بناتي حياتي 🌸الحلقه الثالثه🌸
رواية 💖بناتي حياتي💖
بقلم_ولاءيحيي
الحلقه الثالثه
تقف العربيات قدام بيت في حي هادي جميل في المنصورة.... كانت المنطق كلها بيوت جميلة وكل بيت قدامه جنينيه صغيره خاصه بيه
فريد اخو فؤاد الكبير وابو رامي... كان واقف قدام البيت في انتظارهم... أول ما العربيه وقفت نزل فؤاد بسرعه لحضن اخوه
فريد بابتسامه : حمد الله علي السلامة نورت المنصورة يا فؤاد
فؤاد يحضن اخوه : منوره بيك يا حبيبي
فريد يقرب يسلام على مني : ازيك يا دكتوره نورتي مصر كلها
منى بابتسامه : الحمد الله يا حج فريد منوره بيك صحتك عمله ايه
فريد بابتسامه : الحمد الله بخير طول ما انتم بخير (ويبص للبنات) الغالين ولاد الغالي ايه القمرات دي ازيكم يا بنات
البنات يسلموا علي عمهم بحب وشوق ف فريد طيب والكل بيحبه
فريد بابتسامه : يلا ندخلوا الحجه من الصبح واقفه في المطبخ..... صممت تعمل لكم الاكل بنفسها
فؤاد بابتسامه : ربنا يديها الصحة ويخليها لينا.... بصراحه اكل الحجه ما فيش حد بيعرف يعمل زيه
الشباب لسه وواقفين قدام البيت ورشا بنت فريد واخت رامي بتسلم عليهم وتقرب من لين وتضمها
رشا بحب :وحشتيني يا بت ايه الغيبه دي اول مره متنزلوش في نص السنه
لين تضمها وعيونها علي اللي كان واقف عند عربيته وبيقرب منهم
لين بابتسامه : ما انتي عارفه يا رورو ثانوي بقي وكان لازم اركز.... انتي كمان وحشتيني
سليم يقرب من احمد وسيلا وعيونه علي لين
احمد : ايه اللي جيبك هنا يا زفت انت.... دا انا ما صدقت ارتاح منك وماشفتش وشك النهارده
(سليم واحمد أصحاب وبيشتغلوا في شركه ديكور مع بعض.... وبيرتبوا انهم يفتحوا شركه خاصه بيهم هما واتنين اصحابهم )
سليم بغيظ :زفت ! ماشي ياحمد انا هسكت بس علشان خاطر سيلا...علشان عارف ان سيلا هتاخد حقي منك (ويسلم عليها )ازيك يا سيلا حمد الله علي السلامة
سيلا بابتسامه :الله يسلمك يا سليم اخبارك ايه وازاي طنط واخواتك
سليم بابتسامه : الحمد الله بخير ( ويقرب من لين ويسلم عليها)
سليم عينه في عيون لين : ازيك يا لين حمد الله علي سلامتك.... الدنيا كلها نورت
لين قلبها بيدق وايدها بتترعش من لمسة سليم ونظرته ليها
لين بابتسامه وكسوف: الحمد الله..... الله يسلمك ازيك انت وازاي طنط وشروق و مروه
سليم بابتسامه : بخير... شروق اول ما تعرف انك وصلتي هتيجي ليكي تجري.. (ويبص لها بحب) اصلك متعرفيش هي بتحبك ازاي و وحشتيها قد ايه
رامي يقرب منهم بغيره فهو شايف نظرات سليم و عارف انه بيحاول يتقرب من لين
رامي بضيق : ما يلا نطلع مش هنفضل واقفين في الشارع كده... نناه مستنيكم ( ويبص لتسليم بغيظ) ما تتفضل تتغدا معانا ياسليم
سليم يبص ليه بغيظ.... فهو عارف ان رامي بيحب لين
سليم بغيظ : متشكر يا رامي تسلم.... انا عندي مشوار بس هرجع بسرعه... (ويبص للين بابتسامه) وهجيب شروق ونيجي نسهر معاكم
سيلا بابتسامه : واحنا هنستناكم ونسهر للصبح سوأ
يمشي سليم ويدخل الكل لبيت الجدة
الجدة تفتح ايدها بفرحه اول ما تشوف البنات.
