اغصان الياسمين💮الجزء الثامن💮

اغصان_الياسمين8
-طلعت بحبك والله
-قلبي هوقف والله وانا كم..
-ماااااااااالك انتووو فييين يا جماااعه؟!
قطع هذا الصوت نا كان يدور بينهما لينظرا خلفهنا حيث مصدر الصوت فيجدا نهال تخطو مسرعه نحوهما بكتبها العالي تعيقها الرمال..
- مالك دقيقه واحده هساعدها وراجعالك
- لاااا بلاش
- يا سيدي هساعدهاااااااا متقلقش
- وربنا ابدا هي هتيجي وحدها
- اوعي بس حرام هتغرس ف الرمله ان شاء الله
- الطيب احسن يا فرحه عدي اليوم
- هعرفها غلطها مش هعملها حاجه
- بتقولي حاجه ي فرحه كنت بدور عليكم م بدري
- بقووول تلااااجه يا نهال الجو أصبح تلاجه عارفه الثلاجة اللي هي بتبقي باااارده دي!
- اههههه انا برضو حاسه ان الجو برد برضو ولا ايه يا مالك
حولت نهال بصرها إلى مالك وأخذت تفرك بيدها اليمين علي ذراعها اليسار وكأنها تبرز شعورها بالبرد مستأنفه حديثها..
- فاكر يا مالك لما كنا في الواحات برضو وقتها الجو تلج زي كده وانتي الجاكت بتاعك كانت ايااام متتنسيش
نظر اليها مالك ثم إلى فرحه التي كانت تصب عليها نيران من عينيها في تلك اللحظه..
- لا مش فاكر
نظرت فرحه اليها مضيقة عيناها لتعطس فجأة في وجه نهال فتصيح نهال مشيحة بوجهها إلى الناحية الأخرى..
- الحمدلله لا شكلي كده هاخد برد يلا يا مالك نروح...  لا مؤاخذه يا نهال والله
مسحت نهال وجهها يكفيها وجزت علي اسنانها مصطنعه البرود لتجيبها..
- لاا ولا يهممممك ياا قلبي يرحمكم الله
- وما يرحمك يا روحي.. 
- نعم!
-مامتك اسمها نغم
- افندم؟!
- ااا لالا ولا حاجه يا نهال اههه هي فرحه كده لما تبرد بتقول حاجات غريبه مش يلا بينا يااااا يا فرحه ولا ايه
- يلا ياااا حبيبي 
همت فرحه بالخروج مع مالك لكنها نظرت لتقاسيم وجه نعال لتجدها تستشيط غضبا فقررت أن تصب النار على البنزين أكثر...
- رجلي يا مالك رجلي
- ايه في ايه مالها
- شكلها اتلوت وانا بمشي يا ررربي وجعلني
- مش تحاسبي طيب يا فرحه
- طب اعمل ايه بس
- هي واجعاكي ؟
- مش عارفه أتحرك عليها خالص
- طيب سندي عليا تعالي
- لا بلاش عشان متعبكش يا حبيبي 
- اللللف سلااامه يااا فرحه
- يا قلبي الله يسلمك شوفتي ي نهال كان نفسي نفضل سوا اكترر من كده بس النصيب بقي
- معلش يا قلبي تتعوض.. وقريب
- كل حاجه بتتعوض حقيقي والعرض بيكون احلي بكثير زي م انتي شايفه
- نعم
- اقصد ان...
لم تنهي فرحه حديثها حتي تفاجأت بمالك يحملها متجها إلى السياره مودعا نهال..
- ابقي بلغي سلامي للشباب واعتذريلهم مكاني قوليلهم حصل طروف واضطر يمشي
- تقعدي بالعافييييه يا نهااار يا حبيبتي

اقترب الاثنان من السياره حتي فتح مالك الباب ودخلت فرحه برفق مجلسا اياها على المقعد ثم استدار للجانب الآخر ليجلس على مقعد السائق ويستعد للقياده
كان يقود مالك مبتسما بجواره فرحه تشاركه نفس الابتسامه وكأن الاثنان يدركان تماما ما يدور حتي فجأة انفجر الاثنان في الضحك...

