربت جدا تاريخه قبل يوم عيد ميلادي بيوم
ناديت تيتا
-تيتااااا
=ايه يا بت بتعلي صووتك كده ليه
-ايه ده
=ايه هااا ايه ده معرفش
-ده وصل نفس الشركه اللي جابتلي الصندوق ارجوكي فهميني في  ايه انا قربت اتجنن
=خلاص خلاص اهدي بس هقولك انا انا اللي بعتلك الصندوق انا كنت عارفه انك بقيتي تعملي حاجات غلط وكل مره اقول هترجع من نفسها وكنت عايزه اقولك وانصحك لكن انتي مش بطيقي اني اكلمك ولا بتقعدي معايا ولا بتسمعيني ده انا كنت اول مره احضنك بجد وتقعدي تسميعيني يوم ما قولتلك قومي صلي ساعتها مش متخيله كنت سعيده ازاي فكرت اعمل كده علشان ترجعي مريم تاني اللي امها وبوها هيبقوا فرحانين بيها ،قبل يوم عيد ميلادك فكرت في اني اعمل كده علشان ارجعك تاني عن الطريق ده اللي كان نهايته سودا
=يعني انتي انتي
*مكنتش عارفه اجمع الكلام وكنت فرحانه جداا ان تيتا هي اللي بتعمل كده
-تعرفي ان امك جتلي في المنام كانت لابسه فستان ابيض وكانت زعلانه وقالتلي ساعدي مريم يا امي طلعيها من الحفره دي المنام ده اللي شجعني اعمل معاكي كده
=ماما!
=تيتا انتي كنتي بتبعتيلي من الموبيل كمان ؟
-اه انتي لاقيتي الموبيل كمان انا اسفه يا مريم مكنش قصدي اخوفك انا بس كنت عايزه ارجعك من الطريق ده
=تيتا انتي معيشاني في رعب الرسايل كانت وحشه اوي وتهديدك ليا في كل الرسايل دي وكنت هنقابليني ازاي بقي
-اهدي بس ومتعيطيش رسايل ايه انا مبعتش علي الموبيلي غير رساله واحده
=واحده!
*جريت علي الاوضه وجبت الموبيل وورتها الرسايل*
*جريت تيتا علي اوضتها وقعدت تدور وقلبت مرتبه السرير ملقتش الموبيل وبعدين سرحت شويه كده*
-والله ما هسيبه
=تيتا فهميني كل حاااااجه انا تعبت من القلق والخوف ده
-حاضر حاضر اهدي

- كان لازم اتصرف ومشوفش بنتي زعلانه في تربتها وبنتها بتضيع واقعد ساكته 
لما شوفتك بتسيبي كل حاجه وحشه كنت فرحانه وكنت عايزه احضنك واقعد ابوس فيكي كنت مفتخره بيكي وقولت  اني مش هعترفلك لكن معرفتش ان الراجل  وهو بيصلحلي السرير هيسرق الموبيل وهيبعتلك الرسايل دي والله لربيه واعرفه يسرق ازاي ويهددك
=سبيه يا تيتا دلوقتي ،انا مش متخيله انك تعملي كل ه علشاني
-انا اعمل اي حاجه علشانك يا مريم
*فتحت ايدي*
=تعالي
حضنا بعض وقعدنا طول اليوم نتكلم عن ذكريات زمان ونعيط مع بعض فرحت ان تيتا جمييله اوي كده حلو لما يبقي في شخص في حياتك بيرجعك لحياتك تاني باي طريقه علشان ميشوفكش بتغلط انا مكنتش شايفه ان تيتا هترجعلي الامان اللي فقدته بعد موت بابا وماما احيانا ما تتمناه بيبقي قدام عنينا  بس غبأنا مش بيخلنا نشوفه
اما الشخص ده  فسبته معرفش ايه السلام النفسي اللي بقيت فيه لكن اكتفيت اني اكسر الخط وابدأ صفحه جديده وحياه جميله ،الحياه اللي افتخر بعد كده اني عشتها مش ابقي بهرب وخايفه منها
‏Menna_elshamy
‎الجزء_الاخير
الصندوق