العمل السفلي كامله

العمل_السفلي_كامله
انا علا خلصت الثانوي و دخلت الجامعه و بعدها اضطريت اقعد ف سكن جامعي لاني من المغتربات كانت الامور ماشيه تمام لحد محصلت مشاكل لسبب ما و سبت السكن ف نص العام الدرسي حولت  ادور علي سكن تاني ف الوقت دا و كان صعب جدا لحد ملقيت سمسار بطلوع الروح و قالي ساعتها  هشوفلك اديتو رقمي و فضلت الح عليه علشان يهتم بطلبي و فعلا كلمني و قالي انو لقه شقه ف بيت قديم من دورين و ان البيت مفهوش غير وحده ست كبيره ف السن  و الشقه اللي هاخدها كانت ساكنه فيها طالبه زى قبل كده وفقت علي طول و خصوصا انها قريبه للجامعه و سعرها مناسب ليا و اتنقلت للشقه تاني يوم و اول مروحت لقيت علي باب الشقه منظر عمري مهنساه لقيت قطه مدبوحه و عنيها مبرقه علي باب الشقه و الدم مغرق المكان  صرخت و جريت علي الدور اللي تحت اطلب مساعده و و فضلت اخبت جامد اوي  فتحتلي ست كبيره ف السن و شكلها غريب و وشها شاحب و شعرها ابيض و ملامحها تكاد تكون مرعبه فتحت بكل هدوء و انا بقولها علي اللي شوفته و انا منهاره و طلعت معايا علشان تشوف المنظر بس لما طلعنا ملقناش حاجه و كانت الدنيا طبيعيه جدا ضحكتلي ضحكه بسيطه كده و قالتلي يابنتي انتي يمكن علشان المكان جديد و مخدتيش عليه انا مصدومه لدرجت اني شكيت ف نفسي و شكرتها  و سبتني و نزلت و انا  دخلت الشقه و رتبت حاجاتي و فتحت الدولاب لقيت في كام فستان و هدوم قديمه نزلتهم ف الدوﻻب من تحت علشان اشلهم  اكيد بتوع البنت اللي قبلي مفكرتش كتير  و نمت من التعب محستش بنفسي و صحيت علي رنه تليفون من زميلتي الساعه 2 بليل لقيت النور كله مطفي و روحت افحته مفتحش  النور كان قاطع شغلت كشاف الموبايل و فتحت الشباك لحد ميجي و انا واقفه  سمعت صوت قطط كتير بتعوي و بتصرخ زي البيبهات الصغيره وفي قطه لونها اسود و شكلها مرعب جدا بتبص عليا و لقتها بتبرق و عينها بتنزل دم لحظه واحده دي هيا
دي نفس القطه اللي لقتها مدبوحه قصاد باب الشقه اتفزعت و صرخت و  لحظه و النور جه اتخضيت  ببص تاني ملقتش حاجه ببص ف الساعه لقيت الساعه 4 معقول عدي ساعتين بحالهم 
الفجر بياذن روحت  اتوضي و اصلي و نمت بسرعه من الخوف و نور الشقه كلو مفتوح صحيت الصبح و نزلت جامعتي
ولما رجعت و قاعده بذاكر لقيت صوت خربشه جاي من ناحيه  الحمام دخلت اشوف في ايه لقيت اوضه مقفوله و عليها قفل كبير و مصدي ف اخر الشقه  انا مخدتش بالي منها قبل كده و الخربشه جايه منها روحت عندها و حولت افتحها لقيت الصوت وقف استعذت بالله و روحت اكمل مذكرتي و لقيت الصوت اتكرر تاني و معاه صوت مرعب كان في ناس بتصرخ و ببيهات بتعيط قومت و انا بجر ف رجلي من الخوف اشوف في ايه و المره دي قربت ودني براحه علي الباب لقيت اصوات الصريخ بتعلي  صوت قطط بتتالم و بتعوي كانها بتتعذب و صوت الخربشه بيعلي صرخت و طلعت اجري علي جارتي الست الكبيره فضلت اخبط و المره دي انا اللي دخلت عندها حكتلها كل الي حصل وقالتلي ان الاوضه دي فيها عفش قديم و يمكن انا بيتهيقلي علشان المكان جديد عليا اذا كان عليا  انا مصدقتش  سبتها و طلعت الشقه و كلمت زملتي بحكلها علي اللي حصل قالتلي انا هاجي ابات معاكي انهارده بعد موافقة ولدتها جت  قعدنا شويه و بعديها نمنا و مفيش اي حاجه حصلت و نزلنا الجامعه تاني يوم و رجعت لوحدي بعد الهدوء اللي ساد امبارح قولت يمكن  تهيؤات  فعلا روحت انام شويه و اصحى اذكر علشان كانت فتره امتحانتي قربت و انا نايمه لقيتني بصحى علي صوت خربشه تاني بس دا
دا  طالع من الدولاب انا اتسمرت مكاني و ف نفس اللحظه لقيت صوت ف الصاله ببص بفزع لقيت  القطه السودة و بتعوي جامد و عماله تخربش ف الارض وحوليها غرقان دم و اجزاء من قطط تانيه و بتبص عليا انا كتمت نفسي و بسرعه غطيت راسي و فضلت اقرأ قرآن لحد مالصوت اختفى هنا قررت انزل اسأل الجيران عن البيت دا و كانت الصدمه ....
.....................................................................

