الممسوسة👻الجزء الخامس👻
الممسوسة
الجزء_الخامس
النور قطع وبدأ على يسمع اصوات حوالية.. صوت ناس بتصوت وتعيط .... وهو مش شايف حاجة حاسس بحاجات بتلف حوالية
وكان فى ناس بتلف حوالية وهو مش شايفهم ...وسامع ناس عمالة تصوت وتعيط
ومرة وحدة كل الاصوات اختفت ... وحد جة همس فى ودنة... وقاله عامر مات
النور جة ...
تليفون على رن
على :- الو مين
احمد:- انت فين ... عامر مات يا على مات
تعالى بسرعه مش عارف اقول لاهله اية يا على تعالى الحقنى
على وقع منة التليفون على الارض
واتهبد قعد ع الكرسى ورجع براسة لورا
واتنهد بصوت عالىى....
وبدأ يسال نفسة .. انا نايم ولا صاحى
انا بحلم ولا صحيت .. هو اية الى بيحصل ...
عامر عمل حادث بجد ؟
عامر مات بجد
انا مش فاهم حاجة ...
انا هتصل بعامر افهم منة
مسك على التليفون وطلع رقم عامر واتصل بية
مرة ... 2 .. بالمرة الخامسة تقريبا.
وحدة ردت علية ... الوووو
على :- الوووو اسف بس مش دة رقم عامر مصطفى
:- ايوة دة رقم المرحوم عامر لسة متوفى من شوية
مين حضرتك
على :- نعم ... مين اتوفى ... ازاى
هو انتى سلمى اخت عامر
سلمى:-ايوة
على :- انا على يا سلمى صاحب عامر .. عامر مات ازاى وامتى
سلمى :- عمل حادث من شوية واتوفى
على :- طيب .. طيب انتوا فين
سلمى :- حاليا بمستشفى النصر بس طالعين على ترب الغفير ندفنة على العصر
على :- ماشى ماشى هحصلكم ع هناك البقاء لله
قفل على مع سلمى وفضل قاعد باصص للسقف
مصدوم مش فاهم الى بيحصل ....
اتصل احمد :- الو انت فين يا على احنا طالعين ع ترب الغفير
على :- هحصلكم ع هناك
على مش مصدق قعد متنح بالموبايل شوية ...
وبعدين فتح الواتس بينة وبين عامر ..
اخر محادثة بينهم كانت من شهر تقريبا
من ساعتها مابيتكلموش عشان حصل بينهم مشكله .. حتى تفاصيلها مش فاكرها
من كتر ما كانت مشكلة صغيرة وتافهه ..هويام. بس العند خلى الاتنين ميتكلموش ومحدش يجى ع نفسة ويبدا بالصلح ....
اول ما شاف على كلامة مع عامر وقلب فى المحادثة بينهم وافتكر كل الذكريات ...
مقدرش يمسك نفسة وانهار بالعياط .....
لقى نفسى رجع مسك الموبايل ... وفتح الواتس ودخل على المحادثة بينة وبين عامر تانى
وقعد يقولة انا اسف يا صاحبى ياريت ترجع تانى وانا مش هزعلك
انا اسف يا عامر ... عامر انت مش هترد عليا بجد ...
عامر سامحنى يا عامر لو كنت اعرف ان الموت هياخدك منى يا صاحبى مكونتش زعلتك ابدا .هويام.. يا عامر .... سامحنى...
فاق لنفسة وقام لبس بسرعه ونزل سبقهم ع الترب ...
كانوا لسة موصلوش استغرب اوى الترب... انهاردة الخميس ... والترب فاضية مع ان الى اعرفة ان الخميس بيبقى فى زيارات كتير والترب بتبقى زحمة ...
اتصل على ب احمد صاحبة ..
وسالة انتوا فين انا وصلت ...
رد احمد وقالة احنا بالطريق استنانا ..
قفل على ولسة جاى يطلع من الترب ... لقى ميادة بوشة ..
الاول اتخض .. اى الى جابها هنا دى هو الحلم هيتحول حقيقة ولا اى ....
قربت ميادة منى وابتسمت ابتسامة رقيقة ...
وقالتلى البقاء لله .
على :- عرفتى منين انى هنا ؟
ميادة:- انت قلتلى ..
على :انا ماقولتلكيش ع فكرة ..
ميادة:-طيب افتح تليفونك وشوف المسدج الى بعتهالى.
على طلع تليفونة ولقى نفسة فعلا باعت لميادة مسدج
نص الرساله .. حبيبتى انا اسف مش هعرف اكلمك انهاردة عشان عامر صحبى مات وهطلع ع ترب الغفير بعد شوية ...
ولقى ميادة كمان راد علية البقاء لله حبيبى طيب انا هجيلك ..ع الترب .
قشعر اول مشاف الكلام دة .هويام.. وقالها انا مش فاكر كتبت كل دة امتىى...
مسكت ايدة وطبطبت عليها معلش ممكن يكون صدمة النوقف خليتك مش تركز .. شد حيلك ...
بصيلها اوى فى عنيها وكانو خايف لا تتحول ...
مرعوب ومش فاهم بيحصله اى من اول النهار..
ومرة وحدة بدا صوت صويت يملى المكان ..
صوت الصويت بيقرب ..
وصل نعش صاحبهم عامر .. ناس كتير لابسة اسود
وعمالين يعيطوا ... ووحدة ست بالنص متسندة مش قادرة تمشى ع الارض عماله تعيط وتصوت وتلطم ...
وعماله تقول اه يابنى ... لسة صغير يا رب
كنت خدتنى بداله يارب ... لسة مدخلش دنيا يارب ...
اه يابنى لسة مشوفتش حاجة لسة صغير اوى يا رب
يارب لية تخلينى اعيش لليوم الى ادفن فية ابنى
كان المفروض هو الى يدفنى ويعيش حياتة ..
ملحقش يا حبيب امه ملحقش يشوف دنيا
حسبى الله ونعم الوكيل فى ال كان السبب
بدأوا يدفنوا عامر .
بداوا ينزلوا عامر قبرة .هويام. بدات مامت عامر تصرخ وتجرى تحاول ترمى نفسها ورا جثمان عامر فى القبر ... ويحاولوا يشدوا ...وقعت فى الارض وقعدت تعيط وتصرخ وتلطم على وشها وتقول لية يا رب ...
نزل عامر قبرة .....
العياط زاد والصويت زاد
.صحابة كانوا كتير ماشاء الله ناس كتير مكونتش اعرف ان صاحبى عندة صحاب كتير غيرى وناس بيحبوة كدة ... كلهم جايبين مصاحف واول ما نزل قبرة بدأوا يقروا قران ...
مع اول حد بدأ يقرا ... ميادة حطة اديها ع ودنها وصرخت بصوت عالى ...
وطلعت تجرى برة المقابر ...
. يتبع😍
شجعونى بقى ...❤❤
التعليقات على الموضوع