- تفتكر زعلت ؟
- زعلت ؟! وانتي برضو يتزعل منك خاالص
- انا بقول كده برضو
قاد مالك وساد صمت اشبه بالحديث حينما اعلن الراديو عن صوت..
- اغاني اف ام ايه يا مالك هاتلي احمد يونس تحفه تحفه
- احمد يونس مش ده رعب
- اه رعب انما اييه عننب هاته هاته وعلي الصوت
- رعععب ياا فرحه ررررعب وكمااان اعلي الصووت عشان نتقلب بالعربيه
- هتحبه والله
- لا
- طب هاته ووطي الصوت
- برضو لا
- عشان خاطري يااا
- لا
- حبيبي!!!
- التردد قولتيلي كام ؟!
- ------------
- حمدالله ع السلامه يا حبيبي
- الله يسلمك يا ماما
- بقي ي واد احجزلك اسبوع تيجي قبل م يخلص
- معلش ي امنه والله استعجلوني ف الشغل قال واقف من غيري
- مش مهم بقي يا امنه ان شاء الله يعوضها هو وفرحه ، المهم يابني انبسطتوا
- اه ي ماما الحمدلله
- وانتي ي فرحه انبسطتي ؟
- جداا يا حماتي والله
- طاااايب كويس عشان تملولنا البيت عيال بقي..
تسمرت فرحه في مكانها واحمرت وجنتيها حينها نظر اليها مالك بخبث ليحيطها بذراعيه امامهم..
- ادعيلنا انتي بس يا ماما وهفتحهالك حضانه ولا ايه فرحتتتتتي
- ايه اه م مم ان شاء الله
اطلعوا انتو يا ولاد دلوقت ارتاحوا عشان جايين من سفر
- ماشي يا امي نستأذن احنا بقي ي جماعه..
- اذنك معاك يا ولدي اتفضل

صعد الاثنان الي شقتهما ليأخذا قسطا من الراحه مانت فرحه تلتزم الصمت حتي بدأ مالك الكلام...
- ااااااه يانا ياما جسمي مكسر والله فينك يا ماما وفين ايامك
- بركاتك يا رجاء...  الف سلامه مالك ؟
- عضمي كله متكسر والله يا فرحه انا حاسس حاسس اني تعبان يا فرحه فاهماني يا فرررحه
- فاهماك يا سوسه طبعا
- ها؟
- لا فاهماك الف سلامه والله يعني
- اصرفها منين دي ؟
- نعم!!
- انزل لامي يعني انا حاسس اني تعبان بقولك
- اايوه انا كفرحه ايه دوري في الموضوع ؟
- مساااج
- نعععععهععم!!!!
- ع فكره دماغك دي مش حلوه خالص
- انا برضو
- الصراحه وانا بس مش وقته خالص انا اقصد كتفي واجعني ف ايه بقي!
- مامتك اسمها تقي!!
- لا تمام ارن انا بقي علي حازم كان عارف طريق سبا حلوه والبنات هناك فلبينيات وايديهم تتلف ف حرير ناوليني الفون بس كده من عندك
- قولتلي ايه اللي واجعك ؟!