انا علا فاكرني

انا الي كنت ساكنه ف بيت قديم و بيحصلي حاجات غريبه مش لقيلها اي تفسير و قررت اعرف ايه الحكايه
نزلت اسال الجيران ف البيوت اللي حولينا  اول مكنت بقول ان انا ساكنه ف البيت الفلاني كانو بيقولولي منعرفش حاجه و في اللي بيقفل ف وشي الباب دا غير الي بيسبني و يمشي فضلت ادور و اسأل  هنا و هناك لحد مفكرت اكلم  السمسار الي جابلي الشقه ازاي مفكرتش في اول حاجه  ارن عليه اسالو ازاي
   بسرعه طلعت تلفوني وحاولت اتصل بيه  اكتر من مره بس تيلفونه طلع مقفول  فضلت اتصل تاني و  تالت مفيش فايده  لحد ملمحت ست قاعده قدام بيت ف اخر الشارع اللي احنا في و بتبصلي
روحت عليها علي طول من غير تفكير و قررت مسبهاش غير لما تقولي مهو مش معقوله الناس كلها عماله تهرب مني وانا افضل علي عمايي كده ﻻزم اعرف في ايه روحتلها و لما قربت
  ..السلام عليكم يا امي.
..و عليكم السلام  اتفضلي محتاجه حاجه يا بنتي.
..انا بسرعه  قولتلها انا علا انا ف الجامعه و ساكنه ف الصعيد و كنت قاعده ف سكن هنا لكن سبته و جيت اقعد ف البيت الفلاني اول مسمعت سيرته قلتلي انا لازم اقوم حالا مسكت ايدها و قولتها ارجوكي انا بيحصل حاجات معايا و هتجنن بسببها ارجوكي ساعديني ارجوكي .
بصتلي و قالت طب تعالي ندخل جوه مش هينفع نتكلم هنا  دخلت معاها
جبتلي حاجه اشربها و قاعدت جنبي و بصوت واطي قالتلي

