قصة الرجل الافريقي🙄الجزء الثاني 👉

تاني يوم كان الجمعه وجوزها مرحش الشغل وبعدين السبت جالي شغل مهم ورجعت متاخر.. يوم الحد لاقيت نفس الخبط جريت بسرعه علي الشباك اللي ناحيه المطبخ
-نيرمين حبيبتي عامله ايه
=انا كويسه انا اسفه اني موقفاكي كده بس انا عايزه حد يساعدني واتكلم معاه انا خوفت الاول لما شوفتك مكنتش عايزاه يشوفك ليعملك حاجه 
-نيرمين انا عايزه اساعدك واخرجك من هنا
ومحدش يقدر يعملي حاجه وجوزك ده لو اذى شعره منك انا هتصرف معاه احكيلي بقي اللي حصل
*حسيت من نظره عينيها انها لاقت الامان زي الغرقان اللي بيتعلق بقشايه*
=هو انهارده بيتاخر برا انا اخر حاجه قولتلهالك ان حصل حاجه قلبت الموازين الحياه كانت عاديه واتجوزنا وعملنا فرح انا مشوفتش حد من عيلته جيه وبابا مات ف..
-عموووو اسامه مااات!!!
=اه يا ساره مات هو لو عايش كنت اتبهدلت كده
*عيطنا احنا الاتنين *
=المهم كان الفرح فيه صحابي وقرايبي اللي مشوفتهمش غير يوم الفرح كنت عايزاكي تيجي علفكره بس معرفتش اوصلك بعد كده فات شهور والدنيا لطيفه لغايت ما بدأ يكتئب وقاعد لوحده وانا معرفش ايه اللي حصله اكلمه ميردش  فضل علي الحال ده حبه حلوين وانا كنت زهقت فعلا وجيه في يوم قالي احنا هنسافر اثيوبيا
قولتله انا ايه اللي يسفرني قالي انه مكتئب كده علشان اهله وحشوه وانه عايز يشوف بلده والغربه وكل الكلام ده برغم ان قلبي كان مقبوض من السفريه دي لكن سافرت معاه روحت وانا متخيله اني هلاقي صحرا وخيم لكن عيلته كانت قاعده في بيت وفي اشجار كبيره زي ما يكون البيت علي غابه
اول ما دخلت لاقيت اخته وامه بيحضنوه وبيتكلموا كلام مش مفهوم وبعدين هو شاور عليا سلموا عليا من غير نفس خصوصا اخته طلعنا الاوضه وقالي هيروح مشوار وبعدها اخته فتحت الباب عليا وبصتلي جامد وقالت كلام مفهمتوش حاولت اكلمها انجليزي مردتش عليا وخرجت وانا قلقانه ومش فاهمه في ايه فضلت 7ساعات في الاوضه ومعرفش هو راح فين ،نمت من التعب لغايت تاني يوم صحاني ونزلنا علشان نفطر بعدها قالي هنخرج نروح مكان بحب اروحه وروحنا لبيت اتخنقت اول ما دخلته وكان جوا راجل بدقن وتخين ولابس طاقيه كبيره واول ما دخلت بصلي جامد كانت عين منهم مركب عدسه مش عينه الحقيقه فضل ببصلي لغايت ما قعدنا وبعدين مسك ايدي جامد شدتها منه واتخضيت راح بصلي بقرف  واتكلم معاه وانا مش فاهمه حاجه وحاسه ان في حاجه هتحصل لما خرجنا قولته هو في ايه ومين الراجل ده واحنا هنمشي امتي من هنا قالي انه بركه المكان وراجل طيب وروحنا يا ساره ونمت صحيت لاقيتني في اوضه ظلمه قومت قعدت انادي عليه مردش انا بخاف من الظلمه جداا كنت مرعوبه فضلت اعيط لغايت ما امه جت ضربتني جامد اوي ياساره مقدرتش عليها وبعدين جت تاني يوم رمت صنيه فيه اكل شكله مقرف وتفت عليه وخرجت تخيلي لما تتحبسي فجأه وبدون مقدمات وتتضربي وتتعاملي بمنتهي القسوة وانتي مش فاهمه في ايه
-ارجوكي متعيطيش واهدي بس انتي ازاي مستحمله تقعدي معاه ازااااي وليه مبلغتيش البوليس
=هقولك بس ارجوكي خرجيني من هنا انا بموت كل يوم
-حاضر يا حبيبتي انا هعمل كل حاجه
=تالت يوم دخلت شمعه وولعتها وبعدين هو دخل واغتصبني
*قالت الكلمه دي وانهارت معرفتش تكمل حاجه وقالتلي مش قادره وقعدت علي الارض *
-نيرمين ارجوكي  متعمليش في نفسك كده والله ما هسيبه انا هجيب حد يكسر الباب واخدك ونبلغ البوليس ذه حيوان وقذر ومينفعش نسيبه
*قامت بسرعه واتخضت جدا*
=لاااااا لو بلغتي البوليس انا اللي هتحبس
-ازاي انتي اللي اتعذبتي واغت قصدي اتبهدلتي
=انا قتلت اخته
-قتلتيها!!!!""
Menna_elshamy
‎الجزء_الثاني
الرجل_الافريقي