- انتي سكنه وسكينته بيته وضله جوزك اولويتك الاولي وبيتك وعيالك مهمتك متستهريش بيها انتي نص الدنيا يا بنتي وانك تحافظي علي بيتك وتعملي عيله من صلبك تربيهم كويس وتطلعيهم شخصيات عظيمه وافراد سويين ده عند ربنا شيء عظيم انك تعفي جوزك وتحافظي عليه من فتن الدنيا اللي بقت بعدد انفاس البشر ده شيء عظيم
فأدي مهمتك باتقان عشان تفتخري بيها وتكوني راضيه عن نفسك وربنا راضي عنك..
كانت فرحه تتذكر كلمات امنه لها وترددها علي نفسها مرارا وتكرارا كانت تحاول ان تحتويه تكن له زوجه وصديقه وحبيبه واخت وام، كل وقت وله دوره فاحيانا يتطلب الامر ان تسمعه كصديقه واحيانا اخري ان تعامله وتتدلل عليه كحبيبه كي لا يألف الدور الاول ويعتادها واحيانا اخري يتطلب الامر ان تكن له العضد والسند حينما تشتد عليه الحياه وهكذا تتوالي الادوار بحنكة منها تعرف متي وقت كل دور ليس فقط لانها احبته منذ صغرها ولكن لان هذا واجبها واسمي مهمه قد تحصل عليها في الحياه..
- مش عارف من غيرك كنت عملت ايه ؟
- خفيت شويه؟
- شويه؟ ايدك دي ايه فيها يا بنتي والله ؟
- فيها خمس صوابع يابني والله
نظر اليها مالك عاقدا جبينه حتي استحالت ملامحه للاريحيه الشديده وبدأ بالاقتراب منها مما ادي لتوتر فرحه من تغيره المفاجيء ..
- قولتيلي خمسه ها ؟! لا دانا اعد بنفسي بقي
- هاه لا خمسه والله من غير عد خليك واثق فيا
- لا معلش في الحاجات دي مبثقش في ابويا نفسه اعد بنفسي لازم
- يا..
لم تكمل فرحه جملتها حيث لم يدع لها موضعا للفرار حتي امسك بيدها بغتته..
- ااادي البيضه
- انت بتعمل ايه؟!
- واااادي اللي لقاهاا
- لا يا مالك متهزرش الا اللعبه دي
- وااادي اللي سلقها
- يا مالك وحياه ابوك
- واااادي اللي قشرهاا
- يااا لهوووووي
- ووووادي اللي اكل....
- ------
انتي عبيييطه عمل اييه اللي تعمليهولها يا نهال انتي اتجننتي ؟!
مفيييش غير الحل ده يا رشا ده ولا كأنه حبني من اساسه ولا كاننا كنا بنحب بعض من سنيين مبقاش شايف غيرها يا رشا
- طبيعي ميشوفش غيرها يا نهال مش مراته يا بنتي
- بس ده كان حقي انا وبيحبني انا ازاي ولا كإنه حاجه كانت بينا عادي كده عملت ايه هي عشان تنسيه كل السنين اللي بينا..
- انتي اللي سبتيه يا نهال مبقاش حقك خلاص
- قوم يتجووووز لا وكمان ينساني
- اه تقوم تعمليلها عمل مش كده !!
- ناقصني بس صورتها او اي حاجه منها اي حااااجه
- -----------
هو انا جيت ف وقت مش مناسب ولا ايه
- هاه لا ابدا يا امنه البيت بيتك
- اومال ليا ساعه وتلت بخبط ع الباب اومال في ايه
- ده دااا دادادااادا يعني
- بلا دادا بلا ماما تعالي عايزه اقعد معاكي شويه
- حاضر اتفضلي يا امينـ..
- فرحتيييي مين يا روح... امنه!!  انتي هنا من امتي ؟
- من وقت فرحتك يا روح امنه
- ايه مم ما لا بس نورتينا ايه النور ده والله حد يجي نن غير معاد وينورنا كده يا امنه
- امممم جرا ايه يا ولد رجاء الظاهر اني جيت في وقت مش مناسب فعلا
- لا ازاي يا امنه انتي تنور..
- الحقيققققه كناا لسسه يااادووب هنصلي العشا جماعه اتفضلي معانا
- ايه ده هو اذن ومسمعتوش لا فوتكم بالعافيه يدوب الحقه حاضر
- يحضرلك الخير يا رب
ما ان اغلقت امنه خلفها الباب حتي صاحت فرحه  في مالك بصوت خافت..
- ايييه اللي عملته ده  م اكيد هتعرف ان العشا مأذنش و...
- اذن
- نعم
- الصلاه وجبت بقولك اذن
-يا مالك..
- يااا فرحه رضااا الوالدين انتي عايزاني ادخل النار
- رضا الوالدين ؟!
- ايووه طبعا مش امي عايزانا نملا البيت عيال وانا حتي الطلب الوحييد اللي طلبته من ابنها مش عاارف انفذهولها
- مش عاارف ؟!
- لا اقصد يعني مش قاادر ؟!
- مش قااادر ؟!
- لا ده كده بقت خل خالص تعالي بس وانا هفهمك...
فجأه دق جرس هاتف مالك لينتفض منزعجا متأففا..
- مش وقتتتتك خااالص
- شوف مين يمكن حد مهم
- مهم علي نفسه مش اهم من اللحظه دي
- يا مالك لتكون مامتك
- تؤ
- رضا الوالدين!
- م بلاش الكلام اللي يصحي الضمير ده
ضحكت فرحه ووجهته ناحيه الهاتف ما ان امسكه حتي جحظت عيناه  ساحبا مفانيحه ومحفظته مسرعا الي الباب ليخرج منه في ذهول من فرحه...
-حصل ايه يا مااالك استني في اييه ي مااالك..
كانت فرحه تقف دون حراك وكأن علي رأسها الطير لا تدري ما الذي رآه جعله يركض هكذا حتي دون ان يجيبها كانت افكارها تتضارب حتي وقعت عيناها علي هاتف مالك والذي نسيه في خضم السرعه التي كان بها ، اتجة فرحه ناحيه الهاتف لتجد رساله مفتوحه من...  نهال!!!

" الحقني يا ماالك ارجوك..  "

يتبع