..بصي يا بنتي انا مش عارفه ازاي انتي سكنتي ف البيت دا بس البيت دا في اتنين اخوات و احده فيهم كانت بتعمل اعمال و بتاذئ ناس كتير و اللهم احفظنا يعني مخاويا زي مبيقولو
و  كمان  الناس بتقول  انها كانت بتسمع صويت و ناس بتتعذب خارجه منو و  ان الست دي كانت بتستعين بالقطط ف عمل الاعمال دي بتقدمها قرابين و بتدبحها و بتستخدم دمها و محدش بيسلم من شرها  و ف يوم لقيوها جوه اوضتها  ميته بس ماتت ازاي محدش يعرف و كان كل الي يسكنو بعدها يقعد فتره و يختفي بطريقه مجهوله محدش عارف بيروح فين   و اختها علي طول ساكته و مبتتكلمش مع حد ولا نعرف  هيا عايشه ازي ولا بتعمل ايه  ول اي حاجه عنها و من ساعتها و البيت محدش  بيقرب منو و لا لينا دعوه بيه .
لقتني  بفكر ف الاوضه المقفوله بالقفل اكيد دي اللي كانت بتعمل فيها الاعمال اكيد دي شقتها و الهدوم بتاعتها  هيا مش بتاعت حد تاني و كل حاجتها و القطط اللي كانت بتصرخ كل دا جه ف بالي حولت اجمع الكلام بالعافيه شكرتها و سبتها و انا بسبها قالتلي خلي بالك من نفسك يا  بنتي
انا مستنتش طلعت الشقه الم هدومي و اروح علي اهلي ف الصعيد و مقعدش دقيقه تانيه ف  وسط  الي انا شوفته و سمعته دا وفعلا ركبت اول قطر كلمت اهلي و قولتلهم اني جايه و نزلت الصعيد  و روحت عند اهلي
ابويا و امي فضلو يسالوني ايه الي حصل ولا ايه سبب نزولك  فجاة و امتحاناتك قربت  حكتلهم كل اللي حصل  و دخلت علي اوضتي ارتاح من الطريق
دخلت و انا جوايا قلق و خوف و مليون سؤال و سؤال و غلبني النوم من كتر التفكير و التعب نمت
نمت و صحيت لقيت نفسي ف اوضتي
بس الاوضه اللي ف البيت القديم  ازاي  قومت ببص يمين و شمال انا اللي جابني هنا انا روحت لاهلي انا مش بيتهيقالي روحت اشوف شنطتي لقيتها فاضيه لقيت كل حاجه ف مكانها اكني كنت بحلم و لقيت عيني بتيجي علي الاوضه المفقوله و القفل بيتهز جامد و فجاه
اتفتح و النور قطع ووف وسط الضلمه في نور  احمر  ضعيف جواها   بدات تظهر  منو ست شكلها وحش و شعرها اسود طويل اوي هدومها غرقانه دم و بتسحف علي الارض و جايه ناحيتي انا اغمي عليا ف ساعتها
صحيت لقيت نفسي جواها ايوة جوا الاوضه علي الارض حاولت اسند طولي لكن رجلي مش شيلني و كأن ف حاجه مكتفاني و عيني بس اللي قادرة اتحكم فيها لقيت مرسوم علي الارض دايره و جواها مثلث و انا جوها كان في شموع حولين الدايره منورة الاوضه و انا كل دا مش قادره انطق و كاني اتشليت و الحيطان عليها راس قطط زي اللي شوفتها شكلها بشع و رسومات و اشكال غريبه  حروف مقلوبه و نجوم و كلام مش مفهوم و وشوش ناس مخيفه ف الحيطان كانها تماثيل من الجبس  و انا بحاول اصرخ صوتي مش طالع و متكتفه لحد ملقيتها قدامي بتتكلم كلام غريب و انا بصرخ
الصوت بيعلي اووي قالتلي 
انتي اللي عليكي الدور  لازم دم برئ هما عايزين كده و لقيت قطط حوليا كتتتير اللي ماشي غارقان ف الدم و اللي جاي بيسحف نحيتي و انا كل دا بحاول اقوم اجري اطلع صوت حتي مش قادرة
عرفت ان خلاص مفيش مفر
غمضت عيني و الصوت بيزيد و بيعلي لحد ...
لحد موقف و لقيت نفسي مش عارفه اقولكم ايه انا بدعي يكون كابوس و افوق منو و كل شئ يرجع زي مكان لكن لا دا مش كابوس

انا خرجت من البيت دا 
ايوة هتسالوني ازاي دا حصل
طيب انا هحكيلكم اصل من حقكم تعرفو طريقة نجاتي زي معرفتو قصتي  سمعت صوت قرأن جي من بعيد زي ميكون شعاع نور ف عز الضلمه اللي ملهاش اخر
فاكرين الست  اللي حاكتلي حكايه البيت دا هيا اللي لحقتني ليه عملت كده محدش يسالني بس اللي فاكراه انها مكنتش لوحدها كان معاها شيخ  و خرجوني من المكان بعد مواجهه شديده حصلت بين  الشيخ و الست دي البيت بيتهزا و كل حاجه بتتكسر و هيا بتمتم و الشيخ بيقرا قران صوت صريخ جامد و صوت قران بيعلي اكتر و اكتر و اكتر
لحد م فقدت الوعي
فوقت و لقيت نفسي ف بيت الست اللي انقذتني  ف الوقت المناسب و. اللي ربنا بعتها ليا نجدة

  بعد ما الشيخ حصني و خرجنا من البيت بعد كل الي شوفته استمرت زيارتي للشيخ بعد كده كذا مره من اجل التحصين و انتهت الحكايه لولا ان ربنا سخرهم ليا و انقذوني ف الوقت المناسب. يمكن الله اعلم كان مصيري ايه بالظبط او كان زماني
بقيت  ...

  بقيت زي
زي اللي قبلي ضحيه  وشها علي الحيط كانها جبس ف نفس الاوضه المقفوله ف الشقة ف البيت القديم ......

دينا_والي