الجده بفرحة : اهلا اهلا ببناتي و حبايبي
سيلا ولين يجروا لحضن جدتهم وضمتهم هما الاثنين
لين بفرحه :وحشتيني يا نناه اوي
سيلا : وحشتيني يا حصيبه يا قمر
الجدة بابتسامه وفرحه : يا بت قولي نناه ايه حصيبه دي
سيلا بابتسامه : نناه مين دا انتي شكلك اصغر مني طب دا انا ناويه في فرحي اديك انتي بوكيه الورد وونجوزك بعدي... ونفرح بيكي
يضحك الجميع الجدة تضرب سيلا علي كتفها
الجدة بضحك : انتي يابت مش هعقلي ابدا... انا عارفه انتي هتتجوزي ازاي
لين بضحك : متقلقيش يا نناه احنا جيبنا معنا الكتالوج بتعها و هنديه لأحمد ونمضيه على اقرار ان البضاعة لا ترد ولا تسترجع
الكل يضحك علي شقاوة البنات وكلامهم..... وبعد فتره من الكلام والهزار والضحك
الجدة : قوموا يلا ناكل دا انا عمللكم... كل الاكل اللي بتحبوه
فؤاد يبوس ايدها وراسها : تسلم ايدك يا ست الحبايب (ويذهب الجميع للسفرة للأكل)
لين بابتسامه : الله الله....ايه دا كله رقاق وممبار احمدك يا رب
سيلا : ايه دا كله... حرام عليكي يا نناه انا مش هقدر اقاوم وكده هتخن علي الفرح
الجدة بابتسامه : ياختي اتخني خلي الواد يلقي حاجة يمسكوا.... ولا يا حبت عين امه هيلقي عصايه في ايده ( الكل يضحك)
سيلا بكسوف : في ايه يا حجه انتي هتشرديني قدام خطيبي
ينتهي الغداء بضحك وهزار ومعاكسات البنات لجدتهم.... وبعد الغدا الستات تشيل الاكل ويروحو يعملوا الشاي... والجدة تقعد مع ولادها الصبيان في الصالون
فايز ابو أمير يعقد جمب فؤاد
فايز بضيق وحزن : بقي يعني يا فؤاد ماكنتش عارف تجيب امير معاك وانت راجع
فؤاد بابتسامه :ما انت عارف يا فايز... امير دراعي اليمين وهو اللي بيمسك مكاني في الشركة... وبعدين يا سيدي هو قال هينزل قبل فرح سيلا بكام يوم
فايز بحزن لبعد ابنه : انا مش عارف الواد دا هيفضل بعيد عن حضني لحد امتي انا كبرت وعاوزه معايا وجمبي بقي
الجدة بحزن : كبيرة ايه يا فايز دا انت اصغر عيالي يا واد.... وبعدين ما خوك قالك انه هيجي علشان يحضر فرح سيلا... يعني هانت وهيرجع لحضنك يا حبيبي
فايز بحزن : اعمل ايه بس يا ماما... وحشني تعبت من بعده عني طول عمره....(ويكمل بضيق) انا ماكنش المفروض اسيبوه يبعد عني من وهو صغير كان لازم يتربا في حضني... كنت طلقتها هي وغادرت في داهية
فريد بحزن علي حال اخوه : استغفر الله العظيم انت ليه يا حبيبي بتعيد في القديم....يا فايز سلوي بنت عمك وكانت حامل كنت هتطلقها ازاي بس
الجدة : وبعدين هو ابنك راح فين ما اتربي في حضن اخوك... وانت عارف فؤاد ومنى بيحبوا ازاي
فؤاد بحزن : والله امير ابني وانا ومني عمرنا ما اعتبرته غير كده
فايز يطبطب علي رجل اخوه بحب : انا عارف يا خويه انك بتحبه وكنت احن عليه مني... ربنا يبارك لك و يخليلك مراتك و بناتك
فؤاد بابتسامه يضم اخوه : ويخلي لك ولادك ويفرحك بيهم يا حبيبي.... وانا يا سيدي قررت افتح فرع لشركه في مصر... و هخلي أمير هو اللي يمسكه ويفضل هنا معاك علي طول ايه رائيك
فايز يحضن اخوه بفرحه : حبيبي يا خويا... ربنا يزيدك من نعيمه ويوفقك كمان وكمان يا حبيبي
#بقلم_ولاءيحيي
💖💖💖💖💖💖💖💖💖💖💖💖💖
وفي الحديقة الصغيرة الخاصة بالبيت كانوا البنات كلهم قعدين سيلا و لين ورشا وسميه وسها (اخوات أمير وبنات فايز وسلوى)
سيلا بابتسامه : هي البت ريهام هترجع امتي من السفر... دي وحشتني اوي
(ريهام بنت فريد واخت رامي ورشا متجوزه وعايشه مع جوزها في أمريكا)
رشا بابتسامه : كمان 10 ايام ان شاء الله هتيجي هي وجوزها وابنها يوسف... أم أنا هتتجنن وشوف واشيل... شكلوا في الصور صغير كده وعسل
لين بابتسامه : انا مش مصدقه ان ريهام بقيت مامي وبتعرف تتعامل مع الاطفال دي كانت بتخاف تبص عليهم
