بطعم التوت (الجزء الثالث)
بطعم_التوت3
=الحقني يا فااارس فرحه مش موجوده في الاوضه
-انت بتقول ايه ؟! ,الله يخربيييتك يا سعيد الزفت انا مش قايلك خلي بالك منها ع بال اجي
-م هوو..
-انت لسه هتهوهوو أجرى انزل دور عليها اكيد مبعدتش كتيير وأنا مسافة السكه واكون عندك
اتفضللل يا عمي من اولها كده بنتك دي مش هتهدي غير لما تجيبلي سكته قلبيه انا هجري ألحقها لأحسن تتوه ولا حاجه
-متبقاش فرحه لو معملتش كده ألحقها يابني ألحقها وابقي طمني بالله عليك
-حاضر يا عمي حاضر ، واه يا ريت تسرع في الإجراءات اللي اتفقنا عليها عشان أديك شايف الوضع عامل أزاي !
------
انطلق فارس بسيارته حتى اقترب من المكان المنشود منزل كبير يشبه الفيلا يتكون من اكثر من طابق وامامه ما يشبه الساحه الكبيره وجزء منها مخصص كحديقه صغيره ،امام المنزل طريق طويل يخلو جانبيه من المنازل
توقف فارس امام المنزل ليتفاجيء بصوت سعيد وهو يصيح...
-خدددي اااااابت اوقفي عندددك ياا بت ياااا بت
كان سعيد يركض خلف فرحه بينما كانت الاخيره اطلقت ساقيها للريح وما ان لمح سعيد فارس وهو يهرول نحوهما حتي صاح...
-حلللق يا فارس من عنددك حلللق عليها خدددي ياا بت!!!
تفاجئت فرحه بفارس قادم نحوها حتي غيرت مسارها لتجد سعيد في المقابل...
-ااااااععععع الحق يا فااارس دي بتععععض يا بنت المجنونه يااا فااارس حووش يا فاارس الحقننااي !
-مسكتك! ، انتي ايييه يا شيييخه مبتتهديش
-ابعد ايدددك عني بقولك اوعي سيبني والله لاوديك ف داهيه سيب ايدي بقولك
-اوعي تسيبها يا فاارس اوعي اديني بقولك اهو
-امشي قدامي من سكات وبهدوء عشان متصرفش تصرف مش هيعجبك
-مش هيعجب ميين يا حيوا...
-مبدهاااش بقي ، يااااا قووي ياااا رب
-انت بتهبب اييييييييه انت اتجننت نزلني بقووولك نزلننني والله لابلغ عنك واوديك ف داهيه نزلنننننني بقولك
-في هذه الاثناء كان يتجه فارس حاملا فرحه إلي غرفتها وكان سعيد خلفه ممسكا يده متذمرا..
- كان مالي انا يا رب ومال العيله بنت المجنونه دي
-------
-هات الحبل يا سعيد وساعدني اربطها
مالك واقف متصنم عندك كده ليه بقولك ناولني الحبل وتعالي!
- لاا يا صحب اناولك الخبل اه انما اجيلك اربطها معاك لا معلش يا صحب مش مستغني عن ايدي التانيه بنت عمك طلعت بتعض يا فاارس عارف يعني ايه بتعض!!!
- انا هوديكووو كلكوو ف داهيه اصبر عليا بس اصبر عليا والله ل...
- م تبس بقي بالعه راديو انتي محتاجه تتربي من اول وجديد عشان كده هأجل موضوع الانتقام ده لوقته لحد م اربيكي شويتين وبالمره احرق قلبه علي غيابك
- تتحرق في نار جهنم يا بعيييد اننت انسااان همجيي وعديم الاخلاق وقلي...
- ايوووه برافو عليكي انا عديم الاخلاااق وسااافل كمان لا ومش متربي ولا شوفت التربيه وكلهم باكيدج واحده عشاان كده عايزك تاخدي بالك قووي من تصرفاتك معايا والااااا..
