بطعم التوت (الجزء الثاني)

بطعم_التوت2

فارس ؟!؟؟

فلاش باك
انتي عارفه كويس يا فرحه انك مش هتلاقي زيه وان محدش هيصونك ولا يحافظ عليكي قده
-يا بابا والله عارفه وفارس فعلا شخص نضيف وجدع بس مش حسااه طيب اعمل اييه
-اومااال حاسه مين ان شاء الله حتتة العيل اللي بيتنططلك كل شويه في الجامعه ده
-لو سمحت ي بابا متقولش عليه عيل بس الله ثم انه راجل جدا كمان مش جالك وطلب ايدي منك وانت هزقته وطردته ومع ذلك فضل مصمم عليا شااايف بيحبني قد ايه
-ياخي حبه برص انتي عايزاني اجوزك اختك بدل م تجوزي راجل ملوي هدومه ده بيقووولي يا عمووو بليز جوزهاني.. عمووو!!!
-يا بابا نعيم شاب كويس ومحترم انت بس اللي مش حابه عشان بتحب فارس ومش شاايف غيره وانا ميبة مره اقولك فارس ابن عمي وزي اخويا مش عارفه احسه جوزي ابدا افهمني بقا
-انتي اللي هتندمي خليكي امشي ورا كلام امك لحد م هتخسري راجل بجد يعتمد عليه مش عيل توتو زي نعيم بتاعك ده
--------------------
فاارس؟!
نزع فارس غطاء وجهه ليري علامات الدهشه والاستنكار علي وجه فرحه تنظر له وفي عينيها الف سؤال يحمل في طياته ملامح العتاب...

= انت... انت يا فااارس اللي تعمل كده طب لييييه ده ددده كان بيحبك ده كان بيعتبرررك زي ابنه تمام لييبه يا فارس ليييه ؟؟!
ضحك فارس ضحكات رتيبه غير صادقه مستهزءا بما تقوله فرحه ليصمت فجأه وينظر اليها...
-ابننه!!!!  انتي صدقتي التمثيليه الحمضانه دي فعلا ؟
ابوكي مبيعرفش يعني اييه حب عشان يحبني زي ابنه ابوكي ميعرفش غير مصلحته وبس ،بعد م دبرلهم الحادثه وماتوا خدني ورباني عشان ورث ابويا مش اكتر وقالك اجوزله بنتي عشان يضمن كل حاجه ليه هو.. هوو وبس!
يعني ايه..  يعني مل ده كان كدب في كدب حتي طلب جوازك مني كان..  كان كدب ؟!؟
لا مكنش كدب يا فرحه
تقدري تقولي هو لمحلي وانا م صدقت الفوصه دي تجيلي ومسكت فيها وطلبت ايدك منه وهو رحب طبعا وكانت الخطه ماشيه تمام لحد م جيتي انتي ورفضتيني بوظتي كل حاجه وملقتش قدامي غير الحل ده عشان انتقم منه

احرق قلبه عليكي! ؟
-يعني ابويا طلع قاتل وابن عمي طلع كداب وسفاح كمان
كلكم زباله كلكككم!!!!
-كلهم مصطفي ابو حجر.. ! !
هكذا قالها سعيد ليجد فارس ينظر له نظرات ناريه وفرحه تنظر له باشمئزاز في المقابل..
-اييه يا جماعه في ايه انا قولت الطف الجو كده بدل مسلسل العصيان اللي شغال ده.. 
انتي بتبصيلي بقرف كده لييه هو انا اللي عايز انتقم منك ده فاارس يا عم انا مال اهلي انا!
نظرت فرحه بثقل العالم علي كتفيها للارض وفجأه رفعت رأسها لفارس وشرعت في الصيااح...
طلعني من هنااا بقوولك طلعنننني لاودييك ف داهيييه تولعوو كللللكككم كلكككككم خرجنننني من هنااااا...
اقترب منها فارس بخطي ثابته وملامح جامده ليكمم فمها حتي تتوقف عن الصياح هامسا في اذنها...
ششششش  متتعبيش صوتك ع الفاضي استريحي دلوقت علي بال م اقضي مشوار مهم وارجعلك تاني
اه ع فكره سعيد هيجبلك الاكل لحد عندك متقلقيش انا مش ناسي برضو انك بنت عمي
نظرت له فرحه بكل الحقد الذي في العالم وهي تحاول ان تتخلص من القيود التي تكبلها وتأن لكن تحول الكمامه دون صوتها...
- سعيد مين ؟؟ انتي هتسيبني هنا معاهااا لالاااا يا عم انا هروح معاك المشوار هي هتكون كويسه متقلقش..  شطوره فرحه شطوره
سحب فارس سعيد الي خارج الغرفه واحكم اغلاقها مبتعدا عن الباب هامسا لسعيد...
-لااازم حد فينا يقعد معاها لتعمل ف نفسها حاجه ولا تهرب مننا يبقي كل حاجه باظت
-واشمعنااا انا م تقعد انت يا اخي الله دي بصتلي بصه جوه كنت هعملها علي نفسي يا جدع
-مينفعععش يا سعيد هو متفق معايا اني لازم اقابله واشوفه وش لوش عشان اطمنه ع الخطه وانت مش هتعرف شكله اساسا
-يا مرارك يا سعييد والله لو هقعد مع جنيه بقرنين ارحم من قعدتي معاها جوه ، امرري لله هي موته ولا اكتر
-------
انطلق فارس للشخص الذي اتفق ليبلغه بالتفاصيل واحداث الخطه وعن كل ما حدث وخططا له وفي هذه الاثناء كان سعيد يجلس علي مقربة من فرحه يراقبها ليتأكد من عدم فرارها كما اخبره فارس حتي لا تفشل الخطه....
-انتي بتبصيلي كده لييه! ؟ لا بقولك ايه لو فاكره ان بنظراتك دي هتخوفيني عشان فارس مشي فاحب اقولك