سيلا بضحك : فاكرين لما ايمان مرات انكل فاروق ولدت صبا.... وريهام اول ما شافتها بتقولهم ايه دا دي معندهاش سنان و فضلت تعيط ههههههههههه
البنات كلهم ضحكوا... لما افتكره شكل ريهام
سميه بضحك : دا انا اللي نفسي اعرف عملت ايه اول جوازها وبقيت مسؤله عن بيت وزوج ازاي دي ماكنتش بتعرف تعمل حاجه لوحدها
رشا : ما دا اللي كان مخوف ماما وكانت رفضه انها تسافر عروسه معاه بعد الفرح علي طول بس الحمد الله محمد طيب وابن حلال و عرف يتعامل معاها وبقى يساعدها
سها : ايه رائيكم ما نخلي ريهام تجيب لينا فساتين لفرح سيلا معاها من امريكا وهي جايه
سميه : لا ياختي انا بحب اشوف فستاني وأقيسه وأشوف شكله عليه بعيني قبل ما اشتريه
لين وهي تشرب العصير وتبص عليهم : انا عن نفسي جيبت الفستان بتاعي
سيلا تبص ليها باستغراب : جيبتيه امتى... دا انا ما سبتكيش كل ما ننزل نشتري حاجه مبتعجبكيش
لين بعفويه ومن غير ما تاخد بالها : جيبته من دبي لما كنت مع الب ( وتسكت وترفع حواجبها لفوق لما تفتكر ان سيلا متعرفش باليوم اللي راحوا فيه دبي)
سيلا تقوم بقف وتمسكها من قفاها زي الحرامية
سيلا : دبي!!!!! انتي رحتي دبي امتى وليه ماقولتيش دا انا هموتك والا اموتك انا ليه انا هسيب لمامي الطلعة دي
لين بألم من سيلا اللي قعدت عليها : ااااه... قومي يا بت انتي هتموتيني قومي وانا هقولك
سيلا قامت ورجعت مكانها : اتفضلي احكي والتفاصيل.... وأياك تنسي حاجه انا بقول اهو ولا اقولك انا هنادي لمامي وهي اللي هتخليكي تقولي بالتفصيل.... يااااا
لين تحط ايدها على بوها : خلاص اسكتي هحكيلك والله اصبري بقى ( و حكيت لين ليهم كل الحصل في اليوم دا واللي عملوا فيهم طلال وعدي.. البنات وسيلا بقى يضحكوا)
سيلا بضحك : احسن تستهلوا..... اهو الواد طلال دا تربيتي وانا اللي علمتوا يعمل مقالب
رشا بابتسامه : وما خفتيش يا لين تسافري لوحدك وتركبي طياره
لين بابتسامه : هخاف من ايه انا ركبت الطيارة اكتر ما قعدت في بيتنا..... عارفه دبي نزلتها كتير مع بابي
سيلا بغيظ : بس انا هوريك يا لين علشان تروحوا من غيري..... انتي عارفه اني كنت هموت وروح اشتري جهازي من دبي
لين بابتسامه : يا حبيبتي انا جيبتلك كل اللي انتي عاوزه... جيبت لك المكب ولأنجري اللي كان نفسك فيهم.... وجيبتلك كمان فستان للحنه هيجنن عليك
سيلا بفرحه تحضن اختها وتبوسها : ايوه بقي هي دي لينو حبيبتي
يدخل الجنينه سالم ابن فايز واخوا أمير
سالم بابتسامه : اوعي بقي وانا قول ايه النور الطالع من بيتنا دا
سيلا بابتسامه : اه يا خويا كل بعقولنا حلاوة.... انت كنت فين يا واطي انت مش عارف ان احنا راجعين النهارده
سالم يقرب من سيلا ويسلم عليها ويبوس ايدها زي الافلام
سالم بابتسامه : اعمل ايه بس يا ستي.... عمامك سابوا المحلات ومشيوا هما. دبسوني انا في قعد مكانهم لحد ما نقفل المحلات
ويقرب سالم من لين وينزل على الارض قدامها و و يبصلها بابتسامه
سالم بابتسامه : هو انا لو حضنتك وبوستك علي قد ما انتي وحشاني هيحصل حاجه والله ما هيحصل حاجه
لين وهي عارفه طريقته في الهزار وبتحبوا زي اخوها هي تعتبر ولاد عمامها كلهم اخواتها
لين بابتسامه : لا يا سلوم مش هيحصل حاجه.... غير ان رقبتك دي هتمشي لوحديها بعيد عن جسمك
سالم يضحك اوي : اموت فيك وانت شراني... يالهووووي وحشتيني يا بت
لين بابتسامه : وانت كمان يا سالم وحشتيني
ويدخل الجنينة في الوقت دا سليم وشروق.... وسليم يشوف سالم وهو مقرب من لين ويسمعها فيضايق اوي ويغير ولين اول ما تشوفهم تقف بسرعه بخضه وارتباك
بقلم_ولاءيحيي
💖💖💖💖💖💖💖💖💖💖💖💖💖
التعليقات على الموضوع