الممسوسة👻الجزء القبل الاخير👻

الممسوسة
الجزء_القبل_الاخير
الساعه وصلت 10 وعلى مجاش ..طلعت ميادة من الكوافير راحت على القاعه تشوفة  ... كل المعازيم وصلوا تليفونة مقولة ومش موجود بالبيت حتى احمد صاحبة مايعرفش هو فين ..ميادة حسة بحسرة وكسرة نفس محستهاش بحياتها قلبها اتكسر وبدأت تفكر بماعود الى برغم بشاعته وبانة ملعون ليوم الدين ماذاش قلبها زى ما عمل الانسى على الى مخلوق مت دم ولحم وقلب وروح زيها ...
كان نفسها ماتستسلمش كان نفسها كل دة يتنهى وترجع تعيش بنى ادمة وتعوض الى فاتها من حياتها ولكن بنى الانس مش مريحين وعمرهم ما بيحسوا بغيرهم جبنا معندهمش حتى شجاعة المواجهه
حتى مبعتلهاش رساله صغيرة يقولها اسف مش هقدر اكمل .. اعذرينى
طيب مهى اتحايلت عليه زمان انة يمشى ويسيبها ليه مسك فيها وقال انا راجل ومش هتخلى عن حبيبتى . 
ليه علقها بيه لما هو مش قد الى قاله ...
ليه كسر قلبها ....
كانت بحيرة بين ماعود وعلى بس على اثبت ان بالرغم من ان ماعود حقير شيطان انة احسن من على ...
بدأت دموع ميادة تنزل ع خدها ... وقلبها بيدق بالعافية .. مش قادرة تاخد نفسها ... بقى شكلها وحش وسط الناس .. على فضحها ...
بالرغم من ان ماعود كان مخليها غريبة ومنبوذة بين الناس ... مفضحهاش زى ما على عمل
فضلت مامت ميادة  تعيط وتقول الناس عيقولوا علينا اى دلوقتى منك لله يا على ربنا يفضحك زى ما فضحتنا ...
الناس هتقول بنتى فيها اى عشان كدة سابها يوم الفرح ...
عديها ع خير يارب احنا مش حمل فضايح ومشاكل
حلها من عندك يارب ...
ميادة دخلت فى حاله نفسية وحشة جدا لدرجة انها انفصلت عن الناس ...
بقوا حواليها عمالين يضربوا كف ع كف .. والى يقول يا عينى والى يقول كانت شايفة نفسها والى يقول تستاهل والى يقول خسارة فيه والى يقول مش مرتاحلها من زمان وبسمع عنها كلام غريب وديما العرسان تطفش منها واستغربت انها المرادى هتتجوز ...
بعد م سمعت كل دة واكتر انفصلت عن الواقع وهى قاعدة وسطهم ...
سمعت صوت جاى من ورا ودنها ..  حبيبتى ليناف مش عاوز اشوف دموعك ... ماتزعليش ...
وحد حضنها من ضهرها جامد ...مصرختش ولا عملت حاجة زى كل مرة
كانت محتاجة فعلا حد يحتويها من الموقف الى هيا فيه...
ماتزعليش يا ليناف .. انا جمبك وكل دة هيتصلح حالااااا ...
النور ضلم ....
ورجع جه تانى ....
زغاريط وصوت طبلة وزفة .... العريس وصل العريس وصل العريس وصل ...
جسم ميادة قشعر .... بجد على وصل
قامت وقفت تبص تشوفة ....
فعلا على وصل ومعاه بوكية ورد كبير ....
جريت ميادة عليه ...
اتاخرت ليه يا على كدة يا على انا مش هسامحك طول عمرى ..
على :- كان فى حادثة بالطريق يا ميادة ومكونتش عارف اوصل
ميادة :- طيب وتليفونك مقفول ليه
على:- فصل
مبادة :-طيب مكلمتنيش من تليفون احمد ليه
على ":- اتخانقت مع احمد الصبح ومش جاى ...
وغمز على لبتاع الD J راح مشغل اغنية رومانسية ... مسك على ميادة من اديها وخدها ودخل يجرى على البيست ...
وبدأ يرقصها على الاغنية ... رقص محترفين . 
ويشيلها يطيرها بالهوا وينزلها ....
ويحضنها ويلفها بالهوا
رقصة لما شافوه الناس استغربوا اى دة دة فظيييييع جاب الشطارة دى منين ... رقص شبه الى بنشوفة فى الافلام الاسطورية .. لما الامير يرقص الاميرة ....
وراح باسها من راسها ونزل على ركبة قدامها وقالها تتجوزينى ليناف .....
باللحظة دى اتحول كل المعازيم لشياطين ... 
والانوار بقت نار
والالوان بقت ابيض واسود...
وعلى بقى ماعود ...
فستان ميادة الابيض بقى فستان احمر .....
ميادة بقى مرسوم ع وشها وجسمها وشوم تشبه الموجودة على جسم عبدة الشيطان .  
المكان بقى ضللمة ... الكوشة بقت مجرد طوب ..
القاعه بقت كهف قديم ...
قشعرت ميادة وبدات تبص بين المعازيم على حد تعرفة ...
فيت ماما فين بابا...
زقت ماعود وفضلت تجرى منة تجرى منة ...
بقى يسيبها تبعد براحتها ... ويرجع يظهر بوشها ...
يحضنها وبلحظتها تشتغل اغانى ويقعد يرقص معاها غصب عنها ...
راحت زقته وقالتله ابعد عنى يا ملعوووووون
انا مش هستسلم لشيطان زيك ...
رد ماعود استسلام اى انتى ملكى ليناف ... انتى زوجتى منذ عصور ....
وقرب منها عشان يقبلها قبله الخلود ... وبعدها مافيش رجوع
مرة وحدة وقع ماعود بالارض ....
وفضل يصرخ يصرخ ويقطع جلد جسمة ويقول كلام غريب
ال ل ع ن ة مك سم سم حق ول الملك ملك ش ي ط ا ن ر ب  ا ين كر وكر مجد ل .... صم صم صم سسسس فقال وجدناك هناك ....
يتبع😍😍