انك نجحتي يا ستي ابوووس ايدك بصي الناحيه التانيه انا جتتي متلبشه لوحدها
=ممممممممم ننممنننمنننن
-ايه ؟! تعويذه دي ولا ايه لااا انا معايا حجاب ستي مديهاولي ولا يحوق فيه جني ولا مارد اديني بقولك اهو
-اننمنمممممن ممممننييمممم
-يا ستي متروشنيييش الله يرضي عنك انا مش فاهم حاجه
لا متبكيش خلاص قلبي رهيف والله هبكي معاكي ،يا ربببي متبصليش كده بس هضعف والمصحف
افكك بس متعضنيش وحياه ابوكي
شرع سعيد في فك الكمامه التي تلثم فم فرحه لتأخذ نفسا عميقا ووتتوجه بالحديث الي سعيد الذي كان متوترا مضطربا مترقبا لما ستقوله...
- عندكم حمام ؟!
- ------------------------
-ايييه يا فاارس اتأخرت لييه ده كله دنا قولت مش جاي يا راجل
-معلش والله الطريق كان زحمه جدا علي بال م ركنت ف اي حته وجيتلك اهو
-مش مشكله المهم طمني ايه الاخبار ؟
-لحد دلوقت كله تمام وماشيه الخطه بالحرف، بس والله صعبت عليا لما قولتلها ان ابوها قاتل كنت هاين عليا في حضني والله لما انهارت وقعدت تبكي
-م تحتررم نفسسك يا فاارس راعي ان اللي بتتكلم عليها دي تبقي...  بنتي!!
- ومراتي ان شاء الله عن قريب فمتدقش بقي يا بلبل
- امها لو عرفت هتحشينا فريك وتاكلنا احياء والله دنا مسكتها عافيه عشان متبلغش البوليس
- والله م خايف غير منها ف الاخر لما تعرف اني عاامل ده الخطه دي كلها عشان تحبني زي م روحي فيها كده ده لو عرفت هتعصرني وتطلع مني فوارس صغيره
- هههههه انت وشطارتك بقي وبطل تخاف منها قولتلك انا عارف بنتي متدلعه حبتين بس والله طيبه وعبيطه عشان كده مش هأمن عليها مع حد غيرك
- ربنا يعلم يا عمي انا بحبها قد ايه حتي من واحنا صغيرين لما كنا نلعب تحت شجرة التوت كنت افضل اجمع في التوت اللي واقع عشان عارف انها بتحببه عشان بس اشوفها فرحانه
- عارف والله يا فارس يابني...
- الحق ارجع انا لاحسن سايب سعيد معاها وركبه بتخبط منها والله.. بمجرد م ارجع الخطه الحقيقه هتبدأ فعلا !
-
بينما كان فارس ونبيل يتحدثان فاذا بهاتف فارس يرن واذا باسم سعيد يظهر علي الشاشه...
- الو
- الحقني يا فارس فرحه مش موجوده في الاوضه
-  انت بتقول ايييييه ؟!؟!
يتبع