- ااا.. ااااننت اننت مش محترم ع فكره
- هاااا
- اقصصد يعني اني بنت عمك والمفروض تقدر كده كويس ياخي يعني بابا هو اللي قتلك باباك ومامتك انا ذنبي ايه؟
- ايه البت الواطيه دي ؟ ، هي العيله كلها كده عندكم يا فارس ولا ايه
- اخرس انت
- اخرس انت
- يا ولاد المجانين
- انا هخرج بره واياكي اياكي الاقيكي بتفكري حتي مجرد التفكير ف انك تهربي والا والله لاكون قاطعلك صوباع رجلك الصغير وابعته لابوكي في علبة هدايا ، يلا بينا يا سعيد واطفي النور ده وراك
- لاااااااااااااه النور لاا والنبي مش هحاول اهرب والله خلاص بس سيب النور
- لا بقي اطفيه يا فارس عشان تحرم تعضني تاني
- اخررس اننت
- اخررس اننت
- الله!!!
- طيب هسيبه مفتوح عشان تنقطينا بسكاتك بس
- طب ااا بقولك
- هااااا ايييه تاني
- جعانه!!
- نعم ياختتتتي!
- اومال يعني فالح تخطف بنات الناس وبس مش بني ادمه اللي انت خاطفها دي هتعوز تاكل وتشرب وتاخد الديزرت كمان
- الديزرررت! انتي مخطوفه ولا جايه فندق عشر نجوم صبررررني يا رب
-اتفضلي اطفحي
-مسمهاش اطفحي يا قليل الذوق انت اسمها اتفضلي كلي وبعدين هاكل ازاي وانا ايدي مربوطه كده
-لا اني افكك دي انسي
-اومال هاكل ازايي يا بني ادم ؟؟؟
- هأكلك انا خلاص سدي بقي
- لا دي لقمه كبيره صغرها شويه
- هوف في الشوربه سخنه عليا
- لا عايزه..
- وبعدددين بقاااااا انتتتي تاكلي وانتي ساكته ايييه بأكل واحده في كي جي كلتي دماغي يا شيخه
- انت بتفزع فيا ليه خلااص مش واكله
- احسن برضو
- اييه ده انت م صدقت خلاص خلاص رجع الصينيه هاكل وانا ساكته اهو
- يا الله يا ولي الصابررررين
كان فارس في تلك الاثناء يراقبها وهي تتناول اللقيمات من يده وتلوكها كطفله صغيره بنهم وتلقائيه..
كل هذه البراءه خلف رداء المخمليه التي ترتديه لو انكِ فقط تنزعي عن عينيك زحام الاشياء وترينني
واقف هناك لا احد سواي انتظرك منذ زمن خلف شجرة التوت صانعا لك خاتما من وريقاتها
كيف تسللتي إلي دون ان اشعر ؟! كيف لعينيك أن تفعل كل هذا بي! ؟
كيف لقلبي أن يسلم لكِ رايته البيضاء دون اي مقاومة تذكر ؟!
كيف! ؟
-فااارس
-هاه
-بقولك الميه عطشانه
--اا ااه اه اتفضلي
ما انتهت فرحه من الطعام حتي دخل سعيد حاملا معه احد الاغطيه لفرحه كي لا تقضي ليلتها تتلوي من البرد
وهم فارس باخذ الصينيه حتي بادر الاخير باشاره لسعيد من عينيه.. " نفذ"
اومأ سعيد برأسه وترك الغطاء علي حافة السرير وهم بالانصراف اخذا معه فارس..
-اظن كده كله تمام وهسيبلك النور مفتوح هاا هتعوزي حاجه تانيه ؟؟
-هعوز ايه من شكلك يعني ابو سئالتك
-اقفل النور يا سعيد
-سلاامتك بقولك مش عايزه غير سلامتك
-اه بحسب
-------
خرج فارس وتعلو وجهه نظرات الانتصار تتوسدها لحظات ترقب لما سيحدث بينما سعيد بجواره يحدث نفسه كالعاده متريبا من رد فعل فرحه...
نظر فارس لسعيد وشرع في العد..
واحد
اتنين....
-الحقنيييي يا فااااااااااررررررررسسسس ؟!!!؟
يتبع
التعليقات على الموضوع